الخميس، 3 فبراير 2011

علشان خاااااااااااااطر مصر بلاش ندمر مصر

علشان خاااااااااااطر  مصر بلاش  تخريب
 بكره يوم الجمعه
  

علشان خاطر  مصر 
بلاش  تخريب



كفايه كدب وكفايا دمار

كفايه الظلم ولعها نار

كفاية بقى هنروح علي فين

عطلتو مصالح الملايين

أمن وامان محناش لاقيين

ولأمتى هتحمو فى الملايين

سبوها بقى خراب بخراب من ظلم لظلم

كفايا دمار قدتوها نار وحالها يغم

قولنا خلاص استجابو متتمادوش

سمعت خطابه بجد بكيت صدقو متصدقوش

سواء راضيين ولامعارضين متتظهروش متتظهروش

صبركم بالله نشوف

كفايا عشنا كتير فى الخوف

خوفنا عليكم وعلينا

خوفنا من الجاى لينا

بتتظهرو لصلاح سياسى والبلد خربت بجد

منا اللي مات واللى جاع ووقعنا م.السماء للارض

اللي يقول انا ضده يقولو عليه دا خاين

واللي يناصره يقول خليك يبقى عميل

اللي يقول كفايا بقى عايزين امان يقولو جبان

واللي يقول مش لاقى ياكل يقولو استنو خليكو صابرين

لو طفلك انت قالك جعان هتقوله ايه استنى قربنا نحرر البلد

ظلم وخلاص قدرنا عليه ارجعو كفايا هدد

.......................

انا مش معارضه ولا معاه انا مع حالة الهدوء اللي لازم تسود مهما كان ...

مش نتظاهر ونزيد الخراب بخراب وبجد اللي هيقول حال البلد مش عاجبه يبص لحالها دلوقتى !!؟
 تعالو نفكر سوا
-----------------------------------------------------------
دي جمعة تدمير وهدم مصر..إمتى هتفهموا؟ شغلوا دماغكم وحافظوا على البلد..سئ جدا أن يسمح الإنسان لأي شخص أن يستحمره..والأسوأ أن يكتشف هذا متأخر جدا.
إرحموا مصر وشغلوا دماغكم البلد بتولع وإنتوا عامليين تقولوا يرحل..وجمعة غضب.. ربنا بيقبل توبة الك...افر إدوا فرصة للتوبة والتراجع إدوا لمبارك فرصة يتوب ويتراجع،خاصة إنه بدأ.. إحسبوها بمنطق المكاسب والخساير، هنستفيد إية دلوقت من رحيله..إما أن يسود الدمار والخراب والقتل-وده الأكيد- وإما نستند إلى الدستور الحالي ..نبقى إستفدنا إية؟!..إرحموا البلد وشغلوا عقولكم.... أولا مبارك إنتهى ومشروع التوريث إنتهى..
ثانيا وجود مبارك الأن ضرورة لأسباب،إذا رحل ستعم الفوضى أكتر،ولن يتغير الدستور وسنستند للدستور الحالي...من سيحكم مصر؟الجميع عينه على الكرسي ولن يقبل بغير الكرسي، شاهدوا تصريحات أمريكا وإيران وتركيا...أمريكا تدعم البرادعي،وإيران تدعم الإخوان،وإسرائيل تزرع لها واحد..ونبقى ساحة يلعبوا فيها وندبح بعض. ..البرادعي أنا كنت بأيده لكن دلوقت أنا ضده لأنه عاوز يشعلل البلد وينط على الكرسي بشكل بلطجي وبعد كدة ينط علينا..وربما الأمريكان يساندوه لأنه هو إللي فتح لهم باب العراق...الإخوان أثبتوا عبطهم المفروض كان قرؤا الأحداث بشكل أفضل وقالوا نعم للإستقرار..،مبارك هيغير مش عاوزين نولع البلد إحنا مايلزمناش من يحكم دلوقت بقدر ماإحنا عاوزيين دستور وقوانين تحترمنا وده إللي بدأ يحصل..ومبارك كدة كدة راحل،نفهم ونصبر وننتظر تغيير الدستور وإنتقال سلمي ومحترم للسلطة.. حافظوا على البلد وماتولعوهاش..
ده كلام اخويا................
طيب انتم إية رأيكم......
شوية عقل كدة يا اصحاب العقول المتفتحة.....يا اصحاب الفكر الحكيم....يا اصحاب العقول النيرة.....
بقالنا اكتر من تلاتين سنة.....في الظلم والاستبداد....بيقول اصلاح ...وهو فين الاصلاح
طيب لو كان عايز اصلاح صحيح اللي حصل امبارح ده مكنش حصل ...ولا الدم ده هيروح كدة هدر....؟
يا جماعة انا عندي يقين ان لو المتظاهرين روحوا بيوتهم فعلا ....مفيش حاجة هتتغير الا....للأسوء....
وابقوا شوفوا لو حد فيكم فعلا حاله اتغير غير للأسوأ....
متفتكروش ان النت رجع النهاردة كدة عشانكم......
لاء.......
ده رجع عشان الموالين نظام والجبناء منكم يقولوا كفاية تظاهر وكفاية دم وقتل....
بكره القتل وبكره الدم والتعصب والخيانة وكل الصفات الوحشة...
بس للأسف معدتش ينفع التراجع الان....لآن اي تراجع معناه اننا خلاص ....استحالة اننا نتقدم خطوة للأمام وننجح في اسقاط الفسده.... بجد حرام اللي حصل للناس ده حرام....
وحرام ان " عمر سليمان" دماغه تكون بالشكل السيء ده ويعملها بحكاية لوي دراع ويشتطرط الشروط الغبية دي عشان يتكلم مع المحتجين.....وحرام برضه ان المتظاهرين السلميين يحصلهم ده....
طيب مفيش شوية عقل في الناس دي من الطرفين.........؟
يعني.... ان ممكن كان المتظاهرين يعملوا وفد منهم يتكلم مع "عمر سليمان" حقنا للدماء....
وبدون ان يغادروا موقعهم لاني كمان قلت علي يقين ان لو المتظاهرين غادروا التحرير لن يسقط النظام الفاسد ابدا....
لكن ممكن شوية تفكير وعقل ونشوف حل وسط.....
حراااام بجد انا اول يوم النت فصل والموبايلات لما معرفتش اتواصل ولا اطمئن علي اصحابي معرفتش انام وفضلت اعيط من المشاهد اللي بشوفها علي القنوات.....ولا الكلام اللي اتقال .....ومش معقول بجد اصدق الكدب ده تاني
واقول فرصه تانية....
طيب فرصة تانية ازاي...؟ بعد اللي حصل في ميدان التحرير ...؟
اعتقد انه كان ممكن بكلمة واحدة من الريس كان الهجوم ده محصلش بس احنا اللي شعب بينسي الاساءة بسرعة وعاطفي وبيتأثر بشوية كلام ....
الناس اللي في التحرير هما الجيل الفاشل .....جيل النايتي والكاتشب والنسكافية....اللي بيقولوا عليه مينفعش بأي حاجة......
الجيل ده هو اللي خوف النظام ...؟
الجيل اللي كانوا بيشتموا فيه عمال علي بطال بقوا بيحكوا ويتحاكوا بيه وعلي شجاعته " يا سبحان مغير الاحوال" يا رب ما يكون تعبكم من غير فايدة...
احنا مش عايزينها تولع .....
احنا عايزين حقنا .....وهو حرام نطالب بحقنا...؟
يا جماعة بجد كلي الناس ع الفيس بوك منقسمين .....ما بين يلا روحوا بيوتكم ويلا اثبتوا في التحرير ويلا ارحل ارحل.....
مفيش حل وسط......حل وسط عشان الناس اللي في التحرير دي...؟
حل وسط يحمي مصر ويحمي اولادها ويحمي الدم اللي روي ارضها.....
بتمني اجابة......
وبتمني فعل.....
مش بس كلام ان الناس دي هتتحاسب وهما فعليا مش هيتحاسبوا....
والله حرام ....حرام ....انا بكيت كتير عشان الناس دي....
الناس اللي معرفهاش
واصحابي اللي اعرفهم.....اللي كانوا بالمظاهرات دي....
برغم اني لا احبذ فكرة الانتقام الا انني لا احب ان يذهب دماء هذه الناس بدون اي ثمن
عارفة اني كلامي مش منظم ولا مرتب....بس بجد مش عارفة اقول اية...؟
منهم لله ....وحسبي الله ونعم الوكيل ....
اللي بيتاجروا بإسم مصر....
تعالوا نفتح باب الحوار المرتب والمنظم والمقنع لنصل معا بمصر لبر الامان ....
انتظركم .....ويا ريت تطمنوني عليكم لاني للأسف الشديد اغلب المدونين معرفهومش معرفة شخصية ولا معي ارقام موبايلاتهم وندمت ندم شديد علي اني معملتش حساب اليوم ده اللي النت يفصل فيه ومعرفش اطمن عليكم....
يا رب احمي مصر وشعبها ووصلنا ومصرنا الحبيبة لبر الامان والاستقرار بعيدا عن بؤرة الفساد والموالسين....
رحاب صالح
 حياتى ولكن مش حره فيها

هناك 17 تعليقًا:

باحث عن حب يقول...

مش لاقى كلام غير اللى لقيته فى المدونتان دول
قالوا كل اللى
فى قلبى

من كل بستان زهرة يقول...

بص انا مش هدخل معاك في نقاش ولا كلام
لأني شايفه انك مش هتتقبل كلامي
بس عايزه اقول برافو وصقفه
كبيييييييييييييره اوي
لكل مين قدر يغير رأيكم ويكسب تعاطفكم ويحولنا من شباب متحضرين الي شباب بنخرب البلد وبنضيعها
المهم مش ده الموضوع
تصحيح لمعلومه دينيه ربيع اول ليس من الأشهر الحرم ارجو تصحيح المعلومه
الأشهر الحرم :
ذو القعده ذو الحجه محرم رجب
وشكرا لك

باحث عن حب يقول...

اختى
والله انا عاوز استقرار
مش عاوز
دم
تانى
بس
مش غسيل مخ
الله يحرق مبارك
على اللى حوليه
انا مش عاوز دم
قطره
دم
اطهر
من الف
زى مباااااااااااااااااااااااااااااااااااااااااارك
يارب يعزك
شكرا
على التصحيح
انا حذفت الجمله
بارك الله
لكى
والاختلاف فى الرأى لا يفسد فى الود
قضيه

♥نبع الغرام♥♪≈ يقول...

لو دخلت مدونتى

هتعرف

ان كان الكلام اللى فى قلبك انا قلته ولا لاء

قلبى مع مصر

ربنا يرحمنا برحمته

تحياتى
ايناس

2alam_Rosas يقول...

بص يا محمود انا موافقة جدا ان مصر تتنقل لمرحلة جديدة
ان مصر تخرج للنور فى ثوب جديد يرحب بحرية الرأي والديمقراطية والاهم يعترف بكرامة الانسان المصرى وكينونته
لكن صدقنى انا شايفة ان الحل مش بمظاهرة بكرة والدم والمجازر الى ممكن تحصل فيها
الناس الى بتدعى لجمعة الرحيل وبتنادى بمظاهرات فى مصر كلها
هتكون النتيجة اننا هنشوف المشهد الى فى ميدان التحرير فى كل أنحاء مصر

افتكر ان كلنا مش عاوزين دة
اذا كنا عاوزين مبارك يخرج م البلد دى
فهو هيغور كمان كام شهر
يبقي ليه نتمسك بحاجة هتحصل فى القريب العاجل

نفسي بجد كل مصري بيخاف على بلده يحكم عقله عشان نوصل لبر الامان بدل ما نغرق كلنا ونشمت الدول فينا

mrmr يقول...

ازيك يا حوده
يارب تكون بخير
ويارب نفهم ونعقل ونحافظ على بلدنا
وكفايه دمار وعويل كل بيت فى مصر دمعته على خده من الاحداث اللى بتحصل
لكن ربنا قادر يمسح دموعنا قريب باذن الله ويسلم مصرنا من كل سوء

عالم حبيب يقول...

تعاطفت أيضاً مع كلمات السيد الرئيس التي كُتبت له بعناية ليكسب تعاطف الناس , لكني عندما شاهدت المجزرة التي حدثت أمس ولا زالت جارية حتى الأن أيقنت أنها جزء من المؤامرة على الشباب , وتذكرت المثل القائل : أسمع كلامك أصدقك .. أشوف أمورك أستعجب ,,, وحسبي الله ونعم الوكيل

عالم حبيب يقول...

للأسف هم أوصلونا ببث الشائعات وروح الإحباط إلى أن نقول : الأمن مع الذل أفضل من الحرية والكرامة مع عدم الأمن

ولكم أن تقرأوا مقال للدكتور خالد صلاح على موقع اليوم السابع : المؤامرة الوقحة.. «إما الأمن وإما الحرية»

http://www.youm7.com/News.asp?NewsID=345224&SecID=12

عاشقة الجنة يقول...

كل كلمة عندك حق فيها
اللى مضّيع البلد ان الناس
مش بتفكر ولا بتستخدم عقلها
وانا فى قمة الاستغراب فى جملةقولتيها
ان الأول طلعوا بيشتموا مبارك وبعد
كدا فجأه بيقولوا احنا بنحبك يا مبارك
هما مين الناس الأولى الناس التانية ؟؟!

نفسى أعرف ولو ان ده كله كذب وحسه بأنها مؤامرة وبل بالتأكيد مدبّرة

ربنا يحمينا ويحفظنا من كل سوء
ويرفع عنا غضبه وينصرنا على القوم الكافرين
تحياتى

غير معرف يقول...

مصر تحتاج للدعاء

أرجوكم ادعوا لها

اللهم لك الحمد كله كما ينبغي لجلال وجهك وعظيم سلطانك

اللهم صل على محمد وعلى آل محمد كما صليت على إبراهيم وعلى آل إبراهيم وبارك على محمد وعلى آل محمد كما باركت على إبراهيم وعلى آل إبراهيم

اللهم الطف بأهل مصر

اللهم احفظهم بحفظك واكلأهم برعايتك و احفظ بلادنا يا رب العالمين

اللهم انصر المصريين في أرض الكنانة وحكم فيهم شرعك واكفهم شر كل طاغية جبار

ربِ انصر إخواننا وأهلنا في مصر و لا تنصر عليهم، ربِ ثبت أقدامهم وارحمهم

ربِ رد كيد كل من أراد بهم السوء يا عزيز يا جبار
اللهم احفظ مصر واهلها وكل ما فيها

يا الله يا رحيم يا حي يا قيوم برحمتك استغيث

اللهم انت ثقتي في كل كربة ورجائي في كل شدة وانت لي في كل امر
اللهم يا قادراً على كل شيء .. اغفر لنا كل شيء وارحمنا برحمتك الواسعة التي رحمت بها كل شيء وإذا وقفنا بين يديك لا تسألنا عن أي شيء فإنك أهل التقوى وأهل المغفرة .
اللهم عجل الفرج وأرح العباد والبلاد ممن خربوها وأذلوا أهلها
اللهم كن لأهلنا في مصر ناصراً ومعيناً
اللهم ارزقهم الأمن والأمان والسلامة والإيمان
اللهم اعصم دماء المسلمين و أعراضهم و أموالهم
اللهم أمين
يارب العالمين
استغفر الله العظيم الذي لا إله إلا هو الحي القيوم وأتوب إليه.
نسألكم الدعاء

شمس النهار يقول...

ماتحترش يامحمود

علشان هو ده المطلوب ان الشباب والشعب يحتار

دور علي الاسامي اللي هناك في ميدان التحرير

من كبار حكماء البلد

من كل الطوائف والمفكرين والاعلاميين
مالاحظتش ان كتير من اللي بيقروا نشرت الاخبار اتغيروا علشان رفضوا يطلعوا يقروا يقروا اخبار كاذبه ويتسحلوا بعد كده ويتزبلوا من الشعب زي بتوع 67 ومراكز القوي
اقرا التاريخ يامحمود

شمس النهار يقول...

اللي عمل الدم اللي دخل علي اصحابك وجيرانك وقتل فيهم
وبعت لهم البلطجيه

يعني انت موافق ان نظام يرش المصلين الساجدين بالماء انه هيوفي بوعده

انت موافق ان نظام يلقي قنابل مسيله للدموع متهيه من الصلاحيه من 2004 يعني عايز تعميهم
ده نظام هيوفي بوعده
مااتعملش حاجه تقول هيوفي بوعدهم
وانا شخصيا ورحمة ابويا مش عيزاه خلاص يمشي وعايزة الناس ترجع من التحرير
علشان احنا مانستاهلش الحرية

رحاب صالح يقول...

والله يا جماعة انا خايفة علي مصر
وخايفة علي دم ولادها اللي سال وروي ارضها
مش عايزة الدم ده يرلاوح بلاش
ومش عايزة نبقي عراق اخر او لبنان اخر او اني اقوم الاقيني في احتلال
خايفة من المعارضة والاحزاب انهم يعملوا فيها ملوك وامرا ويولعوا البلد لان كل واحد فيهم عايز حتة من التورتة....
يا ريت نفكر بعقل شوية
ونشوف حل مناسب
وبلاش كل واحد يقف علي الوحدة للتاني
كل واحد يتنازل من عنده شوية وبلاش عند ومكابرة
عشان البلد
عشان مصر

Noha Saleh يقول...

بجد اتمنى انها تعدى على خير
ربنا يسترها مع مصر

غير معرف يقول...

يارب احفظ مصر من شر الفتن اللى محواطاها

يارب احفظها واجعلها بلد الامن والامان دائما

يا رب ابعد عنها كل سوء وضرر

يارب اصلح حالها وحال الجميع بها

مالناش غير الدعاء

ツSmiLeY AnGeLツ يقول...

ان شاءالله بتفرج
وبترجع مصر زي الاول ويمكن احسن
ربنا يخلي مصر لاهلها
ويخلي اهلها لها

BNT ELISLAM يقول...

ربنا يعديها على خير هو عالم بحالنا اكتر من اى رئيس
ومن اى شباب ومن اى شساسى ومفيش ارحم منه

السلام عليكم

 السلام عليكم  يا اهل التدوين معرفش هتفتكروني ولا... بس لاقيت ذكريات وكلام يوجع القلب سنين كتير مدخلتش هنا  وراجعت ذكريات ١٠ سنين ورا لاقيت ...