الثلاثاء، 26 أكتوبر، 2010

العالم من فوق دراجه(5)



  1. السلام عليكم
ذكريات  باحث عن حب
_____________________________
العالم من  فوق دراجه
____________________________
درس خصوصى
====================================
الابتدائى
السلام عليكم

اخواتى 
بأحكى عن  ذكرياتى 
فى الدروس الخصوصيه 
 من الابتدائى 
واحكى وادخل  فى الموضوع من الاول خالص 
انا مكنتش عارف معنى درس خصوصى  لانى كنت باظن الدرس تكمله  للمنظومه التعليمه المفروضه عليا 
علشان كده كان  شىء اساسى 
مكانش فى وقت علشان  العب 
ولا العب فى الشارع  زى الناس او العيال اللى فى سنى 
الاول
الاستاذ محمد كامل العطار
الاستاذ العظيم 
الذى ربانى على يديه الاستاذ محمد كامل او البعبع
كما كنا نسميه 
الراجل ده كان عملاق بجد عملاق
اوصف ليكم منظر حجره الدرس
كان  فى شقه  فى بيته  فى مكان  بجوار القيساريه بجرجا 
وكان فى صاله فى شقه  فى الدور الارضى مفروشه  بالحصير 
وطبعا  على الارض 
ايام  زماااااااااااااااااااااااااااان
مكانش فى الا كرسى واحد اللى الاستاذ محمد  كان بيقعد عليه  
وكوميدينو اللى كان  بيكتب عليه 
وجواره كرتونه  فيها  اوراق 
وزنوبه جنبه 
قطعه من الجلد  طويله  
وقاسيه  اللى يتعكنن عليه الاستاذ كان 
بيتربى بيها 

الاستاذ محمد  يارب يديله  طول العمر يارب 
كان عملاق طبعا 
اخدت عنده  من اولى ابتدائى لغايه  سنه  رابعه 
ومكملتش معاه خالص 
الراجل ده كان همه الاول
ان  يعلمنا القرأه والكتابه والحساب وبس
سيبك من العلوم والدرسات 
لآ 
المهم القرأه والكتابه 
كان  يدينا القطعه 
نكتبها 
مره واتنين وثلاثه 
ونقرأها قدامه 
ونرعب قدامه 
وتماريت حساب 
طنا نروح مع اذان العصر ونمشى مع اذان العشاء
ونروح نروح البيت نكتب واجب المدرسه والدرس وننام ونروح المعهد الدينى اقصد وبعد كده الكتاب مكتب تحفيظ القرأن علشان  القرأن وبعد كده على الدرس 
كانت  حياتى 
فى تلك الدائره 
لغايه ما اصيبت  بالانيميا
طبعا مفيش اكل 
وشغل على طول 
مفيش غياب ولا فرصه 
ماما وبابا  رغم بساطتتهم انما كانوا الدراسه  لازم منها 
وبفضل نمن الله كنت متفوق على طول عرفت   مصلحه نفسى من الاول بس خبت  فى الاخر
المهم 
دارت الايام مع الاستاذ محمد كامل
كنا  نبدأ بالخط 
كراسه الخط  يكتب لينا حكمه ونكررها 
اكتر مره فى طول الصفحه  للنهايه 
ويشرحها  لنا 
كان  بياخد منا فى الشهر 10جنيه فى بدايه التسعينات
وبعد كده  القرأه والحساب
والله  الراجل ده  
له  فضل كبير عليا فى موضوع  الحساب الرياضيات  
بجد 
يارب يديله الصحه والعافيه
الاستاذ محمد كامل العطار
الاستاذ سيد المصرى 
والاستاذ منصور
فى سنه  رابعه  رحت  لمدرس الفصل 
وناظر المعهد الاستاذ منصور ومدرس الفصل 
الاستاذ سيد المصرى 
مع  زملائى فى الفصل 
قرأن ورياضه وعلوم ودراسات 
واستغنيت  بيه عن مكتب التحفيظ علشان  الاستاذ سيد
اصلا مدرس
قران كريم  فى المعهد الدينى
المهم  كان كل تفوقى راجع للاستاذ محمد كامل فى الاصل 
وكان دايما  فى لعب وهرجله  بصرراحه 
والمهم السنه دى  خلصت والحمد  لله
الاستاذ سعد ومسعود
كانا اشهر مدرسين  فى جرجا
سعد واخيه مسعود 
لما كنت عند الاستاذ محمد كامل كان العدد لا يتعدى 14واحد ومن العصر للعشاء
ده  بقه كان 50واحد  فى حجره  واحده
الموضوع كأنه فصل مصغر 
بس ده كان اول تعامل مع اخوانا المسحيين
لانى طبعا كنت فى معهد دينى 
وطبعا  طبعا مفيش مسيحيين معانا 
والشارع كله اللى ساكن  فيه والحى بأكمله مسلمين 
وده اول مره اعرف 
يعنى ايه مسيحيى وايه الفرق بينا وبينه 
كنت اجلس بجوار مينا انور نجيب
معرفش هو راح  فين تلوقتى 
المهم  كنا  ناخد الدرس 
 الاستاذ سعد عربى وحساب ومسعود  دراسات وعلوم ودين
والقرأن انا كنت  باحفظه  لوحدى لان طبعا مفش وقت المواد  كبرت وكترت  فو ق راسى كنا نروح  مع العصر برضوا  للعشاء
خلال سنوات الابتدائى 
وقت العصر للعشاء فى الدراسه معرفش 
شكل اليوم ايه

بجد كان الموضوع  صعب كان بايخد منا  15جنيه  فى الشهر 
كان الموضع  كانه  نزهه  
لانى متأسس صح 
من الاستاذ 
محمد كامل برضو 
كان يوم الجمعه  دين  الساعه 10 الصبح 
وعرفت الفرق بين المسل والمسيحى الاعياد
طبعا مش مع  بعض
وهو اول واحد  قالى كل سنه وانت
طيب
وعرفت وفهمت 
الولد ده كان مؤدب بجد ومحترم 
الاستاذ حسن عبد العال

فى الصف السادس الابتدائى

كان الاستاذ حسن  بيدينا  قرأن  فى لمعهد الدين 
هو تانى استاذ اثر فى شخصيتى

كان استاذ رائع 
اخدت عنه وكان  بيدينا  قران وحساب وعربى ودراسات وعلوم ودين 
يارب يبارك فى صحته
كان بياخد20 جنيه فى الشهر \
هو عرفنى قصص الانبياء ويقرأها لينا 
من الكتب 
وكان يصف لينا 
خصوصا قصه 
جالوت
وسيدنا داوود

وكان الاستاذ حسن معتز بيا جدا جدا 
علمنى 
الباقى 
من تعليم الاستاذ محمد 
كامل العطار

وربنا اكرمنى وكنت الابع  على المعهد  فى الصف السادس
وخرجت حافظ من كتاب الله  نصفه 
وحتى الان الحمد لله انا محافظ على ربع القرأن  باحاول انى ارجع الباقى 
اللى حفظته مع الاستاذ حسن 
باقى والحمد  لله حتى الان 
 __________________________________________
الاعدادى
نكمل الاعدادى والثانوى 
فى المره القادمه
تلك هى ذكرياتى 

هناك 21 تعليقًا:

شهووووده يقول...

ما اروع ان تكتب ذكريات الدراسة والأروع هو عرفانك بالجميل لأساتذتك

تقديري واحترامي

من كل بستان زهرة يقول...

ياعيني يا محمود
دي رحلة عذاب مش دراسه

في اوروبا والدول المتقدمه الدراسه دي متعه ووقت للترفيه
عندنا وقت رعب وعذاب

بس احلى حاجه انك لسه متذكر الأيام دي
بأسماء مدرسيك
احلى حاجه في الموضوع الذكريات

ربنا يبارك فيك

Ramy يقول...

جميلة ذكرياتك يا محمود

(:

ذكرك لأساتذتك أن دل فيدل على شيىء جيد

أنك انسان لا تنسى من أكرمك (:

مستنين الباقى يا حوووودة

sweet angel يقول...

ايييييييييييه ده

مدرس ايه الي بياخد 20 جنيه ده
دول عندنا بياخدو عشرين جنيه دلوقت

انتم بلد اغنيا اوي شكلكم

احنا عندنا العربي واللغات والرياضيات تقريبا كل دول ب 20 واللي يخليها 25 يبقى مفتري

انما بقى التخصصات الكيميا والفيزيا والحاجات دي هي الي بتعدي الـ100

شوفت انا ماديه ازاي ؟

اول حاجه لفتت نظري الفلوس هههههههههه

جميله مذكراتك يا استاذ محمود
تعيش وتفتكر

re7ab.sale7 يقول...

حلو اووي يا محمود
ولو حتي انك كل شوية تفتكر ذكريات مرت عليك من فترة ولو قصيرة
تعرف انا كل مرة احسدك مش عشان الذكريات انا الحمد لله لي ذكريات حلوة اكيد وبرضه فيها الوحش
بس بحسدك لانك اتعلمت حاجات في الدين انا متعلمتهاش ولا درستها لانك تعليم ازهري
تحياتي بجد وبستفيد منك

عاشقة الجنة يقول...

بسم الله الرحمن الرحيم

ده جميل جدا اللى انت فيه وياتنى كنت مكانك بجد ما شاء الله.
فين دلوقتى المواظبة عن قراءة القرآن وحفظه .
مبقاش فى اهتمام اصلا لحاجة زى دى.
انت عارف ديماً إحمد ربنا على اللى انت فيه حتى لو كان إبتلاء لان ربنا مش هيبتلى الإ الإنسان اللى بيحبه.
وربنا يثبتك على حفظ القرآن وقرأتك ليه وعلى صلاتك ويدخلنا الجنة جميعاً

الحب الجميل يقول...

علية افضل الصلاة والسلام
بسم الله ما شاء الله
ربنا يكرمك يارب
جميل ما حفظتة من القرأن
ربنا يبارك فيك يارب

جايدا العزيزي يقول...

والله يا اخى ما يساعدنا على الاستمرار

فى الحياه هى تلك الذكريات الجميله

لما نفتكرها نفرح

عرفان رائع وتقدير نحو مدرسينك

ولكنه ليس بجديد عليك

استمر

فالفكرة جميله

بس مش فاكر المدرسه اللى اسمها ايه ................... اظن جايدا العزيزي

ههههههههههههههههه

رائع محمود

اه مش رشا رجعت بعد محايله ساعات

وفى الاخر دبستها فى مدونه جديده

ههههههههههههه

ما انا ما اقدرش اسيبها تبعد

لانها انسانه جميله زيك كده

تحياتى

كلمات من نور يقول...

جميلة ذكرياتك يا محمود يسكن فيها الحب لكتاب الله والمدرسين .في انتظارك متابعين

Noha Saleh يقول...

جميلة ذكريات الدراسة بنحب نفتكرها ونتكلم عنها
لكن ايامها ماكناش بنحب نروح المدرسة اصلا
ياريتها ترجع تانى

mrmr يقول...

ياالهوى على ذاكرتك
انا ح احقد عليك
انا يا ابنى مش بفتكر الاحداث اللى بتحصل معايا الاسبوع اللى فات
يمكن علشان حكم السن
اه تصدق صح شئ واد طبعا
يالهووى دا الزهيمر متمكن من الواحد بشكل وحش قوى
ذكريات جميله يا حوده.. تعيش وتفتكر
ذكرياتك طبعا امال انت افتكرت ايه
ههههههههههه
ربنا يسعدك

همسات وبحــ الحياه ــر يقول...

الله الله

تعرف انا نفسى اكتب ذكرياتى بس مش عارفه :):)
حاجة جميييله

وبعدين انت جيت الكورس ومشيت ليه
انا اتبسطت انك حضرت وبعدين بشوفك لقيتك مشيت
تتعوض بقى يوم السبت ان شاء الله فى نفس الميعاد :)

أتنين حبيبين يقول...

كويس انك فاكر كل الذكريات الجميله دى ربنا يسعدك يارب

ومتشكره ليك على سؤالك

تحياتى
توتا

BNT ELISLAM يقول...

حلو اوى اننا مننساش اللى علمونا شىء واننا نذكرهم بالخير وان تزكرناهم نلحق بيهم الجميل
عاوزه اقولك على حاجه هو ده الفرق مبين مدرس كان بيشتغل بضمير
ومدرس مستنى المرتب اخر الشهر




تقبل مرورى

افروديت يقول...

حلوه ذكرياتك دي وماشاء الله كويس أنك فاكر......... تحياتي ليك

كيــــــــــــارا يقول...

جميل سردك

تعرف لما بفتكر بردو الايام دى بفرح:)

كل سنة وانت طيييييييب معلش مش قلتها في معادها

سؤال ايه موضوع بيت المدونين دا ؟

دعاء العطار يقول...

بتبقى ذكريات حلوه اووووى لما نفتكرها

اول حد اتعلمنا منه واكتر حد اثر فينا

وازاى كنا بنلعب ونضرب

ذكريات جميله وجميل انك تتذكرها وتعطى كل ذى حق حقه

" من علمنى حرفا .. سرت له عبدا"

ع فكره محمد كامل العطار ده ممكن يطلع قريبنا

مش انا اسمى دعاء العطار

احترمنى بقى انا طلعت قريبة استاذك

ههههههههههههههه

خواطري مع الحياة يقول...

السلام عليكم
ازيك يامحمود اسفة على تاخيري
تاخرت كتير
بجد جميل انك تكتب ذكريات والمواقف الي تحصل معك في ايام الدراسة والصبى
تقبل مروري
وبعتذر مرة اخرى
سلامي ليك اخي.

شمس النهار يقول...

من النادر الان ان يكون في انسان مرتبط بمدرسه

بعد ان فقد المدرس هيبته

بوست لطيف فعلا

:)

richardCatheart يقول...

ياااااااااااااه يا محمود جميل اووى كلامك واعتزازك بمدرسينك
متهيئلى كمان 15 سنه لو سالنا عيال من الجيل الحال من المدرس اللى اثر فيك هايقولك بلا قرف للاسف

بس احمد ربنا انك خبت فى الاخر علشان ماتتقهرش على مستقبلك فى البلد دى

جميل يا حوده والله

جايدا العزيزي يقول...

اهم حاجه يامحمود الاعدادى والثانوى

انا جيت تانى اطمن عليك

واقولك مستنيه اسمع العجايب

لانها فترة الشقاوة

انتظرك

تحياتى