الأحد، 29 أغسطس، 2010

ايتها الانفاس الطاهره!

طفلتى حبيبتى 
امى وحبيبتى 
اهدى اليكى كلماتى
السلام عليكم 
اولا انا اشكر كل من شجعنى وكتب رأيه  فى خوطرى وكلماتى  
المتواضعه التى لاتتعدى 
بعض الهمسات 
ولا ترتقى الى 
درجه الخواطر
اشكركم جميعا 
ولقد خرجت من تلك الكلمات التى 
ساهمتم فيها معى 
بان الحب بعد الزواج هو الذى يدوم ويدوم 
ولكنى 
للاشتياقى الى 
ذاك الاحساس 
كتبت بعض الكلمات 
التى يشعر بها قلبى 
وتلك حاله امر بها 
عذرا 
لسوء حال كتابتى 
والاسهاب فى توضويح ما أكتب
بارك الله لكم
اليكم خاطرتى 
فى مدونتى 

وهى الجزء الاول من تلك الانفاس 
اعرضها عليكم

الخميس، 26 أغسطس، 2010

الحب والواقع تضاد.!

السلام عليكم
فرحت بتعليقاتكم على كلماتى  الغير منظومه تلك
وتشجيعكم للفقير الحقير
وذالك فضل من الله
واعجبنى من قال اترك الحب والحب سوف ياتى اليك
فكرت كثيرا فى ذاك القول واعجبنى وتركت
التفكير فيه ولكن لا اعلم ما هو سبب انشغال بالى بذاك الامر
فانسابت العبرات من عينايا
وكتبت بعض الكلمات
عن الحب ايضا

ادركت ان كلمه بحبك
بعيده المنال
وانها ليست مجرد كلمه وليست سهله كما نراها فى افواه صغار العقول
وان القلب يهتف ويشتاق
والعقل نعمه والحمد لله
ادركت اننى عليا بالصبر والعمل الجاد
حتى اصل الى مبتغاى
يارب الهمنى الاخلاص
وارزقنى من حلال
واجعلنى من عبيد احسانك فانت اهل للاحسان
ولا تجعلنى من عبيد اختبارك فانا عاصى ولا ادرى هل استطيع التحمل فى الاختبارات
ولا تفتنى فى دينى
ادعوكم  الى مدونتى المتواضعه

اعتذر على اسلوب كلامى والاخطاء  واعتذر لكم ان لم  تعجبكم كلماتى
المهداه الى مالكه قلبى
التى لا اعرفها

الأربعاء، 25 أغسطس، 2010

البامبرز على مين؟+اختك بتحب واحد تعمل ايه.!

السلام عليكم 
معلش موضوع الثقافه الاجتماعيه ضارب فى دماغى الايام دى 
وعلشان اجازه ولسه مدخلناش فى زحمه الدراسه 
نتكلم مع بعض كده هدوشكم ممكن كل يوم تدوينه او يومين
وفى كل مدوناتى المتواضعه 
ممكن يعنى اطلع عنيكم معايا 
واسف مره تانيه لو كلامى معجبكوش

مراتك حامل وهتولد 

هتعمل ايه ياترى هتدخامعاها غرفه الولاده ولا هتجيب ليها دايه؟
طبعا  دكتور وعياده وبلاش مستشفى هتكون غاليه 
هتجيب بامبرز ولا كوافيل
البنيه هتتعب طبعا وهطلع عين اهلك قبل الولاده باسبوع كده هتشوف اللى عمرك 
ما هتشوفه  فى حياتك 
ده لو انت مشفتش ولاده حد من قرايبك 
تبقى كده متاخد ومش عارف هتعمل ايه
او هيتعمل فيك ايه
تعالوا نناقش موضوع الكوافيل ده لانه ارهقنى 
الزوج عليه كل حاجه والله الست بس هتتعب تشع اشهر والراجل هيتعب
باقى عمره 
العيل اللى هيجى اكله وشربه ولبسه حتى البامبرز

واسألونى انا على  البامبرز كنت باجيبه طبعا لعيال اخواتى من اول ما كان سعره40جنيه او اكتر شويه لغايه توقت وصل لفوق70جنيه 
مش عارف ليه موضوع الكوافيل ده اتلغى من ثقافه بنات الايام دى 
ليه يعنى بامبرز 
احنا كلنا الكبار تلوقتى اتربينا على الكوافيل 

مش بامبرز
انا مالى لما اتجوز اشترط ان البامبرز  على الزوجه هى اللى تجيبه لغايه ما يتعلم يعمل بيبى  فى الحمام 
وتبقى قابلنى لو عمل  فى الحمام 

تبقى معجزه لو عمل كده وسنه عدى السنتين
البنات الايام دى بتستسهل 
لسه هتعلم وتربى 
هو يتعلم لوحده احسن والراجل هو اللى يشيل 
الليله 
مش عارف ايه اللى جابه كده على العيال انا كنت باتكلم  فى ايه 
اه نسيت قبل ما اتكلم فى اللى جاى اتكلم عليه 
صحيح هو المفروض مين اللى هيدفع ثمن البامبرز
مين ؟

طبعا الست وهى اللى تغير للواد او البنت احنا رجاله مالنا وما القرف 
ده...!

طيب لو فى ظرف طارىء والبنيه مش موجوده واتبست انت يا معلم فى الموضوع ده 
غصب عن عينك هتغير وتشطف والبودره وممكن 
مرهم تسلخات 
متنساش تلبس جوانتى بتاع الاسنان ده او تلبس جوانتى العمال 
ههههه
لازم تساعد مراتك برضوا
ولو ساعدتها مره هتستحلاها 
وهتساعدها كل مره 
وممكن هى تقسمها مره انت ومره هى وانت ونصيبك بقه 
....................
انا موافق بس 
اجيب ام العيال وانا 
اعمل كل حاجه...........!
_______________
لو اختك جاتت ليك وقالت انها بتحب واحد من زملائها فى الكليه؟
او زميلك؟ تعمل ايه..؟

لو اكتشفت بالصدفه ان اختك على علاقه بواحد تعرفه او متعرفهوش
والعلاقه دى نبتت قصه حب بينها وبين الشخص ده  هتتصرف ازاى؟
لو انتى بقه اكتشفتى ان  اخوكى بيحب واحده وعلى علاقه بواحد وبيحبها تعملى ايه؟
لو اخوكى صارحك وقالك انه بيحب   هتقولى ليه ايه؟
_______________________
موضوع شائك الحمد لله لم اعرض لهذا الموقف 
وطبعا الحب غريزه انسانيه 
ومحدش يقدر يقول حاجه
بس لو اختك عملت كده 
انا هجاوب بما ان لى تلات اخوات بنات والحمد لله
ولسه لم يحدث بعد
انا دائما بكون حريص انى اقرب من اخواتى البنات 
بحيث اكون صديقه ليهم بالفعل اعرف عنهم كل حاجه 
وماما كمان 
بحيث لما يجوا من اى مكان بيحكوا 
عن كل حاجه 
ونناقش الموضوع اللى بيحصل كده
واحده واحده
هتقولوا لى الصعياده بيعملوا كده ايوة والله بيحصل كده والحمد لله امى ست بسيطه للغايه ورغم بساطيتها ربت اولادها احسن تربيه والناس كلهم بيحسدونا على التربيه دى 
ونفسى اربى اولادى نفس تربيه  ماما وبابا
المهم
لو حصل طبعا  هشوف الموضوع وصل الى اى مدى طبعا  واشوف الولد ايه ظروفه وظروف اهله ومصير الحب ايه 

طبعا فى الصعيد كله بيعرف بعضه 
انا باتكلم على البيئه اللى انا فيها او اللى كنت فيها يارب يشفى عصام اخويا وارجع تانى اعيش بين احضان ماماوبابا 
وبس بالمنلقشه هجيب نتيجه ان الولد لسه قدامه كتير او هو ممكن يتقدم يبقى مهله وبعدين انفصال الثقه المبنيه قبل سابق هتكون ليها اثرها فى الاقتناع 
بالنصيحه 
ومش هتخالف ابدا كلام العقل 


والولد طبعا لازم اقابله واشوف ظروفه واسأل عليه 
واشوف هو بيلعب ولا ايه
واعرف هى عرفته منين واقطع السبيل للكلام معاه
الموضوع كله اقتناع ولازم العقل يقتنع الاول 
لان من غير اقتانع العقل مش هينفع 
ولان الطريق طويل للاى شاب ومش الارض مفروشه بالورود

الطريق لسه طويل قوى
لازم العقل  هو اللى يتكلم والقلب لازم يسكت
__________________
الولد  من حقه يحب ويمشى مع البنات لكن البنت لآ
مينفعش ؟

دى الافكار اللى تودى فى داهيه بصحيح 
سمعه الولد مش ممكن تستخبى ومن رأىء الولد سمعته اهم من البنت 
لان البنت على الاقل مستوره  فى بيت ابوها
لكن الولد على طول فى الشارع مع اصحابه  فى الشارع بيجيب طلبان على حد علمى مش عارف الاولاد بيعملوا ايه تلوقتى 
بس لازم الولد او البنت يحافظوا على سمعتهم وعلى اخلاقهم 
لانه بيكون ليه تأثير فيما بعد
على مستقبلهم 
وعل عقلهم وتصرافاتهم
واختيار الرفقه  مهم جدا
لنا عوده 
ونحلل من جديد  فى حياتنا 





الثلاثاء، 24 أغسطس، 2010

وهنستورد الغاز من طنط اسرائيل!


السلام عليكم
اخبار اخوانى ايه معلش
انا لسه منزل بوست 
وقبله  بوست  بس
الموضوع انى اتخنقت انا لو اشتغلت تعليقات عن اللى بقراه وبأشوفه 
هتشل 
قلت لآ
بقه لازم اخلى كل اللى معايا يتفرسوا
وخلوا الشلل عليا
حسبنا الله ونعم الوكيل
طنط اسرائيل  اخت المسؤلين العزيزه 
اللى احنا بنصدر ليها الغاز باقل من الاسعار العالميه 
ولو حتى بالاسعار العالميه او اغلى كمان واحنا مالنا 
الصعيد اولى بالغاز الطبيعى شويه اهتمام بالصعيد 
محدش عارف ازمه الصعيد غير الصعايده
واللى رفعوا القضيه بتاعه 
لآ لنكسه الغاز وكسبوها 
الحكومه الموقره تقوم تنقض الحكم
متمسكه بالعقد مع من ليس لديهم دين او عهد اصلا 
طيب انتم تصدروا ليهم ليه من الاول 
حسبنا الله ونعم الوكيل
يقوم ايه ياجماعه ازمه الميه والنور اللى عندنا والوزير المحترم اللى مش عارف يحلها خصوصا موضوع الكهرباء واحنا فى رمضان يا اخوانا 
والله الكهرباء بيتقطع  فى السحور والفطار وكمان معاه الميه 
والحر والمرضى وكبار السن والاطفال 
واللى بيكون معلق اجهزه بالكهرباء او نايم على مرتبه هوائيه  شغاله بالكهرباء كمان 
دول كلهم ذنبهم فى رقبه مين 
بيقولوا ان الكهرباء شغاله بالغاز الطبيعى 
انا معرفش المكانيكيه ازاى 
ومش عاوز افتى فيها 
علشان الازمه  
تقوم مصر تستور الغاز اللى صدرته لاسرائيل بسبع اضعاف الثمن يعنى  الغز ب2دولار هتستورده ب14دولار 
طيب ده 
يرضى ربنا ياجماعه 
بذمتكم  
انا قرأت الخبر اتفرست 
بلد ملهاش صاحب 
ولا حد يسأل عنها
ولا حد يسأل عنها 
واللى كبار مش حاسين بالغلابه اللى هما احنا احنا الغلابه اللى فى البلد
دى بنجرى وراء اكل عيشنا 
وتربيه اولادنا 
ومتعلمناش نقول للغلط لا
متعلمناش نشجب ونستنكر اتعلمنا الخضوع والخنوع وسياسه الانبطاح 
انا معرفش ايه المفروض اعمله 
علشان للاسف محدش علمنى 
اعمل ايه 
علمونا نبص تحت اقدمنا وبس 
اهتم بامر نفسى وبس 
ومليش دعوه بالسياسه العليا
حسبنا الله ونعم الوكيل 
معلش 
انا معرفش اعمل حاجه غير انى 
اكتب وبس
وعارف ان محدش هيسمع
ولا حتى هيشعر 
احنا كده جموع الشباب والشعب المصرى محدش 
بيسمعه ولا حتى بيساله
رابط الموضوع 


زقزوق والحجاب.!

السلام عليكم 
عاوز اقول حاجه خنقانى 
الحرب اللى شفناها على النقاب 
فى التلفزيون 
ومنعهم من حضور الامتحانات 
ودخولهم المدينه الجامعيه 
وممكن كمان عدم دخول اماكن معينه من 
المطاعم
او دور الثقافه 
وكده 
مش هنتكلم عن حكم النقاب 
والامر ظاهر للجميع 
ما بين فرض وفضل وعاده وعباده
ولكن ليس تلك هى القضيه 
ذالك لان
دى حريه شخصيه 
وحقوق انسان 
من حق اى حد يلبس اللى هو عاوزه ما دام مش بيضر حد وفى الاطار الشرعى 
لما بقى يجى حد يقول مينفعش لبس الحجاب قبل بلغ سن المحيض 
لا اله الا الله 
طيب بلاش نعلم الصبى الصغير الصلاه على سبع ونضربه على عشر 
لغايه ما يبلغ هو كمان 
ما دام الموضوع بلوغ 
ليه يعنى 
احنا حلينا كل المشاكل اللى عندينا وجاتت على الحجاب 

عاوزين نرجع للعالمانيه ولا نلبس 
ثوب تركيا وتركيا تاخد الثوب بتاعنا
على الاقل 
مرات رئيس الدوله محجبه

حسبنا الله ونعم الوكيل 
والاستشهاد كمان بالحديث بتاع السيده اسماء 
ليه كده ليه نحكم 
فى الدين من غير علم 
انا اتشليت لما شوفت الخبر ده 
ليه الحرب على الاسلام من  ابناء الاسلام 
ليه عاوزينا نربى اولادنا على التبرج
من صغرهم 
ومنربهومش على التقوى والحياء من مصغرهم 
ليه كده
حسبنا الله ونعم الوكيل 
يبقى البنات اللى اصلا مش بيلبسوا حاجه وبيمشوا من غير هدوم احسن ليهم يخلعوا اللى بيسموه حجاب 
كمان 
طبعا هما اصلا بيسيؤا للحجاب
بس احنا 
مستنين قانون كمان بمنع لبس الحجاب 
قبل سن المحيض
يوقفوا  طبيبات على باب كل مدرسه  والمطاعم ويسالوا المحجاب 
هل وصلوا لذالك السن ولا لآ
علشان كمان نمشيهم من غير حجاب 
ونزعزع  شويه الدين اللى عندهم 
حسبنا الله ونعم الوكيل 
الخبر بالكامل فى الرابط ده

الثلاثاء، 17 أغسطس، 2010

العريس مش بيصلى والعروسه بتشرب شيشه وشويه لغبطه.......!


السلام عليكم
معلش البوست ده فيه شويه لغبطه او لخبطه اللى يعرف التهجأه المناسبه يقولى
شويه افكار متلغبطه ايوه كده صح بالغين مش بالخاء
اولا
حصلت معايا
معايا اخت صغننه لسه متخرجه من تربيه واداب فرنسى
طبعا على وش زواج كل شويه عرسنا اشكال والوان
ولما كنت موجود  اتقدم  واحد شاب بصراحه مستريح وعنده شقه  وشغال وكمان عنده مشروع  فاتح محل صغنن بجوار شغله الاساسى  فى الحكومه وكمان دروس خصوصيه يعنى هيعرف يعيشها ويأكلها عيش المهم فرحنا بيه قوى لان اختى دى  اموره العيله كلها وباحبها قوى طبعا وكل اخواتى ولاد وبنات علشان مضربش فى الاخر
الشاب ده  فى سنى او اكبر حبه يعنى ممكن اسأل عليه انا بما انى يطلق عليا اسم شاب ومع انى مش حاسس بالشباب ده خالص لازم ادعبس عليه وسط الشباب بيعمل ايه
حقيقته  ايه ومحدش يعرف سر الشاب غير الشاب اللى زيه
المهم
سألت ودعبست ربنا اكرمنى بواحد جاره  زميل ليا من الابتدائى وميخبيش عنى حاجه ابدا
وواحد كمان فى الشغل بتاعه صديق ليه ويبقى زميلى  فى نفس الوقت بس العريس ميعرفش كده
علشان اصلا ميعرفش اخوات العروسه ايه المهم


عرفت انه بيشرف سجاير وشيشه وكمان ايه مفيش مانع من بانجو حشيش
كده ميه ميه
ليه فى البنات وخطب اكتر من مره وكان يخرج ويدخل وبعدين بومبه كبيره
المهم
كان رأى البيت الرفض التام ليه؟

طيب الاخلاق زفت
دى شهاده  الزميل والصديق ليه
وتم الرفض طبعا
المناقشه؟
-----------------------------------------------------
1-تم رفضه علشان السجاير والشيشه والحشيش
طيب معظم شباب مصر بيشرب سجاير وشيشه وبانجو
ومعلش بقه والبنات برضو
بلاش نحكم كده بالرفض ممكن الزواج يخليه يبعد عن ده كله بضوابط
معاه ومع اهله
طيب لو كان اهله مش محترمين والاصلف مش طيب
المشكله  فى الخطوبه والفسخ
كل البنات كده محصلت توفيق
ممكن بعد الزواج ينصلح حاله
طيب ممكن بعد الزواج البنت تتبهدل وتطلع عين ابوها وتحصل على لقب
مطلقه بكل فخر وتنضم الى الارامل والعوانس ومحدش هيبص عليها
خليها  فى بيت ابوها احسن
يعنى ايه مش بيصلى ممكن ربنا يكرمه وينصلح حاله
يابنى حال الولد من صلاحه ودخوله المسجد
واللى ميخافش من ربنا مش هيراعى حق العبد
يعنى ايه اخلاقه وحشه ممكن ربنا يكرمه والعائل  على البنت
طيب انا هرمى اختى ليه خليه  فى بيت ابوها معززه مكرمه
---------------------------------------------------------
طبعا ده كان النقاش اللى بينى وبين نفسى وبين الاهل وكده وتم الرفض ايه رأيكم
؟
-----------------------------------------------------------------
يا اخوانى الاولاد حالهم ميسرش اللى شيفينه قدامنا زى الزفت
مش زى ما اتربينا  فى بيوتنا خالص من الاخلاق والالفاظ اللى زى الزفت انا باتكسف لما اكون مع ماما او اختى وراكب مكروباص يقوم السواق يشتم شتيمه زى الزفت وبعدين يقول  معلش ياحريم  ياللى معانا مخدش بالى
ده غير الالفاظ اللى فى الشارع فى كل مكان بحس انى غريب  فى الشارع وفى كل مكان
_________________________________________________






انت يا عريس لو عرفت ان عروستك بتشرب شيشه مثلا او كانت بتحب حد قبلك
او ليها علاقه قبل كده وعرفت من من قبلك واحد هتعمل ايه؟

____________________________________________

الخطوبه انا شايفها فيها تجاوز هنا فى القاهره بصراحه الواحد يدخل بيها ويخرج وممكن تجاوز شويه اللى انا شوفته
مش زى عندنا مثلا
\العريس هنا اللى انا شايفه انه مش بيراعى العروسه  فى الخطوبه مش بيحافظ عليها من ناحيه الشكل العام
بيمسك ايديها او بيكون لوحدهم من غير محرم
ممكن اكون معقد شويتن بس مينفعش
لازم يحافظ عليها زى اخته لغايه عقد رسمى

ياه رأيكم فى الوضع العام للخطوبه  فى مصر؟؟؟؟؟


 
______________________________________________
يارب ارزقنا العفاف
يارب
ويسر امور الزواج للجميع
يارب ياركريم
وكل سنه وانتم طيبين

الجمعة، 13 أغسطس، 2010

اطلال مدون بعد الوفاه.......!

 






السلام عليكم
ماذا يتبقى بعد الوفاه منك ايها المدون
خصوصا انت يا صاحب الكلمه والفكره
ماذا يتبقى منك
وقد كونت من الصداقه على الشبكه العنكبوتيه من اشخاص
لا تعرفهم
اعتادوا ان يروا تعليقك على موضوعاتهم

فرسموا ملامحك
وشكله وقلبك ولبسك
واسلوب كلامك من خلال
كتاباتك

ماذا يتبقى بعد الوفاه
وان انقطعت اخبارك عنهم
وان لم يعرفك احد  منهم معرفه شخصيه
وكنت شخص مبهم
عباره عن توقيع  وتعليق
جزاك الله خيرا
وبارك الله فيك
دون مناقشه  فى الموضوع المطروح
؟

من يعرفك
بعد وفاتك
هل سوف يتذكرونك ؟
هل سوف يترحمون عليك
او يدعون لك
او يقرأوا لك القرأن ان كنت مسلما
او يتصدقوا على روحك
؟
انت مجرد اطلال قلم
 قد نقشت بعض الحروف على  المدونه

اطلال 
مدونتك لن يدخلها غيرك ان كنت وحيدا ولا يعرف احد غيرا
كلمه المرور
ان مت انت
فمن يزور مدونتك التى  هى فى الاساس
مقبرتك وبيتك  يزورونك  فيها فى حياتك
وبعد مماتك  ان تذكروك
؟
لا اتهم المدونين بالنداله او عدم  العرفان
بميثاق التدوين العربى
ولكنها مشاغل الحياه

كثيرا منا يكون مضطرا للتعليق على الموضوع حتى يضع  موضوعا جديدا
والبعض الاخر منا لا يهتم
والقليل الصادق
دخلت عى صفحه عاملها كيارا باسم

شوفت الاخت عاشقه النقاب 
واضعه  فى مدونتها الصوره اللى فوق

فعلا

موضوع  صعب جدا جدا
 اطلال مدونه منذ2007
يااااااااااااااااااااااااااااااااااااااااااااااااااااه
العنوان على الصوره يا أخوانا
اطلال
اطلال
الاخت 
عامله موضوع قديم اسمه دامت لمين

مدونات اصحابها ماتوا  وانتقلوا الى دار الحق
ونحن مازلنا فى دار الباطل
موضوع صعب جدا  جدا
ياااااااااااااااااااااااااااااااااااااااااااااااااااااااااااااه
لما تمشى كده ومحدش يسأل عنك 
او حتى يفتكرك

احساس صعب
لما تحس ان محدش هيفتكرك او حتى يدعيلك
انا فى بلدى
كل يوم جمعه بعد الصلاه اذهب الى المقابر وازور كل من اعرفه
واقرأ الفتاحه لجميع الموتى

فياترى
هل سوف يزورنى احد
؟
او  حتى يتذكرنى
فى مقبرتى
او مدونتى
التى سوف
تكون
اطلال
اطلال
اطلال
مدون


اللهم استرنا فوق الارض وتحت الارض ويوم العرض

الأربعاء، 11 أغسطس، 2010

العالم من فوق دراجه(1)


 السلام عليكم بما اننا  فى رمضان  قلت اعمل برنامج خاص بالفقير محمود
يحكى فيه عن ذكرياته
مع دراجته 
ذكريات


العالم من فوق دراجه 
اكتب ذكرياتى التى اعتز بها 
اسف على التشويق ومن الممكن ان تكون تلك الذريات لها طابع خاص على شخصى لوحدى 
لاننى انا الذى قد عاشها 
ولن اعيش مثلها 
وذالك لعشقى لطفولتى 
وملحتى صباى 

ونشأتى 
التى لا يهتم بها احد سواى 

اسف مره اخرى قد يجد من يقرأ تلك الكلمات 
ان تلك الكلمات قد تكون تافهه لحد ما 
فاننى اعتذر لمن يجدها هكذا 

ولسوف اكتب عدده حلقات على ذالك المسمى 


العالم من فوق دراجه

عالمى كانت مدينتى   التى عيشت فيها واعشقها 
وحتى الان اعيش فيها   لولا ظروف  اخى 
شفاه الله 
وعندما  تسمح الفرصه 
سوف تكون مكان 
اقامتى 
بأذن الله 
_______________________________

العالم بالنسبه لى  هى  جرجا   وجرجا فقط حيث اننى لم اخرج من بلدى تلك الا الى مكانين فقط 
 بالنسبه 
لشد الرحال والبعد 
قنا حيث دراستى فى كليه الهندسه جامعه الازهر هناك 
القاهره حيث تحويلى من قنا 
وفقط 
وبعض الزيارات  لبعض المدن والمحافظات 

اما خارج مصر فلا
اكرمنى الله 
بدراجه  
 اهداها الى ابى  عندما نجحت  فى الصف السادس الابتدائى بالازهر  وكنت الرابع على معهدى  بفضل الله 
وكنت اعشقها 
حيث  اغسلها اسبوعيا 
اعتنى بها 
الف بها البلد باكملها 
من شرقها لغربها  لم اجد من يتواصل معى بفكرى  وليس مادحا نفسى بل كان خيالى واسعا  قرأه فى رجل المستحيل فى ذالك السن الصغيره  فكان له دوره فى اتساع مداركى فكنت اركب دراجتى واتصنع اننى مذيع 
واعلق على ما   اراه وكان اسم البرنامج العالم من فوق دراجه 
وكنت  اطوف  والف 
بها فى كل مكان وكنت اصلحها واذهب بها الى العجلتى وكنت اضيع كل مصروفى عليها 
على تصليحها كانت متعه وحتى الان لا استغنى عنها والحمد لله 
_______________________________________


الهدف من الدراجه كان الذهاب الى المعهد الدينى الازهرى  حيث لانه يبعد كثيرا عن بيتنا حوالى 20دقيقه سيرا او اكثر 
بالدراجه لا اكمل عشره  دقائق 
حيث كنت ارتدى الجلباب والطربوش الازهرى  الاحمر 
نعم كنت ارتديه فى الفترتين الاعداديه والثانويه 
طبعا بالاضافه الى الجلباب 
وللاسف لم يتوافر لدى الصور حتى  اطلعكم عليها 
ويعتبر الصعيد هو الملتزم بذالك الزى 
ولا ادرى ما حال باقى المحافظات 
حيث كنا نرتديه  فى الذهاب والاياب وفى المعهد 

هناك من الطلاب من كانوا يهستترون 
بذاك الزى 
ولا يعرفون قدره 
وهناك من حافظ عليه  
فكانت اجمل الايام 
الطابور الصباحى  وكان  تحيه العلم  لها طابعه الخاص
 لا اتذكر ه للاسف ولسوف اذكره فى الحلقه القادمه ان شاء الله 
كان لا نذكر  تحيا جمهوريه مصر العربيه 
لآ 
الله والمصحف والازهر الغالى 
والسيف والمدفع  فى حمى اوطانى



كانت ايام جميله جدا  
جدا______________
____________________
اعود الى فتره الابتدائى 
حيث كانت فتره جميله جدا وكان عندى اول حصتين يوميا قرأن كريم  ثم فى وسط الحصص حصه او حصتين قرأن كذالك
باجمالى  اربع حصص او حمس يوميا قرأن 
باجمالى  تقريبا 27حصه فى الاسبوع قرأن كريم 
كانا نجهر به ونتغنى به
نحفظ  وندخل اتلمسابقات الحفظ 
ولقد اتممنا حفظ القران الكريم كله  فى الصف السادس الابتدائى 
نعم  ثم تغير ذالك المنهج بعد دفعتى مباشره 
ولا اتذكر منه الا سبعه اجزاء ونصف من اول سوره البقره وحتى سوره الانعام 
واحاول المحافظه علي ما تبقى منه
كانت عندنا ابله 
جميله جدا  اسمها الابله سحر 
كانت ذات سته اصابع 
مدرسه علوم ورياضيات الله يرحمها كنت  تحبنى جدا 
من الصف الرابع الابتدائى  وحتى السادس
كانتى تحبنى وتعلمنى  وكان كل الفصل 
يحبها رحمها الله 
توفيت ونحن فى الصف الثانى الاعدادى 
وعندما سمعنا بوفاتها  بكى عليها كل الفصول التى تتلمذت  فوق ايديها 
فى معهد الاولاد وكذالك معهد البنات 
علمتنا الادب والاحترام والتفكير  الصحيح 
الله يرحمها_______________________

كانت تلك الدراجه معى  فى درسى 
حيث فى فتره الاعدادى كنت اخذ رياضه وعلوم  فقط
كنت اذهب بها فى الدروس والعب بها مع اصدقائى 
اتذكر انه فى يوم 
ركبتها وكنت العب بها فى الملعب نعم ملعب معهدنا به ملعب كره قدم 
اكبر ملعم كره قدم فى معاهد المحافظه 
فاذا الدراجه  تنكسر الى نصفين الهيكل ينكسر 
واقع انا وتطيع عجله من عجلتى الدراجه 

تعبت جدا وانا ذاهب بها الى البيت 
حيث لم يكن هناك مواصلات او بمعنى حقيقى فلوس حتى أاخذ حنطور الى البيت ولم يكن عندنا خط تليفون  فى ذالك الوقت 
ذهبت فلحمتها ثم صلحتها وحتى الان 
تعمل_______________________________
ايام زمان لا تعوض نهائيا 
احبها واعشقها 
___________________________
_________________________________________
ليس معنى اننى اعيش فى طفولتى اننى اهرب من الواقع 
ولكنى احببت ان ادونها  حتى وان خانتى الذاكره  فى  الكبر اقراها فأانس بها 
ذالك ان كان هناك كبر من الاصل 
عليا ان اعيش الواقع
واجعله جميل حتى يكون  ذكرى جميله
عندما يكون  فى قائمه الذكريات_
_________________
شيئان يجلبان التعاسه 
حقيبه الذكريات المئلمه
والذاكره القويه  التى لا تتذكر الا المأسى 
__________________________
كل عام انتم  بكل خير

طريقى ولكن الى اين 
كل انسان بيده ان يكون ملاكا وان يكون ابليسا 
فماذا عليا ان اختار
يارب اعنى على نفسى

ياريت كل واحد يعمل برنامج كده عن نفسه ويعمله  فى مدونته
بجد يحكى عن
ذكرياته واماله