الاثنين، 8 نوفمبر 2010

تحرش واغتصاب فضفضه غير عاديه+تحديث

التحديث عن الاخت خيخه 
عامله موضوع متعلق بالموضوع ده
وده الرابط

\خيخه
واسف لو الموضوع زعل حد
___________________
موضوع  طويل فضفضه غير  عاديه 
اللى هيتعب يروح 
اقصد محدش يزعل من كلامى
_________________________________

السلام عليكم
صالون محمود الغير ثقافى يرحب بكم
فى المدينه التى اصبحت غير 
فاضله  بالمره 
فى اللى احنا حسبناه لاقيناه
ان الفضيله بس فى قلوبنا 
وان الدين
المعامله 

وعجبنى تعليق اخى عمرو يسرى 
فى تعليقه على موضوعه المتميز فى فضفضه
واللى اتكلم  فيها على  ..........
اسيبكم مع الموضوع

قال لى 



عمرو يسرى يقول...










محمود
احنا فى مجتمع متدين شكليا فقط انما نحتوى على مجموعه من الفساد ليس لها مثيل

والمواضيع ديه مش جديده بل والعكس\
 مكتبتهاش ك
صدمت  لما شوقت المواضيع دى على موقع اليوم السابع

وكمان فى الحياه اليوم 
وقرأته  فى المصرى اليوم  بردوا
مش لاقى كلام اقوله 
فعلا مصيبه  انا كنت  بخاف على البنات  من انهم
يمشوا فى طريق المدرسه 
كمان الاولاد مش مضمونين
جوا المدرسه
ممكن الواد  يتحول الى شاذ
تلقائيا 
ليه التطور الطبيعى للحاجه ال..........
ولا ايه ايه النظام 
ايه اللى حصل 
تحرشات فى كل مكان 
قلنا ان المشكله فى البنات
والموضه والزفت المتنيل اللى مش بيلبسوه 
اللى هو الهدوم مش لاقين  هدوم يلبسوها فبيطلعوا بلبس النوم
قلنا فقرا
طلع ان الموضوع دماغ وعقل مركب شمال
والاسم محجبه ومتدينه 
ليه  بس كده حرام عليكم
شوفوا 
الامريكان بيقولو ايه عننا

مصرتحتل المركز الأول فى التحرش الجنسى بالمرأة تليها افغانستان

فاجأة : المحجبات يمثل 72% من المتعرضات للتحرش
وأشارت في التقرير إلي الدراسة التي أعدها المركز المصري لحقوق المرأة، والتي تظهر زيادة تعرض المحجبات للتحرش، حيث ثبت أن 72% ممن تعرضن للتحرش محجبات.

مصريات يتعرض للتحرش بصورة شبه يومية
وكانت دراسة حديثة للمركز المصري لحقوق المرأة عن التحرش الجنسي تحت عنوان “غيوم في سماء مصر”، قد كشفت عن أن 64.1% من المصريات، يتعرضن للتحرش بصفة يومية، في حين أشارت 33.9% إلى أنهن تعرضن للتحرش أكثر من مرة وليس بصفة دائما، بينما أكدت 10.9% على أنهن يتعرضن للتحرش بصفة أسبوعية، وفي المقابل تتعرض 3.9% للتحرش بصفة شهري




فى الرابط اللى فات  بتاع المهزله 
واللى قبله 

انا ناقله طبعا 
ومعنديش كلام اقوله  ايه الحلول 
ايه المفروض علينا نعمله 

الدين مفيش ومتدنى 
والعقل فى البلوظه 
الفكر مفيش 
كل واحد تلوقتى بيفكر بنصه التحتانى 
معلش اسف على الكلمه
بس ايه المفروض علينا نعمله 

والنار اللى قايده فى المجتمع 
الواحد يبقى يخاف على نفسه 
وعلى عليته وعلى عياله 
ولا نعمل ايه ايه الحل
ده اللاموضوع اللى انا كنت عاوز اناقشه 
المدونات والمواقع مليانه 
بالكلام ده 
بس الشلل ده بنشوفه  يوميا 
فى كل مكان 
فى شباب ملتزمه 
ومحترمه 
والله بتخاف تنزل الشارع من اللى بتشوفه بيحصل ليهم اثاره  
من اقل حاجه ومنظرهم  بيكون صعب 
خالص بيضروا ميمشوش فى الاماكن اللى فيها تجمعات ولا اى حاجه 
بس اللى قدامنا 
عاوزين الشباب اما متبلد مش عنده احساس 
وفاقد ال..........
للاما متحرش وعنده القدره ال؟
طيب 
نعمل ايه البنات اللى فى الشارع ده 
بنات  مين
؟؟؟؟؟؟؟؟؟
سؤال بديهى يطرح نفسه على الساحه 
الان 
كلنا او معظمنا عايشين فى اوساط مختلفه واكيد كل واحد منا ناقش
الموضوع ده مع اصحابه زملائه 
وكده والكل يشجب ويندد
طيب البنات دول
بنات مين 
طيب اللى بيتحرشوا ويغتصبوا الاولاد  فى المدارس برضوا عيال مين 
ماروا قلب القطه قالت كلمه  فى موضوع عمرو يسرى فين البيوت اللى بتطلع اكياس الزباله 
دى 
فعلا ليه  وازى 
اكيد كلنا عارفين  المناطق العشوائيه اللى صورها  خالد  يوسف فى كل افلامه حين ميسره وغيرها 
وشوفنا اللى بيحصل 
احنا مش قاعدين فى برج عالى وبنتكلم من ورا شاشات الكمبيوتر 
 وبس
احنا شايفين ومش مضرورين  
بس بعدين  نظرا  لنطريه التطور
بتاعه عمرو يسرى 
هنضر 
لازم هنضر فى اولادنا او اعز ما نملك  يارب
ما يحكم علينا 
ايه العمل العيب فينا ولا فى الحكومه 
ولا فى اللى قاعد..................
ولا بلاش
خلينا نكتب فى بلوجر احسن
ما نكتب 
خلف الاسوار
++++++++++++++++++++++++++++++++++++++++++++++++++++++++++
تعالوا زورونا
فى قلبى حبيبى
انها لك وانت لها

______________________________________
جديد  مدونه الشهاب
شيطانى دعنى اتكلم


ربنا يستر على الاجيال القادمه 


هناك 15 تعليقًا:

جايدا العزيزي يقول...

طبعا انا اشجع الموضوع واتفق مع عمرو فى كل كلمه

ورغم عدم انحيازى لامريكا

لكن حقيقى المره دى معاهاحق

والاحصائيات صحيحه

اكتر الشباب عاطل وقاعد على القهاوى

يقول ما لا يفعله

الحياة عنده مجرد شعارات وبس

نس الدين وبقى بشغل وقته بما لا يفيد

موضوع هام وفى الصميم يستحق المناقشه والحوار

اشكرك على شجاعتك

تحياتى

ويكا يقول...

يا محمود

السبب هو غياب الوعى الدينى لدى الاثنين ، المتحرش والمتحرش بها
والاتنين التانيين اللى فى الكواليس (الاب والام).

مصر بقت زى اللى رقصت على السلم
لا طالت بلد اسلاميه ولا طالت ، وان شاء الله ما تكونشى ، بلد علمانيه.

البلد مش ماشيه صح ، لا فيه عقل فى طلبات اهالى البنات فى المهور ولا شباب لاقى يتجوز

ومفيش بلوظه جنسيه اوى زى امريكاوفى نفس الوقت مفيش فقه وقاعده دينيه واذعه للتعفف بين الشباب لكبح جموحهم الجنسى
فيه افلام سيكو سيكو وافلام اجنبى وافلام مصرى انيل من السيكو سيكو دلوقتى شغاله الله ينور وكله متاح والجواز مرفوع من الخدمه ومفيش ثقافه دينيه حقيقيه والمؤسسه الرسميه بتحارب الدين ومش بتساعد على العمل لا فيه افاق استثمار ولا توظيف ........ بص الموضوع ممكن يطول منى وانا كنت بطلت اتكلم فى الحاجات دى لانى دمى اتحرق من زمان خلاص.

بس اكيد انا وضحت حاجه

سلام يا وحش

غير معرف يقول...

عليه افضل الصلاة والسلام
فعلا ربنا يستر على اولادنا وبناتنا
والله يا محمود حتى اللى ماشى محترم ومغطى جسمه كله معرض للتحرش والاغتصاب برضوا
مفيش فايده
الواحد بيبقه ماشى خايف من اللى بيسمعه وبيشوفه
ربنا يستر
ويحد من الفساد اللى انتشر بأنواعه الدنيئه
تحياتى

رحاب صالح يقول...

انا فعلا حسيت بحالة قرف شديدة لما قريت الموضوع ..
بي تعرف لو في قوانين رادعة مكانش ده حصل من الاول ..
قانةن رادع للسينما اللي بتطالب بالحرية وهي بتنشر الاباحية , والاغاني بالمثل ده حتي المسلسلات بقت مقرفة , مفيش سلوك ديني ولا حضاري ده حتي في البلاد الغربية بيدرسوا الجنس لكن مش بالشكل اللي احنا بنتعامل بيه ده ...احنا عندنا حالة من تبلد التفكير ....ولو احنا بنتعامل مع الاشياء بقدر حجمها مكانش ده حصل , في سنة من السنوات قالوا هندرس الجنس في المدارس وكان في اعتراضات , لكن لو درسناه بشكل علمي اعتقد مكانش هيبقي الحال زي النهاردة كدة , اعتقد ان المعرفه مطلوبة لكن المعرفة الصحيحة وبالعلم والدين ....
جزاك الله خيرا انت وعمرو علي الموضوع

شمس النهار يقول...

المشكله ان الاسرة تفككت
الاب لاهي بلقمة العيش مابيديش اي قيمه لأبنائه

الام مشغوله عن عيالها بشغلها وتحقيق ذاتها
ولو مش بتشتغل يبقا مشغوله بالخروج او المسلسلات

اطفال متسابه قصاد الدش وافلام العنف واشياء اخري
ده غير المسلسلات الغريبه اللي بتعمل غسيل مخ
تفتكر لو طفل اتفرج علي حاجه مش هيحاول يجربها

الاسرة اصر ان الاخلاق تبداء من الاسرة

ghada mOhsen يقول...

كل شي بقى غلط للأسف ...

البنات غلط والولاد غلط
ومعظم إللي بيجي في الإعلام غلط في غلط

وكل ده نقص في التوعيه الصحيحه إن كان من البيت أو من وسائل الإعلام نفسها أو حتى في المدارس

أحيانا والله بقول إن إحنا وصلنا لفتره مستحيل تتعدل أو تتصلح خلاص

بس أراجع نفسي وأقول عمري ماهفقد الأمل طالما فيها شباب زي حضرتك وعمرو .. وكل إللي بيحاربوا الموضوع ده

يبقى الحمدلله لسه الدنيا بخير
وربنا يجعل في إيدينا الصلاح لعلى وعسى نقدر نعمل حاجه

أحييك على إثارة هذا الموضوع
تسلم
^_^

همسات وبحــ الحياه ــر يقول...

الموضوع دا عايز رغى كتير
وانا بتفق مع يسرى فى ان السبب الوحيد هو غياب الوازع الدينى
لان لو بجد عنده حبه دين وضمير صاحى كان عرف اللى بيعمله دا ميصحش
الموضوع دا انا كتبت عنه صفحة كاملة فى اخبار الشرقيه طلعت كل كبتى فيه ههههه
تحياتى لك
مستنياك فى قلوب بلامرسى وعايزة رايك بصراحه

ツSmiLeY AnGeLツ يقول...

السلام عليكم
هو اصلا شباب الايام دول مايذكروا ربهم الا وقت الشده مايفكروا قبل مايعمل شي حرام انه في يوم هيتحاسبوا فيه
استغفر الله
دنيا تشوف فيها العجب.
ان لموعدها لقريب.
تقبل مروري
سلامي ليك اخي.

عمرو يسرى يقول...

اعتذر عن تاخيرى
فرحت لاهتمامك بالموضوع فهذا الموضوع علينا كلنا ان نعلنه ونكشفه لعل يظهر لنا حلا يقضى عليه فكيف نتطمئن على اولادنا فى ظل هذه الاجواء احد المعلقين عندى وضع لى رابطا يتكلم عن نفس الموضوع ايضا للاستاذه خيخه وكانت تتكلم على انها تخاف على ابنها مما يحدث فكيف نجعل الاباء والامهات تطمئن على اولادها وهذا لينك البوست
http://nouranelshamly.blogspot.com/2008/03/blog-post_8111.html

وشكرا لاهتمامك

richardCatheart يقول...

والله انا عشت فتره زى خيخه كده وعندى عقده وفوبيا من اللى بسمعه وخوف مستمر لدرجه الرعب الحمد لله كانت فتره وعدت بس ماقدرش انكر بعد اللى قريته عند عمرو وهنا انى ابتديت اخاف بنفس الدرجه تانى ومش عارفه هافضل طول عمرى عايشه خايفه

كنت عايزه اعمل بوست على بوست عمرو بس الصراه ماقدرتش عندى احساس غريب

مش عارفه اسميه

ربنا يستر وينتقم من كل كلب معندهوش ضمير مايتقيش ربنا

اشكرك يا حودا

2alam_Rosas يقول...

بجد برافوا عليك ان حضرتك اتكلمت فى موضوع جرئ زى ده
انا ممكن اقول رأيي ؟ هو ممكن يختلف شوية مع بعض الناس
الانسان بطبيعته ربنا خلقه وجواه بعض الغرائز وبعض الاحتياجات
زى الطفل الى بيحتاج امه تحضنه لما يكون خايف والولد الى عنده 8 أو 9 سنين محتاج انه يتوغل اكتر فى مجتمعه ويكون علاقات وصداقات ويبقي ليه صحاب يفضفض لهم وقت الشدة
برده الانسان المراهق طبيعي بيبدأ يتغير فكريا وجسديا بيبدأ يحس بانجذابه لشخص من جنس اخر
ولما بيكبر شوية بيحتاج ان المشاعر دى تستخدم فى صورة معينة وهى الزواج
كلنا سواء رجل أو انثى بنيجي فى سن معين ونحتاج لعلاقة جنسية مع شخص اخر
لاشباع رغبة بداخلنا
والله مش قلة ادب منى بس دى غريزة ربنا خلقها جوانا(رجال ونساء)
والمشاكل دى كلها ظهرت من تأخر سن الزواج والشاب مفيش فى ايده حاجة يعملهايبقى هيعمل ايه غير انه يلجأ للشارع وعشان الانسان فى السن دة بيفكر بنصه الى تحت بدأ يعمل ما يسمي بالتحرش الجنسي ومهما كان فيه قوانين صارمة العادة دى مش هتنتهى غير بالزواج بحيث تنفذ هذه الرغبة فى اطار ديني واجتماعى محترم
ومش دى المشكلة بس .يمكن حضرتك بتتكلم عن التحرش عشان فيه ناس طلعت وقالت ان حصلى كزا
طيب فيه حاجات تانية بتحصل اكتر خطورة وهى العادة السرية وغيرها
انا شايفة ان دى اخطر لان التحرش دة بيحصل نتيجة غياب علاقة معينة الانسان كان محتاجهاومش معاه فلوس يتجوز فلجأ لشئ ببلاش لكن العادة السرية دى شئ غير طبيعي وانا شايفة انها مرض
على فكرة مش كل البنات الى بيحصلهم التحرش دة بيكونوا متضايقين ليييييييه؟؟؟؟؟؟
لانهم كمان تأخر سن زواجهم
العيب فينا احنا وفى ظروف المجتمع
ربنا يستر على مجتمعناوعلى شبابنا وبناتنا من المستقبل الى مش عارفين هيبقي شكله ايه

واخيرا انا بجد اسفة جدااا لو كنت تجاوزت حدودى فى الكلام والله انا حاولت انى مش اقول الفاظ غير لائقة بس فيه بعض الكلام ماكانش ينفع يبقي ليه بديل ومعلش بقة انى اتكلمت كتير

زهرة(جنى)الاسلام يقول...

السلام عليكم ورحمة الله وبركاتة
أخى لو رجعنا لدينا كل المشاكل هتتحل
ازاى
الطريقة بسيطة لكن محتاجة صبر كبييييييييير
وهى كل شاب محترم يبدأينزل المناطق دى ويبدا يتكلم مع الشباب
لكن حاليا الكل بيقول نفسى نفسى
وينطبق هذا الكلام أيضا على الفتيات

جوجو يقول...

السلام عليكم
ازيك ياستاذنا ؟اخبارك ايه يارب تكون بخير
طبعا الموضوع اللى بيتعرض ده مهم جدا
بس فعلا اصبح مشكلة جامدة والمشكلة الاكبر احنا مش عارفين ايه السبب فى ده بجد لازم يبقى فى توعية جامدة جدا للشباب عشان يتجنبوا ده وربنا يستر ويبعد عننا اى سوء
تحياتى

افروديت يقول...

ازيك يامحمود واعتذرعن تأخيري
أحنابلدنابقت زفت في كل حاجة مش عايزيبقي فيها تحرش

أسفه مفيش حلول ويؤسفني أني ابشرك ان في الأيام الجاية مش هيبقي تحرش وبس هيبقي أغتصاب وعلني كمان

عارف ليه ؟

مفيش دين
مفيش أحترام
مفيش جواز

مفيش نخوه ولا رجوله
كل واحدياللا نفسي
في أنحدار أخلاقي لدرجة الأنحطاط
في تخلف ورجعية وسلبية ملهاش حدود
في بطالةوحال الناس بقي غريب

غير معرف يقول...

شكرا على البوست

السلام عليكم

 السلام عليكم  يا اهل التدوين معرفش هتفتكروني ولا... بس لاقيت ذكريات وكلام يوجع القلب سنين كتير مدخلتش هنا  وراجعت ذكريات ١٠ سنين ورا لاقيت ...