الجمعة، 28 مارس 2014

الفقير فى مصر ملهوش تمن

الفقير ملهوش  عيش فى مصر
الفقير ملهوش قيمه اصلا
محدش  حاسس بيه
 لا  تليفزيون بيتكلم عنه
ولو  اتكلم
بيكون  اما فى  افلام  هابطه
واما
فى  حالات  انسانيه
او  اغانى شعبيه ملهاش علاقه بيه
مسلسلات  بتتكلم عن مشاكل  ناس  اغنياء  اصلا  معندهاش  مشاكل
مسلسلات تركيه  ومشاكل  حب
ومسلسلات  هنديه  ملهاش  اساس  بواقعنا  المهبب  اصلا
ولما  فكروا  يعملوا  مسلسل  بيتكلم  عن  الفقير
لازم يظهروه
انه  بائس
بليعن  الاغنياء
بيحقد عليهم
الفقير بيبص  على  اللى فى  ايد الناس  واللى  مليان  امراض
الفقير  اللى كل  حياته  ماسى  واهات
عملتوا  ايه للفقراء ؟
مين عمل  ايه  لل40فى  الميه تحت  خط  الفقر؟
محدش  سكان القبور  العشوائيات
محدش
الارامل  الايتام
محدش  حاسس بالفقير
افلام  مسلسلات  حتى  البرامج  بتتكلم عن  نخب  نخب  نخب  سياسيه  شوف  لبسها  بكام وعايشين فين
يابشر
رفقا بالفقير فى  مصر
الفقير فى مصر بيحلم بعلاج 
بيحلم  انه يكون بنى أدم  بيحلم 
انه ياكل   ويشرب  حاجه كويسه 
بيحلم يسكن فى سكن محترم 
بيحلم الناس  يعاملوه معامله سويه مش يأنفوا  منه علشان لبسه
بيحلم انه
يشتغل  شغلانه شريفه 
مش عاوز يشحت
مش  عاوز  اعانات
يابشر
ليه ميكونش  مشروعنا القومى فى مصر  اننا ننضف  مصر من العشوائيات 
ونخفض نسبه الفقر فى مصر
ليه؟ 
يا بنى أدمين

الفقير 
مش فى  التليفزيون 
لا بيحلم بفيلا ولا شاليه ولا  كومباوند 
متعدد الخدمات
الفقير 
بيحلم اانه يكون انسان
لا بيهمه برنامج  احلا  مسا ولا  اخر النهار  ولا  الحياه الان
ولا بيهمه صباحك يا مصر  ولا  ليها  حل 
لا بيهمه سيسى  ولا  مرسى
ولا بيهمه عسكر  ولا  حتى  احتلال 
بيهمه  الستر 
وانه يعيش  مستور  
احترموا  الفقير 
احترموا  الفقير
دورت على صوره مناسبه ملقيتش
لان  الواقع حوالينا 
وحنا عايشين فى  واقع مش  واقعنا
عيش  الواقع 
وفكر  باللى  حواليك
عامل  الفقير معامله كويسه 
حتى لو كان شحات او  حتى  عامل  نظافه 
قدره كده وقدرك كده ممكن تكون انت مكانه 
وتشوف  نظره الناس  ليك 
وانت مكانه 
يا  اخوانا 
ارحموا  الفقير

هناك 4 تعليقات:

نيللي علي يقول...

كل كلمة كتبتها عندك حق فيها ..وهنروح بعيد ليه عندك برامج الأغاني بيغنوا علي أيه أنا مش فهمة لحد دلوقتي..غالبا بيغنوا على خيبتهم بدل ما يكون الفن بيعبر عن الواقع..الفن دلوقتي لا يمط بصلة للواقع..الفقير مطحون بيشحتوه عليه بس في الأعلانات!

كل التحية ليك ولموضوعك!

♥نبع الغرام♥♪≈ يقول...

معاك حق يا حوده والله
ربنا يرحمنا برحمته

وحشتنى اوووووووووووووووووووووى

ساسو يقول...

طول ما ربنا معاك هتبقا اغنى الناس

موجة يقول...

فعلاً ده غير ان الاعلام مش سايبه في حاله، يا إما بيتكلموا عن مناطق شعبية على انهم بلطجية وحرامية ، يا اما بيتكلموا عن قصور بجناين وحمامات سباحة تعقد الفقير لو بيتفرج

السلام عليكم

 السلام عليكم  يا اهل التدوين معرفش هتفتكروني ولا... بس لاقيت ذكريات وكلام يوجع القلب سنين كتير مدخلتش هنا  وراجعت ذكريات ١٠ سنين ورا لاقيت ...