الأحد، 6 فبراير، 2011

ثوره 25 يناير لمحات فكر فضفضه تخاريف نبضات قلب 1


السلام عليكم
اخوانى 

اولا  النهارده عيد ميلاد  مدونتى
فاتت سنه على  المدونه دى 
ومدونه الشهاب

والشهاب  افتكر  كانت قبل  دى 

المهم الاتنين فى شهر  فبراير
كل سنه ومدونتى بخير
والعيد  جاء فى  ظروفنا دى 
وكان نفسى اهيص  معاكم  بس
  ظروف  مصر  وحاسس ان كل  المدونين  عندهم
حداد
على مصر 
كل  التدوينات على الاحداث  اللى بتدور فى مصر 
علشان اللى بيحصل فى مصر وعندى كلام  كتير  بس  مش  على مصر 
ولا  على 25 يناير
هتسألونى انت مش  مصرى 
هقولكم احمد الله اننى مصرى
بس  مصرى تايهه من اللى بيحصل  مصدوم مش  عارف  مش  لاقى وصف  هفضفض فضفه شاب  عن الاحداث  الاخيره 
وكوكتيل الاحزان 
وهى  مجرد تخاريف  نبضات قلب  مكسور------
----------------------------------------------------------
السلام عليكم
اكتشفت اننا هنكون فى  التاريخ 
وشايف ان كل  واحد  عنده حدوته يحكيها بكره وبعده  للاولاده عن انجازاته
عن يوم 25 يناير 
وهو عمل  ايه زى كده افلام  6اكتوبر  وثوره  يوليو  وثوره1919\
وحكاوى  وانتصارات  الفيس  بوك
على  مبارك واعوانه
 وطبعا  كل  واحده يدون ويكتب 
ويسجل  للتاريخ 
تاريخ  شباب  يصنع مصيره  بمعصم يديه
فى اليوم ده كنت فى امتحان ورحت الامتحان وفى رجوعى من مدينه نصر  الى الجيزه الدنيا فااااااااضيه  وكنت مهتم بالاخبار  من الموبيل على موقع الدستور  لان الموقع ده بجد  كان احسن تغطيه  وبعد كده عرفت ان الدكتوره ستيته عامله  التغطيه واحسن  كمان  المهم  قعدت على  النت باللي  وانا مشتاق  انى  اعرف  ايه اللى  حصل  وعلى  شاشه التليفزيون  ومتشوق  وشايف  اللى حصل  عدى اليوم على  خير  واليوم التانى
وانا فى بيتى  ولغايه  تلوقتى فى  بيتى 
يوم الاربع واللى  حصل  من اسلوب  سلمى المهم ويوم الجمعه 
واللى شوفته فى التليفزيون  وقلبى  انقبض فى  لحظتها  لما شوفنا الكلام ده 
------------------------------
خلاصه الامر  انا منزلتش  حتى الان وظروفى  معروفه
وكنت اتمنى  ان  اذهب
اذا كانت اختنا شهر زاد  راحت لانها  بتحب  مصر  وهى مش  مصريه
________________________________________
اعتذر انى منزلتش
-----------------------------------------------------------------
س سؤال  انت  منزلتش  ليه؟
سألتنى هذا السؤال  اخت ليا على الفيس بوك من منتدى  مجانين  اللى اتكلمت عنه  قبل  كده  وسألتنى السؤال  ده وبجد  كأنى  كنت فى غيبوبه
_________________
س سؤال  ول  كان متاح ليك انك تنزل  كنت نزلت فى الحرب  دى؟

الاول  اعترف  انى  مكنتش  عاوز انزل  خالص  خالص  ليه ؟ لانى  كنت عارف  انها لن تؤتى ثمارها  اصلا وهتعدى  زى  غيرها  وفى اخت تانيه قالتى  انزل  بكره  عشيه26 قلت ليها لآ علشان  لا تتعرضى للتحرش  والمضايقات والنزول  لن يفيد فى شى
انا اكتشفت انى  كنت سلبى  بشده 
حتى لو   كنت فاضى مكنتش  هنزل  خوف  سلبيه
حجتى انى  متعلمتش  محدش  علمنى انى اعترض  على وضع غلط لآ
اعترف انى اتعودت واتعلمت انى
اكيف  نفسى على الوضع الغلط ده
تلك  القنوات المصريه  كنت متابع لها جيدا قبل 25 يناير 
ولاخبار  السياسيه دون ان اعبر  عن رأيى 
تلوقتى  اكتشفت  انى  كنت غلط فى سلبيتى  دى
وانى لازم اعترض  واقول لآ
لازم اقول لآ  وليه اكيف  نفسى  على الوضع الغلط ده 
ليه محاولش  انى  اغير  الوضع  ده
مين اللى علم الشباب اللى نزل  ده
الفطره
انا كنت غلط
-------------------------------------------------------------
بعد اعترافى  عن انى  مكنتش  مساند اللى بيحصل  من الاول 
وتفاجأت لما  نزلت الشارع يوم السبت بعد الجمعه نزلت الجيزه علشان  اجيب  مستلزمات طبيه من محلنا اللى فى  ام المصريين نزلت ميدان الجيزه وشميت بقايا  الغاز المسيل للدموع  وكل  شويه اعطس  ايه  اللى خلى  الناس  تستحمل  كده
وكل  الصور اللى بشوفها  فى الجزيره والناس  اللى كانت بتصلى  ورش  الميه والعربيات
اللى بتدوس   فى الناس والقنايل   
اتصلت بزميلى اللى شارك فى  المظاهرات  وسافر  عل البلد  لانه تعب  
وحكى لى  على ارض  الواقع 
ألمنى  جدا  جدا   وكل  ما اشوف  المناظر  دى اققول 
حبيب  العادلى  مكنش بنى  ادم منه  لله
واللى يامر  الظباط انهم يستعكلوا الرصاص  الحى
لازم يتعدم فى ميدان عام 
واللى  ماتوا الله يرحمهم
--------------------------------------------------------------
حققنابعض مطالبنا  او مطالب  الامه على  اشلاء  الشهداء 
دول  غير  الاصابات
وبعدين يبقى الحال  على  ما هو عليه 
دونما  تغير  او تقدم
______________________________________________

هناك 7 تعليقات:

لـــولا وزهـــراء يقول...

كل سنة ومدونتك بينا هنا منورة بفكرها ... وربنا يرحم كل شبابنا وشاباتنا الشهداء
لولا

miroooo يقول...

السلام عليكم
اولا كل سنه ومدونتك بخير ان شاء الله وبتكتب فيها كل اللى انت عايزه وبيسعدنا بالتاكيد
طبعا السلبيه مرفوضة جدا اى نعم محدش علمنا ازاى نقول لا بس الصراحه الشباب اللى طلعوا يوم 25 علمونا حاجات كتير جدا ومنها اننا نقول لا ويبقى عندنا حرية اكتر من كده
ربنا يعدينا من المرحله دى على خير
ان شاء الله يحصل تطور كبير فى بلدنا بس عايزة شويه صبر ومجهود مننا

شيرين سامي يقول...

حمد لله على سلامتك و سلامة والدك و آسفه لتقصيري معاك
لسه عندك فرصه تنزل الميدان و خليك واثق ان النصر جي ان شاء الله قريب (ان الله لا يغير ما بقوم حتى يغيروا ما بأنفسهم) و احنا اتغيرنا يا محمود و اعترافاتك دي أكبر دليل فاضلك شوية ثقه بس و الناس اللي ماتت دمها مش هيروح هدر
تحياتي ليك و كل سنه و انت منور البلوجر

خواطري مع الحياة يقول...

السلام عليكم
اولا
كل سنه ومدوناتك الاثنين بالف خير
وان شاءالله تكتب فيهم لاخر يوم في عمرك
ثانيا
والله العظيم لما اشوف المظاهرات واشوف الكم من الشباب والاطفال والكبار بتمنى اني اكون معاهم بتمنى اكون واقفة واهتف معاهم واكون معاهم بكل شي يحدث
ممكن تنزل الميدان في اي يوم
لان كل يوم فيه شي
كل يوم له اسم له معركة
فاكيد انت مصري
ومش ضروري تثبت انك مصري بنزولك
ممكن تثبته بروحك بكلامك لحبك لوطنك
الله كريم
ربنا يبفك زنقة شعب يريد ان يعيش بسلم وبدون ظلم
ربنا يوفقكم يارب
تقبل مروري

غير معرف يقول...

لكل منا ميدات جهاد..صح؟
:)
كل سنه والمدونه بخير
smart

نبع الغرام يقول...

اخى محمود

كل سنه ومدونتك فى تقدم وازدهار

وعقبال مليون سنه منور بوسطنا وبوسط اخواتك كلهم

كلنا بنحلم بالتغير الصح ومش تكون فى سلبيه
ربنا يرحم الشهداء
وتحيا مصر

Noha Saleh يقول...

كل سنة وانت طيب
وطبعا اللى حصل يوم 25 هنفضل نحكيه زى اللى قبلنا ماكانوا بيحكوا عن ثورة يوليو