السلام عليكم
اخواتى
يارب تكونوا استمتعم فى اسكندريه
يااارب
______________________________
اولا
انا بجد مش عارف اقول ايه
لازم انتقد واقول اللى شايفه
وانه مش عاجبنى بالمره
موضوع
البهدله للبنات
فى المواصلات
وهقول اللى شوفته
فى كل انواع المواصلات
وطبعا انتم
شايفينه بس انا بأتسأئل بكثره
ايه اللى حصل
_________________________
القطار
لما كنت فى هندسه قنا تبعد عن بلدنا ساعه ونصف او ساعتين طبعا عامل اشتراك قطار
رايح جاى
وطبعا كان قطار مميز مش مكيف
بس كان بيأدى الغرض
لقرب المسافه وعادى ساعه ونص لقيت مكان عادى مش لقيت اتسلى فى الدستور
او فى اى كتاب
مش هتفرق ارغى مع زميلى
ابص للخضره الممتده على شريطى السكه الحديد
وهكذا
طبعا زحمه
ورخامه من الشباب الصغير
على البنات خصوصا البنت تكون راكبه القطار
وماقولكش اللى بيحصل
مهازل
من الاتنين بصراحه
تخلف كامل
بصوا محطه القطار فى وسط المدينه قدام مسجد سيدى عبد الرحيم القناوى
الموقف بتاع المواصلات بعيد خالص
واللى من قنا يعرف كلامى
كويس
غير طبعا ثمن المواصلات علشان هتركب لغايه نجا حمادى اللى فيها مصنع الالومنيوم المشهور وتركب تروح اى مكان تانى يعنى على ايامها هتصرف
لغايه بلدنا بس
حوالى 10جنيه فى الراحه او الجايه
الاشتراك كان موفر بالنسبه ليا
وكده الامور ماشيه المشكله فى البنات بجد
الولد يتحشر يقعد فى اى مكان حتى فى الحمام
عادى خالص اسمه ولد
والضرورات تبيح المحظورات
المشكله تكمن
فى البنات والزحمه الكبيره خالص دى
ايه الحل للبنات
يعملوا ايه
بجد تحرش بين
وساعات الواحدج بجد بيكون زحمه والواحد مش بيعرف يعمل ايه
غير بالنسبه ليا باحاول اتقى الله
فى البنات دى
خوصا لما كنت باسافر بالقطار
علشان بلاش استغلال مواقف وحشه كده
ودول بناتنا
ولا ايه؟
_____________________________
متروا الانفاق
طبعا كلنا عارفين موضوع العربييتن اللى فى النص مخصصين للستات
معاكوا
انا بقه باتشل لما الاقى بنت او ست راكبه معانا بجد
باتنقط تمر عربيه الستات فاضيه كده قدامى والست او البنت تتحشر فى عربيه الرجاله
وطبعا مع الحر والطقس الوحش
والنزول والطلوع
بجد سخيفه خالص
وطبعا لو كنت قاعد
وطبعا لو كنت قاعد
ولاقيت واحده ست واقفه عيب
وحرام تسيبها كده من غيرؤ ما
تقف وتقعدها
زى الوالده او اختك او بنتك او لاقدر الله مراتك
لانها لو كانت
مراتك
مش هتقعدها اصلا
ولا ايه
والمواقف نفس المواقف
سخافه
والزحمه
ولازم نتقى الله
______________________
الاتوبيس والمينى باص
طبعا
555
912
777
كل دول ارقام اتوبيسات
اللى بيركبوا الاتوبيسات
من الجيزه لمدينه نصر
او السيده عائشه
هيعرفها
مش هتعرف تغمض عنيك
ولا حتى تحط رجلك
فى الاتوبيس
وحوووووووووووووووش
ولما يجى الاتوبيس
ولما يجى الاتوبيس
هجووووووووووووووووووووووم
متعرفش
طبعا
رخيص نسبيا للميكروباص وطبعا موفر على التاكس اللى انا مش بركبه الا اذا كان تاكسى ابيض وبعداد
مش الاسود الله يخرب بيته
تتفق وبرضوا بيتضحك عليك
المهم
الاتوبيس يكون مكبوس
مفهوش نفس يقف فى المحطات
والناس تركب
وانا اصلا مش بركبه الا للضروره الايام دى
بس زمان
لما كنتش ارعف المواصلات مفيش غير الاتوبيس
اركبه من الموقف
واشوف المهازل
الاتوبيس مكبوس برضوا الستات تركب
وتقول وسع وسع عاوزه اركب
وكذالك المنيى باص
الاغلى شويه طبعا
انا معاكم
الحاله الاقتصاديه زفت الزفت
بس برضوا فى ناس
قلوبهم وسخه
بيستغلوا المواقف دى للاسف
والله انا باشفق على حال البنات اللى تركب الاتوبيس
والله العظيم انا مش بعرف امشى
فيه ولا حتى اركبه تلوقتى خالص
لازم تصدم او تلامس او تشوف مهازل
منقطه فتنه
وكمان
تعب نفسيا بالنسبه ليا
باحزن على البنات والستات
ليه ميعملوش اتوبيس خاص للستات
اكرم ليهم
واشرف
والله لما تشوف البنات واقفه فى الشمس نميتنين الاتوبيس ولا الستات خصوصا لما تكون كبيره فى السن
ارحمونا يرحمكم ربنا
___________________________
الميكروباصات
تعالو هنا بقه
اقولكم موقف صعب جدا عليا ولا انساه
كنت فى قنا برضوا وجاى من قريه اسمها قفط
اسمها كده
وركبت بيجوا
المهم ركبت انا وزميلى
وكان فى مكان واحد لقيت بنتين عاوزين
يركبوا علشان يروحوا مفيش غير مكان واحدج مشيوا زميلى قالى تعالى ننزل ونركبهم قلت ليه\
لسه هنزل وهستنى لآ
مش هنزل
وكان الوقت متأخر
قال لى كلمه صعبه جدا
من لبنات محمد بعد محمد
فعلا
حسيت بمراره الكلمه
بعدها
علشان كده بالفعل لما اكون واقف ومستنى مكيروباص اشوف هجوم البنات والستات عليه
باسيب المكان بسرعه علشان الالتحام اللى بيحصل
بجد
خصوصا مكيروباصات الشمس اللى بعد الظهر
من عند المدينه الجامعيه للجامعه الازهر
لرمسيس فعلا
موضوع مؤلم بجد
___________________________
انا باتكلم فى البنات ةالستات مش
انا باتابعهم
ومش بشوف غيرهم
بصوا انا عندى3اخوات بنات
وام وخاله وعمه وبناتهم
بجد بحاول اراعى
علشان ربنا يكرمهم باللى يراعيهم
باحزن
جدا
على موضوع البنات
فى المواصلات
والبهدله
ومش عاوز اقول كلام تانى
كلنا عارفينه
ولانى
خايف على بناتى
واخواتى
بالفعل
ياريت
نخلى بالنا
من بناتنا
حتى لو مفيش صله قرابه
نحاول نحافظ عليهم
من نظرتنا
مستسغلش المواقف
لان ممكن الموقف ده للاى بنت من بنات عيلتك
بلاش كده كفايه كلام
عاوز اعرف رأيكم
فى موضوع المواصلات
________________
على فكره الموضوع ده
انا عملته فى منتدى
مجانين من زمان
وكان اسمى فى المنتدى
رئيس جمهوريه نفسى
ده الرابط
هناك 12 تعليقًا:
ربنا يكرمك يا باحث عن الحب .حقيقي لو كل إنسان راعى ربنا في بنات الناس ربي حيكرمه في أهل بيته دائما .أنا كنت ولازالت أقول لولادي راعوا ربنا في بنات الناس علشان ربنا يراعيكم في اهلكم و أمكم ووووو ...بس تعرف يا باحث عن الحب : لوم كبير يقع على بعض البنات : أنا كنت ماشيه في الشراع وقت طلوع بنات ثانوي من المدرسة وعالحظ جنب مدرسة البنات مدرسة بنين .البنات لابسيين لبس وبعضهن محجبات .لبس مش عارفه المدرسين ازاي بيسمحوا بيه .طيب الشباب يغضوا بصرهم ازاي؟
دي دعوة للبنات والبنين ربي يهديهم يارب
الشاب مفيش حد يقدر يوجه له لو او عتاب
اللوم كله علي البنات
لان لو البت محتومه نفسها مكنش اي حاجه من دي حصلت
لكن هنعمل ايه
بجد انا بتخنق جامد اخر حاجه من المناظر دي
الاحترام فوق كل شئ
انا كنت اول ما روحت الكليه كنت بركب اوتوبيس لكن لما شوفت اللي بيحصل فيه
قولت حتي لو ملحقتش اول محاضره هاجي علي نفسي
بس المهم احافظ علي نفسي من اي حاجه تضرها
ومن يوميها بقيت بركب ميكروباص
بس قبل ما اركب لازم أعاين الاول هههه
اه احنا مش بنلعب
محمود
بجد المواصلات دي كارثه بس هتعمل ايه
ملهاش حل
بس عايزه أقولك على حاجه في المترو البنات بيركبوا عربية الرجاله علشان يصعبوا عليكم وتقعدوهم علشان عارفين ان في عربية السيدات مش هيقعودوا
واحده صحبتي كانت بتقولي كده
عموما لو الناس بتراعي ربنا زيك وحتى مع وجود الزحمه مش هيبقى في مشكله
ربنا يكرمك
معاك حق والله يا محمود
بقيت حاجه صعبه ومورقه لاى بنت وسيدة
ربنا يسترها
بارك الله فيك
موضوع مهم فعلا
ــــــــــــــــ
ان شاء الله تتعوض ونشوفك التجمع الجاى
مرسيى ليك يا حودا
كان يوم جميل فعلا
بالرغم من انى مش بتعامل مع المواصلات تقريبا ومعرفش معاناة البنات فيها لكن من قبل مااقرأ البوست وانا مكونة رأيى من الاول
للاسف البنات بتتبهدل كتير فى المواصلات
بس هو الحلول الموجودة او اللى انا تخيلتها ماتنفعش لحل المشكلة
يعنى مثلا ماينفعش نقول للبنات ماتتعلموش وماتشتغلوش وماتشتروش طلباتكم وفى نفس الوقت فى بنات بتجيلها جامعات خارج محافظاتها ودى مشكلة كبيرة جدا فعلا
ثانيا ماينفعش مثلا نعمل ايام لخروج البنات وايام لخروج الرجال
ولا ينفع نعمل مواصلات للسيدات لان الدنيا مش ناقصة زحمة
بالنسبة للمترو ممكن اللى بيركبوا عربيات الرجالة دول مايعرفوش مكان العربيات بتاعتهم او بيخافوا مثلا المترو يمشى فبيركبوا العربية اللى قدامهم
الحل الامثل هو ان كل واحد يتقى الله ويخليه فى حاله ويعامل ربنا وان البنات تكون محترمة فى لبسها ومشيتها وسلوكها
الكلمة اللى اثرت فيا جدا كلمة
من لبنات محمد بعد محمد
انا رغيت كتير بس مش مشكلة بقى
نسيت اقول حاجة بالنسبة لموضوع عبد الوهاب انا سألت وعرفت ان مستشفى المقاولون العرب فيها دكاترة ممتازين ويارب يشفيه ويطمنكم عليه يارب
السلام عليكم
والله مش عارفة اقولك ايه راي بالموضوع ده عشان انا مش مصرية فعندنا ميحصلش زحمة كده
الا لما يكون مفيش باصات كتير عشان يكون مفيش بترول
بس غير كده لا
محمود ممكن تشرفني بمدونتي البسيطة هكون سعيده
رشا
سلامي.
الموضوع فعلا يضايق ويغيظ ...ويحبط
انا بحمد ربنا اني من بلد الموصلات فيها نوعا ما معقولة يعني بلطيم مش زحمة زي اسكندرية او القاهرة مثلا لكن برضه التحرشات موجودة مش هنكر , لكن لما بروح الجامعة بتاعتي في القهرة بركب المترو عربية الستات ولو معانا شباب اصحتابنا او اقاربنا ورايحين مكان ويمكن نتوه بنضطر للأسف نركب عربية الرجال واذا حصل وغلطة وركبنا عربية رجال بنغير في المحطة اللي بعدها , بنحاول نتقي المشكلة دي , بس مسألتش نفسك لية التحرشات دي ؟ وفين راحت شهامة وكرامة ودين الرجال ؟ وبلاش نقول لبس البنات طيب فين غض البصر ؟ انا كتبت موضوعات كتير عن التحر شواتنشرت في مواقع وجرايد بس برضه المشكلة هي هي متغيرتش نفسنا الامن مرة يحس ويعمل حاجة , انا علي فكرة زعلت منك لما قلت انك منزلتش من الميكروباص عشان البنات بس احترمت صراحتك وصدقك ....احيييك بشدة علي الموضوع الجميل
حلو البوست طبعا
وقريته من يجي 3 سنين في مجانين
لو كل واحد راعى ربنا في اللي بيعمله
هيلاقي مليون حد يراعي ربنا في حريم بيته
بس سيبك خلتني ادخل اشوف التوبيك في مجانين
هيكل النهضوي.. هههههههههه هيكل اعتراض
والمستحيلة.. كانت متمكنة من القلم بس سوداوية
يااااه ولا الجوهري.. انسان قمـــــــــــــيء .. :@
يلا اهي ايام وراحت لحالها بقى
انا جيت اهو معلش والله التأخير غصب عنى
جميل البوست انت على فكره مؤدب فعلا ونقيت الفاظك
اتمنى ان الشباب يتلم ويتقى الله ومش علشان شويه قرف وتلزيق فى مده قصيره
يغضب ربه وينسى ان عرضه ممكن اوى يكون فى نفس الوقت فى مكان تانى بيتعمل فيه كده
ولو مالوش اخوات مسيره هايتجوز واللى عامل عليها ميه راجل فى بعض بردو هايتعمل فيها كده هى الدنيا كده داين تدان
البنات هى كمان اخر استهبال صراحه
بمعنى انت كل الاماكن اللى قولتها دى اسامى مناطق شعبيه انا اسمع عنها بس ماعرفهاش فايريت البنات تلم لبسها شويه انا مع الحريات بس بردو الظروف صعبه وكلنا لمسين دا نتنازل حبه عن الحريه فى اللبس لان القلوب المريضه كترت اوى ومافيش حد يعملهم حاجه للاسف
اما موضوع الفصل ومكروبصات واتوبيسات للحريم دا لالالالالالالا طبعا دى تفرقه واحنا حبه ونعزل خالص زى السعوديه وهو ياعنى كان حل ايه الوساخه بتزيد اووووووو وعلى المتغطى
ثم انها هاتبقى اللى احسن واهم من التخصيص ان الاخلاق ترجع ان كل واحد يفكر انه مقابل وجه رب كريم اى وقت
وكفايه عليه ذنوبه اللى شايلها
الاخلاق التمسك بالدين سواء مسيحى او مسلم يانااااااااااااس
اه صحيح عايزه اقولك عن عربيه المترو او الترام للسيدات اه هما ميزونا وعملو عربيه لينا بس مش معنى دا ان العربيتين التنين ليكم يا عم محمود لاء دول مشتركه ولعلمك انا يركب ديما فى عربيه الرجاله اولا محدش الحمد لله يقدر يجى جنبى لانى ببقى طلعه ضربه بوذ سكينه
ثانيا لانى ببعد فى اى حته بعيد مش مستنيه حد يقوملى ولو حدقام برفض انا اقدر اقف الحمد لله فابقوله قعد الحج ينوبك ثواب ليه بقى الستات رخمه بعيد عنك فى عربيتهم بيتلزقو فيك وينامو عليك وحاجه مرار
بس ارجع واقولك اسكندريه الموصلات فيها رحمه كتتتتتتتتتير عنكم والبلد اصغر فالتنقولات بالتكسى اسهل
والترام كتتتتتتتتتتتير الموصلات عندنا اسهل فعلا كتير
ربنا يهدى الحال ويحمى بنتنا يارب ويهدى الرجاله ام عقول ناقصه او ياخدهم احسن واسهل
تحياتى يا محمود وياريت تطمنا على عبد الوهاب وعصام يا رب يكنو احسن
انت عامل اشراف ولا ردى طار ولا ايه
2 4 6 8 10
بجد موضوعك واقعى جدا واكثر من رائع فعلا كل دا بيحصل وكل دا بيتعرض له البنات بس عارف عدم ركوب المواصلات والبنت لوحدها افضل شىء وخصوصا الاتوبيس اللى قطعته من زمان وبدعى ربنا ما اضطرش اركبه ابدا حقيقى كل مره بتعمل موضوع احسن من اللى قبله تسلم ايدك
إرسال تعليق