فاضل ايه تانى كهرباء وسكر وطماطم

السلام عليكم

كل عام انتم  بخير

وبكل خير

طبعا

احنا طالعين

من العيد

ومن ازمه اللحمه

ومن  كل الازمات  اللى احنا فيها

تلوقتى

فى ازمات جايه

ومن غير تعليق

هديكم الروابط

زياده اسعار الكهرباء90%

السكر يرتفع الى 6جنيهات

مش لاقى

كلام والله

ما لاقى

كلام خالص احباط  فى احباط

الحمد  لله

شيخ الازهر .........رحله علاج+بيت العز

السلام عليكم

اخوتى 

كنت سوف استطرد عليكم  بموضوع 

ولكن  ادهشنى ما قرأته  بيد الاستاذ فهمى هويدى على صفحات جريده الشروق المصريه وما كتبه عن  فضيله الامام الاكبر شيخ الازهر

الدكتور احمد الطيب حيث كان فى فرنسا لعمليه  قسطره فى القلب

شفاه الله وعافاه  وهنا استطرد الاستاذ فهمى هويدى عن  فضيله الامام ومن لا يعرف الاستاذ هويدى كان  يكتب فى الدستور  الاصلى حتى نقل الى جريده الشروق 

اترككم مع المقال

 أكلما توجع مسئول كبير فى البلد استقل طائرة وذهب للعلاج فى الخارج على نفقة الدولة؟ وما هى الرسالة التى يبعث إلينا بها أولئك الأكابر فى هذه الحالة؟ وألا يعنى ذلك أنهم لا يثقون فى الطب والأطباء بمصر، وأنهم لا يريدون أن يغامروا بالخضوع للعلاج فى داخل البلد، فآثروا أن يذهبوا إلى «ملاذات آمنة» يُطمأن إلى كفاءتها؟ وألا يعنى ذلك أيضا أن العلاج فى الداخل أصبح من نصيب الفقراء وحدهم. الذين تحولوا إلى «حالات» لتعليم الطب وحقل لتجارب الأطباء؟

مثل هذه الأسئلة أثارتها عندى الرحلة التى قام بها شيخ الأزهر إلى فرنسا، حين قرأنا أنه نُصح بالسفر إلى هناك للعلاج وإجراء بعض الفحوصات الطبية. ولا أخفى أننى عندما قرأت خبر سفره المفاجئ توقعت أن يكون قد ألم به شىء خطير، لكن حين نشر لاحقا أنه ذهب لإجراء القسطرة وتركيب دعامة للقلب اختلط لدىّ الارتياح بالاستياء.

إذ حمدت الله أن الأمر هين ومقدور عليه، لكنى سرعان ما اغتظت لأن ذلك الأمر الهين اقتضى سفره إلى فرنسا على نفقة الدولة، خصوصا أن الكل يعلم أن القسطرة والدعامة من العمليات البسيطة التى يجريها مئات الأطباء المهرة فى مصر، ودليل بساطتها أن الرجل أجراها وتعافى من آثارها خلال 24 ساعة، ثم ركب الطائرة وعاد إلى القاهرة على الفور.

وقد دفعنى الغيظ إلى التساؤل عن الحكمة فى تسفيره إلى فرنسا لكى يجرى عملية بتلك البساطة، وكان الرد الذى تلقيته كالتالى: إن شيخ الأزهر الذى حصل على شهادة الدكتوراه من فرنسا، سبق أن عولج فى عام 2009 فى مركز «باستير» الطبى هناك. وحينذاك تم تركيب دعامة لعضلة القلب. وحين عاوده التعب فى الأسبوع الماضى وذهب إلى إخصائى القلب الذى يتابعه فى مصر. نصحه بأن يرجع إلى الطبيب الفرنسى الذى قام بتركيب الدعامة الأولى له أخذا بالأحوط، ولذلك كان مضطرا للسفر إلى فرنسا لهذا الغرض.

قيل لى أيضًا إنه حين سافر فإنه اصطحب معه ابنه المهندس «محمود» على نفقته الخاصة، ورافقه طبيبه المعالج، ورفض أن يصطحب معه أحدا من أعضاء الحراسة أو السكرتارية. وقد حملته الطائرة من القاهرة إلى باريس، فى حين أن مركز باستير الذى سبق أن عولج فيه مقام فى تولوز.

وقد اضطر لأن يمضى سبع ساعات بمطار باريس قبل أن يستقل الطائرة التى حملته إلى تولوز ورفض أن يقضى تلك الساعات فى أى فندق خارجى. وحين وصل إلى تولوز فإنه نزل فى فندق بسيط (ثلاث نجوم) قريب من المركز الذى قصده، ورفض أن ينزل فى فندق فئة خمس نجوم ُرشح له.

استطرد محدثى قائلا إن الدكتور أحمد الطبيب رجل من طراز مختلف. فحين عين شيخا للأزهر قرر ألا يزور أى بلد خارج مصر قبل زيارة قبر النبى عليه الصلاة والسلام فى المدينة المنورة. فسافر هو والضابط المرافق له وأحد أفراد مكتبه على نفقته الخاصة، ورتب من القاهرة أمر إقامته وانتقاله من مكة إلى المدينة، وبعد أن عاد بفترة دعى لحضور مؤتمر لمؤسسة «آل البيت» فى الأردن.

فلبى الدعوة التى قدمت إليه باسم ملكها، وحين تم تكريمه هناك، فوجئ بأن الملك قدم إليه «شيكا» بمبلغ 50 ألف دولار. وقد استشعر حرجا من ذلك، لكنه قبل «الشيك» احتراما لمقام العاهل الأردنى. وبعد عودته أخبر مرافقيه بأن المظروف لن يدخل بيته وسيودع مباشرة فى مكتبه، ليكون من نصيب الطلاب الوافدين. وبالفعل تم توزيع المبلغ على 50 من أولئك الطلاب بواقع مائة دولار لكل واحد منهم.

أضاف محدثى أن شيخ الأزهر عبر عن استيائه حين اطلع على اتفاقية للتعاون عقدت بين مكتبة الأزهر وبين إحدى المؤسسات الخليجية المعنية بالتراث (جُمعه الماجد فى دبى)، ووجد فيها بندا يخصص مكافأة لشيخ الأزهر. فطلب إلغاءه على الفور قائلا إن ذلك لا يجوز ولا يليق. كما أنه لاحظ أن مكافآت كبيرة ومجزية تصرف شهريا للعاملين فى المشيخة وموظفى الأزهر بالقاهرة، فقال إنه ليس شيخا للقاهرة وحدها، وطلب توزيع المكافآت بالتساوى على الجميع فى بقية المحافظات.

ما سمعته أوضح الموقف فى حالة شيخ الأزهر، وإن ظلت بقية الأسئلة التى طرحتها فى البداية مفتوحة ومعلقة على العموم. ولا أخفى أن الكلام الذى خص الإمام الأكبر شرح صدرى، فحمدت الله على أن قيَّض للأزهر من يرد له اعتباره، فيحفظ له هيبته وكرامته ويزيل مسحة الحزن التى ارتسمت على وجهه جراء ممارسات آخرين كانت قاماتهم دون هامة المشيخة، فظلموها وظلموا أنفسهم، وصاروا خصما على تاريخ الأزهر وليس إضافة إليه.

ليس هناك تعليق على كلام الاستاذ 

سوى ان هناك  بارقه امل 

فى ان يستعيد الازهر مجده 

ويستعيد هيبته التى ضيعها السابقون 

نسأل الله ان ينفع  به 

ويشفيه ويعفوا عنه

رابط الموضوع

الشروق

+

بيت العز  يا بيتنا 

تعالوا شاركوا معانا

بيت العز

وهنستورد الغاز من طنط اسرائيل!

السلام عليكم

اخبار اخوانى ايه معلش

انا لسه منزل بوست 

وقبله  بوست  بس

الموضوع انى اتخنقت انا لو اشتغلت تعليقات عن اللى بقراه وبأشوفه 

هتشل 

قلت لآ

بقه لازم اخلى كل اللى معايا يتفرسوا

وخلوا الشلل عليا

حسبنا الله ونعم الوكيل

طنط اسرائيل  اخت المسؤلين العزيزه 

اللى احنا بنصدر ليها الغاز باقل من الاسعار العالميه 

ولو حتى بالاسعار العالميه او اغلى كمان واحنا مالنا 

الصعيد اولى بالغاز الطبيعى شويه اهتمام بالصعيد 

محدش عارف ازمه الصعيد غير الصعايده

واللى رفعوا القضيه بتاعه 

لآ لنكسه الغاز وكسبوها 

الحكومه الموقره تقوم تنقض الحكم

متمسكه بالعقد مع من ليس لديهم دين او عهد اصلا 

طيب انتم تصدروا ليهم ليه من الاول 

حسبنا الله ونعم الوكيل

يقوم ايه ياجماعه ازمه الميه والنور اللى عندنا والوزير المحترم اللى مش عارف يحلها خصوصا موضوع الكهرباء واحنا فى رمضان يا اخوانا 

والله الكهرباء بيتقطع  فى السحور والفطار وكمان معاه الميه 

والحر والمرضى وكبار السن والاطفال 

واللى بيكون معلق اجهزه بالكهرباء او نايم على مرتبه هوائيه  شغاله بالكهرباء كمان 

دول كلهم ذنبهم فى رقبه مين 

بيقولوا ان الكهرباء شغاله بالغاز الطبيعى 

انا معرفش المكانيكيه ازاى 

ومش عاوز افتى فيها 

علشان الازمه  

تقوم مصر تستور الغاز اللى صدرته لاسرائيل بسبع اضعاف الثمن يعنى  الغز ب2دولار هتستورده ب14دولار 

طيب ده 

يرضى ربنا ياجماعه 

بذمتكم  

انا قرأت الخبر اتفرست 

بلد ملهاش صاحب 

ولا حد يسأل عنها

ولا حد يسأل عنها 

واللى كبار مش حاسين بالغلابه اللى هما احنا احنا الغلابه اللى فى البلد

دى بنجرى وراء اكل عيشنا 

وتربيه اولادنا 

ومتعلمناش نقول للغلط لا

متعلمناش نشجب ونستنكر اتعلمنا الخضوع والخنوع وسياسه الانبطاح 

انا معرفش ايه المفروض اعمله 

علشان للاسف محدش علمنى 

اعمل ايه 

علمونا نبص تحت اقدمنا وبس 

اهتم بامر نفسى وبس 

ومليش دعوه بالسياسه العليا

حسبنا الله ونعم الوكيل 

معلش 

انا معرفش اعمل حاجه غير انى 

اكتب وبس

وعارف ان محدش هيسمع

ولا حتى هيشعر 

احنا كده جموع الشباب والشعب المصرى محدش 

بيسمعه ولا حتى بيساله

رابط الموضوع 

اليوم السابع

زقزوق والحجاب.!

السلام عليكم 

عاوز اقول حاجه خنقانى 

الحرب اللى شفناها على النقاب 

فى التلفزيون 

ومنعهم من حضور الامتحانات 

ودخولهم المدينه الجامعيه 

وممكن كمان عدم دخول اماكن معينه من 

المطاعم

او دور الثقافه 

وكده 

مش هنتكلم عن حكم النقاب 

والامر ظاهر للجميع 

ما بين فرض وفضل وعاده وعباده

ولكن ليس تلك هى القضيه 

ذالك لان

دى حريه شخصيه 

وحقوق انسان 

من حق اى حد يلبس اللى هو عاوزه ما دام مش بيضر حد وفى الاطار الشرعى 

لما بقى يجى حد يقول مينفعش لبس الحجاب قبل بلغ سن المحيض 

لا اله الا الله 

طيب بلاش نعلم الصبى الصغير الصلاه على سبع ونضربه على عشر 

لغايه ما يبلغ هو كمان 

ما دام الموضوع بلوغ 

ليه يعنى 

احنا حلينا كل المشاكل اللى عندينا وجاتت على الحجاب 

عاوزين نرجع للعالمانيه ولا نلبس 

ثوب تركيا وتركيا تاخد الثوب بتاعنا

على الاقل 

مرات رئيس الدوله محجبه

حسبنا الله ونعم الوكيل 

والاستشهاد كمان بالحديث بتاع السيده اسماء 

ليه كده ليه نحكم 

فى الدين من غير علم 

انا اتشليت لما شوفت الخبر ده 

ليه الحرب على الاسلام من  ابناء الاسلام 

ليه عاوزينا نربى اولادنا على التبرج

من صغرهم 

ومنربهومش على التقوى والحياء من مصغرهم 

ليه كده

حسبنا الله ونعم الوكيل 

يبقى البنات اللى اصلا مش بيلبسوا حاجه وبيمشوا من غير هدوم احسن ليهم يخلعوا اللى بيسموه حجاب 

كمان 

طبعا هما اصلا بيسيؤا للحجاب

بس احنا 

مستنين قانون كمان بمنع لبس الحجاب 

قبل سن المحيض

يوقفوا  طبيبات على باب كل مدرسه  والمطاعم ويسالوا المحجاب 

هل وصلوا لذالك السن ولا لآ

علشان كمان نمشيهم من غير حجاب 

ونزعزع  شويه الدين اللى عندهم 

حسبنا الله ونعم الوكيل 

الخبر بالكامل فى الرابط ده

اليوم السابع

الظلم حرام...............؟

«الظلم حرام».. كانت هاتان الكلمتان آخر ما نطقت به «منة الله نهرو خليل» فتاة رشيد ذات الـ«١٤» عاماً قبل أن تلقى بنفسها من الطابق الخامس وترحل عن الحياة، لتترك الدموع والحسرة لأب وأم كانت هى الأمل بالنسبة لهما.. «المصرى اليوم» التقت الأسرة التى كشفت عما وراء تلك الجملة الأخيرة للضحية.. حادث سرقة بالإكراه وراء شعورها بالظلم.. فشلت المباحث فى إعادة حقها فقررت أن ترحل عن الحياة.

«منة الله».. فتاة متفوقة.. آخر شهادة دراسية لها تحمل تقدير امتياز فى جميع المواد الدراسية فى الصف الثانى الإعدادى، حصلت على المركز الثانى على مستوى المدرسة، تعرضها لحادث سرقة بالإكراه كان نقطة تحول فى حياتها، حيث أحالها إلى مأساة دفعتها إلى الانتحار.



بدأت المأساة يوم ١٢ أغسطس عام ٢٠٠٩ ـ والكلام على لسان والدها نهرو محمود خليل «٤٦ سنة» ويعمل سائقاً ـ فى هذا اليوم خرجت «منة الله» لحجز الكتب الخارجية الخاصة بالدراسة فى إحدى المكتبات برشيد وكان معها مائة جنيه ثمن الكتب و٣ جنيهات للمواصلات، وعندما ذهبت للمكتبة لم تجد الحجز قد بدأ، وفى طريق عودتها ركبت سيارة من الموقف وركب معها شخص واحد فقط وخرج السائق بالسيارة، وفوجئت الفتاة بالراكب يطلب منها شنطتها ويضربها وعندما قاومته ضربها بمطواة فى يدها اليسرى فأحدث بها جرحاً قطعياً بطول ٨ سنتيمتر وعمق ٢ سنتيمترات وسرق منها الفلوس التى كانت موجودة معها، وتشاجر الراكب مع سائق السيارة الذى كان يعرفه بسبب ضربه لها بالمطواة وحاولت ابنتى الهرب منهما وبالفعل قفزت من السيارة وفر الشابان هاربين واستطاعت الوصول إلى منزل جدتها وذهبت إلى الطبيب.



ويضيف الأب: عندما عادت ابنتى إلى المنزل لم أكن أنوى تحرير محضر بالواقعة، ولكن أخى عصام وهو محام أصر على تحرير محضر، وتم عرض «منة الله» على الطب الشرعى الذى أثبت إصابتها، واستمعت المباحث إلى أقوالها ووصفها للمتهمين، واستطاعوا أن يصلوا للسيارة وأحد المتهمين، الذى اعترف بارتكابه الواقعة مع ابن عمه، ولكن الشرطة لم تحرر محضراً بالواقعة إلا يوم ١٧ أغسطس ٢٠٠٩ بعد إلقاء القبض على المتهمين.



عند هذه النقطة كانت الأمور تسير بشكل طبيعى، حيث قال ضابط المباحث فى أقواله أمام أيمن مهابة، مدير نيابة رشيد ومحمد أبويدك، وكيل النيابة إنه تم ضبط السيارة المستخدمة فى الجريمة وضبط أحد المتهمين والذى اعترف بارتكابه للواقعة بالمشاركة مع ابن عمه الذى تم ضبطه وحبستهما النيابة على ذمة القضية ووصلت مدة حبسهما احتياطياً إلى ٩٠ يوماً فى انتظار التحريات النهائية.



وتدخل فى الحديث عصام خليل ـ المحامى، عم الفتاة: أثناء نظر قضية السرقة التى تعرضت لها ابنة أخى حدث اعتداء متبادل بالضرب بين أحد المحامين ومعاون مباحث مركز رشيد وتدخلت لحل المشكلة ودياً، واعتبر ضباط الشرطة أننى وقفت ضدهم وناصرت زميلى المحامى، وهو ما دفعهم للانتقام منى فى شخص ابنة أخى حيث قاموا بتغيير ورقتين من محضر جمع الاستدلالات الخاصة بالقضية لإفسادها، كما قاموا بعمل محضر تحريات مخالف للحقيقة، قالوا فيه إن الشكوى تكاد تكون كيدية رغم أن رئيس المباحث قال فى التحقيقات إن المتهمين اعترفا بارتكابهما الواقعة وهو ما دفعنى لتقديم بلاغ ضد أفراد الشرطة واتهمتهم بالتزوير.



ويرجع الحديث مرة أخرى لوالد الفتاة الذى قال: أثناء فترة حبس المتهمين حاول أهلهما تشويه سمعة ابنتى بالمشاركة مع بعض المخبرين، ولذلك ساءت الحالة النفسية للفتاة وكانت تعتقد أن نظرة الناس تغيرت لها بعد الحادث، وكانت تقول إن هناك بعض الأشخاص يتعقبونها، ويضيف الأب: كنت أحاول تهدئتها خاصة أنها كانت حساسة جداً ومتفوقة فى دراستها، وقام المتهمان برفع قضية يطالباننى فيها بالتعويض بسبب اتهام ابنتى لهما بسرقتها بالإكراه وقد أخفيت أمر هذه القضية عنها حتى لا تسوء حالتها أكثر، وقبل ٤ أيام عدت من العمل متأخراً فوجدت «منة» جالسة وحدها، وفوجئت بها تحتضننى وتمسح على شعرى وترينى ورقة القضية، وتقول لى أنا قرأت هذه الورقة، وكانت تبكى وحاولت تهدئتها وقلت إنه موضوع بسيط فقالت لى «للدرجة دى الظلم يا بابا، أنا زعلانة عليك لأنك مش قادر تجيب حقى أو حقك وبتتعب كتير، حرام نعيش فى الدنيا دى».



وأكمل الأب ودموعه تنهمر: لم أكن أعرف أنها كانت تودعنى.. ذهبت إلى العمل وفوجئت بتليفون من أحد الجيران يخبرنى أن ابنتى سقطت من البلكونة فذهبت إلى المستشفى ووجدتها مازالت حية، وعندما كلمتها قالت لى «الظلم حرام يا بابا.. الظلم حرام»، ثم فاضت روحها إلى بارئها ولا أستطيع أن أفعل شيئاً إلا أن أقول «حسبى الله ونعم الوكيل».



أما جيهان عبدالفتاح والدة «منة الله» فقد رفضت الحديث، ولم تقل غير «ربنا موجود، هو اللى هيجيب حق بنتى، الكلام مش هيرجعها».



أما العم عصام خليل فقد قام بتقديم بلاغ إلى المستشار هانى سالم، المحامى العام لنيابات شمال رشيد، ضد رئيس مباحث مركز رشيد ومعاونه وأحد المخبرين يتهمهم فيه بتزوير التحريات فى القضية رقم ٩١٢٢ لسنة ٢٠٠٩، وهو ما أدى إلى حفظ القضية مؤقتاً والإفراج عن المتهمين، وتدهور الحالة النفسية للفتاة المجنى عليها فى القضية ودفعها إلى الانتحار، ويواصل أيمن مهابة، مدير نيابة رشيد، تحقيقاته حول الواقعة.



انتقلت النيابة إلى مكان حادث الانتحار للمعاينة، واستمعت لأقوال الأب الذى سرد تفاصيل مأساة ابنته، وقدم صورة من قضية السرقة بالإكراه التى كانت ابنته ضحية فيها، وقررت النيابة نقل الجثة إلى المشرحة وعرضها على الطبيب الشرعى لتحديد سبب الوفاة، واستدعت الأم وعم الضحية لسؤالهما.



ولم يتسن لـ«المصرى اليوم» التأكد من صحة رواية المحامى بشأن تزوير محضر التحريات أو نزع أوراق من محضر التحريات فى قضية السرقة بالإكراه، ومازالت التحقيقات مستمرة فى النيابة العامة بالبحيرة، وقررالأب إرسال استغاثة إلى وزير الداخلية للتحقيق فى الواقعة

المصرى اليوم

حسبنا الله ونعم الوكيل (ربنا يصبرك يا ام خالد)

من مدونه
نبضات قلب ولهان

كان شاب طيب ومحبوب من كل الناس عمرى ما شفت حد زعلان منه روحه حلوه مالى علينا البيت ضحك وحب .. حب لاخواته واحترام ليا ولابوه .. ابنى كان جدع قوى مع اصحابه .. ابنى كان شاب مكافح بيشتغل وعنده مكتب استيراد وتصدير عمله مع اصحابه وبيكسب رزقه بعرقه .. عمره ما ضايقنى انا ولا ابوه ولا حملنا فوق طاقتنا .. اعتمد على نفسه وبنى نفسه بنفسه .. ابنى كان قاعد فى حضنى امبارح بيضحك ويحلم ببنت الجيران اللى بيحبها ونفسه يخطبها وبيحكى لى على اولاده اللى هيديهم لى اربيهم زى ما ربيته هو واخواته .. ابنى كان بيتفرج معايا على التليفزيون وسهران معايا انا وابوه واخواته ونايم فى حجرى .. ابنى كان بيقولى انه مهما كبر بيحب قوى يحس انه لسه طفل بين ايديا وانه بينسى تعب الدنيا والجرى ورا لقمه العيش لما اخده فى حضنى .. ابنى كان بيسمع شكوة اخته امبارح وبيطبطب عليها وكان بيوعد اخوه الصغير بهديه حلوه لما ينجح .. ابنى ده كان نور عينى اللى ربنا كرمنى بيه وقلت ان الايام عوضت صبرى خير .. ابنى كانت اى ام بتتمنى اولادها يبقوا زيه فى اخلاقه وحب الناس له .. نزل خالد من البيت وسلم على ابوه وباس ايدى وطلب منى انى ادعى له نزل بعد يوم مرهق فى شغله يغير جو ويسهر مع اصحابه شويه ... دخل سيبر يفرج عن نفسه ماهو تعبان ياحبيبى طول اليوم ..وضحك وهزر مع اصحابه من قلبه .. ودخل عليهم البوليس يفتشهم .. والله ابنى كان محترم ومش بتاع مشاكل .. بس كان متربى على عزه النفس وان كرامته فوق كل شئ ومش بيقبل بالاهانه ابدا .. ابنى ماعملش حاجه والله ..هو بس سئل رجال الشرطه احنا بنتفتش ليه؟؟؟!!! وكان مصيره الضرب حتى الموت .. اه مات ابنى .. مات ابن عمرى .. مات حته من قلبى .. مكنتش اعرف ياابنى انى مش هاشوفك تانى ... ااااااااااه ياخالد لو كنت شفتهم ياابنى كنت نهشتهم باسنانى ولا انهم يمسوك بسوء ياحبيبى ... سامحنى ياابنى لانى ربيتك على الاخلاق .. سامحنى ياابنى لانى طلعتك محترم فى بلد مش بيعيش فيها الا البلطجيه ... حسبى الله ونعم الوكيل .. حسبى الله ونعم الوكيل ... تارك عند اللى خلقك يابنى مفيش فى ايدى شئ الا دموعى ياحبيبى .. سامحنى ياخالد .. سامحنى ياابنى






ياترى كام خالد فيكى يابلد؟؟؟؟؟؟؟؟؟؟؟؟؟؟؟


المصدر الرئيسى للخبر

حلم لسه مستسلمش