الخميس، 12 يناير 2012

ثرثره


اى  نعم  انا بدور  على  الحب

من  حقى  استقر  

من  حقى انى  اعيش  حياه  كريمه 

من  حقى  انى  اشوف  عيالى  واقفين  بكتفى  وانا  لسه  شباب  مش

وانا ماسك  عكاز  ولابس  نظاره  قعر  كوبايه

من  حقى  انى اجرى  والعب  واهيص  مع شريكه عمرى  

من  حقى  انى  العب  مع  اولادى  

من غير  ما  امسك  ضهرى  واقولهم  معلش  

ضهرى  واجعنى  

من  حقى  انى  اكل  معاهم  كل  حاجه  ومش  اخاف  ولا  حاجه  ترفع  السكر  ولا 

الكروسترول 

من حقى  اعيش

وانام فى  حضهم  

من حقى  انى  اتعلم  زيهم 

واتعلم  منهم 

من  حقى  ان  امسك  ايد  زوجتى  واتمشى  بيها  

فى  الشوارع  

تحت  المطر 

من  حقى 

انى  اروح  معاها  القناطر  ودريم  بارك  

واركب  معاها  كل  الالعاب  

اشوف  المخاطر فى  حضنها

من  حقى  انى  اشتغل  وهى  تكون 
عارفه  

تعبى  وتشيل عن  ضهرى  همى  

وتشيل  من قلبى  سأمه وتعبه

بابتسامه  
من  عنيها  

ولمسه  حانيه  من قلبها  

من  حقى  ان  اشم  ريحه  الامان  فى  حضنها  

وانى  انام  فى  راحه  كفها 

من  حقى  ومن  حقى   ومن  حقى  حاجات  كتيره 

بس  امتى  وازاى  وفين  

اه اه   اه  اه  

فى  بلد  فيها الشباب  
من  عاوز 

الا  الستر  والعفاف  
وانه يشتغل  

مش  عاوز يقعد على  القهاوى 

نفسه فى الحلال  والحلال  بس 

علشان  احنا  شباب  متدين  متربى  بيخاف 

انه يشربي  سجاير فى  وش  ابوه   او  امه 

بيخاف  من  اى حاجه   وعلى اى  حاجه 

أأوا  الشباب  الى  حضنكم 

وساعدوه 
هينهض  بالبلد 


بالشكل  ده 

الدنيا  هتبوظ  اكتر  واكتر  

مع  انها  متظبطه  على  الاقل  مفيش  مجاهره 

وفيه  حياء 

وخوف  من  ربنا  

يارب  اننا  نسألك العفاف  والستر

يارب  الحلال  الحلال  الحلال

وابعدنا ولا  ترينا  من الحرام 

اى  شىء  منه
يارب
يا كريم 

هناك 6 تعليقات:

لـــولا وزهـــراء يقول...

يارب اننا نسألك العفاف والستر

يارب الحلال الحلال الحلال

وابعدنا ولا ترينا من الحرام

اى شىء منه
يارب
يا كريم
.....................
يااااااااااااااااااااارب
واكرمنا ولا تهنا واحفظ بلدنا ولا تشقينا واسعد قلوبنا

لولا

أم هريرة.. lolocat يقول...

السلام عليكم

من حقك ان تحلم
ومن حقك ان تتمنى
من حقك كل ده
لكن اياك ان تجعل احلامك تتسرع فى اى اختيار
لان هنا مكمن الخطر :)
حرصنا اننا نحقق احلامنا دى بتخلينا ساعات نتسرع ونقع فى مشاكل لايمكن تداركها بعد هذا
كلامى مش للاحباط لكن اسأل مجرب :)

تحياتى لك اخى وتقديرى واسأل الله لك الزوجة الصالحة والعمل الصالح والذرية الصالحة

faroukfahmy58 يقول...

تحياتى اخى وتقديرى لما كتبت
اسأل الله لك السعادة مع من تسعد قلبك بالايمان قبل الاقتران

Tamer Nabil Moussa يقول...

اللهم امين

من حقك ان تحلم ويارب الاحلام الجميلة تتحق

مع خالص تحياتى

zizi يقول...

ابني الغالي محمود ..

كل احلامك مشروعة يامحمود ومفيش فيها حاجة فوق التخيل انت لاعايز تطلع القمر ولاعايز تمسك الشمس انت عايز الستر والعفاف والحلال وان شاء الله ربنا حايكرمك عن قريب ونفرح كلنا بيك ومعاك ..ماما زيزي

givara يقول...

فعلا من حقك
بس مين يسمع
لو على الحقوق احنا لينا كتييييير
بس ربنا يستر