الثلاثاء، 5 أكتوبر 2010

الفاظ نابيه فى بيوتنا(لمحات فكر)+تحديث (منديل حبيبتى)

السلام عليكم



اخوانى 

موضوع احببت ان اتكلم  فيه 
وهو الالفاظ النابيه
او القبيحه

نسمعها فى كل مكان 
الان 
من بيوتنا 
بين اولادنا
وفى الطريق وفى المواصلات
فى العمل
فى الكافيه او القهوه
 او السوق
او حتى المدارس والجامعات
والعمل كذالك والهيئات الحكوميه 

من سجل مدنى وغيره
وطبعا مصنع الالفاظ النابيه  فى مصر

اللى كانت  فى خدمه الشعب

مش هنتكلم عن الاهانه  والضرب

تعالوا نتكلم  بصراحه اكتر عن الالفاظ النابيه 

والفقير الى الله نموذج من نماذج كتيره  فى مجتمعنا المصرى 

وهتكلم عن نفسى وعن مراحل الالفاظ النابيه القبيحه  فى حياتى 

_______________________________


طفل صغير

طبعا الشتيمه المعهوده فى البيت ياحمار يا كلب
يا جزمه يا شبشب
يا معفن  طبعا 
هى دى وحتى الان هى الشتيمه المعهوده 
على لسان بابا وماما 
واخواتى الكبار طبعا

بابا عمره ما قلى  يا ابن الل.........تيت
ماما كمان عمرها ما قالت لى يا ابن الل......تيت

كذالك اخواتى الكبار  عمرهم ما جلست معهم وسط اصدقائهم واحد نادى عليهم  بجد او هزار 
ب  يا ابن ال..........تيت 

الحمد لله  على كل حال 
عمرنا ما سمعنا  هذه الالفاظ ابدا 

فى طفولتى 
قبل المدرسه  يعنى 
_-------__------___-----____
تلوقتى تلاقى الطفل دون  سن المدرسه بيقول الفاظ  
انت نفسك متفهمهاش
وتكون محتاج لقاموس
علشان  يفك  شفرتها
ومتفهمش  برضوا  الولد  يقصد ايه
يارب ارحمنا برحمتك
______________________
المعهد الدينى (المدرسه)

الحمد لله دخلت  المعهد الدينى ما تخانقت مع احد
ولا ضربت احد ولا احد  ضربنى 
والمدرسين كذالك 
ما سمعت منهم كلمه للاى احد   من تلك الالفاظ كان التعليم لسه  بخيره 
ختى كان 
بيجى محفظ القرأن  للمعهد الدينى وهو راكب على حماره

من قريه بجوار مدينتنا  وكان اسمه الشيخ خلف
ربنا  يبارك  فيه ويجازيه خيرا عنا
عمرنا ما سمعنا منه لفظ وحش 
وبالتفصيل عن مدرسين الابتدائى 
فى تدوينه العالم من  فوق دراجه  قادمه ان شاء الله

موقف

فصلى  كله كان محترم  الا ان هناك شرزمه  من الاطفال احدهم اتريق عليا  وشتمنى يا ابن ال....تيت

طبعا الدم  جرى فى نافوخى  وكنت هتخانق وانا مش متعود على كده  فى الصف الخامس الابتدائى 
وهذا والله ما حدث

ذهبت الى مدرسه الفصل حينها
الابله  سحر عبد العال رحمها الله امى بعد امى 
وقلت لها ما حدث
ذهبت معى الى  الطالب وضربته عصايا
على ايده وعلمتنا كلنا درس
اللمحترم  ميقولش الالفاظ دى ابدا
من هنا
خط احمر
 كل ما اجتمع مع احد من زملائى   فى الاعدادى او الثانوى 
يعرفون اننى ليس لى فى الالفاظ القبيحه تلك 

ويحترمون انفسهم  الفقير وقرينى محمد 
فرج الله كربه
___----___-----____-----_____
الان

تجد الطالب يشتم مدرسه ومدرسه يشتمه
والهزار بين الطلبه لا يكون الا يا ابن الل.........
ليه كده  فين كرامه الاب والام 
ليه كده 
وابشع الالفاظ تجدها
________________________
الاعدادى والثانوى

طبعا ندرس الفقه  
بدايه من الطهاره 
من الحمام (الاستنجاء
وحتى الاغتسال
)
وكنا  صغار السن لانفهم  ما يقصده المدرس
بدات رحلتى مع الالفاظ النابيه والقبيحه وعدم فهمها خصوصا الامور الفقهيه  لابد من الكلام الصريح فيها بادب
وخلق وعدم جرح الحياء كما نقرأ فى كتب الفقه المالكى او الحنفى او اى كتاب من كتب الفقه  الفاظ لا تخدش الحياء
ولكن توصل المعنى اليك
من هنا
الطلبه كانت غير متزنه اخذت الامور لعب  وتلاعبت  بالالفاظ  
وكنت استمع الى الفقه  باهتمام شديد 
لانى احبه خصوصا وكنت وما زلت  حنفى المذهب
ومع تهريج الطلاب 
اثرت ان افهم
وهكذا أأنيت بنفسى وبلسانى ان اعفه عن  انتهك حرمه تلك الالفاظ
حيث اننى لم اسمعها فى بيتنا
واسمعها خارج البيت 
كان مع اصدقاء 
يحبوننى ولا نتكلم معا 
الا بكل خير 
ولكن مع الاخرين 
بالالفاظ يا ابن الل..........تيت
وهكذا
سالتهم  لما تقبلون على أبائكم تلك الالفاظ وامهاتكم
يقولون لى 
هزار
هزار
كيف يكون مزاحا
ويقبلون الفاظ تنتهك الشرف 
والبيوت 
________--------______------_____
الان  مفيش احترام ولا حتى حياء \
البنات خلعوا  ثوب احياء نسمعهم  يتكلمون ويشتمون بعضهم  خصوصا الطالبات الصغار فى الاعدادى 
والثانوى وغغيرها من مدارس ثانوى والمعاهد
دون حياء
ولا خجل
سقط  ثوب الحياء
ولا حول ولا قوه الا بالله
__________________________

الكليه والجامعه

فعلا 
تطور الامر
حتى مع الدكاتره 
تجد منهم
المحترم 
وتجد منهم من لا يستحق لقب دكتور
حتى ولو كان مازحا
وهم اهل الفكر
والعلم 
ولكن
دونما اخلاق
او دين
لان الدين
ما امرنا
ان نخرج تلك الالفاظ من
افواههنا
فلا حول ولا قوةى الا بالله
____________
حاله عامه 
________________________
اخجل دائما اذا خرجت مع امى او اخوتى البنات الى  
السوق او اى مشوار اخر
واسمع تلك الالفاظ
 فى الميكروباص
من السائق
او الاتوبيس 
والله حتى 
التاكس
ليه كده 
نطلع  زباله من  بقنا ليه 
منكونش محترمين انفسنا
ليه  _________________

كنت  احسب ان الموضوع مرتبط
بالبيئه الاجتماعيه 
والطبقه الخاصه  بالمجتمع الدونى 
وكذالك انا الترف يفرق 
والمستوى الاقتصادى
ترسخت تلك الفكره  حتى وقت قريب
عرفت ان الموضوع موضوع تربيه واخلاق نابعه
مش بيئه وممكن البيئه يكونليها تأثيرولكن الموضوع كله حول الفرد لو هو عاوز
يكون كويس هيكون
بس يكون
موضوع السوء والخير عارفه 
بس مايقرب لوهوش

شاهدت  رجال محترمين  راكبين عربيات فخمه  فى مدينه نصر 
اذا اصدموا  بامكروباص
اسمع منهم شتايم من المتنقى
وكذالك السيدات 
فالامر سواء
فلا حول ولا قوة الا بالله
اللى عاوز يكون محترم هيظل محترم
________________________
انا مش عارف انا اديت الموضوع اكبر من حجمه 
ولا ايه
بس سؤالى 
اولادنا نحن الجيل الصاعد
كيف نربيهم  فى زمن
الالفاظ 
دخلت بيوتنا
من الافلام التى تذاع
حاحا وتفاحه
وافلام خالد  يوسف
وامثاله
كيف نحمى أذاننا من تلك الالفاظ التى 
تغتصب روحناوروح بناتنا وزوجاتنا
وروح اطفالنا وانت
لاحول لك ولا قوة 
اسف على الاطاله
ولكنها  صرخه بحق

حتى نواجه
طوفان تلك الالفاظ النابيه
لمحات  فكر


_________________________
ادعوكم الى 
منديل حبيبتى 
فى مدونتى 
التانيه
قلبى حبيبى

هناك 14 تعليقًا:

baby يقول...

كلامك صححححححح ومحدش يقدر يقول حاجه عليه ربنا يهدينا ويهدى ابناوناا بس كل دا لان الزمن اتغير ونفوس الناس اتغيرت ومبقاش فى خير الشر هو المسيطر وقله الادب والبجاحه هى الاساس فى تعامل الناس مع بعضها والله الواحد بيستغرب هو ايه اللى بيحصل علشان الدنيا يجرى فيها كداااااااااااا ربنا يرحمناااااااااا

ツSmiLeY AnGeLツ يقول...

السلام عليكم
والله مش عارفة اقول لك ايه
هذا حاصل بكل بلاد نسمع شتايم سب
والله بستحي لما اكون ماشية واسمع واحد يشتم صاحبة وهو يضحك
افضل استغفر ربي
ربنا يهدينا ويهدي الجميع
سلامي

بنت وولد يقول...

عندك حق فعلا
الالفاظ الخارجه دلوقت بقت موضه
و تلاقى الشباب فى هذارهم بيتسابقوا عشان يشتموا بعض
و بيتمنظروا مين يعرف مفردات اكتر من التانى
و الاطفال للاسف بيشتموا بطريقه التقليد يعنى يشوف اخوه او ابوه بيشتموا
و بما انه معتبرهم القدوه اللى مش بتغلط فبالتالى بيقلدهم فى كل حاجه


ربنا فعلا يرحمنا برحمته

جايدا العزيزي يقول...

والله معاك حق اخى

اننا نتاخر وحالنا من سيئ لاسوء

انا معاك واؤيدك

ويارب حد يسمع

جزاك الله عن كل خير

حبيت اسالك التوبيك ليه ماظهرش عندى

وفين الشهاب وباقى مدوناتك

انا كنت دخله اطمن عليك

اشكرك

تحياتى

ساسو يقول...

بحجز مكاااااااااان

فكرة من الزمن ده يقول...

لا يامحمود انت مااديت الموضوع اكبر من حجمه فعلا ده موضوع مهم لانه شيء مقزز ما يدخل اذاننا غصب ليل ونهار حتى بقى في المسلسلات الفاظهم اصبحت سوقية زيهم
والاهم اننا ما نتأثرش باللي بيجرا حوالينا مهما كتر
موضوع قيم جدا احييك بشدة

رحاب صالح يقول...

للأسف للأسف للأسف
وحتي في ناس بتخلليني احس اني نوع تاني من البشر لاني لا اقبل اي كلمة من هذه الكلمات ...وخصوصا اني لو اتقال كلمة ادامي معرفش معناها لازم اعرفه من اللي قال الكلمة ...انا عمري في الابتدائي ما سمعت لفظ وحش ولا الاعدادي وكنا بجد مدارسنا في قمة الاحترام ...الثانوي كانت مشكلة نسبيا لأننا كبرنا وكنا مدرسة مشتركة وكان في معسكر جيش جنب المدرسة والمعاكسات من اللي هي ...بس برضه مش زي دلوقت ...يعني مش ممكن اقارن اللي كان بيعاكسني ويقولي يا جميلة يا قمر يام المريلة الكحليويا غزال ويام العيون العسلية علي اسا انه شاف عيني من بعد كام متر وعرف انها عسلية ...لدلوقتي بقي الفاظ جنسية وشتيمة مقرفة وكله من القنوات والافلام اللي مالهاش رقيب وبيقولوا انها حرية ...
لكن الحمد لله عمري ولا لغاية ما اموت هقول لفظ ولا هقبل اني اقوله تحت اي ظرف ولا اني اعلمه لأولادي او لاي حد من العيلةوبرغم انهم احيانا بيتعلموه منن بره البيت وفي الشارع لكن ده مش مبرر ...وهو البيت رسالتة اية ..؟ والام والاب ....
حلو اووي الموضوع ...موضوعاتك كلها حلوة يا محمود ....وتاني بشكرك علي التنبية علي الفيس بوك ...خلليك كدة علي طول

همسات وبحــ الحياه ــر يقول...

كلاااااامك مظبوط جدا
بس السبب فى البيئه اللى نشأت منها
يعنى انت اتربيت صح هتخجل تقول الكلمة دى حتى لو فى مرة غلطت وشتمت بلفظ غير لائق فحتحس ان فيه حاجة غلط
كان فيه خناقه بين ولدين يعنى 5 ابتدائى
والله الواد يقولوه يابن ال... ودا يسب الدين
ودا يلعن امه ودا يخوض فى عرض امه
انا كنت واقفة فى البلاكونة اقل حاجة عملتها جبت طشت مية وهب كبيته عليهم
وبقيت اقول استغفر الله العظيم
انا لما اتجوز انسان محترم يصونى هيربى عيالى تربيه سليمه
انما لو اتجوزت واحد الشتايم على لسانه عادى فعيالى بابهم هيكون قدوة
فعلا ربنا يرحمنا
فينك غيبتك طولت قولت هاجى امضى وهقرا انى والقصه قاعدع مستنياك

من كل بستان زهرة يقول...

معاك كل الحق
فعلا دلوقتي لو عديت جنب واحد وهو مضايق ممكن تسمع منه سيل من الألفاظ الجارحه

مش عارفه ليه ايه الي حصل للمصريين
انا الحمد لله عمري ماحد عندنا في البيت نطق الكلام ده
حتى لما كان حد يغلط والدي ووالدتي عمرهم ما غلطوا بأي لفظ وربونا ان الكلام ده بيبقى في اهانه
احنا كان كفايه علينا نظره كده من تحت لتحت
يااااااااااساتر
بنبقى مرعوبيين

وبعدين مش عارفه ازاي الواحد يقبل ان أصحابه يجيبوا سيرة أهله ويجرحوا فيهم
دي حرمات ناس عموما الي يقبل كده ميبقاش راجل

الموضوع كبير جدا وبقى منتشر جدا
ربنا يحفظنا

mrmr يقول...

الاخلاق ثم الاخلاق ثم الاخلاق
كل اناء ينطح بما فيه
معظم الاولاد والبنات شايفين انهم لما يبقوا لسانهم طويل ويلفظا الفاظ خارجه بكده يقدروا ياخدوا حقهم لو حد اذاهم لكن هذا المفهوم خاطئ كليا البنت او الولد باسلوبهم وتربيتهم يقدر ا يكسبوا احترام وحب الاخرين
موضوعك غايه فى الاهميه احيك عليه يا محمود

وسامحنى على التاخير فى الرودو او فى تعليقاتى انت عارف الظروف
تحياتى واحترامى لشخصك

Unknown يقول...

عندك حق ف كل كلمة قولتها ماهو زمن العجايب قصدى زمن قلة الادب

داليـ ـ ـ ـ ـ ـ ــــا يقول...

الأخلاق الحميده لا تباع ولا تشترا
ولكنها تكتسب

انتا اتكلمت فى نقطه مهمه
الا وهى
الدكاتره بتوع الجامعات
دول بئه بجد الا المفروض المجتمع يعتب عليهم
تخيل انى كنت ببقا بحضر محاضره
والاقى الدكتور يقول يابن الا ويابنت الا
بذمتك ده كلام
احنا رايحين نتعلم ولا نهين اهالينا
وازاى نلوم على الشباب الصغير مادام الدكتور العاقل الكبير
استاذ الجامعه
المعلم الفاضل
بئه هو اساسا رايح مخصوص عشان يعلم الطلبه الا هما المفروض بمثابة ابنائه الفاظ مو تمام

ربنا يرحمنا برحمته الواسعه التى وسعت كل شيئ

sweet angel يقول...

اي والله ده انا خايفه على اخواتي
بقول لامي احنا نطلعهم من التعليم ونقعدهم جنبنا اضمن

ربنا يرحمنا برحمته ويخرجنا من الدنيا دي على خير

ساسو يقول...

اللوم بجد مش علي الطفل
اللوم علي الاسره اللي عاش واتربا في وسطهم
لو الاسره مش بيقولوا اي الفاظ من دي
بجد كان اولادهم طلعوا زيهم
لكن الاولاد من صغرهم بيحبوا التقليد في كل حاجه
فنلوم الاول علي المربي
والمحترم هو اللي بيبقي محبوب
الاحترام والرقه لازمين جدا عند الاولاد والبنات
وعلي رأي المثل ( لسانك حصانك ان صنته صانك وان هنته هانك )
لو الواحد خرج كلمه طيبه
هيلاقي المقابل طيب
لكن لو خرج كلمه خارجه
مقابلها هيبقي وحش جدا
والكلمه الحلوه صدقه

وكل واحد بياخد مامته وباباه قدوه ليه
اذا كان كويس
تمام الاولا هيبقوا نماذج تشرف

مواضيعك جميله جدا
وبجد هادفه
وكتير من الناس بيستفادوا منه

دمت متألق

السلام عليكم

 السلام عليكم  يا اهل التدوين معرفش هتفتكروني ولا... بس لاقيت ذكريات وكلام يوجع القلب سنين كتير مدخلتش هنا  وراجعت ذكريات ١٠ سنين ورا لاقيت ...