الخميس، 17 يونيو 2010

صديقى الازهرى والسلك الدبلوماسى........؟



السلام عليكم

معلش هى حاله الامتحانت كده غم ونكد
بس مليش حد اتكلم معاه كتير كده غيركم
لازم معظم الناس
امتحانات
صلو على النبى
مقطع الفيديو ده
انا بأهديه الى نفسى اولا
والى الجميع
ثانيا

معايا صديق خريج كليه التربيه قسم فرنسى
جامعه الازهر
وكان عنده ططموح
اخد كورس اللغه الفرنسيه فى المركز الثقافى الفرنسى
وكان عنده امل انه يسافر فرنسا
ولكن دخل امتحانين فى المركز ولم يوفق
قال لى
(انا ضيعت عمرى فى الازهر شوفت حيتان خرجى جامعات خاصه
ومدارس خاصه مش مدارس حكوميه وكمان جامعه ازهر
)
فى طبعا وزاره الخارجيه بتعمل مسابقه لاختيار طلاب خرجى جدد علشان يلتحقوا بالسلك الدبلوماسى
اشترك فى المسابقه
واخد كورس فى الامتحان اللى هيمتحنه فى الامم المتحده وجامعه الول ومش عارف ايه
اقصد المواد دى يعنى امتحن
تلات مرات
وسقط
رجع البلد
واشتغل مدرس ابتدائى فى مدرسه خاصه وبعدين اتعين بالعقد فى مدرسه ابتدائى حكوميه
وبيدرس عربى ودين
وانسى التعليم الفرنسى المهم الواد احبط خالص قال ايه اللى خلانى
ادخل فرنسى كنت دخل تربيه اساسى ادرس للحضانه احسن

المهم هو كان يعتقد ان السبب فى السقوط فى امتحان الخارجيه
ان
والده رجل بسيط جدا جدا شغال عامل فى مدريه االتربيه والتعليم
وان  ليه اقارب ليه اخوان
مسلمين
وكان يعتقد ان السبب فى سقوطه هما السببين دول
المهم بقه اتصل بيا
قولت ليه
(التوفيق  من عند الله9
قال لى تعليمى حكومى ومليش واسطه
ومليش حد
قلت ليه
ليك ربنا
سابنى واتصل بيا وقال لى شىء جعل الامل ينبض فيه من جديد
قال لى
تعرف على واحد سفير  من البلد عرفه بالصدفه
واتصل بيه وقال له على اللى حصل معاه وعلى طموحه
المهم
قال له
(انه خريج ثانويه جرجا بنين)وخريج كليه اداب عين شمس ودخل الامتحان ونجح ورغم ان والده
برضو بسيط للغايه
قال له التعليم الحكومى مش وصمه عار ولا البساطه هى المشكله ولا الانتماء لفكر هو اللى يقيدنا
قال له متعلقيش فشلك على الاخرين وانه لازم يغير من حياته وانه يعيد التجربه وانه لا يوجد واسطه  فى المووضوع ده من العدم لآ
فى واسطه ولكن اللى يكون باقى ليه خطوه ويوصل يوصلوه وبس )
اثبت لى ان التعليم الحكومى مش نقمه
وان الفارق بين الحكومى وغيره
هو التوفيق من ربنا
المهم هو ناوى يقدم فى اول الشهر اللى جاى
ونفسه ينجح
وبس خلص الموقف ده
كل اللى عاوز اقوله
لازم يكون فى امل ومادام فى نفس يبقى فى امل يبقى فى حلم يبقى فى طموح
يارب التوفيق والنجاح
للجميع
اسف على التطويل




هناك 17 تعليقًا:

mrmr يقول...

اخى وعزيزى محمووووود
فعلا احيانا الاحلام بتكون صعبه المناااال
لكن علينا اننا نحلم دايما
لان لو بطلنا نحلم ح نمووووت
مهما كان الحلم بعيد واحنا مؤمنين بالحلم ده ح يجى يوم ونقدر نخلى الحلم حقيقه
اوعى يا محمووووود تستسلم لصوت الفشل
لازم نجاهد ... ونجاهد ... ونجاهد
بالجهاد ده راح نوصل اكيييييييييييد

ربنا يوفقك
ويكون معاك ويحافظ عليك

sun of free dom يقول...

بالتوفيق للجميع
مدونتك رائعة
دمت بخير

ساسو يقول...

صديقي محمود
بجد كل حاجه بتيجي بالصبر
وكل واحد فينا بيحلم احلام كتير نفسه يحققها
بس لازم تكون النيه صافيه لوجه الله
وبجد لما الواحد يبقي عمله كله خير وضميره صافي
ربنا بيقف معاه
وبيديه اكتر ما بيتنمي

يارب يا محمود تنال كل خير

داليـ ـ ـ ـ ـ ـ ــــا يقول...

الأمل حلو والتفائل كمان احلا واحلا

بس مكدبش عليك ياهندسه
الكوسه فى بلدنا هى اللى ماشيه
هتقلى ازاى هقلك احنا كلنا لينا ربنا
بس اللى له ظهر ووسطه فى البلد دى بيبقا حاجه واللى مالوش خلاص وكمان متنساش وسطه ورشوه
يعنى موت وخراب ديار

صدقنى تعرف انا شغاله مع عضو مجلس شعب
الراجل دهوه بصراحه كرهنى فى عشتى وحياتى
لو وقتك يسمح انى احكيلك بعض القصص هحكيلك

بس طبعا كل اللى اقدر اقووله فى الاول والاخر دى اشياء باإيد ربنا
لو ربنا عايزك كده هتبقا كده ولو عايزك كده هتبقا كده

تحياتى

داليـ ـ ـ ـ ـ ـ ــــا يقول...

تسلم يارب يابشمهندس محمود

الاسم الغالى دهوه تاج على راسى منك ووسام بجد يارب افضل عند حسن ظنك بيا

وعجبنى جدا ( أميرة التعليقات )
والله انتا اللى أميررررررررر

أم الخــلـود يقول...

هو فعلا التوفيق من عند ربنا .. لكن يقول المثل اسعى يا عبد وأنا اسعى معاك .. وأحيانا كتير ربنا بحكمته عايز يخلينا نسلك طريق غير اللي إحنا مخططين ليه عشان هو الوحيد اللي عارف الخير لينا فين .. لكن أغلبنا بيكون عنده قصر نظر وما يشوفش أي جانب تاني من حياته.

الحب الجميل يقول...

التوفيق من عند الله

الأحلام بسيطه وبتكون صعبة المنال

والبلد دى مع الأسف ماشيه بالماده معاك فلوس كل الامور تمشى ....... والوسايط واللى مالهوش وسيط مالهوش ظهر فى الدنيا دى

ربنا يوفقك الجميع

تحياتى

صمت المشاعر يقول...

لازم يكون فى امل ومادام فى نفس يبقى فى امل يبقى فى حلم يبقى فى طموح


صح بجد من غير الامل والطموح منقدرش نكمل حياتنا صح

بالتوفيق يارب للزهري وليك

دمت بكل خير

افروديت يقول...

فعلآلازم يكون في أمل بس خليني أقولك "الواسطة"محت معني الأمل أحناكل حاجه في بلدنابالواسطة واللي معندوش يبقي يكبردماغه احسن..وداواقع مفروض عليناوهيستمر..سلام

محمود(باحث عن حب) يقول...

مرمر
لازم
نحلم ونحاول
اننا
نوضل للى احنا نفسنا نوةصله
انسان بلا حلم
كجسد بلا
روح
ولا ايه
الله يرحمك يا منير
منورانى واسف على الرد
على التعليقات

محمود(باحث عن حب) يقول...

سمش الحريه
نورتنى وشرفتى مدونتى المتواضعه
ربنا يبارك فيكى
ولنا زيارات
ياريت ما تكون الزياره الاخيره

محمود(باحث عن حب) يقول...

ساسو
يارب
ويعطيكى كل
ما تتمنينه من خير
لازم
الاجتهاد
ونسيب النتيجه على الله عز وجل

محمود(باحث عن حب) يقول...

داليا \
فى اغنيه لنتين اسمهم منه ونهله
فى اغنيه ليهم عثل
احكيلى وفضفضيلى
مش عارف انتى عارفهم ولا لآ
انا اصلا مسمعتش ليهم الا الاغنيتين دول واغنيه حلوة انا بقولك بقه احكى وفضفضى انا فاضى وعارفه
خلصت الامتحانات
كمان
قولى وميهمكيش
منورانى
وكمان انا بحب الباميه الخضره اللى انتم بتسموها الوكيه
انا بقه بموت فى الباميه الخضره دى بتتعمل مع الملوخيه الناشفه حكاااااااايه
مامتى ربنا يديها الصحه بتعملها عثل والله
ايه اللى دخلنا فى الطبيخ واللحمه ياه كمان لما تكون سمين بحبها قوى احنا كنا
بنتكلم على الكوسه
اه الكوسه اللى احنا عايشين وبنعوم فيها
ولا ايه
انتى بتعرفى تطبخى كوسه؟

محمود(باحث عن حب) يقول...

ام الخلود
منورانى ومشرفانى
والله سعيد جدا بزياراتك لمدونتى المتواضعه لازم شويه ثقه \فى الله وعدم القنوض من رحمه الله

محمود(باحث عن حب) يقول...

الحب الجميل
ما دام فى نفس يبقى فى امل يبقى فى طموح
كلامك
جميل جدا جدا
شكرا لكى

محمود(باحث عن حب) يقول...

صمت المشاعر\

كلامك جميل وصحيح جدا جدا
يارب يبارك فيكى
ويديك كل خير يارب

محمود(باحث عن حب) يقول...

افروديت
الواسطه
محدت حاجه اسمها الاجتهاد
حسبنا الله ونعم الوكيل
شكرا لكى
يا افروديت
نورتى والله