الأحد، 13 فبراير 2011

العالم الذى اعيش فيه.عالم سمسم

السلام عليكم اخوانى  المدونين  
كيف  حالك يارب  تكونوا  بخير  صحه 
مبروك لينا  كلنا  
جاى النهارده افضفض  واتكلم 
فى  اكتر  من موضوع 
---------------------
اولا  عاوزين  ندعى للحاج ريتشارد  زوج اختنا  ماروا  قلب  القطه 

ده رابط بيتنا بيت المدونين 
اللى  وحشنا  من زمان 

يارب  اشفيه وعافيه يارب
--------------------
عاوز اشكر   اختنا  شمس  النهار  
وتوضيح  معنى  المظاهرات  لان  دماغى  كانت  محتاره جدا  
يارب  يبارك فيها  يارب
------------------------------
موقفى  كان  مغاير  وقبل  موضوع الثوره ونجاحها  شوفت فيلم تسجيلى على  قناه الجزيره 
عن العباره السلام98 واللى  حصل للضحايا 
عرفت  ان النظام عاوز  ولعه 
وافتكرت حاجات كتيره  كان  همى  الاول  والاخير
الشباب  ودمهم كنت خايف ع ليهم  قوى  طلع اللى استشهدوااقل  بكتير  من اللى  ماتوا  من غير  ذنب
فى قطار  الصعيد 
ومن اللى فى  العبارده ومن  اللى بيموتوا  على  الطرق  ومن اللى بيموتوا  فى سلخانات الدخليه 
حسبنا الله ونعم الوكيل
_____________________________________________________

مين  فينا  مش  حضر حتى  ولو  حلقه واحده من ذالك العالم 
\
مين فينا  لم يعش  مع الشخصيات  دول
 ولو  لحظه 

كلنا  عشنا معاها


ومين  فينا ملعبش  بلعبه بنك الحظ  

وانه امتلك البلاد 

وكلها  بلاد عربيه


ومين  فينا لم  يعش فى  شخصيه  كعبول

والمسلسل  الرائع اللى  
اتربينا عليه 

  
ومسلسل  بوجى  وطمطم 
والمرحوم يونس  شلبى
والشخصيات  بتاعته المرحوم  رحمى
الله يرحمهم جميعا







كلنا بنحن للكلام  ده تانى 

وفى  منا اللى عايش  معاهم
واللى  اتربى  معاهم 

واللى  اتعلموه منهم  عمره ما  هينسى 

بهبهتنا ومامهتنا

مكنوش  بيخافوا  علينا  لما  كنا بنقعد على  التليفزيون 
نشوف   السحر  ده كله 

ياااااااااااااااااااااااااه 

فاكرين  الساحر اوز




البوست ده  مش  بتاع ذكريات 

ذكرياتى  هكملها وهكتبها  ان شاء الله 

بس  دى  حاجات عاشت فينا وعشنا فيها
______________________
شاهد الامر 

ليا صديق  على  الفيس  بوك  دايما كلامه محبط 
ومثبط وبيكسر  فى المجاديف 

انا  دايما  بحاول انى  اعيش  من غير  ضغوط 
بحاول  انى  اتكيف  مع الامر  
بحب  ارسم الدنيا وردى فى  عنيا  
علشان اقدر  اعيش
لول  فى  مشاكل  بهرب  منها وبحاول  انى اواجه مشكله  مشكله 
انا  مش  هيروا
حتى ولو انا غلطان 
حتى ولول انا شيطان 
انا فى الاول  والاخر  انسان 

عاوز اقول  مش  عيب
 انى  افكر    وانا عايش فى العالم ده 
بس  العيب  ان  عقلى يكون لسه عايش  وواقف  عند مرحله معينه وده العيب  حتى يبان من كلامى  من تصرفاتى
يعنى  احس او  اشعر  انى لسه  فى  ثانوى  
واخرتها ايه 
ليه احرق  دمى  وليه اولع فى  نفسى 
هونا  هونا  عليا  
ده رأيى  
ومش  عيب  انى  اعيش فى عالم سمسم
______________________________
كثير  ما اشعر انى  مش فاهم نفسى 
وحتى  الان  ومش  عارف  انا عاوز ايه 
وممش  لاقى  محمود الحقيقى   وده تخبط 
وده انا  شايفه مش  غلط 
ما دام انا بدور  عليا  يبقى انا لسه  عندى  امل  ولسه عايش  جوايا  
مموتش  العيب  انى  ارضى  باللى  انا فيه 
وده مش  هبل  ولا  عبط 
-----------------------------------------------
صحيح انا بحالو  احسن منى  واكون كويس  بالرغم من اللى  انا فيه 
بس  عاجبنى  انا
صحيح انا بكرهنى  شويه   وعاوز اموته 
بس  عرفت انى  لازم اتصالح معايا 
تعلمت زى  ما قلت  قبل  كده 
هحاول  انى اكون ايجابى  
ومش  هكون سلبى
ان شاء الله 

هناك 14 تعليقًا:

mrmr يقول...

ياااه يا حوده
رجعتنى لايام زمان لـ اليس فى بلاد العجايب وبطوط وتوم وجيرى وعالم سمسم
ليت الشباب يعود يوما
عجبنى جدا انك بتحاول تلاقى نفسك
وتحسن من نفسك بس عايزه اقولك انك مش ح تقدر لوحدك اطلب معونه الهيه تقف بجانبك ح تفرق كتير صدقنى لما تلاقى يد بتساعدك وتمسك بيك
ربنا يدبرلك امورك وياخذ بايدك

♥نبع الغرام♥♪≈ يقول...

ازيك يا محمود

يارب تكون بخير
مبروك ليناكلنا وللشعب المصرى اجمعين

والف مليون سلامه على الاستاذ ريشارد ويارب يقوم بالسلام
وكل سنه وحضرتك طيب والامه الاسلاميه جمعاء بمناسبة المولد النبوى الشريف

♥نبع الغرام♥♪≈ يقول...

صديقى محمود

مش لوحدك اللى بتفكر بكده

انا كمان بسئل نفسى كتير
وبنفس الوقت مش راضيه عن اللى انا فيه وبحاول احسن من نفسى
وبرجع تانى اقول لاء
انا كويسه انا حلوة محدش ليه دعوة بيا
وفى الاخر الامر متناقض
بتمنا الاحسن ليا وليك
واكيد الخير جاى والاحسن جاى كمان
ربنا يسترها معاك
ويحبب خلق ربنا فيك ويبعد عنك اى شر يا صديقى
بتمنالك حياة سعيده لنفسك ولشخصك الجميل
والاهم من دا كله تكون راضى عن محمود


تحياتى

ايناس

غير معرف يقول...

مبروك علينا جميعا

طول ما انت بتحاول تكتشف نفسك يبقى هتوصل :)
ادى بس لنفسك فرصه تجرب كل حاجه "مسموحه و مش حرام"

smart

فاروق سحير ( فاروق بن النيل ) يقول...

محمود ................
معلش مختلف معاك فى طريقة تفكيرك بالحياة
لازم تتحكم فى مشاعرك وتسمع كل الآراء بعدين تاخد موقف ومبدأ وتمشى عليه ماتسيبش نفسك للتيار يوديك مطرح مايروح ده هوه اللى عايز أوصلهولك وشكرا
وسيبك بقى من بوجى وطمطم وبنك الحظ والساحر ظاظا خليها لولادك ولأحفادك وشكرا

من كل بستان زهرة يقول...

محمود اوعى تقول انك كنت غلطان
انا عارفه انك كنت خايف على الشباب والبلد ومش عايز خسائر
بس الحريه مش ممكن تكون مجانا لازم يكون ثمنها غالي اوي كمان
في مثال سمعته من شخص عجبني اوي
قال في سباقات الجري
لازم نرجع خطوه للخلف علشان نتقدم بأقصى سرعه للأمام
انا شايفه ان ده الي حصل في بلدنا
عموما كلنا جزء من هذه الثوره
ربنا يوفقنا لأعمار البلد

Noha Saleh يقول...

ياااااااااااااه
اكتر حاجة اثرت فيا الذكريات الحلوة اللى فكرتنا بيها
بجد انا دايما لازم افتكر الايام دى وساعات ببكى عليها
بحاول اعوضها دلوقتى مع بنتى
الطفولة دى اجمل ايام حياتنا
ربنا يشفى الحج ريتشارد
وبوست جميل احييك عليه

أبو فارس يقول...

مبرووووك علينا الحرية
والحمد لله على سلامتك

يا أخي يموت المعلم وهوه بيتعلم
جميل جدا أن الانسان يحاول يحسن من حياته
تحياتي

فارس عبدالفتاح يقول...

الف مبروك يا زعيم

كلمات من نور يقول...

مهمت كبرنا يا محمود كلنا بنحن للطفولة بكل ذكرياتها الحلوة

ربي يكرمك ويقدرك تشق طريقك بكل خير بحب لمصر و لكل أمة محمد صلى الله عليه وسلم


والتغيير طالما ايجابي يبقى احلى شيء في الدنيا

ツSmiLeY AnGeLツ يقول...

حلو لما يعيش العقل بهذه المرحة
يوقف عندها
بس باطفال الكرتون
ذكرتي بجزيرة الكنز وبل وسبستيان
واوسكار
كثير اطفال
تعرف حلو انك مش عايز توقف عند شي
خليك دائما للامام
ولازم تعرف ماضاقت الاوفرجت
ولكل مشكله حل
حبية طريقتك لمواجهة المشاكل
ربنا يوفقك يارب ويبعد عنك كل سوء
تقبل مروري
سلامي ليك اخي.

شهر زاد يقول...

عزيزي محمود
دلوقتي بجد انا طمنت عليك
علشان ابتديت تحاور نفسك
وتعرف الفرق بين الخطأ والصواب
وتفرق بين الي انت فيه وانت عاوز ايه
انا فرحانه بك قوي علشان فتحت الشباك وخليت شمس الامل يدفيك بأشعتو
محمود انت عارف معزتك عندي وانا النهارده بجد بشكرك علشان فرحتني قوي
فرحتني علشان بقيت محمود ولقيت محمود رغم انك عندك شك
بس انا بقولك دي بداية الطريق علشان انت بصيت في المريا وشفت نفسك من جوا
وعرفت فيها ايه ونقصها ايه
ربنا يحميك لشبابك ويكملك بعقلك
تحياتي يا بوحميد

باحث عن حب يقول...

مرمر شكرا ليكى والله انتى رائعه عندك حق لابد من الرجوع الىل الله
وطلب منه المعونه
ومن لنا غيره

باحث عن حب يقول...

كل سنه وكلنا بخير وسعاده اختنا نبع الغرام

السلام عليكم

 السلام عليكم  يا اهل التدوين معرفش هتفتكروني ولا... بس لاقيت ذكريات وكلام يوجع القلب سنين كتير مدخلتش هنا  وراجعت ذكريات ١٠ سنين ورا لاقيت ...