الأحد، 20 مارس، 2011

كل سنه وانتى طيوبه يا مامتى




السلام عليكم  

كل سنه وانتى طيبه يا ماما\

مش بعرف اكتب  كلام 

شعر  ولا خواطر
ومش
هقدر

اوصف 


حبى لمامتى حبيبتى 

ومن هنا من 

موقعى هذا 


بقول  لكل المهمهات اللى فى الدنيا

كل  سنه وانتن  بخير  وسعاده 

وصحه وعافيه 



وكل سنه وانتى طيبه يا مامتى


هقولك كلمه واحده يا ماما


بحبك وهتفرحى بيا ان شاء الله 
 

الخميس، 17 مارس، 2011

هطق واتعلم احلم بجد

السلام عليكم 
اخوانى واخواتى 
جاى النهارده هتكلم عنى 

هو كل  واحد  عامل  مدونه علشان يفضفض  فيها يزعق فيها
يشد فى شعر  راسه فيها 
يقطع هدومه 
يقطع كتبه يرميها 
يرمى  هدومه يمين وشمال  اصل اكتشفت ان المدونه زى  اوطه النوم  بتاعه البنى ادم 
ممكن تلاقى شراب  مرمى  هنا  ولا  لامؤخذه هدوم ريحته تكسف  هنا  ولا  هنا

وكمان ممكن متعلقاتك الشخصيه موبايلك 
التانى اللى فيه الشريحه ايها ولا كات الميمورى الخاص  جدا  
مرمى  هنا  ولا  هنا
ولا  جهازك اللاب  توب  بتاعك وفيه فلاشه 16 ولا 32 جيجا 
فيها كل  حاجه عنك خاصه اصلك
بتخاف  تخلى  حاجتك على الجهاز 
علشان فى  نتاس
حرميه 
ممكن تلطق  منك اى حاجهخ 
وتمسكها ذله عليك 
دى المدونه 
بكل  بساطه 
النهارده انا  قاعد فى   اوطه النوم بتاعتى  

هتكلم واحلم  واللى امه داعيه عليه  يتكلم ويحلم برضوا مفيش  اى  مانع 
_______________________
اولا  اسف  على  عدم تعليقى  وتقصيرى على  كل  اللى بيشرفنى بالتعليق  فى  اى مدونه عندى  وده علشان ظروفى  ارجوا  المعذره
________________________________
التدوين تجربه  وهى اجمل  تجربه عشتها  بجد  

ايوة  الفيس  دخل  وطغى بس  يظل
التدوين المرحله المتوسطه بين المنتديات والفيس  توك ده 
لانه فهرس  البنى ادم  انه يقعد ويكتب  ذاكرته الاركترونيه  
بمعنى اصح 
ومن هنا 
اتعرفت على  شخصيات زى العثل  
ايوة الفيس  له الفضل انه قارب  ما بينا وبفضل بيت المدونين الاول
وبعد كده  الجروبات بتاعه اخوانا  المدونين 
قاربت اكتر  واكتر
اعترف  ان ناس  كتيره حذرتنى من التدوين  واصحابه 
انهم متعقدين ومتقوقعين 
وناس  \ماغها  ضاربه  
انا اعترف  بكده بس  مش  الكل  ايوة
ناس  حذرونى  من اخلاق  المدونين بكل  صراحه 
وتجارب  ناس  حكتها ليا بس  الحمد لله 
كل  اللى شرفونى  ناس  محترمه وكل  اللى  اتعرفت   عليهم مشفتش
حاجه وحشه منهم 
ايوة علاقات مفتوحه على  النت  
غير مرغوب  فيها على  الاطلاق  بس  التدوين  علاقه  مقيده بفكر  الشخص  نفسه 
واللى لابس قناع حتما  هيقع 

عشتوا  معايا فرحى  وحزنى  
وتعبى  والمى  واعيادى 
ونجاحى  وفشلى  
وحبى  وقهرى 

عشتوا  معايا دموعى  وضحكتى  وهيافتى  وقوتى
ذكائى  وعبطى  وبلاهتى 
واستحملتوا  كل ده  
الف شكر  لكل  من  تشرفت به  او مر  مرور الكرام
على  مدونتى 
ومش  هقصر  وهكتب   وهحلم برضوا 

-
--------------------------------------------------------------
هطق  واتعلم احلم 


ايوة  نفسى  احلم اتعلم احلم 

نفسى اعد عن كل  اللى بيسبطونى 
ويكسرونى  
ويكسلونى انى افكر  
ايوة من حقى  انى احلم 
طموح 
المفروط كان يكون عندى  طموح قبل  سن العشرين 
تلوقتى  ممكن يكون حلم او طموح مش  هتفلسف 
هقول  باختصار


حلمى

محمود  يكون كويس  من جوه ومن بره من غير  اقنعه ولا  زيف
يعمل  اللى  مطلوب  منه  من ربه 
من اهله 
من اللى حوليه 
ما دما هو الصح 
بحلم 
انى  مكونش  بعيد عن اهلى  لانى اكتشفت 
ان حلم ان الانسان كون  وحيد  زى ابطال  الافلام 
مش  هقدر  وانا  مش  البطل  ده
بحلم  باستقرار يملى قلبى  ووجدانى 
استقرار  روح وفكر  وعقل  
استقرار  وامان 
مش  عاوز اوجاع ولا توتر  
بحلم 

حلمى بسيط جدا  مش  هغنى اغنيه  محمد فؤاد رغم انها بترن  فى  ودانى 
بحلم وحلمى بسيط مش  كتر  مال  ولا سيط 
بحلم اكون نفسى 

فعلا من حقى انى اكون نفسى 
بحلم  بحب  حقيقى  حب  صداقه اخوه 
بجد  وبجد ملقتيهاش  الا فى  اخواتى 
بحلم بقلب  يحن عليا بحته من حكمه عقله 
ويطمن وجدانى انى مش  هعيش  وحدانى

بحلم  بحب  حقيقى  مش  زيف  ولا  كدب 
بحلم  

نفسى اتعلم انى احلم  بجد 
من غير  كلام 
ولا  لعب 
نفسى 
القى  كل حاجه جميله وانا  صغير  تكون معايا  
ونفسى اعمل  كل  حاجه وانا  صغير كنت باعملها فى  نفس
المكان 
ممكن  فى  فى  مكان غيره 
نفسى اصلى الفجر فى  وقته 
واقعد وسط اصحابى  بتوع زمان لطلوع الشمس 
زى ما  كنت بعمل

الحمد لله 

هرجع واحلم تا نى 


بحلم انى اضحك   من قلبى  
واشيل  الخوف
من قلبى 

بحلم 

ببراءه الطفل 
ورقه  لمسه  اليد  بتاعه  طفله مولوده

الحمد لله 

يارب  خلى لى بابا وماما 

وكل  اخواتى

الجمعة، 4 مارس، 2011

امن الدوله الرعب المسيطر على قلوب الشباب وفتنه حرق الكنيسه فى اطفيح

السلام عليكم  
احب  اسجل  النهارده  

فرحتى  بالثوره   النهارده بس  انا فرحان  

صحيح انا فرحت  من  اول  ما  مشى  مبارك 
وفرحت بابنائنا  واخواننا   بالثوره  
وتكلمت عن ذالك  والفيس  وكله  
بس  النهارده اسجل  انى  النهارده انا
مش  خايف   
مش  هخاف  

تانى  انا  مش  هخاف  تانى  انا  مصرى  ارفع رأسى  واقول  انا  مصرى  

انا فخور  انى  مصرى  

انا  فرحان النهارده انى  مصرى 


ذالك المبنى  المكون  من سبعه ابواب  

غريب  الشكل  
يوقع فى القلب  الرهبه  من بشاعه ما  نسمعه 
خصوصا  نحن الازهرييون  

علشان  مبنى  الجامعه والمدينه الجامعيه 

امام  المبنى  ده محدش  كان يقدر  يمشى  تحته  ولو  مشينا  قدامه نمشى بادب  خوف  ورعب  من اللى بنسمعه  

نسأل  عن فلان   نعرف  انه  اتاخد على  امن الدوله  ومنسمعش  عنه  حاجه تانى  خالص  
خصوصا  اللى بيدخل  فى  المبنى  ده  

خوف  ورعب  وترقب  انا  ساكن فى الحى  السادس  قرب  المبنى  ده  من بعيد شويه  كان فى  
خطيب  مسجد  مجتهد  كان فى  الفرقه السادسه  طب  بشرى  كان
سلفى  
وكنا نلتف  حوله  كان يتكلم فى الدين  مسجد المدينه كان بيتملى  على  الاخر
 وكنا  نصلى  فى  الشارع  علشان  نسمع خطبه  وفجاه  نسمع انه
اتاخد من  قدام 
بوابه المدينه الجامعيه 

ليه  كده  ليه  الواحد كان بيخاف  انه ينزل  بالليل  

من الرعب  اللى بنسمعه  حسبنا  الله  ونعم الوكيل  
اللى شوفته من  االلى بيحصل فى  امن الدوله  

فى السكندريه على  الفيس
 انا فرحت تلوقتى  فرحان  خالص  خالص
خالص
تحيا
مصر  حره  تعيش  مصر  حره 

من  تلوقتى  مفيش  امن دوله  احنا  امن الدوله

شوفوا  الرابط ده  لو  عنده  وقت

_________________________________

دى بقه الحركات القرعه   انهم يحرقوا  كنيسه ويولعوا  فى بيوت الاقباط 
علشان  فتنه طائفيه  هو  كده 

علشان  محدش  يعمل  حاجه  ويولعوا  

فى  المسندات 

الاقباط  عارفين  وفاهمين  واحنا  كمان  واقفين  يد  واحده ضدهم  
مصر  هتكون  ايد واحده

الأربعاء، 2 مارس، 2011

لا للطائفيه دعوه للجميع


تاااااات
السلام عليكم  
تماشيا  مع  دعوه اختنا  مرمر فى  مدونتها 

ومقاله  اختنا  بنت الاسلام فى  مدونتها



ادعو  كل  المدونين  اصحابنا الى القراه 

والى  كتابه  بوست  
يحمل  نفس  العنوان 

لكى  نكون  محبين  لوطننا 

محبين للاخواننا

ولقد أثرت  الى 
ان  انقل 

كلام اختنا  بنت الاسلام 

كاملا  لانه جامع  شامل من وجهه نظرى  

ولسوف  يكون  هنا  مقاله متممه  من اختنا  للموضوع 

معا  ضد  العنصريه  والطائفيه  
لا ندخل فى  دين احد 
ولا  يتدخل  احد

فى  ديننا ولكننا  احباء  ولا  نتهم احد ولا  نلقى الاتهامات  جزافا 
على  احد 

اترككم مع مقاله اختنا  
بنت الاسلام  ولو  كان  هناك من  يريد التعليق  

فليعلق  فى  مدونه  لمسه للواقع




 كده عرفنا ايه هو موضوعى وهو لا للطائفيه

 يدور فى خاطرى عدة افكار  احب ان اعرضها لكم
 طول عمرنا مصرين سواء يهودى اوقبطى  اومسلم
لما بندخل اى مصلحه حكوميه لاداء اى مهمه نحن كمسلمين نلقى تحيه الاسلام
وهى السلام عليكم ورحمه الله وبركاته دون ان نعرف ماهى ديانته يهودى او نصرانى او اسلامى
فتحياتنا فى بدياتها  افشاء السلام اول شىء عندما نتحدث مع اى شخص هى السلام والرحمه والبركه

فلو نحن لم نطالب بسلام مع الجار النصرانىاو مع زميلتى فى دراسه كنصرانيه او حتى فى شغل والدتىوالى غيره لم نلقيها على اى ديانه اخرى


 فمن يدعوا للطائفيه والتفرقه فى المعامله فهوليس منا ولايمس للاسلام بنسب لان معامله اهل الذمه( وهم اهل الكتب السماويه الاخرى) لها حدود وقيم ومبادى واسس وقوانين فى ديننا وساعرض علينا كلنا ونقراء سويا سواء اكنا مسلمين اونصارى اوحتى يهودى 


 بعض الاجزاء من مقاله قراتها تدعم  اسس المعامله بالايات والاحاديث لاثبت ان اى  خارج عن هذه الاسس لا ينسب للاسلام بشىء




يقول الله عز وجل في كتابه العزيز
"لا ينهاكم الله عن الذين لم يقاتلوكم في الدين ولم يخرجوكم من دياركم أن تبروهم وتقسطوا إليهم إن الله يحب المقسطين" سورة الممتحنة.


 وهذا يعنى 

أجازت الشريعة الإسلامية معاملة أهل الكتاب، فأباحت أكل ذبائحهم (الجائز أكلها في شريعتنا) وأجازت نكاح نسائهم، والبيع والشراء لهم ، وكذلك القسط والبر والإحسان إليهم ما داموا غير محاربين، ولذلك لا مانع من تهنئتهم بأعيادهم دون أن نشاركهم في الاحتفالات التي لا تقرها شريعتنا

فالآية  لم ترغب في العدل والإقساط فحسب إلى غير المسلمين الذين لم يقاتلوا المسلمين في الدين، ولم يخرجوهم من ديارهم -أي أولئك الذين لا حرب ولا عداوة بينهم وبين المسلمين- بل رغبت أيضا في برهم والإحسان إليهم.


وإذا كان الإسلام لا ينهى عن البر والإقساط إلى مخالفيه من أي دين، ولو كانوا وثنين مشركين -كمشركي العرب الذين نزلت في شأنهم الآيتان السالفتان- فإن الإسلام ينظر نظرة خاصة لأهل الكتاب من اليهود والنصارى. سواء أكانوا في دار الإسلام أم خارجها.
فالقرآن لا يناديهم إلا بـ (يا أهل الكتاب) و(يا أيها الذين أوتوا الكتاب) يشير بهذا إلى أنهم في الأصل أهل دين سماوي، فبينهم وبين المسلمين رحم وقربى، تتمثل في أصول الدين الواحد الذي بعث الله به أنبياءه جميعا: "شَرَعَ لَكُم مِّنَ الدِّينِ مَا وَصَّى بِهِ نُوحًا وَالَّذِي أَوْحَيْنَا إِلَيْكَ وَمَا وَصَّيْنَا بِهِ إِبْرَاهِيمَ وَمُوسَى وَعِيسَى أَنْ أَقِيمُوا الدِّينَ وَلاَ تَتَفَرَّقُوا فِيهِ" (الشورى: 13). 


والمسلمون مطالبون بالإيمان بكتب الله قاطبة، ورسل الله جميعا، لا يتحقق إيمانهم إلا بهذا: "قُولُوا آمَنَّا بِاللهِ وَمَا أُنْزِلَ إِلَيْنَا وَمَا أُنْزِلَ إِلَى إِبْرَاهِيمَ وَإِسْمَاعِيلَ وَإِسْحَاقَ وَيَعْقُوبَ وَالأَسْبَاطِ وَمَا أُوتِيَ مُوسَى وَعِيسَى وَمَا أُوتِيَ النَّبِيُّونَ مِن رَّبِّهِمْ لاَ نُفَرِّقُ بَيْنَ أَحَدٍ مِّنْهُمْ وَنَحْنُ لَهُ مُسْلِمُونَ" (البقرة: 136). 
هذا في أهل الكتاب عامة. أما النصارى منهم خاصة، فقد وضعهم القرآن موضعا قريبا من قلوب المسلمين فقال: "وَلَتَجِدَنَّ أَقْرَبَهُم مَّوَدَّةً لِّلَّذِينَ آمَنُوا الَّذِينَ قَالُوا إِنَّا نَصَارَى ذَلِكَ بِأَنَّ مِنْهُمْ قِسِّيسِينَ وَرُهْبَانًا وَأَنَّهُمْ لاَ يَسْتَكْبِرُونَ" (سورة المائدة: 82).
وقد شدد النبي -صلى الله عليه وسلم- الوصية بأهل الذمة وتوعد كل مخالف لهذه الوصايا بسخط الله وعذابه، فجاء في أحاديثه الكريمة: "من آذى ذميا فقد آذاني ومن آذاني فقد آذى الله"."من آذى ذميا فأنا خصمه ومن كنت خصمه، خصمته يوم القيامة"."من ظلم معاهدا، أو انتقصه حقا، أو كلفه فوق طاقته، أو أخذ منه شيئا بغير طيب نفس منه، فأنا حجيجه يوم القيامة".
 وانهيت باقتباسى من هذه المقاله بحديث اغلى البشر فصلوا على الحبيب عليه افضل الصلاه والسلام
فكل هذه الايات وهذا الحديث لايعنى لنا شىء
ففنحن نؤمن بجميع الاديان وهذا  احد شروط الايمان وهو الايمان بالكتب السماويه جميعها
وهذه الايه التى اود ان اقررها مره وثانيه وثالثه 
هذا في أهل الكتاب عامة. أما النصارى منهم خاصة، فقد وضعهم القرآن موضعا قريبا من قلوب المسلمين فقال: "وَلَتَجِدَنَّ أَقْرَبَهُم مَّوَدَّةً لِّلَّذِينَ آمَنُوا الَّذِينَ قَالُوا إِنَّا نَصَارَى ذَلِكَ بِأَنَّ مِنْهُمْ قِسِّيسِينَ وَرُهْبَانًا وَأَنَّهُمْ لاَ يَسْتَكْبِرُونَ" (سورة المائدة: 82).

 وقررتها لؤكد ان ماحدث فى احدى البلاد من تعرض لرهبان وقسسين تحت مسمى   مسلمين  بيتهجموا عليهم اوالى غيره 
انفيه ليس كل من كان يحمل اسم مسلم فى بطاقته فهومسلم
ولاينتسب الينا بشى ولانعترف به فقد امرنا الله بالمعامله الحسنه واوصانا الرسول صلى الله عليه وسلم فكيف تتهمونا بانهم مننا
فاول خطوه فى مبداء لا للطائفيه هو ان كل من يدعوا اليها يكن من داخله مقتنع اقتناع تام انه ليس اى شخص من الدين الاخر يتعرض له
باى عقل  نصدق ندعوا لمنع الطائفيه والدين الاخر يتهمنا
فاكررها كثير من ابناء الدين الواحد يتعرضون بالضرب والسب وقتل كل منهم الاخر 

فايضا ممكن ان يحدث فى دينات مختلفه يختلفوا ويشتبكوا ويقتلوا بعضهم 
ماهو الفرق
فالاثنين من جنسى بنى ادم
فلماذا  نكبر القضيه ونوصلها انه اضطهاد من ابناء الديانات الاخرى؟

هذا هو رجائى ان نعقل مانقول ندعوا  لمنع الطائفيه مع اقتناع
ان من يعمل افعال الارهاب من قتل او لغيره نكون مقتنعين انه ليس له مله الاسلام حتى لو سمى بها امام الناس وليس له مله النصرانى  
فهذه البشر التى تفعل هذه الافعال ماهى الا اداة تنفذ ماتامر به لكى تجعلنا نتهم بعض ونشك فى بعض وتصبح حياتتنا جحيم

 الموضوع مهم اوى اوى 

ربنا يقدرنا نكن يد واحده ونثبت للكل انه ليس هناك فرق فى المعامله بين نصرانى او مسلم او يهودى اوحتى مشرك مدام لايتعرض لدين الاسلام بشىء

 وياريت جمعيا قبل ان نمنع الطائفيه نصفى قلوبنا بجد ونكون فاهمين ومقدرين ان اى شك بداخلنا ونرتدى قناع لا للطائفيه
ااكد ان نفاقه يظهر لنا فى يوم وسنكشفه ونعلم ان هو هو مسبب الطائفيه بيننا




  اود ان اختم كلامى بتحدى 
ااننا مصرين وهنفضل مصرين بنحب بعض وبنتعاون مع بعض وبنشارك فى احزنا قبل افرحنا


فافتخر انى مصريه مسلمه
 اعلم يامن تدو ان تفرقنا فنحن يدواحد 
لس ضعفاء لكى تحاول معنا فكن بقوتنا لكى تستعد لتحدى ان تفرقنا
 فنحن بحبنا وباخائنا فى محتمع واحد سوف ننتصر على افكارك واساليبك التى لا تخيل علينا


 تحاتى للجميع
 واترككم لصلاه على حبيب الله محمد صلى الله عليه وسلم