امبراطوريتى الصغيره

السلام عليكم 

تدوينه  الاسبوع 

فى  حمله التدوين الاسبوعى 

وعلى فكره  اللى يدخل  هنا  مش شرط  يسيب  تعليق اللى يعلق  اهلا  وسهلا

واللى مش يعلق  برضوا  اهلا  وسهلا 

ـــــــــــــــــــــــ

امبراطوريتى  الصغيره

زمان بقه زمان  خالص  مالص

يعنى يجى من 3سنين كده اقل  حبه اكتر  حبه مش فاكر 

عملت  مدونه باحث  عن حب  

هتكلم  فى الموضوع ده 

سر  الاسم؟

سبب  التدوين؟

وسر  الاستمرار  والتوقف؟

واى  حاجه هتجى على بالى  بعد حبه كده

سر  الاسم.............

ايام المنتديات بقه 

كنت مجنون  بمنتدى  اسمه  منتدى  مجانين

وكنت  من العاشقين له  وكان  تابع لموقع  مجانين 

وهو  موقع صحى  نفسى  اسلامى  وكان  موقع  ممتااز وما زال كنت عضو فى  المنتدى باسم باحث  عن حب 

وعشقت الاسم  وهو  البحث عن  حب  حب  كل حاجه فيها  خير  وتقديمها للناس  صحيح  كنت بتفهم  كتير غلط لانى مش بدور  عن الحب  وبس بل الحب  بكل معانيه الحسنه 

وبعد كده  كان فى  عضوه اسمها بوتا 

العضو دى  كانت عامله مدونه 

الحنين للذكريات  

وكنت  مجنون بكتاباتها  وقلت لازم اعمل مدونه  زيها

وعملت  مدونه قعلا بس  معرفش اتفاعل 

خالص 

وبعد كده عملت المدونه 

اللى بشكلها  الحالى

ـــــــــــــــــــــــــــ

سبب  التدوين 

التدوين له اسباب  كتيره  جدا جدا جدا

منها خالص  ومنها  عام ومنها سرى  

والمدونه حاجه شخصيه  جدا بس  بتكون مشاع 

بمعنى  كل  واحد بيسقط اسقاطاته على صاحب المدونه زى ما  هو شايفه  او فهمه  وده من وجهه نظرى  غلط

المهم 

السبب  العام  فضفضه 

اكتر من المنتديات اللى  تم هجرها 

برضوا والناس طفشت  منها 

من  المدراء  اللى بتحكموا

بالناس وكده

وكنت  كاتب  كام خاطره  كده

فى  كذا  منتدى  قلت  لازم  اسجل  بقه حركاتى سكاناتى  دموعى  ضغوطى  النفسيه اللى  بمر  بيها 

وطبعا  خلال  الثلاث  سنوات  اللى فاتت  مررت باسوء مرحله فى حياتى  مش عارف  اوصفها بس  انا لسه مش  خرجت من دوامتها حتى  الان 

متنفس باتنفس  منه  على  البشر اللى حواليا

واتعرفت على بنى ادمين حلوين 

وهحكى  عنهم  او بعض  منهم

عارف  ان بعضهم  هيزعل  منى 

بس  لو كانوا  بيدخلوا  اصلا 

او حتى فاكرينى 

وكونت امبراطوريتى الصغيره 

اللى  اتبنت بصدق  واخلاص  وحاولت انى

اتحرى الصدق فى  مدونتى 

علشان  دى ما  اقترفته  يمينى 

كل  حرف  منها فيها بدمى 

اتخنقت اكتر 

عملت مدونه الشهاب

علشان  اعيطفيها

كل  ما  الضغوط  تكتر  وتكتر 

اعيط فيها اصرخ  فيها 

وكده يعنى 

وبعد كده نبض روحى 

علشان  حبه حب  على  امنيات  حالم

بحب وحلم وده مش بعيد عن ربنا 

الحمد لله

ـــــــــــــــــــــــ

سبب  الاستمرار  والتوقف

انا بدات تدوين وكان  معايا ناس زى  الفل  ومازالوا

حاسس انى  اتربيت معاهم فى حضنهم

صحيح كل  مدون ليه دائرته الخاصه واللى بيطلع منها دائرته بتوسع بس بيرجع لدائرته الاصليه 

بتاعه زمان  واللى بيسقط معاه من الدائره الكبيره 

ناس  كتيره غابت

وناس  اكتر  غابت 

ومع دوامه الحياه

غبت شهور عن التدوين  وحاولت  ارجع

وبمساعده  اخواتى شهر  النهار 

وغيرهم

بحاول  ارجع تانى 

اصل يا اخوانا فى  احداث

بتمر على الانسان

مش بيلاقى  وصف

ليها

غير  البكا

ومش بيعرف

يعبر

من ثقل

اللى بيحصل 

عنده

ـــــــــــــــــ

امبراطوريتى  الصغيره 

والمشتركين فى  مدونتتى ومتابعين

واللى  حاطين رابط المدونه

واللى بتقع  على  عنيكم بالصدفه ومش بتدخلوا 

مش شرط تدخلوا  او حتى تقرأ 

نظرتكم دى  كفايه 

وانا لا  اديب 

ولا شاعر 

ولا  حتى كاتب

انا عبد الله الفقير

باشخبط وبصدع البنى ادمين

وكتير  بطلت اكتب  علشان  عارف ان محدش

هيقرا

هبلى وعبطى 

بس رجعت وقلت انا  باكتب لنفسى  مش لحد غيرى 

انا بحب  مدونتى جدا

ومش ههجرها  تانى 

باذن الله

قطار اسيوط

حسبنا الله ونعم  الوكيل 

مش لاقى  كلام 

http://www.youtube.com/watch?v=ka34IqaiN9w&feature=colike

بلاش تهجر مدونتك

كتير  بدخل على  مدونات  الاقيها  مهجوره  من اصحابها

وكتير بدخل  صفحات او جروبات  على الفيس بوك  والاقيها مهجوره برضو

هنا  ايو  هنا  مدونتى  انا  هجرتها  كتير  جدا 

وللاسباب  كتيره 

انشغال او الفيس بوك

وكلنا  عارفين ان  الفيس  سحب  الكل 

اليه

بس ياريت  بلاش  نهجر  مدونتنا

عملت   موضوعين  عن المدونات  المهجوره

بس  اصحابها  انتقلوا  الى  رحمه الله  

واسم  الموضوع اسم الموضوع  اطلال  مدون بعد الوفاه

ليه  نموت  نفسنا بايدينا  

ليه  نموت  نفسنا  واحنا  عايشين  وفينا النفس

  نرتبط بناس  ونهجرهم  حتى  بالدعاء

ومش نعرف عايشين  ولا  انتقلوا  

ليه  نكتب  ونفتح باب 

الفضفضه وبعد كده نقفله 

ليه  نهجر  مدونتنا

اختى  شمس  النهار 

واختى لولا  

نصحونى اكتر  من  مره  بعدم  هجره المدونه 

وفعلا كل مره بحس بحنين

بحس  انى  عاوز  ابعبع  اكتب

انتقد الوضع الحالى  

اللى انا فيه

او  اللى  البلد فيه

اعيط  افرح

مش شرط 

حد يفهمنى المهم

اكتب وبس 

مش شرط ان  حد يفهم 

او حتى يعلق

 فى  مدونين  كثر بيكتبوا  

ومش حد بيعلق  عندهم

وفى  ناس  مش بتعلق  على  تعليق  اللى بيدخلوا  عندهم 

ومش بيدخلوا  عند  حد

ده

مش  تجاهل او  استعلاء

لا  ده دليل انهم عاوزين  يكتبوا  لنفسهم  وبس

ياريت  مش  نهجر مكانا 

وياريت  ندعوا  لمن  مات  منا  من المدونين

ان يجعل  مثواهم الجنه 

وان يلحقنا بهم على  خير  

الاباحه فى مصر مش جنس وبس على فكره

الاباحيه فىمصر  

فرحنا  وهللنا  فى موضوع غلق  المواقع الاباحيه فى مصر

طبعا  ما  هو كل  الشباب  متجوز  وطبعا الشغل للركب  وطبعا  كل  ساكن فى شقق فخيمه   طبعا  وكمان  ايه

حق  الشهدا جه  واعدمنا مباريك 

وفلوسنا  رجعت 

وسينا  اتحررت للمره  العاشره

وبالطبع  طائر  النهضه  اتجوز  العمليه  نسر

وتمخض  الجبل  فولد  

قرار باغلاق  المحلات فى  العاشره 

مساءا  علشان الناس 

تلحق  تصلى  الفجر 

واصحاب  ورديات  الفجر  من الشباب يعملوا  ايه؟

وقرار بغلق  المواقع  الاباحيه 

كل  القرارت  غلق  غلق  مفيش  فتح  ابدا

متفق  وحيوان  مين يعترض  على  غلق  المواقع الاباحيه بعد ما الناس فى العشوائيات  شغالين  على  المواقع  الاباحيه ليل  نهار  

يا عم  والشباب  مش بيروحوا  الشغل  علشان  سهرانين  على  المواقع  دى 

الله يخليك يا  مرسى  فين  مشروعك ؟ 

فين مشروعك يا  مرسى  واللى قولت  انك  هتوفع  مش  عارف  كام مليار  جنيه خلال 4  سنين  رحت  اقترضت  من الصندوق  الدولى  وكان  الربا  حرام عندكم

لما  مسكتوها  حللتوها ايوه  غلى السولار  وغلى  البنزين  وغلى رغيف  العيش  اللى  اصلا مش  لاقينهم 

بس  المهم  تقفل  المواقع  الاباحيه 

يعنى  تكاليف  مبدئيه 100 ميلون  جنيه  علشان  تغلق  مواقع سكس  مش  كل  الشعب  اصلا بيدخل  على  النت

ومش  كل  الشعب عنده  نت  ولا  حتى  جهاز ولا  حتى  وصله  

نت  تلاقيه  مشترك فيها  

ياعم  الحاج  يا ايها القائمين  على  هذه البلد هناك  اولويات 

شوف  متطلبات  حياتنا 

السولار  مش  موجود والاجره بتاعه المكروباصات 

بقت  الضعف  والعيش  ان  اخر  مره  اكلت العيش  ابو  خمسه صاغ  من 6 سنين 

وكل الاسعار فى  الطالع 

طيب  سيبك من ده

شغلونا يا  حكومه  

اعملوا  مشروعات با100ميلون  جنيه يا  حكومه

بدل  الاستثمارات فى  البروتاهات 

فى الساحل  الشمالى  والشل كل  دقيقه فى الاعلانات 

والناس  مش لاقيين  اوضه يعيشوا فيها 

واكتر  من 3  عائلات فى  اوضه بص فى العشوائيات 

دى مش  اباحيه 

اباحيه  الناس  فعلا مش لاقيه  تاكل  

يا مرسى  عيب  عليك وعيب  على

مكتب  الارشاد بتاعك بجد

بس  المهم  تقفل  المواقع الاباحيه

فى السعوديه مش قفلوها  

اتحد\ى اى  حد هناك

مش  عارف  يدخل  عليها بسهوله 

مش  موضوع اباحيه  موضوع 

اتقاء شر  موجه  ثوره  ثانيه منن  النت 

وده مش  هيحصل  

اللى  جاى  ثوره عشوائيات 

مد\مره 

بس  المهم  المواقع  الاباحيه تتقفل

اعمل  مشروعات اعمل  

مساكل  حق  انتفاع 5سنين للشباب  وشغلهم بال100ميلون  جنيه اللى هتصرفهم على  الحجب 

نضف  العقول  الاول  

قبل  ما  تجبرهم على النضافه 

حسبنا الله ونعم الوكيل\

_________________________

نبض روحى

مدونه نبض روحى

اتشرف  بالاعلان  عن  مدونه

 نبض  روحى

هى  حبه شخبطه

على  لغبطه

بدل ما  اشخبط هنا

ياريت  تشرفونى 

فى  نبض  روحى

نبض روحى

عيد اضحى جميل علينا

كل سنه  
وكلنا  مع  بعض

فى قلبك بعض

مكلبشين

يا بلوجرريين

شفره ,,الالم واعتذار

تهت فى  دورب  نفسى  ومش قادر

ارجع  ليا  تانى  

نفسى  ارجع اكتب  واهزر  زى  زمان

وارجع لزمانى  

لاقيتنى  اترميت فى  حضن  الالم  

وبدل ما  كنتصابر  على  الدنيا  وبلاويها

تعبت  منها  

وكرهتها

قلت  اصبر  وصبرت  الالم  زاد عليا

لغايه ما  شكيت فيا  انا  فعلا  صابر

ولا  هو  كلام  اغانى 

تعبت  منى  ومن اللى  حواليا 

ومن صبرى اللى هو مش صبر  فى  نظر  ناس  تانيه

وظهر انى اصلا  مكنتش  باتعب  وكله  كان  لعب 

وضاعت  الايام والليالى

واتجننت  هو فعلا  انا ضيعت  وقت؟

مش  عارف مش  لاقى  وصف  

مريت بايام صعبه  جدا فى الفترهاللى فاتت وكل شويه اقول  هرجع اكتب 

من تانى

اشارك الناس  احزانى وافراحى  وهمى  وغمى  من تانى

بس  الصعب بيزيد عليا 

والحزن

بيقسى  عليا والدموع مصره تكون رفيقه 

ايامى  ملقيتش  ولا ايد  تمسح  دموعى  ولا  حتى  حضن

اعيط عليه

اتلغبطت  هو انا  صح ولا  فعلا انا  غلط 

وطريقى كله كان غلط من الاول

كل  شويه بقول  هرتب  اوراقى  

من تانى

الاقينى  بلغبطها  

طيب  واخرتها

واللى بيضيع من العمر  اجيبه ازاى  وامتى

استعجلت طيب ليه وازاى 

مش عارف  اعبر

من قسوه اللى انا فيه  مش لاقى  تعبير 

غير انى فى  ظلمات  الظلمات 

مش  شايف  حتى  تحت رجلى

الله اعلم  هتكب  تانى  هنا  ولا  لآ

وياترى  هعرف  الاقى

شفره

اللامى  واترجمها

ولا   هحس بيها لوحدى

_________________________

اعتذار

باعتذر لكل  اللى  مشتركين فى  صفحتى 

اسف  وحقكم عليا

عارف انكم حتى  مش  هتفتكرونى

وباتاسف لكل  اللى  كنت  متابع ليهم

ده لو  افتكرونى

عارف  الدنيا بتلهى

كل  ما  اقول  هرجع 

بتلجم  

بنار  الالم 

اسف جدا 

واعذرونى

لمـــــــــــــــــــــــــــــــــــــــــــــــــــــــــــــــــــاذا؟

السلام عليكم

اسف  على  انقطاعى  

واعود  باذن الله  

فضفضه بعد  مرور  زمن

فى  الفتره الاخيره  مرت عليا احداث  كثيره جدا جدا جدا  تعبت فيها  جدا  جدا جدا  عرفت  فيها  حاجات  كتيره جدا  جدا  جدا  

وتعلمت  حاجات  اكتر  وعرفت  ان  الدنيا  ملهاش  لازمه  وان  الطيبه  ملهاش  لازمه  انما  هى  سذاجه  زائده  وعبط 

الدنيا  وحشه قوى  كده ليه؟  كل  واحد  مستنى  من التانى  انه يغفل  عنه علشان  يطعنه ليه؟ 

ومحدش بيراعى  التانى  ليه؟

انا  تعبت  جدا  فى الفتره الاخيره  لدرجه  السخط  والعياذ  بالله  الدنيا صعبه  جدا  يا اخوانا  مكنتش  فاكرها  بالصعوبه  دى 

انا  تعبت  والله  تعبت 

حاسس انى  نمت  وصحيت  لاقيت  نفسى فى غابه  ومحدش  بيساعد  حد فعلا ربنا  ما يحوج  حد لحد  غير  لرب  الناس  اجمععين

بطلت  افضفض  او  اكتب  كل  ما  اعوز  ارجع  اكتب  ملقيش  حاجه  تتكتب  ولا  حتى حرف 

من  كتر  المراره  اللى  انا  عديت  عليها  اتخنقت  جدا جدا جدا  وعدى  عليا شريط  حياتى  وخفت  من اختياراتى  لانى  عرفت ان اختياراتى فى الزمن اللى فات  كانت  محتاجه  تعديل  ووزن 

بس  محدش  علمنى  اختار صح  كله  تخبيط  وعناد  وبس  بحثا عن  الشخصيه  السويه  التائه فى  زمن  اللا قدوه  او امانى  او  طموح 

كفايه  تكسير  مجاديف  ونبدا  من الاول  

الدنيا  صعبه قوى  واصعب  ما فيها  الامانى 

ذكرايات

1. 
   
2. 
   
3. يلا  نتفق  ان كل  واحد مننا  ليه

ذكريات  كتيره  وجميله

مع  ناس  حبايبه 

ذكريات  مع حب  كان  

ذكريات  مع قلب  

مع صديق  مع اهله  وناسه  مع  احبابه  مع اصدقائه مدرسته

بيته جرانه  

الطريق  اللى بيمشى فيه\

المسجد  اللى  متعود يصلى فيه  لآ كمان

الحته اللى  بيحس  فيها بارتياح 

ذكريات  

الماضى

اللى فات  ونتمى   تكون  الذكرى 

واقع  او حتى جزء  من الواقع 

فاكر  وشوش  الناس  اللى  عشنا  معها 

اللى  تلوقتى  عباره عن صور 

وحبه  اسماء  محدش يفتكرها

بازعل قوى لما  ابص فى صوره  الاقى  

ملامح   حلوة  فاكرها  كويس بس  هو  اتوفى  

باحزن لما  اشوف  الملامح دى  ومفتكرهش اسمها 

ذكريات  جميله  هنا  كنا  

بنلعب  كوره

وهنا  كنا بنتمشى  مع  اصحابنا  

وهنا  كنا بنلعب  تنس  طاوله 

والنادى  ده  كنا  بنلعب فيه  كره يد  ونأجر  الملعب  

نلعب  كوره  قدم 

هنا  بقه  اتدربنا  على  الكاراتيه  بس  مكملناش فيه

علشان  اهلنا  مكنش  معاهم  تمن  بدله اللعبه

هنا  بقه  كنا بنشترى لبس  العيد  

ومن هنا  كنا بنشترى الجزمه 

هنا بقه  محل  الالعاب  

امل  كل  واحد  مننا  ان حد يهديه  اللعبه  الفلانيه  

او  انه يحوش  وابوه  وامه يسمحوا  له  يكسر  حصالته

انه  يشترى  لعبه بدل  ما  ابوه يستلفه  الفلوس  منه وطبعا

مش  بيرجعها

هنا  بقه  المعهد  الدينى  اللى  كنا فيه  

وبتاع الكشرى اللى كنا بنشترى  منه  

والبقال  اللى  كنا بنجيب  منه  حاجاتنا  وكمان 

بتاع الطعميه اللى  كان بيجيب  لينا  الطعميه لغايه الفصل

 علشان  

ابن صاحب  المحل  معانا فى  الفصل

وحبيب  شيخ المعهد 

هنا  بيت  مدرس  الانجليزى  وده بيت

مدرس  الكيمياء  

انما  ده بتاع الرياضه  

ده بقه بتاع  النحو 

استنى استنى  ده مين  ده

الشيخ فلان  اللى  كان بيدينا  فقه فى المعهد

نظره  حانيه  وابتسامه  وتربيت  على  الكتف 

ونتوه فى  دوامه  الزمن  اهو كبرنا  ورحنا  الجامعه 

واتفرقنا  وبقيت  ذكريات  

ذكريات  تذورها الرياح  حبه  صور  على  حبه  ارقام  تليفونات 

على  على  على  

بس  اللى بيفضل  الامكان  ليها 

فى القلب  مكان  فعلا  خصوصا  المساجد

ياااااااااه  كل  مسجد بالنسبه لى  حكايه  

وروح  ونسيم  واحساس بشم فيه  انفاس  اللى  كانوا  بيصواو فى المسجد  من  عشرات  السنين  

ولما كنت بغيب  عن  جامع  واروحله بحس انه

 بيحضنى  جامد

ياااااااااااااااااااااااااااااااه على الزمان  

  تلوقتى  خلاص  الاصحاب  اتفرقوا  

وكمان  الاحباب  

وكمان  الاصدقاء  اللى  كنا  واتمننا  ااننا  نعيش  معاهم بدل  اهلينا  

واللى فضل  معانا  انا  وبس  

حتى  اعز  الاصحاب  تاه فى  دوامه الحياه

ورجعنا  من جديد 

  وخرجنا  من  دنيانا بحبه  ذكريات 

فضفضه بطعم الالم خايف عليكى يامصر

الوقت  كتير فات  علينا  كشباب  

احداث فى  احداث  

مرت سنه 

ولا  حسينه  وكأنها ليله واحده بس  مش سنه  ويوم 

مين كان يصدق اننا  نعيش من غير  مبارك

بس احنا  حسينه  انها  ليله واحده علشان  الحال  مش  اتغير  

وزى ما  سمعت فى برنامج جميله اسماعيل  مر  على الثوره 18يوم  ومرت سنه ولكن لم يأتى  اليوم  التاسع عشر بعد

من  كثره الاحداث  محدش فاكر  حاجه الواحد بيبص فى الفيديوهات مش  بيصدق انه عاش  الفتره  دى  وشافها حلم بس حلم طويل فى اقصر  وقت  ممكن  ربنا يسترها  مش ينقلب  لكابوس  وحاسس انه  هيتقلب  ب  ممكن يكون احلى رؤيه  وحلم  نعيشه  ونكون احنا  ابطاله  بس  فى زمنا  ده اختلاط الحابل بالنابل والصح بالغلط  والغس بالثمين  هو فين  الصح  وفين  الحق  اللى  اختلط بالباطل مين  الباطل  ومين  الحق  الحيره  اللى  اغلبنا  وقع فيها 

اذكركم  واذكر  نفسى  ما  عشناه  من  اختلاط  الحق بالواقع  هو قشور بعض  اشياء  الاسوء لم يأتى بعد الاسوء لم يأتى بعد الحق  بالباطل  يعنى المجلس  العسكرى يقعد ولا  يغور  رئيس مجلس الوزراء  ماشى  كويس  وحش محمد محمود  مجلس  الوزراء  القصر  العينى  ماسبيروا  فتاه  التحرير  بالغرم ان  الحق  باين بس  لازم  اللغط وبنتوه  علشان  الحق  دايما مظلوم بغض  النظر  اللى  جاى  ابشع لما  بقه يتم تححقيق  احلام البنى ادمين  اللى عاوزين  يدمروا  الازهر  وشغالين يشككون فيه  وفى  علمائه  وفى  دار  الافتاء  ويشككون فيهها وفى علمائها  علشان محدش يصدق  الا  اناس  يختلفون  عننا فى  ثقافتهم  وفكرهم  مطرود  ومشوه فى  بلدهم اساسا

يشكلون  انفسهم  كما  يكون  الحاكم 

الازهر  نعم فيه قصور  ولكن  لا نتهمه ان  عقيدته فاسده 

لانتهمه  انه يفصل  الفتاوى  

شيوخ الازهر  على  مر  العصور   قاده  وعلمائه  مثال  للوسطيه ولكنى ليش  بعالم  حتى احكم  على  الشيخين  طنطاوى  والطيب  انهم اسوء  الشيوخ الذين اتوا  على  الازهر وانما  ارى  ان  الطيب يصلح ما  افسده  طنطاوى ومش معنى ان  طنطاوى  كان  وحش يبقى  كل  علماء  الازهر  كانوا  تحت  عبائته ولكن كان  له  من المعارضين له  ولفتاويه  معظم علماء  الازهر   واشياخه كذالك  المفتى كثيره  ما  تبرا  مجمع  الشئون  الاسلاميه  من فتاويه 

وكثيرا  ما  تراجع  نحن  بشر  ولكن

من ينكر  ان الازهر  حافظ  للدين  الاسلامي بفضل  من الله 

وانه  مثال  لوسطيه  الدين  

والتسامح

الدور  اللى  جاى  على  دينا  وعقيتتنا  

نعم  على  ازهرنا  

تم  الغزو  الفكر  تحت مسمى  الدين  

بالاموال  والدنانير والدراهم  

حتى اللبس حتى اسلوب  الكلام فكر  واسلوب  مغاير لنا  

ونحن منه براء  المفروض  ان  ناخذ  ما  يوافقنا  ويوافق  عاداتنا  وتقاليدنا  ولكن  اناس اختلط  عنهم  العادات بالعبادات وانحصار  الدين فى  عالم او  اثنين على  الاكثر  وتخوين  الباقى  

والطعن  فى  الاخرين  تحت  مسمى كل  يؤخد  ويرد عليه  

ليس  من  الحق ان  تطعن فى  البخارى او النووى او  العقيده الطحاويه وانت  غير  متخصص  
دون  مناظره علميه  حقيقه  ولكن  التشكيك
نحن  أتون على ايام 
صعبه 
فعلا  
نعم  نريد ان  نرجع للحق  دوما 
ولكن كذب  من قال  ان الحق  المطلق  معه
وكذب  من قال   ان  لا  مجال  للاجتهاد  وطعن فى  المذاهب  والاحاديث 
تلك الدوامه  التى يريدون لمصر ان  تدخل  فيها 
لن يدمر  الازهر بفضل  الله
ولقد سمعتها  من  بعضهم ان  الازهر ليس  على  السنه 
وان  عقيدته  مشوهه
وسمعتها  وقرأتها ان عقيده  اهل  مصر لابد ان  تراجع 
تلك  مكيده  من المكائد التى  تحاك لمصر 
مصر  تريد اقتصاد  تنميه 
مصر  لها الله 
اسرائيل  من يمينها  وامريكا  تمولها  وتمول  المجتمع المدنى  تحت  اسم  الحريه وقطر  والسعوديه  تمول المجتمع الدينى  حتى ينتشر  الفكر  الوهابى 
ولكن  جياعها 
من يفكر فيهم 
والسودان  ومياه  النيل  
وايران وتسميه الثوره المصريه  الثوره الاسلاميه  
وليست الشعبيه 
وهلم  جرا  
وتشويه الثوره 
وحكم  العسكر 
وتكفير  الديمقراطيه 
لم  نسمع  منهم  حكم قتلى الثوره  حتى  الان  منهم صراحه
لانهم يعتبرونهم قتلى  وليس  شهداء  وتلك  حقيقه 


تركوا  البلد  يموج بالثوره  وركبوا  الموجه 
والعامه ما  صدقوا  ان يمسكوا  بقشه 
وترشحوا وكسبوا  وهو خير 
لنشر  الاسلام  ولكن بثقافتنا  وليس  بثقافه  من تم رفضها فى بلادهم 
ولكن اتكلم كثيرا
مصر  محرمه  عليكم  ايها الوهابيه
الازهر  محرم  عليكم  ايها الوهابيه 


لا  نريد  دنانيركم  ولا  دولاركم 
ولكننا  نعتز بكرمتنا  وعزتنا 
مصرنا  لن  تركع
باذن الله
ولنا  عوده

ثرثره

اى  نعم  انا بدور  على  الحب

من  حقى  استقر  

من  حقى انى  اعيش  حياه  كريمه 

من  حقى  انى  اشوف  عيالى  واقفين  بكتفى  وانا  لسه  شباب  مش

وانا ماسك  عكاز  ولابس  نظاره  قعر  كوبايه

من  حقى  انى اجرى  والعب  واهيص  مع شريكه عمرى  

من  حقى  انى  العب  مع  اولادى  

من غير  ما  امسك  ضهرى  واقولهم  معلش  

ضهرى  واجعنى  

من  حقى  انى  اكل  معاهم  كل  حاجه  ومش  اخاف  ولا  حاجه  ترفع  السكر  ولا 

الكروسترول 

من حقى  اعيش

وانام فى  حضهم  

من حقى  انى  اتعلم  زيهم 

واتعلم  منهم 

من  حقى  ان  امسك  ايد  زوجتى  واتمشى  بيها  

فى  الشوارع  

تحت  المطر 

من  حقى 

انى  اروح  معاها  القناطر  ودريم  بارك  

واركب  معاها  كل  الالعاب  

اشوف  المخاطر فى  حضنها

من  حقى  انى  اشتغل  وهى  تكون 

عارفه  

تعبى  وتشيل عن  ضهرى  همى  

وتشيل  من قلبى  سأمه وتعبه

بابتسامه  

من  عنيها  

ولمسه  حانيه  من قلبها  

من  حقى  ان  اشم  ريحه  الامان  فى  حضنها  

وانى  انام  فى  راحه  كفها 

من  حقى  ومن  حقى   ومن  حقى  حاجات  كتيره 

بس  امتى  وازاى  وفين  

اه اه   اه  اه  

فى  بلد  فيها الشباب  

من  عاوز 

الا  الستر  والعفاف  

وانه يشتغل  

مش  عاوز يقعد على  القهاوى 

نفسه فى الحلال  والحلال  بس 

علشان  احنا  شباب  متدين  متربى  بيخاف 

انه يشربي  سجاير فى  وش  ابوه   او  امه 

بيخاف  من  اى حاجه   وعلى اى  حاجه 

أأوا  الشباب  الى  حضنكم 

وساعدوه 

هينهض  بالبلد 

بالشكل  ده 

الدنيا  هتبوظ  اكتر  واكتر  

مع  انها  متظبطه  على  الاقل  مفيش  مجاهره 

وفيه  حياء 

وخوف  من  ربنا  

يارب  اننا  نسألك العفاف  والستر

يارب  الحلال  الحلال  الحلال

وابعدنا ولا  ترينا  من الحرام 

اى  شىء  منه

يارب

يا كريم