الجمعة، 28 مارس 2014

الفقير فى مصر ملهوش تمن

الفقير ملهوش  عيش فى مصر
الفقير ملهوش قيمه اصلا
محدش  حاسس بيه
 لا  تليفزيون بيتكلم عنه
ولو  اتكلم
بيكون  اما فى  افلام  هابطه
واما
فى  حالات  انسانيه
او  اغانى شعبيه ملهاش علاقه بيه
مسلسلات  بتتكلم عن مشاكل  ناس  اغنياء  اصلا  معندهاش  مشاكل
مسلسلات تركيه  ومشاكل  حب
ومسلسلات  هنديه  ملهاش  اساس  بواقعنا  المهبب  اصلا
ولما  فكروا  يعملوا  مسلسل  بيتكلم  عن  الفقير
لازم يظهروه
انه  بائس
بليعن  الاغنياء
بيحقد عليهم
الفقير بيبص  على  اللى فى  ايد الناس  واللى  مليان  امراض
الفقير  اللى كل  حياته  ماسى  واهات
عملتوا  ايه للفقراء ؟
مين عمل  ايه  لل40فى  الميه تحت  خط  الفقر؟
محدش  سكان القبور  العشوائيات
محدش
الارامل  الايتام
محدش  حاسس بالفقير
افلام  مسلسلات  حتى  البرامج  بتتكلم عن  نخب  نخب  نخب  سياسيه  شوف  لبسها  بكام وعايشين فين
يابشر
رفقا بالفقير فى  مصر
الفقير فى مصر بيحلم بعلاج 
بيحلم  انه يكون بنى أدم  بيحلم 
انه ياكل   ويشرب  حاجه كويسه 
بيحلم يسكن فى سكن محترم 
بيحلم الناس  يعاملوه معامله سويه مش يأنفوا  منه علشان لبسه
بيحلم انه
يشتغل  شغلانه شريفه 
مش عاوز يشحت
مش  عاوز  اعانات
يابشر
ليه ميكونش  مشروعنا القومى فى مصر  اننا ننضف  مصر من العشوائيات 
ونخفض نسبه الفقر فى مصر
ليه؟ 
يا بنى أدمين

الفقير 
مش فى  التليفزيون 
لا بيحلم بفيلا ولا شاليه ولا  كومباوند 
متعدد الخدمات
الفقير 
بيحلم اانه يكون انسان
لا بيهمه برنامج  احلا  مسا ولا  اخر النهار  ولا  الحياه الان
ولا بيهمه صباحك يا مصر  ولا  ليها  حل 
لا بيهمه سيسى  ولا  مرسى
ولا بيهمه عسكر  ولا  حتى  احتلال 
بيهمه  الستر 
وانه يعيش  مستور  
احترموا  الفقير 
احترموا  الفقير
دورت على صوره مناسبه ملقيتش
لان  الواقع حوالينا 
وحنا عايشين فى  واقع مش  واقعنا
عيش  الواقع 
وفكر  باللى  حواليك
عامل  الفقير معامله كويسه 
حتى لو كان شحات او  حتى  عامل  نظافه 
قدره كده وقدرك كده ممكن تكون انت مكانه 
وتشوف  نظره الناس  ليك 
وانت مكانه 
يا  اخوانا 
ارحموا  الفقير

الأحد، 9 مارس 2014

الفيس بوك غلب بلوجر

بسم الله الرحمن الرحيم

كل ما  اقول  هرجع التدوين  تانى 
الاقينى  اتأخرت  
ومدخلتش  بالشهر  والاتنين  والتلاته
الفيس  بوك  حاجه  صعبه ووحشه قوى  افقدنى  متعه التدوين  
متعه ان  الانسان يحكى  ويكتب  من غير  ما يخصص فلان ولا يعمل بلوك لفلان  
ولا  يخشى فلان  
وانه يقول  رأيه بكل  صراحه  
الفيس  بوك  افقدنى  الاحساس  او  بمعنى  ادق  افقدنى  متعه الامعان فى  الاحساس  وان يكتب  التفاصيل 
ده كله بالنسبه ليا  غير ناس  كتير  مرتاحه هناك
بس  انا راحتى  هنا
وصعب  ان  الانسان يقسم  نفسه  ممكن  اكتب  بس  انى  ازور
حد واعلق  واهتم  زى  زمان صعب
وطبعا  غيبت عن  اصحاب  كتير  كانوا  بيجوا  وكنت بروح عندهم
كنت متابع اخبارهم  
وقصرت فى  حقهم  
التدوين فيه  ذكريات  كتيره جميله  
وناس  جميله  وحشونا  وقصرنا فى  حقهم  
هحاول ادون  واكتب  زى  زمان 

الخميس، 9 يناير 2014

تجاره الاثار

بسم الله  الرحمن الرحيم  

الاثار والعمله 

كتير  قوى  كنا نسمع عن  تجاره الاثار  

وان  فلان معاه سى دى مقبره 
او سى دى تمثال 

لغايه ما  وقعت فى تجربه عمليه فى  الموضوع ده 
هتكلم فى موضوع  الاثار 
واحد يوصل لواحد يوصل لواحد
ووسيط لوسيط لوسيط 

واى  حد يقولك انه صاحب  الحاجه يبقى كذاب 
واى  حد يقولك انه  دراع اللى بيشترى  اليمين  ميحصلش  انه يكون صوباع رجله  اصلا 
واسعار  خياليه  
وسفارات  وبعثات تنقيب  
واسماء  كبيره تلاقيها قدامك  
من الحزب  الوطنى المنحل  لغابه  قيادات كبيره فى  
الج....ي...ِش
والشرطه طبعا  

تحس  ان اللى بيتاجروا فى  الحاجات  دى  اصلا اللى  حاكمين  البلد
وناس فى  القضاء  مستشاريييييييييين 

وكلام كتير  تحس  ان بلدك فعلا منهوبه  

لما مقبره تتسعر  ب5مليار دولار  

واللى يسعرها سفاره  اجنبيه  

واللى  هيساعد فى  التنفيذ شرطه وجيش  
والوسيط  مستشار فى القضاء  
ونصيب  الوسطاء  طبعا 20 فى الميه من  الثمن  
يبقى  متسألش  من اين لك  هذا 
 لما  تعرف ان اللى بيشيل  بيجيب  امن مركزى  
وبيجيب ناس  من مدريه الامن  
ومخابرات  وهكذا

البلد بايظه  بمعنى  الكلمه 
واثار  بلدنا بيتاجر بيها جهرا  
وعلنا  
بغض  النظر  عن  حكم البيع  من حلال  وحرام
الكلام  ده واقعى  
وقابلت  ناس  تاجرت  ومعاها  ملالين 
وقابلت  تجار  وخبراء  وحفارين
التجربه  دى  اثبتت  ان البلد  فيها فساد من  ايام  الملك  فاروق

غصه فى القلب 
هشرح  التجربه بكل  تفاصيلها لما  تكمل  حيث  ان  الاحداث مازلت  ولم  تنتهى بعد
اتقوا الله فى اثار  مصر 
ورحم الله  فقراء  مصر 

السبت، 4 يناير 2014

بصيص امل

بسم الله  الرحمن  الرحيم

 

كل  عام  واخواتى بخير  
كل  عام والمصريين كلهم بخير  

شكرا لكل  من سأل  عن الفقير 

نفسى مسدوده ن التدوين  وعن  الكتابه والقرأه 

اشتقت الى  مدونتى لسه  داخلها  من اخر  موضوع  كتبته فيها 
ومصر  كلها متخبطه فى  حالها  
ياترى هتنور  
ولا  هتولع
بغض  النظر  عن  الواقع  اللى مش  لطيف  اللى  عايشين  معاه
بس  حاسس ببصيص امل
جاى فى  اخر  الطريق  محدش يسألنى ازاى 

انا  ضد مرسى  قلبا  وقالبا  
وكنت مع الطرف  التانى لغايه  فض  رابعه
تلوقتى  اعلنها  ان  الاتنين  ولاد كلب

ومحدش فيهم يستاهل  ان حد يضحى  علشانهم 

مهما  كانت الاسباب
ربنا يولى  من يصلح 
.......................
املى فى  ربنا كبير  ان  الامور  تتصلح وان القلوب  تصفى وان الخير يعم
متفائل رغم  الظلام والدم

ساعات  كتير بحس انى  عاوز  اعيط على بكره اللى ضاع  منى 
 وساعات بحس  انى  عاوز  اعيط على امبارح  اللى  لسه  مجاش 
ما هى  الامور  اتلغبطت 
واللى تحت بقى يمين  واللى  على  الشمال  بقى فوق

ودورينا يا  دنيا 
...........ززززز
مين فينا  مشتاقش  لزمان  للبرأه اللى  ضاعت  مننا 
وكنا  زعلانين  منها  ونفسنا نكبر  اننا  نكون 
اخبث  وامكر 
ونفهمها  وهى ماشيه على  الحيطه

...............

مهما  كنت مكتئب  متورثش  اكتئابك  لاحد
ولا  تفضفض لحد غير ربك
كلهمراحلون  اجلا او  عاجلا

..................
سلام

السلام عليكم

 السلام عليكم  يا اهل التدوين معرفش هتفتكروني ولا... بس لاقيت ذكريات وكلام يوجع القلب سنين كتير مدخلتش هنا  وراجعت ذكريات ١٠ سنين ورا لاقيت ...