الجمعة، 28 ديسمبر 2012

خنقه

الخنقه صعبه  الدنيا وحشه

لما  الدموع  تتحبس 
وادور على صدر  اعيط فيه
ولا  حتى  مخ يفهمنى 
او  حتى قلب  يحتوينى 
والهم والغم  مالى  قلوب  الناس
 بحاول  اهرب  منى مش  عارف بحاول 
انى الاقينى  افهم  نفسى  مش  عارف
انا  عارف انى فيا حاجات  غلط كتير  قوى 
مش  تعد  ورايا 
انا عمرى  راح فى  حاجات  ملهاش  لازمه وكنت اظن  انى  ميه ميه 
اللى  حواليا ساعدونى  على  تدمير نفسى
الدنيا  متلغبطه انامش  زى الشباب  خالص 
الدنيا  متلغبطه خالص  نفسى  ارسم  الطريق  اللى  امشى  عليه
نفسى يكون صح 
عارف ان  الحاجات  اللى  اتمنعت  عنى  ممكن يكون
فى  المنع  خير\ بس الدنيا وحشه
محدش بيحب  حد ولا بيساعد حد
ولا  يمسح  دموع حد
سحقا للدنيا
وما فيها 

يارب  فرج  عنا  الخنقه 
يارب


هناك 4 تعليقات:

ياسمين يقول...

اللهم آمين,
إن شاء الله خير,لسة فيه خير بس احنا في لحظة الحنقة ,مش بنشوف الإ الخنقة ذات نفسها
بس لو هديننا ربنا هييسر الأمور وهنشوف الأمور مختلفة
ربنا معاك

حنين محمد يقول...

مساء الغاردينيا
الدنيا مش وحشة الناس الي بقت وحشه
بس لازم نبقى متفائلين انه في ناس بردو طيبة
وقلوبها بيضاء وروحها نقيه وبتحس بغيرها
اوعى تحس بخنقة واوعى تفقد الامل
وافتكر دايماً كل ظلام وراه نور
وكل طريق طويل لازم له نهاية "
؛؛
؛
ياااارب سنة حلوة ليك ولكل حبايبك"
لروحك عبق الغاردينيا
كانت هنا
Reemaas

richardCatheart يقول...

كل سنة وانت طيب ياحودة يارب سنة جديدة سعيدة عليك يارب

gogo!sf يقول...

حوده ازيك يا قمر وميرسيه على سؤالك يا جميل



عارف احلى حاجه فى شخصيتك ايه الصبر
لانك بتتحمل جدا كل اللى حواليك مهما حصل منهم

شوف يا محمود احنا لو عبنا على الدنيا يبقى مش نستاهل نعيش فيها
الناس هما اللى بقو هباب جدا ولا يطاق التعامل معهم وكمان الغلط فينا احنا لاننا مش بنحسن اختيارنا فى البشر اللى بنتعامل معاهم

ربنا يفرج همك اللهم امين يارب العالمين


السلام عليكم

 السلام عليكم  يا اهل التدوين معرفش هتفتكروني ولا... بس لاقيت ذكريات وكلام يوجع القلب سنين كتير مدخلتش هنا  وراجعت ذكريات ١٠ سنين ورا لاقيت ...