الاثنين، 23 يوليو، 2012

لمـــــــــــــــــــــــــــــــــــــــــــــــــــــــــــــــــــاذا؟

السلام عليكم

اسف  على  انقطاعى  
واعود  باذن الله  

فضفضه بعد  مرور  زمن

فى  الفتره الاخيره  مرت عليا احداث  كثيره جدا جدا جدا  تعبت فيها  جدا  جدا جدا  عرفت  فيها  حاجات  كتيره جدا  جدا  جدا  

وتعلمت  حاجات  اكتر  وعرفت  ان  الدنيا  ملهاش  لازمه  وان  الطيبه  ملهاش  لازمه  انما  هى  سذاجه  زائده  وعبط 

الدنيا  وحشه قوى  كده ليه؟  كل  واحد  مستنى  من التانى  انه يغفل  عنه علشان  يطعنه ليه؟ 
ومحدش بيراعى  التانى  ليه؟
انا  تعبت  جدا  فى الفتره الاخيره  لدرجه  السخط  والعياذ  بالله  الدنيا صعبه  جدا  يا اخوانا  مكنتش  فاكرها  بالصعوبه  دى 
انا  تعبت  والله  تعبت 
حاسس انى  نمت  وصحيت  لاقيت  نفسى فى غابه  ومحدش  بيساعد  حد فعلا ربنا  ما يحوج  حد لحد  غير  لرب  الناس  اجمععين

بطلت  افضفض  او  اكتب  كل  ما  اعوز  ارجع  اكتب  ملقيش  حاجه  تتكتب  ولا  حتى حرف 
من  كتر  المراره  اللى  انا  عديت  عليها  اتخنقت  جدا جدا جدا  وعدى  عليا شريط  حياتى  وخفت  من اختياراتى  لانى  عرفت ان اختياراتى فى الزمن اللى فات  كانت  محتاجه  تعديل  ووزن 
بس  محدش  علمنى  اختار صح  كله  تخبيط  وعناد  وبس  بحثا عن  الشخصيه  السويه  التائه فى  زمن  اللا قدوه  او امانى  او  طموح 
كفايه  تكسير  مجاديف  ونبدا  من الاول  
الدنيا  صعبه قوى  واصعب  ما فيها  الامانى 

هناك 5 تعليقات:

شمس النهار يقول...

اهلا بيك
حمد الله علي السلامة

هي الدنيا كده شوية حلوة وشوية مششششش

كل سنة وانت طيب

غير معرف يقول...

ليه كدة بس :) اهو اكبر غلطة موضوع ( السخط ) دة لان كله بارادة ربنا :) وبعدين الواحد يتعلم ازاي لو مش هيمر بالتجارب دي ؟؟ :) عادي جدا .. تبدأ من الأول تاني وتتعلم من تجاربك :) بس اوعى ابدا تيأس ( إنه لا ييأس من روح الله الا القوم الكافرون ) ادعي ربنا يعوضك واكيد مش هتخيب :)

غير معرف يقول...

عليه افضل الصلاة والسلام
لا اله الا الله
استعذ بالله يا محمود .. ربنا ادانا الابتلاء وادانا الصبر و الايمان والطيبة عمرها ما كانت سذاجة دى هبه و ملكة لا يملكها الكثير فى زماننا هذا والله بيختار من عباده من يهبهم هذه الصفه لكن علينا اننا نحكم عقلنا فى استخدامها
ربنا يفك كربك وينور بصيرتك ويرزقك كل ماومن هو خير لك
" أم عائشة"
و لا تنسانى فى دعائك

لـــولا وزهـــراء يقول...

لازم تفضفض يا محمود وتحكي عن اللي انت عايز تحكي فيه عشان تخف من ألمك وربنا يسعدك ويعافيك يارب

رمضا كريم ومتغيبش تاني

لولا

MindEktomia يقول...

الواحد بيتعلم درس "الدنيا صعبة " ده متأخر اوى .. مع انهم لو كانو قالولنا من الاول كان الموضوع هيبقى اسهل ..
المهم انك تعرف ان محدش بيتعلم ببلاش ..