الأحد، 26 ديسمبر، 2010

العزه فى حرب غزه

السلام عليكم
انا معتصم  ولا ادون
واجاهد نفسى على عدم الدخول الى الشبكه العنكوتيه
للمذاكره
واسف علىسوء المتابعه
ولكن تلك  ذكرى  غزه
_____________
السلام عليكم

واجب تدوينى
دعت اليه الاخت رحاب روراز
فى مدونه فتافيت

عن التدين لذكرى حرب اسرائيل  ومجزرتها
لغزة

ونحن مكتووفوا الايدى  امام اعيننا وكأن  تربطنا بهم  لا دين ولا لغه ولا حدود

ولا  نملك الا ان نشجب او نندد او  نكتأب
او نصمد
فموضوع العصا والجزرة
الجزرة المعونه والعصا الاحتلال
ولا حول ولا قوة الا بالله

فى ذكرى غزه

مصر توقع  اتفاقيه غاز جديده مع  اسرائيل
علشان المجزه اللى جايه تكون شغاله وميه ميه  بمعنى 
سامح فهمى اللى صاحب الصفقه  واللى نجح فى دايره مدينه نصر 
ووزير وكده كأنه لا يسمع ولا يدرى ما حدث فى غزة
ولا المظاهره  اللى  حصلت وسب سيدنا محمد  صلى الله عليه وسلم
فى اسرائيل والدعوه  الى حرق العرب
يا جماعه 
دول  مش بيحبونا نتمسح فيهم ليه
سيبك  وموضوع التجسس والشبكه  والفخ الهندى
والكلام اللى احنا لسه بنقرأه  على اليوم السابع  موقع وجريده واللى فى الصحف الحكوميه
وغيرها
ليه احنا نطبع علاقات  معاها وهى بتحاربنا حتى فى شويه الميه اللى بنشربها
وهى اللى قطعت الكابلات  عننا
يا جماعه يا جماعه
نعمل ايه  حسبنا الله ونعم الوكيل
مش هتكلم عن الحزب بتاعنا ولا عن اللى الكلام اللى شايفه   عايش فىلا وادى واحنا فى وادى وكانه الحزب ده مكانش فى مصر  وبيتكلم عز باشا عن شعب تانى غير مصر
ولا الشريف ولا الكبير اللى بيقول مكانش فى تزوير ودى
انزه انتخابات  شاهدتها مصر
انا صعقت لماسمعتها والله اتشليت شلل نصفى رباعى
وكل الناس سقطت   والفيديوهات  والشواهد والرصد الميدانى  والتقفيل  اللجان
مش عارف حسبنا الله ونعم الوكيل
فى ذكرى غزه

مولد ابو  حصيره
مين ابو حصيره  مش عارف  والله  شيخ ولا  خاخام ولا ايه بالضبط طيب ياخدوه
مش عاوزينه  يدفنوه فى الغابات اللى اتحرقت هناك
يعنى لازم يكرهوا الناس فى بلدهم
ورغم الاحكام القضائيه اللى تلزم الحكومه  بعدم اقامه المولد
الحكومه  الحاجه  اللى الشعب
بيتفرس منها لآ تعملها  وخلى الشعب يخبط  راس امه فى الحيط
سيبك من الكلام ده كله  وان القريه هتكون
ثكنه عسكريه
سمعت عن موضوع  الشاب السورى اللى اتمسك واتهموه انه  كاان
هيفجر السفاره
الاسرائليه  فى حديقه الحيوان  فى الجيزه
سمعت من   رولا خرسا  على الحياه اتنين
ان قال ايه   اللى ساكنين حوالين  السفاره  محدش يقدر يزورهم من الاقارب ولا الاصدقاء
بشاره  ابن مالك  بالجيزه
طيب دول
خايفين من الناس كلها
وعاوزين مسمار جحا
فى كل مكان
معملوش قاعده عسكريه فى مصر
لآ السفاره 
قاعده صغيره 
طيب
ليه كده بس
مسمار جحا
يا جماعه
الحكومه مطبعه 
وغصب عنها طيب ليه
احنا نكتفى ذاتيا ومش عاوزين حاجه منهم 
عاوزين راجل ابن حلال  كده 
يعلم الشعب الصح
زراعه وصناعه
مش  كليبات  ودش وفيجا وحشيش
العيب فينا  مش فى الحكومه
ولا العيب فى مين بس
 فى ذكرى  غزه

اخشى ما اخشاه

واشد ما اخشاه
ان يلحق العار بنا اكثر ما هو يلاحقنا

من كون المسجد الاقصى  وهدمه 
فى جيلنا  وفى وقتنا
نحن نعيب عن السابقين صمتهم
فيما حدث ويحدث  اولادنا
سوف
يلعنوننا ان سكتنا واتهدم المسجد
فى زماننا
ولم نح رر المسجد من بين ايديهم
اين المفر
اين المفر
فى ذكرى غزه
عذرا 
غزه
عذرا  كل  بلد  مسلم
محتل  ومضطهد
اسف  وعذرا
لا املك فى يدى الا الدعاء
لم يعلموننا  الغيره على ديننا
لم يعلموننا ان نغار على بناتنا
بعدما اصبحنا   لا نفقه شىء
حسبنا الله ونعم الوكيل



الأربعاء، 8 ديسمبر، 2010

كوكتيل مدون


السلام عليكم 
كل عام واحنا بخير
وسعاده  يارب
سنه هجريه 
سعيده 
حاسس ان مفيش مظاهر احتفال 
بالسنه الهجريه 
خالص
معرفش ليه 
بس المهم احب اقول
كلام حضره النبى صلى الله عليه وسلم 
(لا هجره بعد الفتح..)
(المهاجر  من هجر ما نهى الله عنه..)
بس يلا بنا نهاجر 
لله ونفر اليه 
ونبدأ سنه جديده بتوبه وعمل جيد
(والتوبه تجب ما قبلها)
ولا ايه 
ده هدفى 
ان شاء الله 
كل سنه واحنا طيبين
_______________________________


هدنه

هدنه من  مدونتى 

شويه 
مش هقفل حاجه 

بس انا مش هكون موجود 
خالث خالث 
عقال عندكم امتحانات 
ادعولى 
ربنا يريحنى 
معلش  مش هقدر ازور حد 
ولا هدخل عند حد 

بس انا من وقت للتانى هتلاقونى  

بوست جديد  فى المدونه الشهاب

هحكى فيها بس مش كتير 
احتمال واحتمال
حبيت بس اقولكم علشان محدش يزعل منى 
وادعولى جامد 
اخر حاجه 
_______________________________

شهر فبراير 
عيد ميلاد مدونتى 
هيكون عدى سنه 
عليها 
ومش عاوز حد يهنى ولا يبارك 
لان  احتفالى غير اى احتفال 
تانى 
بس انا بنبهكم انكم
معزومين 
فى الاحتفاليه الخاصه 
بمدونه  باحث
والشهاب 
ان شاء الله 
انتظروووووووووووووووونى
___________________________________

احلى اصحاب

احلى اصحاب 
انتم 
ععرفتكم 
وحبيتكم فى الله 
والله بتكلم من غير اقنعه 
ولا تجميل 
ولا حاجه  خالص 
مش عارف ده  صح ولا غلط فى عالم النت 
رغم انه عالم مخيف
بس المدونات 
دى  علمتنى  حاجات عنى 
كتيره 
وعرفت انا عنى حاجات 
مكنتش اعرفها فى نفسى 
حاجات وحشه وحاجات  كويسه 
هحاول 
انى 
اصلح ان شاء الله 
هو صراع مع الحياه 
مش حلو على طول  
ولا وحش على طول

 هى كده الحياه 
بس اتعلمت  انى 
بلاش اعيش
فى وحده معايا 
لازم اعيش كل لحظه واستغلها فى الصح والصح بس
__________________________________
شكر وتقدير

بشكر كل من وجهه اليا نصيحه 
او ابدى رأيه 
او حتى مر على مدونتى مرور الكرام 
بشكركم كلكم والله 
بعتز بكل واحد  وضع بصمته فى المدونه 
بمجرد تعليق
او حتى كليك على باحث 
بارك الله  فيكم
_____________________


كان  فى موضوع عاوز اتكلم عنه 
ومش عارف هو فين  تاه فى عقلى 
بس الكوكتيل ده
حبيت اكتبه 
كان نفسى اكتب عن حاجات كتيره  خالص
بس يلا ملحوقه 
_______________________

كان نفسى اكون فى لقاء 
بؤجه الخير
بس ظروفى وحشه خالص
والله 
سامحونى
_______________________________

اسألكم الدعاء لاخى عصام 
يارب اعف انت العافى الشافى يارب
_____________________________

اخوانا 
ياريت نسأل عن اخونا اللى بطلوا يدخلو مدونتهم 
ومنعرفش  السبب ايه 
ياريت نسأل 
عنهم
وندعي لهم
ودول كتير قوى
________________________________
استودعكم الله 
واراكم على خير

,,,,,,,,,,,,,,,,,,,,,,,,,محمود 

lمعلش مش متظبط خالص البوست
بس والله ما ممحضر حاجه
ده  بس
ارتجال

السبت، 4 ديسمبر، 2010

ثقافه متاحه بلدنا عباره عن حمام كبير قوى

السلام عليكم

موضوع فارسنى 
وغايظنى 
وتاعب قلبى 
وناقطنى 
وشللنى 
جداجداجدا

سيبك
من الانتخابات 
وان  مجلس الشعب هيغير اسمه الى مجلس الحزب الوطنى الديموقراطى
______________________ 
وسيبك
 من الاخوان والوفد والتجمع والناصرى 
والاخوان صفر مونديال 2010
___________________
سيبك
ومن البرادعى ومن  قطر اللى فازت بتنظيم  كاس العالم الى 2022 ولا دعايه الطفل الاسرائيلى ليها
___________________
سيبك

 من الفك المفترس اللى كان جعان واكل دراعين او تلاته بس اجانب دول بيحبوا عيال البلد دى
_________________
سيبك
 من  ضرب القضاه وتوليع فى صناديق الانتخاب بدميا ط
وبطلان  انتخابات مجلس الشعب من الاداريه العليا
________________________
سيبك
  من  يوم الحلل والغضب
______________
سيبك
 من احمد شعبان وخالد سعيد الله يرحمهم 
__________________________

ومش هتكلم عن  دول كلهم  خالص مالص 
ولا عن تموره حبيب الملالين اللى هيحى حفل فى عين شمس
والله كليات عاوزه تدلع طلابها 
طيب احنا عاوزين هيفاء 
فين فى جامعه الازهر \دول ياخدوها لحم وعضمها يحلو بيه
يابنى دى محميه الذكور
___________________
ومش هتكلم
 عن موضوع محطه مصرولا الجيزه 
ان دخول الرصيف فى المحطه من غير تذكره  سفر لازم تدفع جنيه محترم 
معرفش ليه
مش هتكلم عن دول كلهم 
خالص 
______________________
وبالرغم  من ان 41واحد ولعوا فى اسرائيل 
علشان حرائق الغابات
_________________________
وان خادم الحرمين هيعمل عمليه تانيه فى بريطانيا ومش عارفين مين هيمسك من  بعده سلطان  بن عبد العزيز ولا مين 
وعمتنا امريكا مش عارفه مين هيمسك علشان ترعف تسيطر على خمس انتاج النفط فى العالم 
___________________________
ولا عن هشام طلعت والقضيه بتاعه مدينتى ولا سوزان 
___________________________________
ولا الراجل اللى قتل زملائه فى المقاولون العرب وطلع 
غير مسؤل عن جريمته 
__________________________
ولا عن ايهاب صلاح اللى اخد15سنه سجن فى قتل مراته 
________________________________
ولا عن  طالب الجامعه الامريكيهاللى موت 12 غير المصابين اخد 4سنين سجن وغرامه100جنيه علشان الرعونه
مش عارف
بلدنا حالها زفت قطران هباب
_______________________
من بوتاجاز
لطماطم 
لسكر
لكهرباء
للارز 
ومحدش هيشرب شاى ولا هياكل كشرى 
مش عارف انا كتبت ده كله ليه 
ده ملخص البلد  فى اسبوع 
ونسيت اكتب عن اللى عاوز اكتبه اصلا 
بس سؤالين محيرينى 
تلوقتى
الاولانى   ابحث مع الشرطه اين ايمن نور؟
التانى يا اولادى عمنا البرادعى هيعمل ايه؟
من لنا غير الله 
لا نور ولا برادعى 
حلها من عندك يارب
او علمنا ازاى نحلها
____________________________

موضوع النهارده
نأجله  ليوم تانى 
وربنا يعدينا منها على خير
__________________
موضوع الحمام ده 
ان البلد  بجد 
عاوزه تنضف
رحيه الفساد  طلعت 
وفاحت 
ومفيش 
سافون 
ينضف
ولا مستر اسل 
ولا ديتول
ولا حاجه
مأثره
سلام 
بقه
____________
بعد  ما كتبت الموضوع بلف فى المدونات لقيت اختنا حاجات جوايا كاتبه الموضوع ده 
والله لسه شايفه حبيت اربط  مابين الموضوعين
ده لينك المدونه
حاجات جوايا


الثلاثاء، 30 نوفمبر، 2010

اعترافات ليليه+تحديث الشهاب

السلام عليكم 
مدونه الشهاب وبوست اخير فيها
تعالو بصوا فيه بصه
لاتقرأ الموضوع الموضوع فيه احباط قاتل


السلام عليكم
اناهدخل فى الموووضوع على
طول
اعترافات ليليه مهداه من
مرمر

1_اعترف انى اسمى محمود محمد وباقى الاسم لسه بدور عليه 
2_اعترف انى طيب وساذج وممكن اكون عبيط او اهبل عادى يعنى
3_اعترف انى لما احب بحب قوى ولما بكره  بكره  وى قوى قوى
4_اعترف انى بادرك الامور بعدين  ومش فى وقتها بس قبل فوات الاوان
5-اعترف انى بتأثر باى دموع  قدامى بتنزل ومش بستحمل اشوف حد  بيتألم
6_اعترف انى وحيد  ورغم ان هناك  من  يعتبرنى صديقه الوحيد بس صديقى الوحيد  بعيد عنى
7_اعترف انى لم اجد نفسى حتى هذه  اللحظه
8_لما بضحك بضحك من جوه قلبى وضحكتى مميزه وعاليه واللى يسمعها يقول ده معندهوش هموم
9_اعترف انى بحب ابكى واعيط بس محدش يقدر يشوف دموعى ابدا لان محدش شافها الا اتنين وهما اخوياواعز اصدقائى وبس
10_اعترف انى محتاج حضن كبير ابكى فيه واشعر فيه بالامان
11_اعترف ان الامل مات عندى من زمان خالص وبالرغم انى بدور عليه  بس لاقيته  هذه الايام
12_اعترف انى  خايف من  بكره رغم  يقينى انه افضل
13_اعترف انى كسول بحب اهرب ومحبش اواجه المشاكل
14_اعترف انى بحب الهدوء  والراحه وبدور على هدوان السر
15_اعترف انى بحب اشوف الكارتون خالص وبحب احمد حلمى قوى قوى وبحب هنيدي
16_اعترف انى بحب الانشاد الدينى خالص وبحب الصوفيه المعتدله وبحب ال البيت وبحب اقرأ فى الرقائق
17_اعترف انى بحب حضره النبى قوى قوى قوى بس مش قادر امشى على سنته
18_اعترف ان صديقى المملوك اكرمه اللهبالحج واتصل بى من امام حضره النبى صلى الله عليه وسلم وقال لى سلم على رسول الله  صلى الله عليه  وسلم  اتكسفت  قوى وقلت  لنفسى مكسوف من حضره النبى اتكسف على دمك  منرب العالمين
19_اعترف انى نفسى اكون  محمود زى ما نفسى اكون بجد ومش عاجبنى محمود خالص
20_اعترف اننى مصدر الم  فى عائلتى بسبب تعثرى والم فى نفس ماماوبابا وشايف نظره خيبه الامل فى عيونهم  رغم  انهم  ياخذون بيدى الى الامام رغم بساطتهم الشديده ونفسى افرحهم  بيا
21_اعترف ان العزيمه ماتت والااده سافرت والقوةى وهنت وخايف عليا من  بكره قوى
22_فرحت كتير باخواتى وفرحت اكتر باحبابى بس لغايه تلوقتى مفرحتش بيا
23_اعترف انى محبش الوش العكر ولا البوز الممدود
فى اعترافات كتيره ممله وصعبه
ونكد بس انا مش عاوز اكتب اكتر من كده
بس انا تلوقتى فى حاله حلوة رغم الحزن اللى جوايا  والهموم اللى عليا انا فاهم الحب فى الله وبحاول اطبقه بس محدش فاهمنى ومش لاقى فعلا حد  يشلينى  ولا يشيل همومى ولا يساعدنى
علشان محدش عارف يساعدنى
اخيرا
اقول
الحمد لله


السبت، 27 نوفمبر، 2010

ماما سافرت


السلام عليكم

معلش 

الاعتراف لسه اللى جاى ان شاء الله 

ماما سافرت الى البلد

ماما جاتت الينا  مع بابا

تانى يوم العيد علشان اخى عصام

وقضيت العيد معاها ماما
بحبها  قوى
وبقولها ياماما 
لغايه تلوقتى 

مع ان اخويا الكبير بيقولها
يا أم مؤمن 
وده اسمها 
اللى مشهوره  بيه فى كل مكان 

ماما 
شوفت فى عنيكى الدموع

عند مفارقتنا 

ادرك جرحك الذى فى قلبك 
اسأل الله ان يندمل 
يارب 
يخليكى ليا 
يا ماما
يارب

الجمعة، 26 نوفمبر، 2010

تعالوا نعمل قناه؟



تليفزيون الحارة وقنوات الوصلة 


 ٠
«زى ما وافقتوا ع التوك توك وافقوا على القنوات الفضائية الفقيرة بتاعتنا، التوك توك عرف يخش الحارات والمزانق، اللى مابيوصلهاش الميكروباص، وقنواتنا برضه عرفت تحقق رغبات الناس البسيطة، اللى مابتشوفش نفسها فى قنواتكم الفضائية»!، جملة عبقرية قالها شاب مصرى اسمه وائل أبوطالب على قناة الجزيرة فى فيلم تسجيلى جميل متميز شاهدته مساء السبت الماضى اسمه «تليفزيون الحارة»، هذا الشاب يطلقون عليه فى سمنود «وزير إعلام سمنود»!، يكتب مسلسلات إذاعية وصاحب وصلات سرية ومنشئ قناة فضائية فى حارات سمنود أطلق عليها اسم «دريم»، عدد من يشاهدون هذه القناة السمنودية ١٢٥ ألف مشترك!، هذه القناة ومثيلاتها تحارب بشدة من شرطة المصنفات الفنية، رغم معرفة أمن الدولة بها ولا يوجد أى قانون أو تشريع ينظمها، رغم احتياج الناس إليها.
تقنين أوضاع هذه القنوات مطلوب من وزارة الإعلام، كما هو مطلوب أيضاً من وزارة الداخلية حماية الملكية الفكرية أو بالأصح حقوق ملاك القنوات المشفرة، فى ظل الصحف الكبرى مثل «الأهرام» و«الأخبار» صدرت صحف إقليمية عديدة ورغم أن معظمها يتبع المحافظ ويعتبرها البعض نشرات محافظة، فإنها ناجحة وتتمتع بنسبة قراءة ومتابعة عالية وبعضها مستمر منذ نصف قرن، فلماذا نسمح بصدور هذه الصحف ونمنع تلك القنوات؟، طلب أصحابها تقنين الوضع والعمل فى النور، صرح أحدهم بأنه ذهب لمبنى التليفزيون لمقابلة الوزير بلا طائل، هم لا يتحدثون فى السياسة ولا فى الدين كما قالوا فى الفيلم الوثائقى وكله مكشوف عند أجهزة أمن الدولة، إذن ما سبب الخوف والذعر من قنوات تخاطب منطقة شعبية تعرض أفراحها ومآتمها ولا تعرض حفلات مارينا؟!، وتتابع ارتفاع أسعار الخضار والفاكهة، لا أسعار شاليهات وفيلات الكومباوندات، وتعلن عن محال الفول والطعمية والكشرى، لا محال كنتاكى وماكدونالد وبيتزاهت!،
 تقطع برامجها من أجل طفل تائه فى الحارة، لا من أجل برقية معايدة من إمبراطور زنجبار!، هذه القنوات لبت حاجة ملحة عند الناس أن ترى نفسها على الشاشة، لا ترى فلاحين مزوقين ولا صعايدة مزيفين ولا حرافيش مسلسلات مصنوعة، عزومة الفرح لكل الحارة عبر الدش، والحزن على المرحوم يخيم على الجميع من خلال الوصلة!.
سألوا الناس عن سر إعجابهم بتلك القنوات ردوا وقالوا: لقيت فيها نفسى!، هذا هو مفتاح نجاح تلك القنوات، قنوات دريم سمنود وسبعمية وحداشر المحلة الكبرى والفيوم، التى عرضها الفيلم كنماذج لقنوات الوصلة، حجرات الريسيفر السرية، اشتراكات أهل الحارة الرمزية، ماكينات مونتاج الإعلانات، شباب الحارة، الذى يشارك فى تمثيل المسلسلات المنقوعة فى تراب تلك المناطق وحماسهم وتركهم المقاهى والبانجو وإحساسهم بأنهم يفعلون شيئاً ويحققون هواياتهم المدفونة حتى ولو كان تمثيلهم رديئاً، كل هذا الزخم، الذى تشوبه الفوضى كشف عن حاجات إنسانية واقتصادية لتلك المناطق تحتاج إلى تغطية إعلامية من نوع خاص، وتحتاج أيضاً إلى أذن صاغية وصدر رحب، بدلاً من اليد الباطشة والتربص الخانق.

_______________________________


تعالوا نعمل قناه 

فعلا مادام الواحد مش شاف نفسه 
فى فضائيات 
العالم كله 
تعالوا نعمل قناه 

مش عارف
ده صح ولا غلط
بس ناس شغاله 

عرفت ان فى قناه فى جرجا جديده اسمها قناه جرجا 
القناه دى تجاريه طحن 
تعرض افلام واعلانات على المحلات  فى البلد 
بس على الوصله طبعا

ناس دماغهم شغاله 
ياناس 

يلا 
على فكره كيلوا السكر 
وصل 7جنيه 

وزهره الاسلام  بتقول 9 فى تعليقها على 
البوست اللى فات 

ربنا يسترها علينا

_____________
انتظرونى 

اعترافات  ليليه 

البوست القادم باذن الله

الأحد، 21 نوفمبر، 2010

فاضل ايه تانى كهرباء وسكر وطماطم

السلام عليكم
كل عام انتم  بخير

وبكل خير
طبعا
احنا طالعين
من العيد
ومن ازمه اللحمه

ومن  كل الازمات  اللى احنا فيها

تلوقتى

فى ازمات جايه

ومن غير تعليق

هديكم الروابط




مش لاقى
كلام والله
ما لاقى

كلام خالص احباط  فى احباط

الحمد  لله

الجمعة، 19 نوفمبر، 2010

(تدوينات1)

السلام عليكم
(كلام كتير وممكن تصدع ومش هتفهم حاجه )
مجموعه اسئله اراها بين سطور لتعليقات 
احاوب عنها

ليا كتير 
مفضفضتش هنا

انا فضفضتى الكلام الوحش  كله اللى عندى 
بصراحه مش بكتبه هنا

بكتبه  فى مدونه الشهاب

بكتب فيها 
كل انكساراتى وانهزماتى 

والنهارده
جاى 
علشان 
احكى وافضفض  معاكم هنا لان هنا اعم  شويه 

ملحوظه*
ما اكتبه هنا عدده افكار فى عقلى وقلبى معا
تخاريف بمعنى اصح

(1)

لماذا باحث عن حب؟

اقول انا بقه علشان  وبصراحه اتحرمت من معنى الحب من الناس
ومش لاقى حب وحنيه  فى التعامل خصوصا من الناس
للناس انا عارف ان المشاعر لا تباع ولا تشترى بس انا بقه  حبيت انى ابث ذاك الشعور وسط من اكون معهم 
مش معنى ان باحث عن الرومنسيه ومين مننا  مش بيدور عليها 
بدور عليها بس فى حد حبيبى قالى مدورش على الحب الحب هيجى لغايه عندك 
يارب يرزقنا الحب الصادق يارب
باحث عن حب الناس بدور فى قلوبهم عن  حتى انمله من حب ولو مفيش برمى فى قلبه ابتسامه  كلمه طيبه  وده المفروض علينا 
فى الاونه الاخيره
حبيت اغير الاسم نهائيا 
واخليه 
تائهه فى رمال الدنيا 
وكذا اسم تانى كده
بس  مقتدرش اغيره 
______________________________
(2)
هل ما تكتبه  فى تدويناتك يدل على ما يحدث فى حياتك الشخصيه 
خصوصا الخواطر؟

اكتب فاقول
كتير قوى كنت  بشوف جمله مشابهه بتقول ليس من المفروض ان كل كلمه مكتوبه تدل على الحياه الشخصيه  للمدون
خصوصا عند اخواتنا البنات 
بس انا احب اقول 
الاول مكنتش فاهم الجمله دى 
بس فهممتها  بعد كده بمعنى 
كنت باكتب خواطر فى  منتديات وكده عن مشاعر الفقد والوجد والحب  ومواقف بسيطه ملهاش علاقه  بيا حسيت  بيها قوى  كتبت عنها
لما لاقيت  قلبى بيدق  قوى على حب انا مشفتهوش ولا حسيت  بيه 
عملت  قلبى حبيبى وكتبت عن الحب ده  وكما كتبت وجدت الحب ده فى قلبى حبيبى 
وحب وزعل ونكد وفراق ومحكمه 
بس مش بالضرروره يكون  كل كلمه  صدق 
انا مش بشكك فى فى الناس بشكك فيا
فرحت وقوى بالمشاركه معايا فى افراحى واحزانى فى قلبى حبيبى 
ومناقشات اعتز  بيها 
واراء رائعه وجميله 
وكلما وددت ان اهدء من نفسى 
اقرا قلبى حبيبى 
كل كلمه فيها بدمى لاننى صادق فى كلماتها 
وعشت احساسها الله اعلم  الى اين  يذهب  بى ذاك الاحساس 
والشعور ولكنى عشته 
لانى فعلا كنت  .بحب ومن الممكن ان اكون مازلت احب 

_____________________________
(3)
هل هناك صداقه بين المدونين؟
طبعا فى صداقه اكيد  فى صداقه 
علشان اللى بيكت ده عقل 
وقلب  مش لعب عيال 
واللى بلبس قناع مصير القناع ده يقع 
بس فى خداع ممكن  فى كذب ممكن
بس الحذر الحذر بس برضوا التوكل على الله 
طبعا تبادل اميلات وتليفونات وكده 
بس برضوا لازم العقل يشتغل
المدونون عقول وقلبو 
منهم المرضى كمثلى انا 
ومنهم العاقلون يريدون ان ينقلون تجاربهم  الى الاخرين
ومنهم من  يشعر بالوحده ويريد ان  يتصادق مع الاخرين  عبر الشاشات
وعندما  يكون هناك لقاء  تكسر تلك الحواجز 
يارب يكفينا شر الاقنعه
______________________________
(4)
هل حققت ما كنت تبغيه من التدوين؟
لم ابغى من التدوين اى حاجه 
غير انى اكتب واكتب واكتب
وافضفض
وباعتذر للناس لو حد زعل منى فى كلمه او تعليق
_________________________
(5)
ها تعيش شعور الحنين الى الماضى ؟
اعلم ما تقصد
تقصد ذكريات العالم من  فوق دراجه 
موضوع مهم حب اكتب عنه 
نا بحب الماضى برغم كل ما فيه 
بس انا انغمست فى الماضى بشكل وحش خالص 
باعيش فيه واتعمق ووممكن اتذكر يوم كام  من الماضى بحذافيره 
اعترف انه هروب من الواقع المرير واعترف انى مش قادر اواجهه مشاكلى 
بكاتبه  فى المدونات وكمان الحنين الى الماضى 
لانى باهرب
من مواجهه الواقع 
انا لسه متخلصتش من الشعور ده 
انا عندى ذكريات كتيره  قوى 
ونفسى اكتبها  بس خايف انسى واقعى 
عاوز اكتب واكتب واكتب 
بس بعد كام  سنه مش هلاقى ذكريات اكتبها 
جديده عن الفتره السابقه 
مفيش حاجه اعتز بيها 
لاننى مش عاوز اقول لم اوفق افضل من فاشل
للاسف مش هكتب ذكريات تانى 
لغايه ما احقق حاجه  فى حياتى 
وبلاش دور روتانا زمان اللى انا عايش فيه ده
--------------------
اشكر اختى جايدا لانها عرضت عليا مساعدتى فى اعاده كتابه  ذكرياتى من البدايه 
واسف على التاأخر فى الرد على حضرتك 
ولكنى اعانى فلا استطيع 
ساكتبها من جديد ان شاء الله 

وبمساعدتك  باذن الله 

ولكن عندما احقق ما اريده 
اريد ذكريات 
جديده

-----------------------------
اسف جدا مودى مش متظبط 
سامحونى

______________________
نكمل التدوينات عن انا والتدوين 
فى اللقاء السابق 
على موعد 
سابق لاحق
قريب
_______________________________
اسف على تأخرى فى التعليقات 
فى البوستات اللى فاتت كلها 
انا باعتذر ليكم على تقصير ى فى التعليق هنا وفى الشهاب
اسف جدا ولسوف ابدا بالتعليق فى وقت  سابق لاحق
__________________________________________________
اوعى تندم على حب عشته  بصدق 
حتى ولو كنت اداه  فى يد من تحب
المهم انك حبيت بصدق 
ومش مهم 
الطرف التانى كان  صادق ولا ...لآ

----------
الجمله دى سمعتها من واحد  صديق ليا بيواسى صديق تانى زعلان انه ساب حبيبته 
 فعلا لازم ننجرح 
علشان نقدر نواصل 
عافانا الله واياكم
-------------------------------------------------------------------------------
المدونات  بشكل عام 
حاجه جميله ورائعه 
الناس بطلع اللى جواها 
وكفايه كده
لغبطه



الخميس، 18 نوفمبر، 2010

لمحات فكر الازهر2

بسم الله الرحمن الرحيم


السلام عليكم 
ورحمه الله وبركاته
سعيد
جدا ان المووضع عجب الناس 

وتفاعلوا معايا 

وده جميل جدا 
جدا
واعود  اعلق على ماما نور فى تعليقها 
من جديد

حيث قالت

ارجع أعلق تاني بقى و أسألك سؤال يا محمود : هل الأزهر الذي تتحدث عنه هو نفسه 

الأزهر اليوم بالمشايخ الأزهريين الذين نراهم ونستمع إليهم في خطب يوم الجمعة 

ويوقولون أحاديث موضوعه و إن تحدثت إليهم ناصحا أن هذا الحديث مكذوب أو 

ضعيف ووو اتهمك بظلم رسول الله وهددك بالنار ؟ وهل إذعان الأزهر اليوم لولاة 

الأمر و امتثالهم للأوامر وحضور القداس وعيد القيامة المجيد ووووووووووو تعده 

أزهرا؟

هؤلاء الاشياخالازهر منهم براء

الذين يملكون  صكوك الغفرا ن

والذين موضوع الانصياع  لولاه الامر 

فان هناك من وقف

امام لولاه كثيرا من  الاشياخ 

ولن احكى عن

العز بن عبد السلام

ومواقفه من  بيع المماليك ووقوفه امام

السلطان


حيث انقل لكم

قيام الأمراء المماليك المملوكين للدولة الإسلامية بالبيع والشراء وقبض الأثمان، وهو ما يتعارض مع الشرع إذ أنهم في الأصل مملوكين لا يحق لهم البيع والشراء و الزواج من حرائر نساء مصر، فكان لا يمضي لهم بيعاً ولا شراء، حتى تكالبوا عليه وشكوه إلى الملك الصالح الذي لم تعجبه فتوى الشيخ العز، فذهب الي الشيخ يسأله أن يعدل من فتواه، "فطلب منه الشيخ ألا يتدخل في القضاء فليس هذا للسلطان، فإن شاء أن يتدخل فالشيخ يقيل نفسه"(عبد الرحمن الشرقاوي، أئمة الفقه التسعة، 359). فاجتمع أمراء الدولة من الأتراك و أرسلوا اليه، فقال الشيخ: "نعقد لكم مجلساً و ننادي عليكم (بالبيع) لبيت مال المسلمين"(السيوطي، حسن المحاضرة). فاستشاط نائب السلطنة غضباً، و كان من المماليك، و أقسم ليقتلن الشيخ بسيفه. فذهب إليه نائب السلطنة مع جماعة من الأمراء فطرق بابه، ففتح الباب ابنه عبداللطيف، فراعه منظر نائب السلطنة إذ رأى سيفه مسلولاً، والغضب يعلو وجهه فدخل على والده وقال: انج بنفسك إنه القتل. فرد عليه الشيخ بقوله: أبوك أقل من أن يُقتل في سبيل الله. ثم خرج وحين وقع بصره علي النائب، سقط السيف من يد النائب و ارتعد، فبكى وسأل الشيخ أن يدعو له، وقال يا سيدي ماذا ستفعل؟ قال: أنادي عليكم وأبيعكم.
الا أن السلطان لم يذعن لحكم الشيخ، فأرسل اليه من يتلطف اليه، و بعد اصرار الشيخ "أخبره الرسول أن السلطان لن يسمح ببيع الأمراء، و أمر السلطان واجب، و هو فوق قضاء الشيخ عز الدين! و علي أية حال فليس للشيخ أن يدخل في أمور الدولة فشئون الأمراء لا تتعلق به. بل بالسلطان وحده!
فأنكر الشيخ تدخل السلطان في القضاء و قام فجمع أمتعته ووضعها علي حمار. ووضع أهله علي حمير أخري، و ساق الحمير ماشياً!.. الي أين يا شيخ!؟.. قال: ألم تكن أرض الله واسعة فتهاجروا فيها؟!.. فيم المقام بأرض يُستضعف فيها أهل الشريعة، و يُعتدي فيها علي القضاء؟!" (عبد الرحمن الشرقاوي، أئمة الفقه التسعة، 360-361).
تجمع الناس وراءه و تبعه العلماء والصلحاء والتجار والنساء والصبيان، حتى كادت مصر أن تخلو من سكانها. خرج الملك الصالح مسرعاً ولحق بالعز وأدركه في الطريق وترضّاه، وطلب منه أن يعود وينفذ حكم الله، فتم له ذلك. و اشتهر العز بعدها بأنه بائع الملوك. فأزداد الأمراء المماليك غضباً وتآمروا علي قتل الشيخ مرة أخري و فشلوا، بل و تاب من بعثوهم لقتله علي يديه وصلوا صلاة توبة و كان هو امامهم.
المصدر

والشيخ المراغى ومواقفه 
ولن انقل  ولكن اكتب المصادر فقط


الشيخ المراغى

وفضيله الشيخ جاد الحق


جاد الحق

جاد الحق 2



اما بالنسبه لهؤلاء الاشياخ
فانهم لا يسيؤن  للازهر فحسب انما يسيئون 
للاسلام
فنحن نعلم  ان المفروض علينا
تقبل الرأى الاخر
دوما 
والتحرى عن الاحاديث تلك

اما حضور القداس للمشايخ
فانا لا اعرف  الحكم الفقهى لذالك
ولكننا نعلم دخول سيدنا عمر الكنيسه فى القدس وقت فتحها
ولكن حضور طقوس
العباده 
ولكن 
نحن ليس من حقنا ان نحكم على قله استخدمته الدوله لغرض
ما تحت ما يسمى بالدوله المدنيه 
وغيره 
موضوع الربا نعرف ان مجمع البحوث الاسلاميه قد  اصدر فتوى بتحريمه فى عام 1965
والتفاصيل كامله 
فى
القرضاوى 
فان الذين غيورين على 
الدين الاسلامى 
ليس بالشرط ان يكونوا ازهريين 
او مصريين
فان الدين  قد  ينصر بالرجل الكافر
فان الخير فى امه الاسلام حتى 
يوم القيامه
هذا رأى الفقير الى الله 
وربنا ينصر الاسلام والمسلمين 
ويعلمنا نصر دينه