ربنا يهديك يا محمود

الفتره اللى فاتت كل  ما فيها   من احداث

فى مصرنا
من قتل  ودم وتهديد ووعيد وتكفير

وثورة او انقلاب

عرفت  حاجه مهمه  جدا جدا

بغض  النظر  عن  التوجه السياسى
او  انا  بايد مين

انا  فرحان لحاجه مهمه
احكى  ومن غير  كسوف

ومش  هطول  لانى  عارف  محدش هيقرا

اولا انا  لا احب  الاخوان ولا  السلفيين  ولا  مرسى  ولا  اى  حد من  الشله دى

وعنى اصحاب سلفيين واخوان
نجتمع على  الحب  ما بيننا

هتكلم عن تجربى على  الفيس انا  ليا اخوات ليا اخوان متربيييين اخوان

وانا  متربى  معاهم  بس انا مش  اخوان راعى مشاعرهم  ومش
باجرحهم  وكنت باحهم فى  المقيدون علشان  احكى  من غير  ما اجرحهم
لانى  فعلا  كنت شايف  انهم
بيشوهوا  الاسلام من  وجهه نظرى
باسلوبهم
ومش  هدخل فى  قفاصيل علشان  محدش  هيقتنع
ولكنى بحترم رايهم
ومش بعلق  عندهم  علشان  محبش  استفز  حد
 وبدات  افتح الوول  علشان  اشرح وجهه نظرى
اجد من اخواتى  احبابى من تربيت  معهم  منذ الصغر
يشتمونننننننننننننى
بالرغم من انى نبهت عليهم  ان يتركونى  وشأنى
واعبر عن رايى  كما اريد
محدش ليه  حاجه عنى  واعبر  عنى باى  شكل
نبهت  عليهم الا يعلقوا  عندى  مره اخرى

اجد احدهم يدعوا  عليا  على  وولى  علشان انا ضد مرسى؟
طيب فين  العيش  والملح؟
فين الحب فى الله؟
فين التمس  للاخيك  عذرا؟
الاخ ده  حبيبى  واخى فى  الله متربى  معاه
والله متربى  معاه
ياعم يغور  مرسى  والسيسى
ويبقى  الموده تبقى  الموده والحب فى  الله
الوم عليك يا صدقى ان تفعل  ذالك
وفعلا انت  جرحتنى
 شايفنى  انى فى ضلال  مبين ادعولى بالهدايه
مش  بالدعاء عليا
ولا حول ولا قوة الا بالله
عرفت
ان لسه فيا الخير
كفايه انى  كنت بحافظ عليه
وهو
فعلا  ميعرفش  معنى  الاخوه والصداقه
وادعى له
ربنا يهديك
يا  محمود يا  مملوك

بنى ادمين موديل 2013 (2)

قهره بمعنى الكلمه 

لما  تكون  شايل  حمول  باختيارك علشان  خاطر ربنا 

وتبقى الشيله  فرض  وامر  واجب  وانت اصلا ملكش فيه

قهره  بجد

لما  تتحاسب على  حاجات  مش  من حقك  انك تتحاسب  عليها اصلا  

قهره بجد

لما  تاخد بالك  من قلوب  الناس  اللى  حواليك  

وهما مش  حاسين اصلا بيك 

قهره بجد

لما تخاف  انهم يزعلوا  منك  وتحاسب  على مشاعرهم

  وهما يدوسوا عليك باحذيتهم 

قهره بجد 

لما  تطبطب  عليهم  وتاخد بالك  منهم

ومش تلاقيهم  حواليك وقت الجد 

قهره بجد 

لما  تسمع ليهم  وتحضنهم لما  يعيطوا  

ومتلاقيش  حتى اللى يمسح دمعه  عنيك 

قهره بجد 

لما  تكون حاضر فى  حزنهم  قبل فرحهم  

وساعه فرحتهم ولا يفتكروك 

قهره بجد

لما  تحسن  الظن بناس  طيبين  هما  

اصلا اساؤء  الظن فيك 

قهره بجد 

لما تثق فى  ناس 

هما اصلا مخونينك  

قهره  بجد 

لما  يشتكوا ليك  وتعذرهم 

ولا يقدرون عذرك وقت شكوتك

قهره بجد 

لما يفرضوا عليك  حاجات  مش  من حقهم  

ووقت  حقك ياكلوه ومتقدرش  تطالبهم 

قهره بجد 

لما  تكون  مطالب  انك  تفهمهم صح 

ومن حقهم يفهموك صح او  غلط 

قهره بجد 

اااااااااااااااااااااااااااااه 

يا مرضى يا نفسيين  

يا  متخلفيين  

مش  هكون شرانى علشان شوفت الشر فيكوا  

ولا  هكون طيب  علشان  طيبتى  استغلتوها  

ولا  هنزوى  عن  الكون

علشان شوفت  

مختليين عقليين 

زيكم  

هكون زى ما  انا  

بعيوبى  

وبحسناتى بتصرفاتى 

انا  انسان  بس  متوازن  

مش  مختل  عقليا  زيكم  

هتصرف ومش هستنى  حاجه من  حد

ومش هجى على نفسى  تانى  

علشان  ناس  

مجاااااانين

ـــــــــــــــــــــــــــــــــــــــــــــــــــــــــــــــــــــ

فى  ناس  تعاملهم  كأنك  واقف  على  حرف 

شباك  فى  عماره عاليه قوى  

ولازم  ترميهم  من فوق 

وفى  ناس  تحترمهم قوى 

وفى  الاخر يطلعوا  

مش قد الاحترام  ده 

الاحترام مش باللبس  ابدا

الاحترام بالادب  والمواقف

وفى  ناس  مش باقيه عليك 

ومش  بتندم ولا بتحاسب  نفسها  

من ضربها فيك

وفى  ناس  لازم تتمسح  من الحياه  

باى شكل  كان 

وفى  ناس التعامل  معاها  زى  ما  تركب العجلهعلى  حافه 

جبل

لازم  تحافظ على  نفسك

علشان مش  تخسر  نفسك 

وفى  ناس  زى  التيران  

تواجههم  تموت مادام

مش  عندك خبرهتروضهم

وفى  بشر  بتتكلم معاهم  وكانك فى  وسط  الميه

تتكلم ومحدش سامعك

شايفين  نفسهم وبس

وفى بشر  لازم تسيبهم وترمى  نفسك  فى بحر  ميه  نضيف علشان

تنضف  نفسك  

من  وساخه  

وجودك  جنبهم

وفى  الاخر  تلاقى  نفسك برضوا فى  الوحل

انا  مش  ملاك 

انا بشر

ليا  اخطائى  ومش  بطالب  حد من غير عيوب 

عاوز 

بس  واتمنى

انى  الاقى  بشر

بابا البساطه فى ابهى صورها

بابا

الحاج  بابا  

بحبك

رساله الى بابا  حبيبى  

بسم الله الرحمن الرحيم  

بابا  نور  عينى  بحبك 

وحشتنى يا  حاج  قوى قوى قوى  

وربنا يعلم  

اعترف بتقصيرى  معك  طوال  سنين  عمرى  

ولم  اعرف قيمتك الا تلك  الايام

اعترف  بتقصيرى معك فى فهمك  

والاعتماد على  الاخرين فى فهم  الحياه

ووجد الحياه  كلها  بين  يديك

الخبره  بكل  مقايسها  

 الفكر  والتجارب  والحنان 

والدين  

والفطره  

وجدت بين يديك  كل  شىء  ووجدت فى قلبك 

كل  الحنان  والحب  

اعذرنى يا ابتى  ان  كنت قسوت  عليك 

او ظننت بك  ظن  السوء

اعذرنى يا ابتى  ان  خذلتك يوما او  لحظه  

فى لحظه  من اللحظات  تمنيت  اب  غيرك  

فى  مواقف  كثيره  

علمت  الان  السبب انك  كنت تحمل  هموم  الكون

 فوق  كتفيك  تحمينى  وتحمى بيتنا  من  الانهيار 

توفيرك لمستلزمات البيت  فوق  اغراضك الشخصيه

وتكفى  ان اعاتبك  بانى  احتاج  الى  الضهر  الذى يعيننى فى  الحياه 

فقلت لى ضهرك هو رضاى  عنك

بغبائى لم  اعلم  معنى  ولا فحوى الجمله  وقلت فى  نفسى  من  اى  البنوك  يصرف  ذالك  الرضى  

مرت الايام  وكبرت  انت  ووهن  جسمك  

وكبرت  انا  وقوى  جسمى  

ونزلت فى  تجاعيد  وجهك  وجدت  هموم  الكون  قد  اجتمعت بين  حاجبيك

ولكنى  عندما  اجد  تجمع  احفادك  حولك  

والابتسامه التى  تعلوا  على  جبينك  

والضحكه التى  تملء  وجههك 

وتخبرنى  

انا لم  اترك لك مالا  ولا  جاه ولا عقارات 

تركت  لك  الحب  بين  اخوتك  وابناء  اخوتك 

بنيت فى  حياتى  هؤلاء  الاحفاد  

وكفى  

اراك  منذ  ان  قد  عرفت  الدنيا  تواظب  على صلاه الفجر  

فى  المسجد الذى بجوار  البيت  وكنت  اتحمس انا  حتى  اصلى فى  مسجد  ابعد وابعد 

وحتى  الان  انت  تواظب  على  نفس  المسجد  

وانا  مقصر  

عرفت  صدقك  واخلاصك 

نعم لومت  عليك فى  مواقف  عديده  لا  حصر لها  نعم  حبيبى  

ولكنى  عرفت  الحقيقه  الان 

انك  كنت  تتحمل  الطعنات  ويدمى ضهرك وتضع  الابتسامه فوق  شفتاك  

نعم  اتهمتك  بكثير  من  الاتهامات  

ولكنى  ادركت  الحقيقه  

وكل  ما  كبرت  شعرت بالم  الحياه  

وانك لم  تنعم فى  حياتك  كلها  الا فى  اخرها  

فى  نظره من عيون  احفادك الصغار

بسيط  انت يا  ابتى  بتلك  العمامه  الصعيده الى  تزين  رأسك

لم  ارى فى حياتى راسك بدون  غطاء فى  الشارع  

ولابد من  ان  تكون  عمامه بيضاء  ناصعه 

وجلباب  مكوى  

ما رايتك  تهمل فى  منظرك  رغم  احتياجك فى  كثير  من  الاوقات 

ما رايت  على  وجهك  سخط  من الحياه  

ولا  ملل

ولم  ارى  دموع  فى  عنيك  ابدا الا فى  موقف  واحد 

مسحت  دموعك  تلك  عن  عنيك  وحضنتك  

وانت  تعلم  هذا الموقف وانا

عشت  معك اياما  قليله  وبعدت  عنك   بحجه  ان  ابنى  نفسى  وان  اصلح  ما  رايته  انك  لم تفلح فى اصلاحه  

ولكنى  لم  استطيع  ورايت 

ان  ما صنعته  انت

انك بنيت  انسان  ولم  تبنى  حجرا  ولا  مالا  

فنقص  المال  عوضته لنا بالحب  والحنان 

وكان  الزاد

وستر الله  ورضاه 

علمت  اننى  لو رزقت بأب  غيرك 

ما  كنت  اكون فى  قمه سعادتى تلك  الان  

لاننى الان  لا  اتمنى  الا  ان  تكون  انت  ابى 

وافخر  انك ابى  

واتمنى  ان  تكون   فخورا  اننى  ابنك

احبك ابى 

بنى ادمين موديل 2013

حاسس والاحساس  ده مش  غريب  عليا 

من  زمان  يعنى  من فتره  مش  قريبه ان  البنى ادمين  اتغيروا فى  مشاعرهم فى  تعاملاهم  وفكرهم  ونظراتهم واحساسهم  واسلوب  كلامهم  حاسس  ان  البنى ادمين بتوع زمان كان  عندهم دم  كان عندهم عرق  الانسانيه مازال ينبض  كان عندهم  ذوق  احساس   حنيه  طيبه  مشاعر 

 البنى ادمين بتوع تلوقتى  حاسس  انهم  اتمسخوا  من بتوع الافلام  الاجنبى  قلبهم  جامد قاسى  زى  الحجر  قاسيين تعبانين نظره الرضى فى  عنيهم  اختفت ولو ساعدت حد فيهم يفهموا  غلط انك  طمعان فيهم ولا  ابتسمت فى  وشهم يفتكروا  انك بتضحك عليهم 

 ولو  نصحت حد فيهم يفتكر  انك  بتتنصح عليهم  ولو  كنت  مخنوق  ومش  قادر  تكلم  حد  او  بتتكلم  كلام بسيط ليهم يحسوا  انك بتتنك عليهم

 

ولو  اتصلت  علشان  تطمن على  حد فيهم يبقى  انت  عاوز منهم مصلحه  عاوز  منهم  طلب  ليه سوء  النيه اللى  اتنشر فى  الدنيا  بدون  حساب 

ولما  تتكلم فى  الدين  من بعيد قوى  مش  كلام  مباشر يحسسوك انك بتتمشيخ عليهم 

ولما  تنتقد  حد فيهم بادب  يخنقوك ويقولك  التزم الادب  وانت تفهم  ايه فى  الدنيا  يا ولد

ليه  الناس  كده  اتغيروا  ولا  الزمن  هو اللى فرض  عليهم  كده ولا  موديل  الناس  السنه  دى  مش  زى  موديل  ناس  زمان

زمان ......................................

زمان لما  كنا  نصلى الفجر  ونروح  ناكل رز بلبن  من على  عربيه  عم جابر الله يرحمه  وابتاسمه اللى  بالدنيا  كلها  ولا  الحاج محمد داوود  اللى  كنا بنصلى وراه صلاه الفجر  الله يرحمه 

ولا فلان  وفلان  وفلان  كلهم  ماتوا  كانوا بيتعاملوا  معانا بحب  وحنان  وطيبه  مش  جيران 

وممكن مش يكونوا  يعرفونا  بس  تعاملهم  كان بطيبه  وحب  وحنان

ـــــــــــــــــــــــــــــــــــــــــ

فى احد الايام  احد  اخوا  احد  الاصحاب  قالنا  غيروا  عقليتكم  دى المشاعر  والاحاسيس مش بتتباع  ولا  بتشترى  ومش  هتروح لعم  رجب  العطار  تقوله  هات بربع جنيه مشاعر  او  نص  جنيه  احاسيس

مش فهمت  كلامه  الا  تلوقتى فعلا 

المشاعر  فعلا  لا  تباع  ولا  تشترى 

والاحاسيس  لو  محدش فاهمها  عمره ما هيحس بيها 

____________________________________

مش ذنبى ان  البنى  ادمين  بالشكل  ده ومش  ذنبى  ان  الناس  بالشكل  ده

طيب  ممكن اكون انا  الغلطان  ممكن  العيب فيا  انا حساس  شويتين  تلاته  باهتم  حتى باسللوب  كلام الزبال  معايا مش للدرجه  دى اقصد  ليه  الناس  بالشكل  ده  طيب  ايه  الحل  ؟

ـــــــــــــــــــــــــــــــــــــــ

نشر  الحب بين الناس  صعب 

نشر  الحنان والطيبه  بين الناس  مش بالسهل 

نشر  الفضيله  بين الناس

صعب  او  الادب  او...او.....

فما بالك  بالدين  ونشر  الدين بين  الناس  انا فعلا مشفق  على  الدعاه  فعلا  مشفق  عليهم  لان  انك  تنشر  الاخلاق بين  الناس  وانك تعيد بناء  الناس  من جديد صعب 

لازم  علشان  ننشر  الحب  والفضيله  والطيبه بين  الناس لازم  تكون الصفات  دى  نابعه من  جواك  تتعامل  بحب  مع الناس  وبحرس  مش  تكون  اهبل  واهطل  وعبيط 

فى  حكمه مش  اعرف لمين 

(لا تكن لين  فتعصر  ولا  تكن صلب  فتكسر)

الحب  والحنان  والطيبه  مش  لين  ولا  ضعف

(ارضاء  الناس  شىء  هين  وجهه بشوش  وكلام لين)

بس  مش  هتقدر  تتعامل  بالشكل  ده مع  الناس  كلهم 

لانك(لو لم  تتذائب اكلتك الكلاب)

خليك  حنين  وطيب  وابن  ناس  انشر  بمعاملتك الطيبه  الخير بين  الناس  وبحسن  نيه  وصفوا  قلب

وهتلاقى  الخير

مش  تتكلم  فى  الدين  عمال  على  بطال  وانت  معاملتك  لا  تقترب  الى  الدين  باى شىء  من  معاملتك

اجعل  حالك  يتكلم بالنيابه  عنك 

اجعل  معاملتك  تتكلم  عنك 

اترك  اثر  الطيب  عند  الناس

بحب  وحنان  وطيبه وفضيله  وخير

قالوا

(حال  الف  رجل فى  رجل  خير  من  وعظ الف  رجل فى  رجل)

عاوز  تتكلم فى  الدين بصفه  خليها فيك  الاول

عاوز  تتكلم فى  الخير  اعمله الاول

عاوز  تنصح  حد  انصح نفسك  الاول

عاوز الناس  تحافظ على  مشاعرك  حافظ انت على مشاعر  الناس  الاول 

عاوز  الناس  يشعروا بيك  اشعر  انت بيهم  الاول 

ولو  لاقيت  العكس  الصفه  الاولى انك  تتجرد لله فى  معاملتك  مع  كل  البشر 

وتحسن الظن بالناس  وتصفى  نيتك 

لله   مش  علشان اى  مصلحه  ليه  لانهم قالوا

(ما  كان لله  دام  واتصل  وما  كان  لغير  الله  انقطع  وانفصل)

ابتسم فى  وجه الناس  خلى  كلامك راقى  زيك  معاملتك راقيقه  زيك 

ولو  مش لاقيت  استجابه  مش  تلوم على  الناس

لو  على  نفسك  انك مش  عرفت  مدخل  تعاملك مع الناس  ايه 

طيب  انا هربى  الناس  من جديد لا  علشان  تقدر  تتكيف  معاهم  تتكيف  مع  الزمن  اللى  انت  عايش  فيه 

ـــــــــــــــــــــــــــــ

او عى تكون  ناقم على  الحياه او  على  الناس  كده  هتغم  نفسك  وتنكد عليها

الناس  وحشه  الشغل وحش

المواصلات  زحمه

الجو يخنق 

اشمعنى  ده مبوز قدامى

وهو مين  علشان  يتعامل  معايا بالشكل  ده

وكل  الناس  حراميه 

وكل  الناس  ولاد تيت 

وده  ليه عمل  كده  واشمعنى  ده  عمل  كده 

واهتم بالناس  اللى  مش  مهتميين بيا  وانكد على  عمرى  وعلى  نفسى 

ليه  اشيل  شنطه كلها كراهيه فوق  كتافى

كلها  حاجات ريحتها  وحشه 

لان  الكراهيه  ريحتها  وحشه  

 وانقى  اللى  حواليا فى  معاملاتى  معاهم 

اهتم باللى يهمنى امره  انى  اتعامل  معاهم

والباقى  كمان

باسلوبى  معاهم 

اوعى  تنكد على  نفسك  علشان  فلان  ولا  علان

ولو فشلت 

قاطع معاملاتهم او  تجنبهم  كبر  مخك وبرضوا  تجرد لله

تجرد لله  وسيبها على  الله

ــــــــــــــــــــــــــــــــــ

صدقنى لو لم يكن هذا الزم  هو  خير لك

ما كان قدر  الله لك
ان  تتواجد فيه

خليك ذوق

خليك ذوق 

فيها ايه لما  نروح نشترى  حاجه من السوبر  ماركت او البقال نقول  من فضلك 

مع  ابتسامه  صغننه  وبعد كده شكرا  

او  ندعى للواقف  دعوه حلوة لطيفه 

ونقول  ربنا يبارك فى  عمرك ......

فيها  ايه لما  نركب  ميكروباص  مش  نتخنق  او  نكشر  ان  حد

من ورانا  مد ايده وادانا  الاجره نوصلها للسواق  

ونقوله  اتفضل  

ولما  نطلب  من حد  انه ياخد الفلوس  نقوله من فضلك 

هنخسر  ايه؟

 فيها  ايه لو  كنا هننزل  من الميكروباص  او  الاتوبيس  نقول  لسواق من فضلك  عاوز  انزل هنا  او بعد حبه او  المكان  الفلانى

هنخسر ايه؟.

هنخسر  ايه  لو  الابتسامه على  وشنا  نوزع امل  وتفائل  على اللى  حوالينا  حتى ولو  كنا  مخنوقين فيها ايه؟

فيها ايه  لو  كنا  مدبوحين  وحد سالنا فى التليفون او  على  الواقع احوالك ايه  وبدل  ما نقول  زى  الزفت  نقول  الحمد لله 

ربنا يرضنا بحالنا  ويصلحه لينا

فيها  ايه  اننا  قبل  ما  نزور  حد  نتصل بيه ونستاذنه بالزياره  

ونكون  خفاف  لطاف  نغض  البصر  عن  اهل  بيت  اللى  هنزوره ونوطى صوتنا  وننتقى  الفاظنا  

فيها  ايه  

اننا  نوصل اصحابنا  اللى ليهم  زمن طويل  مش كلمناهم  باتصال  

من غير  عتاب  

من غير شتيمه  ولو  حتى بهزار  

ويا سلام لو  اتفقت انك  تقباله  وقبل  ما  تروح الميعاد  تشوف احوله  هيقدر يجى فى ميعاده ولا  لآ؟

فيها ايه هنخسر  ايه لو  كنا  هنتأخر عن  اى  ميعاد اننا  ننتصل  نعتذر  

ونعطى  الفرصه للى منتظرنا  انه يعتذر  من غير  ما يتربط لينا

فيها ايه يا  اخونا  لو بطلنا  نتعامل بعجرفه مع الناس  حتى الوحشنين

 فيها ايه لو  وصلنا  رحمنا حتى  مع اللى  واثقين انهم بيكرهونا  

فيها  ايه لو  احسنا  الظن بالله قبل  الناس 

فيها ايه هنخسر ايه  

هنخسر  ايه لو  سبحنا  ربنا او  ذكرنا فى  مشاورينا  او صلينا  على  النبى

مش شرط سبحه على  اطراف  الانامل  

فيها ايه لو  اتعودنا اننا  نسمع  القران  بدل  الاغانى 

فيها ايه  لو فعلا  حسبنا  انفسناقبل  ما نروح ننام ونكتب  حتى فى  ورقه صغيره 

هعتذرلفلان وفلان او  اوضح  موقفى لفلان  وفلان

فعلا فى  ناس مش تستاهل

بس  ياعم اعمل المعروف  

وموت بعد كده لعلك مش هتقابله  تانى  

وتسيب  اثر  عنده بسببك يهتدى 

خليك صاحب  ذوق

مش  تعلى صوتك على باباك ولا  مامتك ولا  اهل بيتك

ولا  اصحابك ولا  اخواتك

ولا  اولادك ولا فى  شغلك

  هدى  اعصابك

صدقنى  

مفيش  حاجه تستاهل  العصبيه ولا  قله الادب 

بكره احلى  

هكون ايجابى باذن الله 

وابدا  دفتر  تانى  

من فصل  من فصول  حياتى  

هرسم  جواه  

حياتى زى  ما ان  عايز باذن الله

رحله البحث عن الذات توقف.....!

زمان كنت مصاحبنى  وبقعد معايا  وبيحاسبنى انا عملت صح ولا غلط  

وكنت بحاسبنى  على كل  حرف  وكلمه ونظره ونفس  واشاره وخطوه

زمان  كنت بااسسنى على  اساس متين  وقوى علشان اطلع راجل  معتمد عليه  

ودخلت فى  جلد الذات وعدم الرضى عن النفس بالاضافهالى معامله الاخرين  انى لا  اقوى  على  تحمل مسؤليه  واحده  

فهمت ذالك الامر  تسبيط  وتكسير  مجاديف  اكثر  منه تحفيز 

تحملت مسؤليه  ونجحت فى حياتى  بعض  نجاح 

وفشلت  ووقف  شريطى فى  مكافحه الحياه 

ولا ادرى  هل  هناك تكمله فى شريط  حياتى  

عندما وصلت مرحله الفشل  

خاصمنى  انا وبطل  يكلمنى او  حتى يواسينى او  حتى يفرحنى 

تساوى  عندى 

الفرح والحزن 

الاكل ليس له طعم وكذالك  الاخبار  وكذالك الاصحاب  وكذالك الاحباب

واين  هم الاحباب  الان  اين من  كنا   نسهر  معهم حتى ساعات  الفجر  الاولى 

اين  من ضحكنا معهم  من قلبنا  اين  من 

لعبنا  معهم  وبكينا  معهم وفرحنا  معهم  

اين  من شعرنا  انهم  كل  حياتنا 

من الاصحاب  والاحباب  

بعضهم فضلناهم على  اهلنا  بل  فضلناهم على  انفسنا 

تاهوا فى  عتمه الزمن  المجهول  

حتى وان رايئناهم فى اى  وقت اخر  من  زمننا  هذا 

 بعضهم 

لن اتذكر  حتى  اسمه 

انما  تشبيه على الشكل  لا  اكثر

هل  الزمن غدار ام  الدنيا مذالك  لا تبقى  ولا تذر  

تحطم فينا  كل  شىء  جميل  عشناه 

وتظهر لنا  اانا  كاذبين او  كنا  كاذبين فى  مشاعرنا  

او معاملتنا  

مع الاخرين 

وانه كان  تحصيل حاصل؟

تحصيل  حاصل 

فسحقا للحياه  فلا فائده لها  بعد الان 

رحلهالبحث  عن  الذات توقفت

عندما بدجأ الفشل  يدب فى  ووجدانى  

ويقيد امالى  

ويحطم  احلامى  

فلا  شىء بقى  لا  حلم ولا  حتى امنيه

ولا  حتى امل  

يعيش المرا عليه

طالما  هناك من يحاسبك  

وهناك من يحاكمك 

وهناك  من يكسر  مجاديف  حياتك 

لقد حان الوقت للثور هعلى  الاخر  

حتى  ابحث  عنى  فى غياهيب  الزمن الاسود

وان  ابحث  عن  وجدان دمرت

واحلام  نسفت  

وامانى اصبحت بعيده

حان الاوان  ان اصلح نفسى  وان اصلحها لانها الاحق  

بالمصالحه 

والصدق  

لان الاخرين كاذبون فاسدون  

أفاقون 

سحقا للحياه وللدنيا 

لا قيمه لدنيا 

خاصمت فيها نفسى 

وهى احق  ان  اصلحها

الامل بالله موصول اخى عصام

اخى  عصام مريض  منذ 3 سنوات ونص

حادث سياره على  طريق  اامنيا  

شلل رباعى 

 كامل

مع 

13 قرحه

مع عمليه تثبيت  الفقرهالسادسه

العنقيه

مع 4 عمليات قرح فراش

مع اخذ 30 كيس  دم على مدى

السنوات الماضيه

تعب  شقى

 اموال  تم صرفها

مع نصاب باسم اللحيه بالعلاج بعسل  النحل

 للقرح

على  مدى عامان  

ولم يتم  شفاء  ولا قرحه

الا بالتدخل  الجراحى

تخلى  الاصحاب  

والاحباب  عن عصام

ولم يبقى له الا  زوجه وبنته وابنه عبد الوهاب 

ذو5 سنوات صاحب مرض السكرى

محل للمستلزمات تم صرفه وتصفيته وشقه تم

بيعها

للعلاج مع حفنه من الاصحاب   لم يبقى  من  المخلصين الا القليل

المرض  اتعبه وارهقه 

وطلع عينه مستشفيات حكومه  زباله 

والقضيه  تم  رفعها حتى الان لم ياخذ حقه مما

تسبب له  بالعاهه 

عصام ذو 38عاما مدرس لغه عربيه فى  الازهر  

مجتهد منذ الصغر

فى  التجاره والدراسه

تم قتل  احلامه 

بعد مااكرمه الله بالعلاج من القرح

نبحث عن حل  للضعف  الرباعى  

هو شغال  علاج طبيعى  على  طول 

واحد زملائه ممن اتفق معالدكتور  اخبرنى  

ان  شريحه الاتثبيت معدن

مش ينفع يدخل  رنين  علشان نعرف

النخاع وصل لفين

لغايه ما  اكرمنا  الله 

 بجهاز  وعملنا  الاشعه 

واظهرت كدمه كبيره فى النخاع  

مع تعافى جزء

وتم قتل  الحلم بعدم الامل فى  ان يسير مره  اخره على قدميه

بعد ما  اخبرنا  احد  الجراحين  بعدم امكانيه ذالك  ابدا 

تعب  عصام قيدينى  بجوار  طوال  كل  تلك السنوات 

دون ان  اخرج او ارى  احوال  حياتى

مثل  الاخرين 

ولعله خير

مع تاخر فى  دراستى  التى اتمنى ان انتهى  منها  

لان  الفقير ملازم  له فى  الفترهالماضيه  كامله  

لان لا يجودمجال  لاحد ان يعتنى به الا الفقير  

بمساعده امراته

ساعات بحس  ان الدنيا صعبه قوى  

وساعات بحس  انها جميله

 ساعات بلوم نفسى انى  جنبه

وساعات

بحمد ربنا انى بخدمه

 بس فىحالته هذه وانقطاع الرجاء والامل  الا فى  الله  باقى سبحانه وتعالى 

ومااذال  الامل بالله موصول 

يتبع

رساله الى من يسمى رئيس الجمهوريه

السلام عليكم

رساله  طويله 

الى  من يسمى  رئيس الجمهوريه

-------------------------\\

ومش  هحط صور 

علشان الصور  دى  منحوته بالدم

فى قلوبنا

_________________________

الى  كل  مصرى شاف  السحل  لحماده  

وهو  انكره 

هو  غلبان

بس  وزير  الداخليه 

عاوز يقول  

انا  العن  من العادلى  

كرمتنا فوق رؤسنا

ومش  هتخوفنا علشان لينا  عندك حق 

___________ودم___________

 ازيك  يا  من كنا نود ان  تكون حضن لكل  المصريين

 ازيك  

يا ريس  مبروك  خطوبه ابن  حضرتك  

معلش  عارف  ان التهنئه جاتت فى  وقت  مش  حلو بالنسبه لحضرتك والبلد 

اصل فى  مظاهرات وكام  واحد مات  

بس  عادى  اصل احنا  عدننا  كتير 

وخلى البلد  تخف  شويه  

يا ريس معلش  حبه  اسأله فى  ززورى  من فضلك

هو مين  اللى قتل  الناس  فى رفح؟

الجنود  العساكر  اللى فى  خدمه الوطن؟

اللى  ماتوا فى  نهار رمضان يا ريس؟

وليه يا ريس كرمت  المشير  وعنان؟

مش  دول  اللى فى  عهدهم 

 انتهكوا  مساجد الرحمن؟

مكرم  والنور كمان؟.

وكشوف  عذريه  البنات ؟

ومحمد محمود  وماسبيروا  كل  منهم  1و2 كمان؟

فين  التحقيقات  فى  جرائمهم يا ريس

ومسرح البالون ؟ 

يا ريس  فين  محاسبه  المخطىء  ؟ ولا  احنا  بنكافىء ومن غير حساب

وقلادات وتكريم  من غير  حساب؟

ايه اللى بيتم  خلف  الغرف  المغلقه؟

 صارحنا  ايه  كان  الاتفاق؟

وايه اللى  تم  ؟

ده دم  الشعب يا ريس؟

مين  اللى  هيجيب  حق  كل  اللى  ماتوا؟

ومش  هنتخلف  دول شهداء  ولا قتلى  

بس  بالذمه 

عاوزين  نعرف  ايه  اللى  جرا

يا ريس؟

صارحنا  

فى  حد بيغلس عليك  ومش  بيخليك  تقول  قرارات ؟

من  دماغك  وفى  حد بيملى  عليك ؟ اصلهم بيقولوا  ان المرشد

قاعد  معاك 

فى قصر الرياسه  وبيقابل  الناس

اطلع  وقول  الصح ايه 

؟

ولو كنت خايف  وصارحتنا  صدقنى  هتلاقى

اللى يقف  معاك 

قولنا  يا ريس  

ليه  كرمت  عبد المعز؟

وايه اللى  حصل  فى  تهريب  الامريكان

؟

وايه اللى  حصل  وليه  كرمت خازوق سلطان 

وانت  عارف فساده  يا ريس؟

ياريس  قولنا  باللهعليك  رسالتك لشيمون بيريز  

كانت  منك ومضيت عليك 

ولا  كانت  ورقه  هنا  او  من  هناك؟

وتتمنى  الرخاء  لدوله اسرائيل  كمان؟

الناس  دول  بيكذبوا  عليك  ولا  انت  غلطت  

 قول واعتذر  

 الاعتذار  مش هينقص  منك  حاجه 

بس  بلاش تضليل  وحياه  ابوك

هو صحيح  ابوك عايش  ولا  ميت؟

صحيح  يا ريس احساسك ايه لما  تعرف  ان فى حد

بيتكلم  بالنيابه  عنك مش  من  الرياسه  ؟

 البلتاجى  كان او  العريان؟

ليه  بتسكت  ومش  بترد يا ريس؟

ايه  رايك

فى  عوده اليهود؟ لمصر  كمان؟ 

واللى  دعاهم  من عشيرتك واهلك 

اللى  اسمه العريان؟

وليه مش رديت  عليه  كمان؟

يا ريس ايه  هى  ساعه الصفر  اللى  قال  عليها

ابن  الامريكان\

ومحاصره الدستوريه  انت  راضى  عنها؟

ومحاصره  مدينه الانتاج؟

وقسم  الدقى  

وتهديد الداخليه؟

يا  دكتور  

مش بتخرج وتصارحنا ليه  ؟

مين  اللى قتل اليعال  فى  الاتحاديه

تحت  شباك قصرك؟

اخوان  كانوا  

ولا  كفار.؟

المهم مش مصريين؟

ولا ايه كان  احساسك  وهما  بيتعذبوا  تحت 

شباك قصرك؟

يا  دكتور  ايه  نتائج التحقيقات؟

 ومين  اللى قتل  العيال

يا  دكتور لسه  مقتنع بالاقليه والاغلبيه؟.

يا  ريس 

معلش فين المؤامرات؟

اللى صدعنا بيها  المرشد 

واللى  اسمه  الشاطر؟

 فينها بجد 

وتطلع  علينا  حضرتك  تقول  نفس  الكلمه؟ فينها  ياريس

؟

وايه  موضوع الشوال؟

 يا ريس  ليه  تخلى  الشائعات  حواليك  

مش  تكون  واضح ليه ؟

وبتتاخر  علينا  ليه؟

 ده انت يا راجل  لما  عرفت انك فائز

عملت  مؤتمر الفجر 

وكمان عزيت سفير  الامريكان قرب  الفجر

وبتتاخر  عننا 

 يا اخى  اعتبرنا  امريكان

قولنا  يا ريس ليه 

اتاخرت علينا  فى  موضوع حادث البدرشين

وادينى  عديت عليك

فى  اطفال  اسيوط 

ومش  هقولك فى  حق  72 الترس  الاهلى  

واشمعنا  الحكم كان فى 26 يناير؟

ومش هقولك 

فين حق الشهداء اللى  وعدت بيه؟

ولا  ديوان  مظالمك  عمل  ايه؟

ولا  هسالك ايه  موضوع  التويتات  

واشمعنا  سينا  هدات فجأه

وولعت فى  مدن القنال؟

يا ريس

من اللى  كان بيفجر  انابيب  الغاز؟

قولنا  ؟

وليه  طول  الده  دى مش عملت  هناك  حظر  تجوال؟

واشمعنا  مدن القنال؟

مين اللى ضرب  نار على السجن؟

ومين اللى  ضرب  نار على  الجنازه ؟ 

ومين  الى ضرب نار  على   جنازه اللى ماتوا  

فى  الجنازه ؟

يا  دكتور  

مين  اللى فصلك  بدلتك ؟

وجيبت  منين  كرافتتك؟

من  حقنا  نسال  حتى  على جزمتك

ويا مؤخذا ............

من حقنا  

انت شغال  عندنا 

صارحنا ياريس؟

مين  اللى  دعمك  ودفع  فلوس الدعايا فى انتخاباتك؟

وفين   تحقيقات  النيابه فى فلوس

المرشحين ؟وجابوا  الفلوس  دى  كلها  منين ؟

خصوصا  ابن الامريكان؟

هو صحيح يا ريس 

انت عملت  تحالف  مع السلفيين.

ونادر  بكار  

رجل  الاقدار  اللى فى  كل  مجلس  نلاقيه؟

هو  مفيش غيره؟

 هو فين اسعانتك بكل  فصيل فى مصر؟

ومش  هتكلم عن الوعود ؟

اللى  مش اتحقق   منها  ولا  حاجه ؟

ولا  حتى  تعديل لجنه كتابه الكستور؟

ولا  طوارىء 

ولا  حتى  مظارات طالبت  بمغادره  السلطه

ما  هى  دى قنوات الفلول  

اللى بتتقول  عليك  على الفاضيه 

واللى  المليانه

اللى  طلعت  عليها  واقسمت  يسرى فودا

ومحمود سعد

حتى  خيرى  رمضان  يا راجل

وتلوقتى  اعلام  عار؟

يا ريس

سؤال  انت فعلا ريس  لينا  كلنا  ولا فئه معينه  من الشعب

 يعنى  تهيج  وزراه الخارجيه  

\على 11 واحد  فى الامارات  ومش

اتكلمت عن  ال22 اللى  اتهجروا  من  الكويت؟

ولا  فعلا   دم الاخوانى  اشرف من دم المصرى؟

يا ريس 

هو  انت بتعرف  تنام ؟

ولا بتعرف تصلى 

وتقوم الليل  زى  ما بتقول  الست  ام احمد؟

بجد

مش  بتشوف  الدم كله  ده فى رقبتك

؟

 ياريس  بذمتك  تكفيك 3  ارغفه فى اليوم؟

ولا 5 لتر بنزين  فى عربيتك؟

يا ريس

اقول  ايه  تانى  وتالت 

لو كنت فعلا ريس لينا  وفتحت  الجاكت  

لينا  

افتح قلبك  ونفض  من على  كتافك  غبار  الدم 

واعترف  بالدم والمسؤليه  

عن كل  روح مصرى  مش عرفت  تحميها 

وهتلاقى  اللى يحميك

لو انت اصلا

 حاسس 

بقهره 

ام او  زوجه اتقل  اخوها  او  جوزها 

فى  لحظه  غدر

وانت  نايم او  حتى بتصلى 

او  حتى بتحضر  حفل  خطوبه  ابنك

اتقى  الله فى  الشعب

خلص  الكلام