الأحد، 13 يونيو 2010

النهارده اصعب امتحان فى حياتى





السلام عليكم

اولا انا النهارده كان عند امتحان
وامتحان صعب شويه
الامتحان فى ماده موجات كهرومغناطيسيه
المهم
الموضوع مش فى الامتحان اللى انا نفس ربنا يرزقنى التوفيق والجميع فيه
ورغم حالتى النفسيه الل كانت
زى الزفت
ووصفتها
فى
الموضوع ده
لابد من وقفه

المهم فى المووضوع دخلت اللجنه
وجدت
المراقبين  اتنين بالاضافه للدكتور

المشرف على اللجنه

فوجئت
ان احد المراقبين
كان زميل لى
فى المعهد الدينى الازهرى
فى
الثانويه

وهو الان معيد
فى الكليه
ولكن
قسم
 تانى
احرجت
واتكسفت جدا
جدا
جدا
وكنت مكسوف  وقلت يا
أرض انشقى وابلعينى
طبعا
عندنا المراقب لازم  يمضى
على كل ورقه اجابه
ويتأكد من
الطالب
بالكارنيه او
البطاقه الشخصيه
اللى حصل
هو اللى مضى على كراسه الاجابه  وكنت متأهب للكلام معايا
وهو ولا كأنه يعرفنى
مرت عشره دقائق وبعدها  اتى اليا مبتسما
اهلا م/محمود ازيك اخبارك
قلت له:ازيك يا عادل(من غير م/....)
ودمن قصد قال لى شد حيلك يا حوده
مرت
نصف ساعه اتى اليا
وقال لى اخبار ايه محتاج حاجه يا حوده؟
قلت له:لآ وجازاك الله خيرا يا   م /عادل
اتخنقت من نفسى
اكتر
انا فعلا كنت عاوز اسيب اللجنه وامشى
هذا الرجل (الشاب)
اخلاق عاليه جدا حافظ للقران الكريم  وشغال فى مكتب كبير فى مدنيه نصر للتصميم المعمارى والانشائى وهو من
قريه بجوار  مدينتنا ولم تكن هناك رابطه قويه بينى وبينه حيث انه
نجح فى الثانويه والتحق
بالهندسه بينما
انا
اخذت الثانويه الازهريه فى سنتين حتى
ادخل الهندسه
وهو بسم الله ماشاء الله
تقديرات وامتيازات واتعين معين
فى قسمه
وانا
تعثرت شر تعثر
فى حياتى كلها
اتخنقت فعلا
وده
اصعب موقف ف ى
حياتى كلها
الحمد لله


هناك 20 تعليقًا:

داليـ ـ ـ ـ ـ ـ ــــا يقول...

مش يمكن ده يكون حافز ليك ياهندسه
ان ربنا حاطه فى طريقك عشان تشد حيلك كده وتجدعن
ربنا ليه حكم فى المواقف الصغيره دى
اصلها حصلتلى وادتنى حافز جامد اوى
خلت زميلتى الا كانت بتكلمنى من طرطيف منخارها اتمنت بس انى اكلمها صدقنى
ربنا قاصد حاجه من ورا اللى حصل ده كله

المهم حليت ولا ايه
لما نشوف بقه النتيجه فى الاخر
اجدعن بقلك اهوه

تحياتى ياأحلا هندسه

زهرة(جنى)الاسلام يقول...

السلام عليكم
مبروك على النيولوك الجديد
ثانيا لازم حضرتك تقول لعلة خير فى جميع الحالات
الله اعلم كان اية اللى حصل لو كنت خلصت دراسة سريعا
فلعلة خير
وعلى فكرة انا كنت دبلوم فنى فجأة لقيت نفسى دخلت معهد حاسب الى
وخلصتة وبردة ناوية اكمل دراسة والحياة مش هاتقف قدامى
لازم يكون عند كل الشباب هدف فى حياتهم
وان شاء الله حضرتك هاتنجح بأعلى التقديرات

mrmr يقول...

محموووووووود
ازيك
كيف حالك
اولا : مبروك يا عم عى النيولك ده بجد مدونتك جامده جدا وحلوووه قووووى
وثانيا : انا حاسه بيك قوى للموقف اللى انت فيه ده
بالرغم من انى مش صادفت موقف ذيه لكن انا تملى بحط نفسى مكان الاخر علشان احسن بقدر الالم واقدر مشاعر الاخرين
لكن عايزاك مش تزعل لكن قول الرب شاء وفعل
ويكون ليك حافز علشان تواصل باقى الامتحانات فى همه
وربنا يوفقك ويرعاك وبالنجاج
وابقى تعالى بقى البلد واشرب الشربات
ربنا معاك ويحافظ عليك

مي يقول...

انت مصعبها على نفسك وى كده ليييييييييييييه بالعكس
عارف كل واحد اكيد فى ميزة مش شرط لحكاية دى ممكن انت فى حاجة تانية بتتفوق عليه
الحكاية متقسمة صدقنى وفعلا لعله خير يمكن يحفزك تبقى احسن واحسن ونت هو مش تكاسلت بالعكس بتشوف مستقبلك ومبدع وموهوب مش شايفاك سلبى بصراحة

فيك جوانب جميلة اوى ماشاء الله

ها مقولتش هتخلص امتحانات متى بقىىىىىىىىى
ومتنسانيش لما تنجح ان شاء الله عايزة شيكولاتة انا بحجز من دلوقتى

ربنا يوفقك

♥♥ شذا ♥ الروح ♥♥ يقول...

السلام عليكم
ازيك يا محمود يارب تكون بخير

معلهش نصيبك كده ان شاء الله ربنا معاك وطالما نيتك كويسه يبقا صدقنى مش هتشوف غير كل الخير
ربنا يسعدك يارب ويوفقك يا أخوايا
انت حد جميل اوووى
ربنا يبارك فيك
احنا اخواتك وجمبك وان شاء الله نقول مبروك قريب

(ست* جنى* الحسن) يقول...

سلامو عليكو..
موقف مكسرنيش موقف يقوينى
ومش يمكن يكون حافز ليك يا بشمهندس؟؟
لعله خير
لك تحياتى

(ست* جنى* الحسن) يقول...

سلامو عليكو..
نسيت اقولك مبروك عالقالب الجديد.

غير معرف يقول...

السلام عليكم
انبارح حاولت اعلق بس بابا التعليقات متهيألى كان مقفول وعذرا لتأخرى

كلنا بنمر بامتحانات صعبه فى حياتنا وبنخرج منها بضيق نفسى وبتاخد وقتها وتعدى
ومش تزعل نفسك يا م.محمود ربنا ان شاء الله هيكرمك فى امتحاناتك وحياتك وركز فى اللى جاى ومتبصش وراك عشان متتعبش نفسيتك

وياعالم يمكن ربنا جعل صديقك فى طريقك عشان يكون عندك حافز اقوى من كدا
وان شاء الله هتعدى الاختبارات وتنجح بتفوق ونبارك لك بس ساعتها مش تنسانى ههههه

قول يارب وربنا مش بينسى حد

ربنا يوفقك فى الامتحانات اللى جايه ونسمع عنك كل خير

مبروك شكل المدونه الجديد

فى رعاية الله
تحياتى واحترامى لشخصك

ساسو يقول...

مبروك النيولوك الجديد بجد جميل جدا

ربنا يوفقك يا محمود وكل الامتحانات تبقي سهله وجميله
وباذن الله هتنجح
بصراحه انا كمان مخنوقه جدا بس هعمل ايه ربنا معانا

وبجد كل حاجه بتيجي بالصبر
ومش معني انكوا كنتوا زمايل وهو بقي معيد وانت لسه دا يخليك تتضايق لأ بالعكس انت المفروض ترفع راسك وتحمد ربنا علي اللي انت وصلتلوا
والنجاح اللي حققته
ولسه قدامك فرصه علشان تبقي زيه
حتي لو مبقتش زيه اكيد هتبقي ان شاء الله حاجه كويسه
حسب اللي ربنا كاتبهولك

ربنا يوفقك ويوفقني انا كمان

افروديت يقول...

يااااااه..كل ده ولايهمك طبعآربناموجود وكل واحدفينايامحمودبياخدنصيبه مش أكتروأن شاء الله وتنجح وتحقق احلامك..ثق في الله وثق في نفسك تكن أفضل الناس..تحياتي لك أيهاالمجتهد.

العلم نور يقول...

ربنا يسهلك طريقك .. آمين


أرجوا المساهمة في دعم الحملة لو تكرمتم

(حملة الجسد الواحد)

أرجوا من المدونين الموقرين أن يضعوا شعار الحملة في الشريط الجانبي لمدوناتهم تضامنا مع أمة محمد !!

صورة الشعار .. في مدونتي أعقل مجنونة في الوجود .. ويكتبون فوقها ..

(حملة الجـسد الواحـد)

رابط المدونة

http://dndanh111.blogspot.com/2010/06/blog-post_14.html

جعله الله في ميزان حسناتكم .. آمين

باحث عن حب يقول...

داليا
ايه الحلاوة دى كلها كل تعليق منك يمس الحياه الشخصيه الا وتجيبى مثال من الحياه حلوة الخبره فى الحياه نتناصح بيها بيننا
والله الراجل كان محترم احرجنى باحترامه الزايد والله انا اللى اتحرجت منه قوى قوى
انا كنت بدور على العيب عندى فى توقفى فى مكانى وعرفت
وهبدأ فى التغيير
هفتش السر بتاعى عنى فى البوست اللى بعد اللى جاى
ليه؟
علشان البوست اللى جاى عاجبنى
ووجدت فكرته بالصدفه
اول ما شفته مسكت فيه
وبس كده
منورانى
يا استاذه داليا
يا اميره التعليقات

باحث عن حب يقول...

زهره جنى الاسلام

لعله خير فاكره القصه بتاعه لعله خير فعلا
محدش عارف الخير قين
والله انتى مجاهده
وبصراحه
كنت
احسبك فى هندسه الازهر
مش عارف ليه
بس انتى عندك هدف وجميل الحلم ده انك بتسعى اليه
يارب يحقق ليكى هدفك يارب وينجحك
فى حياتك
يارب

باحث عن حب يقول...

مرمر
اختى
العثوله
بصى فعلا قدر الله وما شاء فعل
بس ده تقصير منى ولازم اتحمل نتيجه تقصيرى
ولازم اعيد ترتيب اوراقى مره تانيه
الى الافضل ان شاء الله
والله نفسى انجح
السنه دى يا مرمر
ادعى لى

باحث عن حب يقول...

مى

ان شاء الله هخلص يوم21القادم
عندى معمل كهرباء يوم الاحد
وقرأن شفوى يوم21ان شاء الله
والله الحمد لله على كل حال
احمد الله عز وجل
والله نفسى اغير من نفسى الى الافضل ان شاء الله
الاول ماكان عندى
طموح ولا هدف ولا حلم
وتلوقتى
ان شاء الله هرتب نفسى من جديد
ومادام فى نفس يبقى فى امل
نورتينى
يا مى
يارب
يبارك
فيكى
يارب

باحث عن حب يقول...

ست جنى الحسن
اكيد ان شاء الله حاااااااااااااافذ الى الافضل ان شاء الله
الله يبارك فيكى يارب
ويبارك
فى جنى

باحث عن حب يقول...

الحب الجميل
والله انا نفسى
ادبح خروف لو نجحت
ان شاء الله
والشكولاته للجدميع
والخروف
ليا لوحدى
ههههههههههههههه
اصلى بموت فى الضأن او الضانى

ان شاء الله هفرحكو
ان شاء الله

باحث عن حب يقول...

ساسو

ان شاء الله هكون حاجه كويسه
نفسى فعلا
بس انا
غيران منه
قوى قوى قوى
ان شاء الله
ناجحه يا ساسو
ان شاء الله
هننجح
كلنا
نورتينى يا ايتها الشاعره
المبدعه

باحث عن حب يقول...

افروديت

فعلا
لازم
اثق فى الله واثق فى نفسى
فعلا
ان شاء الله

هكون
احسن وافضل
شكرا
لكى
اختى

باحث عن حب يقول...

ام الخلود
نورتى وشرفتى
انا نشرت
الصوره
ومعكى فى الحمله
بس عاوز اعرف معلومات \اكتر
عن
الحمله
شكرا
لكى

السلام عليكم

 السلام عليكم  يا اهل التدوين معرفش هتفتكروني ولا... بس لاقيت ذكريات وكلام يوجع القلب سنين كتير مدخلتش هنا  وراجعت ذكريات ١٠ سنين ورا لاقيت ...