الاثنين، 29 يوليو 2013

ربنا يهديك يا محمود

الفتره اللى فاتت كل  ما فيها   من احداث

فى مصرنا
من قتل  ودم وتهديد ووعيد وتكفير

وثورة او انقلاب

عرفت  حاجه مهمه  جدا جدا

بغض  النظر  عن  التوجه السياسى
او  انا  بايد مين

انا  فرحان لحاجه مهمه
احكى  ومن غير  كسوف

ومش  هطول  لانى  عارف  محدش هيقرا

اولا انا  لا احب  الاخوان ولا  السلفيين  ولا  مرسى  ولا  اى  حد من  الشله دى

وعنى اصحاب سلفيين واخوان
نجتمع على  الحب  ما بيننا

هتكلم عن تجربى على  الفيس انا  ليا اخوات ليا اخوان متربيييين اخوان

وانا  متربى  معاهم  بس انا مش  اخوان راعى مشاعرهم  ومش
باجرحهم  وكنت باحهم فى  المقيدون علشان  احكى  من غير  ما اجرحهم
لانى  فعلا  كنت شايف  انهم
بيشوهوا  الاسلام من  وجهه نظرى
باسلوبهم
ومش  هدخل فى  قفاصيل علشان  محدش  هيقتنع
ولكنى بحترم رايهم
ومش بعلق  عندهم  علشان  محبش  استفز  حد
 وبدات  افتح الوول  علشان  اشرح وجهه نظرى
اجد من اخواتى  احبابى من تربيت  معهم  منذ الصغر
يشتمونننننننننننننى
بالرغم من انى نبهت عليهم  ان يتركونى  وشأنى
واعبر عن رايى  كما اريد
محدش ليه  حاجه عنى  واعبر  عنى باى  شكل
نبهت  عليهم الا يعلقوا  عندى  مره اخرى

اجد احدهم يدعوا  عليا  على  وولى  علشان انا ضد مرسى؟
طيب فين  العيش  والملح؟
فين الحب فى الله؟
فين التمس  للاخيك  عذرا؟
الاخ ده  حبيبى  واخى فى  الله متربى  معاه
والله متربى  معاه
ياعم يغور  مرسى  والسيسى
ويبقى  الموده تبقى  الموده والحب فى  الله
الوم عليك يا صدقى ان تفعل  ذالك
وفعلا انت  جرحتنى
 شايفنى  انى فى ضلال  مبين ادعولى بالهدايه
مش  بالدعاء عليا
ولا حول ولا قوة الا بالله
عرفت
ان لسه فيا الخير
كفايه انى  كنت بحافظ عليه
وهو
فعلا  ميعرفش  معنى  الاخوه والصداقه
وادعى له
ربنا يهديك
يا  محمود يا  مملوك

هناك 8 تعليقات:

شمس النهار يقول...

كل سنة وانت طيب وبخير وسعادة

غير معرف يقول...

انت صح وربنا يكملك بعقلك يارب ومتزعلش منهم فكما يقال عنهم دائما هم افراد مغيبين ومنساقين وان شاء الله ربنا سيجعل في قضاة رحمة ازاى ههههه الله اعلم ولكن اكيد في حل من عند الله ولاحول ولا قوة الا بالله
تحياتى

لــــ زهــــــراء ــــولا يقول...

اجد من اخواتى احبابى من تربيت معهم منذ الصغر
يشتمونننننننننننننى
بالرغم من انى نبهت عليهم ان يتركونى وشأنى
واعبر عن رايى كما اريد
محدش ليه حاجه عنى واعبر عنى باى شكل
................
للأسف نفس اللي حصلك حصلي انا ربعاوية ومع الشرعية وكنت كل ما اعبر عن وجهة نظري ورؤيتي ع الوول الاقي اقرب الاقربين داخلين فيا شمال بس هما اتعودوا بعد كدا لما ابتديت انزل بوستات ان محدش له دعوة برائي لانه بيعبر عني وعن وجهة نظري انا ومش شرط وجهة نظري تعجب غيري او تلقى منه تأييد وترحيب
هما هيتعودوا على اسلوبك بعد كدا يا محمود واللي يرد عليك بشتيمة نبهه بهدوء ان ها لا يليق واللي مش عاجبه يعبر عن وجهة نظره في الوول الخاص بيه


لولا

P A S H A يقول...

كل سنة وحضرتك طيب وبألف خير وصحة وسعادة ورضا وراحة بال وسلام وإن شاء الله يكون عام جديد سعيد عليك وعلى أسرتك الكريمة وتحقق فيه كل ما تتمنى
:)

أطيب تحياتي

محمود(باحث عن حب) يقول...

ماما شكس نهار التدوين كل سنه وحضرتك بخير وسعاده ويارب يبارك فى حضرتك ويجازيكى خير عنا يارب

محمود(باحث عن حب) يقول...

غير معرف
شرفتنى بزيارتك
ربنا يرحمنا برحمته ويحفظ مصرنا من كل شر

محمود(باحث عن حب) يقول...

اختى لولا
انتى عارفه الشد والجذب فى المراحل الاولى للاستقطاب والتقسيم والواحد كان تايهه حبه وكان الموضوع ادى الى ان حدثت الفتنه بغض النظر عن انتماء اى حد المفروض ان اى حد يعذر التانى ويدى له مساحه حريه انه يختار من غير ما ينتقده او يتهمه بنقصان عقل او فهم ضيق ودى اوصاف محترمه وحضرتك كنتى شايفه الاتهامات المتبادله بين الطرفين وحتى الان كرهنى فى اللى بيحصل وفى كل الناس وقلبى بيوجعنى اكتر على الامهات الثكلى من الطرفين بغض النظر مين الصح ومين الغلط اختلف ماشى بس لازم اعذر اللى قدامى ولازم احترم وجهه نظره وانه له وجهته اذا كانوا الصحابه اختلفوا واقتتلوا من نكون نحن من نكون نحن من نكون نحن انما يصل الامر الى الشتيمه والدعا والى التكفير والى المغالاه من الطرفين فعلا للاسف يا لولا تم حذفى من لعز الاصدقاء فى تسرع واضح وتعصب اعمى بدون عتاب او حتى ادب من بعضهم وفى الاخر بقى الحزن فى القلب من غير ما حد يعذر التانى بغض النظر عن مين الصح ومين الغلط لازم نراعى بعض وربنا يظهر الحق وفى النهايه يارب احقن دماء شبابنا اسف انى طولت واسف انى اتأخرت فى التعليق بس والله لسه فاتح المدونه صدفه ربنا يجبر بخاطرك ويبارك فيكى

محمود(باحث عن حب) يقول...

باشا
وحضرتك بخير وسعاده وحب وهنا ربنا يخليك ويبارك فيك