الثلاثاء، 3 أكتوبر، 2017

اسنديني

لما تلاقي حد يقبلك بكل عيوبك
بكل بلاويك
من غير اي لوم
واقف في ضهرك
بيصد عنك
بيقف في ضهرك
وبيدافع عنك
ومش بيلومك في مواقفك
وبيفكر في قلبك
تبقي تجي تقولي

الاثنين، 2 أكتوبر، 2017

طبطب علي قلبك

متزعلش واحضن نفسك
وكبرها
اوعي تهين قلبك
او تخسر احترامك لنفسك
او تتذل لحد مقدرش تعبك
او تقديرك له
متندمش علي اي خير عملته
علشان انت كنت بتعبر عن نفسك
متزعلش

الأحد، 24 سبتمبر، 2017

غدر وخيانه

اه من غدر اقرب الاقربين
ممن كنت تستند عليهم في حياتك
فيتعمدوا كسرك
فيتعمدا التضحيه بك
فيتعمدوا ان يتركوك في منتصف الطريق
يدهسون ما تبقي لك من كرامه
يدهسون ما تبقي لك من مشاعر
يدهسون ما تبقي لك من رحمه
فيدمرونك ويقهرونك قهرا
فيدمرونك بقسو‘ه قلب عشت فيه
قلبا كنت تظن انه الامان
فيارب عذرا علي تعلق القلب
باحد من خلقك
كنت اتمني ان القاك
وانا بداخل هذا القلب
واخبرك اني حافظت عليه
محبه لك وفيك
يا عالم بالخبايا عفوك

الاثنين، 1 يونيو، 2015

ليله النصف من شعبان

بسم الله  الرحمن الرحيم  
ليله  النصف  من شعبان 


كل سنه  وانتوا  طيبين يا  طيبين  
محدش  هيدخل  هنا  تانى  عارف  التراب  على المدونه بقه بالطن  وانا  مش بزور  حد فده عادى  طبعا 
وكل  الناس  على الفيس  تلوقتى  فمحدش بيدخل  بيوت  مهجوره 
 فانا  شوفت  الناس  كلها  على  الفيس  واى  كلمه  الناس  قاعده  ليل  ونهار  قولت  ارجع 
شقتى القديمه  ارحرح براحتى  
"""""""""""""
ليله النصف من شعبان  
فى الصعيد  زمان ايام  ابتدائى  واعدادى وثانوى  
كنت فى اليوم  ده بكون صايم  (تلوقتى الصحه مش بتساعدنى للاسف الا ما رحم  ربى)
واصلى المغرب فى  المسجد  وناخد  درس  تحويل القبله من بيت  المقدس  الى  بيت  الله  الحرام  
اثناء  الركوع   وطبعا  نقرا يس  ونقول  دعاء ليله  النصف  من شعبان  
قال  سيدنا
  محمد ﷺ :

(( إن الله ليطلع في ليلة النصف من شعبان ؛ فيغفر


 لجميع خلقه إلا لمشرك أو مشاحن ))


رواه ابن ماجه

وفى روايه  اخرى اضاف  قاطع رحم  

وكنت دايما بفكر فى  ناس  من العيله  كانوا 

 مقاطيعنا  واحنا  كمان  


واستغفر  ربنا  اننى  كده  دخلت فى الحديث  

فى  الحديث  واتكلم  مع بابا  وماما  وهما  واخدينى  انى عيل 

 مش فاهم  

المهم   اللى  مقاطعينهم  رجعنا ليهم  وقاطعنا غيرهم  

لغايه  ما دخلت  الكليه وهنا  تغييرت  المفاهم  

طلع  ان كل  الاحتفاءات دى  حراااااااام

وكلها  بدع  وليس  لها  اصل  وده طبعا الاراء  التانيه  

وطبعا حياتى كلها  اصبحت تشكيك فى  تشكيك 

وانى  كنت عايش فى عصر  ما قبل  الجاهليه

قرأت  اكتر  وفهمت  وادركت  ان اللى بيعملوا  المصريين  من 


الاحتفاءات  الاسراء  والمعراج  ليله  النصف  من شعبان  المولد

  النبى  ليله  القدر  وغيرها  ليها اصل  نعم  فيها بدع  ولكنها 

بدعه حسنه بنتجتمع على  دعاء  وساعات طعام  وبيحصل 

 زيارات  وموده بين  الناس   

المهم  انها  لا تدعى الى  معصيه  

وكلها فى مساجد  وفيه  علماء  اجلاء  اتعلمت  انى  مخدش  العلم 

من  اى  حد  انى لازم اقرا  وانى لازم ابحث وادقق 

وانى مسلمش  دماغي  وانى  مكفرش  على  طول  الخط

وانى  محرمش  على  طول  الخط  

وانى ارفق  بالناس  فى معتقادتهم  ولو  فى  حد  مش فاهم  

افهمه  بالراحه

خاطبوا  الناس بقدر  عقولهم  



:::::::::ك::::::
\\
تجديد  الخطاب  الدينى  

يعنى ايه  تجديد  الخطاب  الدينى هتكلم  عنه باستفاضه 


المره  اللى  جايه  

الجمعة، 28 مارس، 2014

الفقير فى مصر ملهوش تمن

الفقير ملهوش  عيش فى مصر
الفقير ملهوش قيمه اصلا
محدش  حاسس بيه
 لا  تليفزيون بيتكلم عنه
ولو  اتكلم
بيكون  اما فى  افلام  هابطه
واما
فى  حالات  انسانيه
او  اغانى شعبيه ملهاش علاقه بيه
مسلسلات  بتتكلم عن مشاكل  ناس  اغنياء  اصلا  معندهاش  مشاكل
مسلسلات تركيه  ومشاكل  حب
ومسلسلات  هنديه  ملهاش  اساس  بواقعنا  المهبب  اصلا
ولما  فكروا  يعملوا  مسلسل  بيتكلم  عن  الفقير
لازم يظهروه
انه  بائس
بليعن  الاغنياء
بيحقد عليهم
الفقير بيبص  على  اللى فى  ايد الناس  واللى  مليان  امراض
الفقير  اللى كل  حياته  ماسى  واهات
عملتوا  ايه للفقراء ؟
مين عمل  ايه  لل40فى  الميه تحت  خط  الفقر؟
محدش  سكان القبور  العشوائيات
محدش
الارامل  الايتام
محدش  حاسس بالفقير
افلام  مسلسلات  حتى  البرامج  بتتكلم عن  نخب  نخب  نخب  سياسيه  شوف  لبسها  بكام وعايشين فين
يابشر
رفقا بالفقير فى  مصر
الفقير فى مصر بيحلم بعلاج 
بيحلم  انه يكون بنى أدم  بيحلم 
انه ياكل   ويشرب  حاجه كويسه 
بيحلم يسكن فى سكن محترم 
بيحلم الناس  يعاملوه معامله سويه مش يأنفوا  منه علشان لبسه
بيحلم انه
يشتغل  شغلانه شريفه 
مش عاوز يشحت
مش  عاوز  اعانات
يابشر
ليه ميكونش  مشروعنا القومى فى مصر  اننا ننضف  مصر من العشوائيات 
ونخفض نسبه الفقر فى مصر
ليه؟ 
يا بنى أدمين

الفقير 
مش فى  التليفزيون 
لا بيحلم بفيلا ولا شاليه ولا  كومباوند 
متعدد الخدمات
الفقير 
بيحلم اانه يكون انسان
لا بيهمه برنامج  احلا  مسا ولا  اخر النهار  ولا  الحياه الان
ولا بيهمه صباحك يا مصر  ولا  ليها  حل 
لا بيهمه سيسى  ولا  مرسى
ولا بيهمه عسكر  ولا  حتى  احتلال 
بيهمه  الستر 
وانه يعيش  مستور  
احترموا  الفقير 
احترموا  الفقير
دورت على صوره مناسبه ملقيتش
لان  الواقع حوالينا 
وحنا عايشين فى  واقع مش  واقعنا
عيش  الواقع 
وفكر  باللى  حواليك
عامل  الفقير معامله كويسه 
حتى لو كان شحات او  حتى  عامل  نظافه 
قدره كده وقدرك كده ممكن تكون انت مكانه 
وتشوف  نظره الناس  ليك 
وانت مكانه 
يا  اخوانا 
ارحموا  الفقير