الجمعة، 2 ديسمبر، 2011

تخاريف حصان مكسور

السلام  عليكم 

مصرنا  فيها  حبه  امل 

حبه  امل نقدر  نعيش  عليها  

جاى  النهارده اخرف  فى  مكانى  المفضل  

اللى مش  حد يضايقنى فيه ولا  يزاحمنى فيه 

تعالوا  معايا  

الى  حبه امل  وتفائل  

ونبص على باقى  حبه  الميه  الباقيين فى  الكوبايه  صحيح
ان  الكوبايه  اتكسرت 

المهم  باقى  قطرات  الحب  اللى  باقيين  جواه  الكوبايه
_____________________

الايام  دول  حبه فوق  وحبه  تحت  
ومعلش  لو  وقعت  على بوزك النهارده  اكيد  هتقف  بكره فقط  تمسك  بالامل 
ياريت بس  مش  تكون  حصان  مكسور  تخيل  ان ليك
جناحات  تطوف  بيها  الكون
تشوف  عظمه  الخالق 
وتشم ريحه الجنون
 المهم انك تحاول  
انك  تكون  مجنون
مجنون بفكرتك 
وانك  ليك  وجود
العبره  فى  الامل  
______________________________________
ليه  مش  نرجع  حماسه  زمان 
غيره 
زمان 
المفقوده اللى ضايعه
تحت  الباب  المقفوله 
ورا  الدوليب  اللى  
عشعش  فوقيها  العناكب 
والتراب

ليه مش  ننفض  التراب 

ونرجع  زمان 

بس  نعمل  كوكتيل  

حماسه  وامل  
وحلم
 نحاول  نحققه
فاكرين لما كنا  بنحاول  نحوش  علشان
نشترى  لعبه  او  قصه 
او  مجله  ميكى  

اوة حتى  نشترى  هديه  بالرغم من مصروفنا  الصغير
وعمرنا 
ما  كنا  نكمل  تمن اللى  عاوزينه بس  كان عندنا
 امل  علشان  نوصل  نوصل  للى  احنا  عاوزينه 
______________________
يا  زمن  ضاع من بين ادينا 
امتى  
وفين
نشترى  زيك
________________
تخايف  محمود

الأحد، 23 أكتوبر، 2011

حزب الكنبه



الاحداث من حولنا  تتكلم 

ونحن 
فوق  الكنبه 

نتحدث
هللنا دور فى  ثورتنا

ام اننا
من  امام شاشتنا\

نشجب 
ونستنكر 


طيب 
احنا  عملنا ايه لمصرنا


ولا  عملنا  ايه  لثورتنا
احنا  عايشنا  

اهم فتره  تارخيه 
من تاريخ  مصر  ايه الواجب  علينا 


واجبنا ايه بجد ؟
نلطم على حال البلد 

ولا  ننزل  الشارع  نتظاهر
ولا  نقعد نكمل قعده


على الكنبه 
والكنبه  
لانرضى بها بديل 
مرت احداث  كتيره 
قد قتلت بحثا  وكتابه 
ومنا من اكتفى بما مضى  مما كتبه 


ومنا  من استمر 
انا  نفسى وقفت

من الكتابه 
مش عارف  ليه 

بس  حبيت  افكر  ايهالواجب  
علينا تجاه 

مصر فى المرحلهاللى  جايه 
دى 

سيبك مش هقول ننزل  يوم 28اكتوبر  
وعصيان  مدنى

فى منا  لازم يشتغل  اليوم بيومه علشان
ياكل
 عياله  او هو ياكل  
ولا  هقول  تعالى نهتف يسقط يسقط يسقط حكم العسكر 

لآ مش هقول كده
ولا  هقول  تعالوا  نقعد نقزقز لب قدام برامج هرش  الدماغ  التوك شو الصداع  وتلف فى  القنوات 

بين  اهطل  ومعتوه  وعبيط 
ومجانين 

ولا هقول  ولا  هتكلم عن القمع والتهديد  ولا  اختلاط الحق  بالباطل
 لغايه 
ما تشد فى شعرك ولا  تعرف 
الحق فين 

الدنيا تلوقتى تايهه  فى بعض
وكل  خبر يطلع اللى يكذبه 

واللى يكذبه تكتشف انه  كذاب
من اساس

وتشد فى شعرك ان ده قال  كذا يوم كذا وان  المواقفبتتغير  على  حسب  
التوقيت  
بيبدل  مبادئه زى  الشربات 
بس ا لشربات ليها فايده 

هو بقه ملهوش فايده  
اساسا والشىء المشترك بينه وبين  الشراب ريته  نتنه  وفاحت
والنماذج
كثيره 
جدا
تعالوا   للجد 
لو حد قرا  الكلام ده
من اساسا

لانى اساسا  
متوقف ونفسى  واقف من التدوين 
ومش
بزور   حد
للاسف
 الفيس
بوك
واخد الوقت
كله
بس  التدوين
حياه 
ونفس


ه\دف  التدوينه دى  علشان مش انسى  
لازم  نوعى البنى  ادمين اللى  حوالينا انهم مش  
يعطوا
 تصويت 
لابناء  الحزب  الوثنى المنحل

ياريت
ننبهه
على  البشريه

دى
 ياريت

ونختار الاصلح  لينا
 ومش
 هقول
 اسلامى
 لبراليى  

اى بتنجان

المهم بعيد عن الحزب  الزفت  ده
اللى فى  رقبه كل

عضو
فيه
 دين لمصر
 مش
هقول
 شهداء
لآ
يا عم

هنقول
 سكوت عن الغلط

وام السرقه

وانه  اشترك فى   السرقه

ياريت  ننببه على  الناس  
فعلا الارياف  
صعيد 
او  بحرى  
لازم 
ننبهم

علشان
ناس
 دماغهم
فى  البطاطا
مش
بيشغلوا
 تليفزيون

الا على  بناوراما دراما

او  ميلودى  افلام

غير كده
لآ
 وخبر  الثوره جالهم 

بالصدفه 

علشان ناس  تبانه وشقيانه بجد
ومحدش  واخدج باله من 
الناس  المهمشه فى  المناطق  دى
 ولا يحس
بيهم
الا اللى
طالع

من وسطهم

ياريت
نقول  لآ
 لفولول  ام الوطنى 

دى او الوثنى معلش


ويلا اسيبكم  بالعافيه كده

اوعوا  تتخلوا
عن  الكنبه

اوعوا  

سلام 
ولنا لقاء قريب


 

الثلاثاء، 20 سبتمبر، 2011

نظره طفل2

الدنيا بعيون  طفل  


مشكله  اى شاب  او فتاه  مش  قادر 

انه يتواصل  مع واقعه  

ودائما مصدوم  ان الواقع 

غير  احلامه 
وان  الاحلام اللى  كان بيحلمها  ابعد
عن 

انه يشوف  حلمه  ودنه 

وان  الدنيا  وحشه  

وان  الظروف  معكساه


وان  اللى بيتمناه مش  دايما بيلاقيه  

وان  الامنيات صعبه  انها تتحقق

وانه  كل  حاجه فى  زمنه مفروضه عليه 

وان  كل  اللى  حواليه  ظالمينه 

وانه  مقهور  مكسور  

منهزم  متخاذل 

غصب  عنه وانه  يستحق  الافضل 

وان  فى  ناس  هو  احسن  منها بكتير  

السبب فى
ان فى  شباب  لغايه تلوقتى  عايشين  وبينظروا للدنيا بنظره الطفوله  
عيون  وقلب طلب  
مش  عيون رجل  وقلب  اسد 


الدنيا  محتاجه قلب  اسد  
وعيون صقر


عيش  الواقع مش  تهرب  منه 


عيش  الواقع  مش  تتقوقع  جواك  


عيش  الواقع  


وحبه ثقه  


الدنيا  تبقى  احلى

الاثنين، 19 سبتمبر، 2011

فضفضه نكسه ووكسه

           السلام عليكم

اخواتى  واصحابى  
عارف  تقصيرى فى حق  مدونتى  

ومش  عارف  اعتذر لمين  ولا  لمين  

حقكوا  عليا  
كلووووو

بجد 

هى شويه فضفضه  ونعكشه  وجنان  

جاى  افضفض  هنا  وكمان احوال  اخلى  الناس  تفتكرنى بعد  نسيانى  ليهم 
ونسيانى  للمدونه

____________________________________
لما  تلاقى  الفشل  بيدق  الباب  

ويقول  انا  جيت اهو 

لما  تلاقى  اليأس  والاحباط  

اتحوطوا بيك 

ومش  عارف  تفلت من بين  انيابهم

لما  تلاقى  العمر  خلاص بيضيع  من بين  اديك
ومش  عارف  تعيش  
حتى لحظه  

حلوه  نفسك فيها 

لما  العزيمه  تنهار  

والثقه  تهرب

وكل  احلامك تطير  مع الهوا
و
تكون متوقفه على  امل  
مفقود 

وتكون سبب فى  انك  مش  تدخل  الفرحه
فى  قلب  اعز  الناس ليك

لما  تبنى امبراطوريه  الحب فى قلوب  الناس  وتفشل انك تبنيها  جواك

ولما  الناس  تتوقع  منك 
انك  هتكون
حاجه 
وكل  اللى  حواليك  يسبقوك

وانت  لآ 
تتأخر  وتكون فى  المؤخره 
دوما 

لما  الدنيا  تخنق  عليك 

وتحس  انها ضاقت  خلاص

ولما  تتهوه منك
ومن  احلامك  

ومش  تعرف  انت  عايز  ايه  من  اساس

وكل  الامبراطوريه  تذيع  فى  الهوا
والاسطوره 
يوشك ان  يقع 

لما  ده كله يحصل  لك  

وتشعر  ان  اللى  حواليك  محتاجين لك  وانت  محتاج  نفسك
تحاول  تمسك  العصايا  من النص
مش  تعرف
 هتعمل  ايه  
ولا  هتفضل مين  على  مين 
وانت لسه  
مش  تعرف  انت اساسا  
عاوز ايه 
لما  تحزن  وقلبك  يتكسر  انك  تلاقى  قلب  اللى بيحبوك  

مكسور  عليك
ولما  تتنقهر  انك تشوف  دموع اعز الناس
ليك  عليك  بتنهمر 

وتشد فى  شعرك  وتقول  انا  نفسى بس  مش  عارف

وقليل  الحيله  حظه
قليل
وتلوم الناس  كلها وتنسى  تلوم نفسك

كل  اللى  حواليك سبقوك  وانت نسيت  نفسك
والف  واحد يوعظوك
وانت مش  فاهم  اساسا  عاوز ايه
تجى
تفهم
تلاقى الوقت  ضاع  

وايه  النتيجيه 
حسره وكسره
 ووكسه 
ونكسه 
واخرتها 

انت مين  وعاوز ايه  
__________________________________________
اللهم  اليك  المشتكى  
اللهم
دبر  امورنا  فاننا  لانحسن  التدبير  
واصلح احوالنا  
واعنا  
على  انفسنا  يا كريم

الثلاثاء، 19 يوليو، 2011

تعالوا ندور على بعض

السلام عليكم 



وحشتونى  موت  وربى 

جاى اسلم عليكوا  
وعلشان انا كنتا غايب  على 
بلوجر

س  كنت موجومد على  الفيس  

فى  ناس  غايبه  خالص  

نذكر  

اخانا  الاستاذ فاروق  عصفور  الجنه


ماما نور  كلمات  من نور 

والاستاذه  الفردوس  الاعلى  ام  هريره  سلم الى السماء


واختنا ساسو  اشعار  وتاليف 

اختنا  افروديت  

خابت بك ظنونى خفوق فى  حنايا القلب


اختنا شهر  زاد  احلام شهر  زاد 

نسرين القاضى خنجر  الحرف

وغيرهم  كتير  قوى  

ياريت  نسأل  عن بعض  

ويارب  يجعلها  لله
ياريت  اللى يعرف  حاجه عن حد غايب  
يبلغنا او يكتب  عنده بوست  عنه 

وياريت  كل  واحد فينا يكتب  بوست  
عن الناس  اللى غايبين  عنده 

او اللى يعرفهم 

مبادره  علشان  مننساش بعض



الخميس، 7 يوليو، 2011

صندوق الذكريات

السلام عليكم


اولا  انا باعتذر  جدا جدا على تقصيرى  ولكن  انا كنت فى امتحانات

للاسف
وحشتنى  المدونه جدا  وخصوصا  مدونه
قلبى  حبيبى

لانى   جوايا  مشاعر  كتير ه جدا  ومحتاجه ترجمه  بس  مفيش  وقت  وكمان   الفيس  واخد باقى  الوقت  ولازم  اعترف

:::::::::::::::::::::::::::::::::::::::::::::::::::::::::::::::::::::::::::::::::::::::::::
اختنا فى  الله  ام  هريره  (الفردوس  الاعلى )(المدينه  الفاضله )

وجهت الي الفقير  دعوه الى  كتابه عن

( صندوق الذكريات )
على كل مدون تلقى الدعوة لهذا الواجب أن يكتب عن :
أفضل ذكرى لم ولن ينساها مهما طالت الأزمان

كذلك سيكتب إهداء
سلام
عتاب
شكر
كلمة
لشخص ما جعلك تبتسم , تحزن ,تضحك ,أو ترتاح

ـــــــــــــــــــــــــــــــــــــــــــــــــــــــــــــــــــــــــــــــــــــــــــ

الفقير  يعشق  الماضى

اكثر  من مر  الحاضر

وضبابيه  المستقبل

وكاتب  مجموعه  من المواضيع باسم

العالم  من فوق  دراجه فى
مدونتى
يعنى  الدعوه جاتت فى  محلها

وهكتب  كتير
وهكمل
المجموعه خصوصا

بعد  دعوه اختنا ام هريره


تعالو  معايا  فى صندوق  ذكرياتى

هنلاقى  حاجات  كتيره جدا جدا
هاخد  كده   من  كل  موضوع سطر

لانى  هكتب فى  المجمل  والتفصيل  كده عنى  ميكس

معلش انا  مش  عارف  اكتب  زى  زمان

ـــــــــــــــــــــــــــــــــــــــــ
من شهرين  اكرمنى المولى  بان اسافر  الى جرجا  وانا اعشق  بلدى مهما


سمعت  من كره القاطنين بها

عندما  دخلت بيتنا  كل  حته فى  البيت  كانت  وحشانى

البيت  وحشنى
سريرى  وحشنى

سطوح بيتنا  وحشنى

اذان الفجر  فى  فيتنا  وحشنى

يوجد محموعه  كبيره  من  المساجد  حولنا
لما يتم الاذان كده
ياه
الاصوات تتداخل
بشكل يشعرك بالامان

دخلت غرفتى بعد تقبيل يد امى  وجبين اختى  وحضن من عيال اختى النانيه

وبكيت
حنين بطعم  جميل   والصوره  المعلقه  على  الحائط لصورتى

ولاحظت ان صورتى  داخل  البرواز معوجه
قلت لها  محدثا  نفسى
هتفضل  طول  عمرك مايل  امتى  حالك يتعدل يا  اخى

______________________________
معهد جرجا  الابتدائى  والابله سحر
وحنانها الجم واخلاقها الجميله
الله يرحمها
____________________________________
مسجد   ابو  خليفه  فى  بلدنا
كنت اعشق ان اصلى فيه  الفجر
ايام  الثانوى  له رائحه  بطعم الامان
للاسف  تم هدمه وتوسعته وبنائه

ايوه هو  كده  اجمل  بس
الاحساس  مش  موجود  مش  عارف ليه

فى مره صلت  فى القاهره فى  احد مساجدها
للاسف
معرفش اسمه  الارضيه  هى  هى  والسجاد
غصت
فى  احساس  جميل
______________________________

الجلسه  مع الاصدقاء بعد صلاه الفجر  ولعب  الكره
والفطار  الساخن
من  محل  صديقنا
وشرب  عصير القصب
فين الناس  دى
________________________
بابا  واخده بيدى للمسجد

بابا  وهو يعطينى  المصروف  اللى دائما لا يعجبنى

بابا  وابتسامته الحانيه لى  بكل  طيبته
وحنانه وهو يقول لى  وانا بحول  من كليه الهندسه بقنا الى  القاهره

محمود انا واثق فيك

فى  وقت فقدت الثفه فيا  من الجميع
____________________________________

ماما  وهى بتكوى  هدومى

ماما  وهى بتحط ليا الاكل
ماما وهى بتعمل لى الشاى
وهى بتغسل لى  هدومى

ماما  يارب يخليهالى  يارب
________________________________________
الاخوات هبه  ومنى  وشيماء
خناق ضرب
عض احيانا
خلاص كبرنا بقه

++++++++++++++++++++++++++++++++++++++++
اخوايا عصام ومؤمن  الكبار  يارب يبارك فيهم
ويشفى  عصام يارب يارب
==============================================
سلام  لكل  انسان فهمنى  للاسف  وواللى فهمنى قليل قوى

عتاب للاعز الاصدقاء
لتخليه عنى فى  احلك ظروفى

الشخص  اللى اوجه له الكلمه  واشعرنى انى برتاح
بجد مينفعش اذكر  اسمه
بس
انا بجد كل  ما   اشوف  حاجه من كلامه  بشعر  ان الدنيا  لسه بخير
بارك  الله له
______________________-
اوجه الشكر  لكل اخواتى
المدونين

الواجب  التدوينى  ده
للجميع
((((((((((((((((((((((((((((((0
اسف  مش  عارف  اتعامل
مع نسخه بلوجر  الجديده دى
حتى مش  عارف
اكبر
الخط
ولا  اى  حاجه  

الاثنين، 20 يونيو، 2011

ايه اخره الداخليه معاناا يا ولاد ال........................


انتهاكات وزارة الداخلية بعد الثورة ضد مصابين الثورة
من وليد السيد في 19 يونيو، 2011، الساعة 08:19 مساءً

الاسم / محمد مجدى

طالب بكلية الأداب الفرقة الثالثة

التهمة / أنى من مصابى الثورة حيث فقدت عينى فى أحداث ثورة 25 يناير


كنت أسير فى منطقة فيصل شارع العشرين يوم الثلاثاء الموافق 15/6/2011 حيث كنت راكبا توكتوك وفجأة استوقف التوكتوك رجال المباحث وانزلونى من التوكتوك وشدونى من الحزام فأعتقدت أن الموضوع به لبس فقولت للظابط بالراحة هوا فيه ايه فقام ضاربنى فى صدرى وقالى انت ايه الى معورك فى عينك ياروح امك فقولتله انا من مصابين الثورة فقالى ( أنت مصاب ثورة ياحيلة أمك تعالى على جنب) فبقوله حضرتك عيب كدا ممكن تعاملنى بأسلوب محترم أو تاخدنى القسم بس من غير ما تقل أدبك عليا فقالى ما انا كدا كدا هاخدك ياروح أمك انتى متصاب فين فقولتله فى التحرير فقالى تحرير جاتكو 60نيلة مش التحرير دا الى( كنتو بتنطو على بعض فيه ياولاد الوسخة ) واخدنى القسم وهوا بيركبنى العربية قالى على فكرة أنا اسمى( ملازم أول محمد نجيب) علشان لو عاوز تشتكينى واخدنى على القسم وهناك الظابط بيسألنى انت عملت ايه فقولتله ما عملتش حاجة فقام الملازم وقفنى على جنب واتكلم مع الظابط وقام عاملى محضر ( سب وقذف وتعدى على السلطات) ودخلنى الحجز وقالى( ادخل بقى ياروح امك اتظبط جوا دا انتو عيال سيس لو طلع عليكو بلطجى هيقلبكو انا عارف العيال الى جاتلكو التحرير دى ما عرفتش تقلبكو ليه ياولاد الوسخة يالى كنتو بتنطو على بعض فى التحرير) ووانا اول مرة فى حياتى أدخل قسم شرطة ودخلنى الحجز وكنت خايف من الى جوا بصراحة وكنت منهار فالناس جوا شافونى بصراحة صعبت عليهم واتعاملو معايا كويس فى الحجز وبعد كدا عرضونى على النيابة فوكيل النيابة من قبل ما اتكلم ( قالى انا عارف انك ما عملتش حاجة لانك شكلك محترم جدا وابن ناس بس هما راجعين مكسورين وانا مش هقدر اعملك اى حاجة غير انى اخلى سبيلك على ذمة القضية) فخرجت من النيابة روحت على مديرية أمن الجيزة لللواء/ محمد كمال الدالى مدير الادارة العامة لمباحث الجيزة وحكتله الى حصل فقالى تلاقيك رديتعليه يامحمد فقولتله انا لو رديت عليه مش هاجى لحضرتك فقالى عموما انا هشوف الموضوع وابقى ارد عليك ومن يومها ولا عمل حاجة فدا إلى خلانى اروح اقدم بلاغ للنائب العام .

اقسم بالله انا ما بدور على حقى انا بس انا بدور على حق كل مصرى حصله وهيجصله كدا زىي احنا عاوزين معاملة أدمية محترمة مش أكتر من كدا



الظابط اسمه : ملازم أول / محمد نجيب

قسم شرطة بولاق الدكرور


وأعتذر عن الكلام المسئ الموجود ولكن هذه هيا الحقيقة ولابد من نقلها كاملة

وأعلنت حركة شباب من أجل العدالة والحرية تضامنها مع الطالب محمد مجدى

للإستعلام عن أى تفاصيل بالقضية

waled.azeem1@gmail.com


الجمعة، 3 يونيو، 2011

بنزين 80 والسولار

السلام عليكم 
4

الحراميه  بعد  الثوره 




تلوقتى  
السولار   والبنزين 
80

بيتباع 
على  نواصى  الطرقات  فى  فيصل 

واكيد  فى  كل  مكان فيكى  يا  مصر

وطبعا 

مش  موجود فى  المحطات 


طبعا  


وكنت  راكب  ميكروباص

السواق  قال  
بيضيفوا
 عليه  ميه 


طيب  ليه كده 

وفجا  العربيه  وقفت  فى  نص  الطريق  

طيب  ليه  يتباع 

سوق  سوده

مش  المفروض 

القلوب  تنضف
ونعمل  على  انفسنا 

ثوره

ونخلع  الجشع 

والحقد من قلوبنا  زى   ما  خلعنا 

الحرامى 


ليه  يا  اخوانا  كده بس
  هى  مصر دى  بتاعه  مين  بس

بتاعه حد غيرنا 

دى احد  المطبات  اللى  فى  حياتنا


الخميس، 2 يونيو، 2011

مطب لكل مواطن

3

السلام عليكم 

اخواتى  

بحبكم  والله 


مطب  لكل  مواطن


بعد  الثورة  

وبعد  خلع  اللامبارك




تلوقتى  


تلاقى  الشارع  فيه  اكتر  من 4 مطبات  


صناعيه 

ممكن  قدام  كل  بيت  مطب

او قدام 


كل   عماره 
او  محل  مطب 


بحيث  تركب  العربيه  اقصد  الميكروباص  


كانك راكب  ملاهى  



حبه  فوق  وحبه 

تحت 
وهوبا  

طاخ 


وهكذا 

ملاهى  مطبات 
مطب  فعلا  لك  مواطن 

عارف  ان المطبات علشان  العربيات  

تهدى  السرعه 

فى  الحارات  والشوارع  الصغننه
بس
مش  
بالشكل  الالاوفر  ده

بجد 

زياده عن اللزوم 


 

الأربعاء، 1 يونيو، 2011

ما انت الا رقم موبيل ممسوح؟؟؟؟

السلام عليكم



خروجا عن حاله  النكد والاكتئاب  التى اعانى  منها  تلك  الايام 

اكتب  التدوينه  الثانيه  فى  تدوين اليومى  لهذا الشهر
________________________________

مسكت  مومبليى 

وقلبت  فى  الاسماء

لاقيت اسماء  كتيره  جدا  حوالى  475 اسم 

مين دول 
ده مين  وبتاع  وايه
دا  انا  مفيش  الاعداد دى 
محدش  بيتصل بيا 
ولا    بيسأل فى اهلى 

مين  دول 

يا  ربى 

ده  عم  محمد بتاع   السجل  المدنى 

ودهعم ابراهيم  بتاع  الكهرباء
وده سواق التاكس
وده  اللى  كان  باعتنى  ليه  اخويا علشان
اقضى  له مصلحه

ده بقه 
محمود
بتاع  هندسه قنا 

بس  خلاص  الله اعلم  هو فين 
وعلاقتى بيه  كانت  نص  نص
وده   اللى قابلته بالصدفه 
مع زميلى   واتعرف  عليا 
واعطانى رقم  موبيله

بس  مكلمتهوش
ولو  شوفته
مش هعرفه

ده بقه  زميلى  بتاع السنه  اللى فاتت

هو نجح واتخرج وانا محلك سر 
والعلاقه  كانت  سطحيه جدا

ده بقه  زميلى ايام  ابتدائى
ده الوحيد  اللى  لو شفته  هعرفه 
لانه جيرانى  ومينفعش امسح  اسمه
قمت  بممسح
275 اسم 
مش فاكرهم 
والاساماء  المكرره
برضوا اللى باقى 
200اسم
مين  دول  الله اعلم 
منهم  اعز الاصدقاء  اللى اعدادهم لا يتجاوز اليد الواحده
ومنهم  الدكاتره الخاصه باخى  عصام
ومنهم اصدقاء  العائله
ومنهم البيت ماما  وبابا  واخواتى 
وبعض  اقاربى 

منهم  اسم او اسمين  لمشايخ اتعلمت على ايديهم فى الازهر

منهم الزملاء

لكن
مين  اللى بكلمهم  وبيكلمونى بصفه  دائمه
او  متقطعه
برضوا ميتجاوزوش  اليدين 
طيب  ايه لازمه الاسماء  دى  كلها

مشاغل  الحياه
زى القطار
بتاكل  قدامها
ميهمهاش

______________________-
الاسماء  اللى بكيت  لما مسحتها
ارقام  تليفونات  ناس كنت اعرفهم
وتوفوا
وانتقلوا
ارقام ارضى  وموبيلات

يااااااااااااااااااه الانسان  عباره عن
رقم  موبيل

فى  تليفون


سبحان الله
__________________
يا ترى كام واحد من اللى التقيت بيهم  عمل كده باسمى  ومسحه فى  سله النسيان
وحتى لو  شوفته
وهو شافنى
هيعرفنى 
معتقدش

اخرتها
بقينا اسم فى موبيل
\(_________________________
لا يبقى للانسان الا العمل  الصالح

والسيره الحسنه
والمواقف  الجميله  اللى  بيدعوا فيها  بصدق  الى الله
بالحال
لا  بالمقال
لان الحال
يحفر فى الوجدان
اما الكلام
ما اكثره
ربنا يلطف  بحالنا

الثلاثاء، 31 مايو، 2011

الدنيا 3


السلام  عليكم
ازيكو
الف شكر لكل  من علق  وزار 
يارب يجازيكوا خير يارب


____________________________________________________________________
فكرت   فعلا   العيب  فين
فيا ولا اللى حواليا
ولا الدنيا

عرفت ان العيب
فيا
انى لم
ادرك
حقيقه
الدنيا اللى عايش
فيها
ومأخدش
بالى
من
نفسى
كفايه
وانى لازم ارتب  اوراقى 
من جديد
وانسى الماضى
كله
بكل
ما فيه
والغلط
مش عيب
العيب
الاستمرار فيه

من  زمان  لما  كنت بقول  لنفسى  كده باخد  دفعه الى  الامام
وفعلا باتغير الى الافضل

تلوقتى مش بياخد معايا الكلام ده خالص 

وواقف  فى  مكانى

عرفت  السبب  هو ان الصديق  بعد  ومش  موجود
و بمعنى  ابلغ 
مش  غرور بس  مفيش  حد فاهمنى 
ولا  اهتمامته اهتماماتى
ولا تفكره  زيى
ممكن اكون سطحى
او تافه
او اجوف
بس مش  لاقى  شبهى 
خالص
تايه فى  زمن اللازمن
اسأل الله الستر
(_(((((((((((((__________________________
دى اول  تدوينه فى سلسه التدوين لشهر ده ان شا ء الله

والقادم افضل ان شاء  الله





الدنيا@2

السلام عليكم

بما  ان  الدنيا  هكذا صعبه وطعمها  مر

تعرف  لما  تحس  انك  عاوز  تتكلم ولسانك ينعقد

بجد
احساس  فظيع

خصوصا لما  تحس  العمر  بيجرى  من بين
ايدك
ومش  عارف
تمسكه


احساس  فظيع
والدنيا بتضيق
والنفس
بيخلص
انا عارف
ان
هناك
امل
والخير
جاى
بس  انت  اهل  للخير  ده
ولا
هتفضل كده
زى  ما  انت

بجد

الخنقه
صعبه

يارب
عفوك
وسترك


لسه الامل  موجود

الاثنين، 30 مايو، 2011

الدنيا

السلام عليكم 

وحشتونى  

اسف على  التقصير 

سامحونى 

::::::::::::::::::::::::::::::::::::::::::::::

لحظه صدق



هنبدأ  من جديد 


علشان  ابنى  محمود من جديد 


مهما  حصل لازم   أبدا 


الدنيا  من اكل  وشرب  ونوم

ونت  وتليفزيون 


الحياه  صراعات 


والم  وفرح  وحزن


الدنيا  مش  زى  ما  احنا
بنشوفها  

بعيونا  زمان 
واحنا

اطفال

الدنيا  

غير  

الدنيا
غير

الحمد لله