السبت، 24 نوفمبر، 2012

بلاص عسل وبلاص مش

بقابل  ناس فى  حياتى  كتير  

عباره عن  حبه  بلاليص

مره  الاقى  بلاص  عسل  

اخده منه  ومش بمل  منه ابدا  

ومره  الاقى  بلاص  مش  بدوده  

اه والله بدوده  ويكون من  زمن  فاااااااااات 

ساعات  بكون محتاج  المش  علشان  مش ينفع

اكل  عسل  على  طول  

بس  فى حاجه  كده  

فى  واحد  بيكون فاكر  نفسه بلاص  عسل  

ويديك فى  العسل لغايه  ما  يلازقك 

وهو  اصلا  بلاص  مشض  وهو مش  عارف  ودى  مصيبه 

مصيبه كبيره قوى قوى  

ويكون فاكر  نفسه  انه  خفيف  وظريف  

ودمه خفيف  وهو  دمه يقطع الخميره من البيت

حتى لو  فى  حد  عاتبه  
او  حتى  نبهه 

برضوا  مش بيفهم  بعيد عنك

وفى بلاص  بيكون  عامل  فيها انه  تقيل  وبيخاف  على مشاعر اللى حواليه  
مش بيحب  يتلقق على  اللى حواليه

كل  كلمه بحساب  لانه
خايف  على  اللى  حواليه 
ومش عاوز يجرح  حد 

ولا  عاوز يزعل  حد  منه 
وهو فى الاصل  عسل 

وعسل  سايح  منه  كمان  

بس  فى  مقلب  كبير 

ان فى  مواقف  لازم  تكون  بلاص  مش  
مملح  
وفى حالات  لازم  تكون بلاص 

عسل  نحل  مكرر

محدش  يقدر يكون  يمين على  طول
ولا شمال  على  طول 

ياريت  نحاول  نمسك العصايا  من النص 

لا  تكن لين فتعصر

ولا  تكن  صلب  فتكسر 

ويارب  يقنا شر  تلزيقه  بلاليص العسل

وملوحه بلاليص  المش

انت بقه
شايف  نفسك

بلاص  مش
ولا  بلاص  عسل؟


.......................

مدون نبض روحى  

‏هناك 4 تعليقات:

re7ab.sale7 يقول...

هههههههههههه
مش عارفة
انت شايفني اية ...؟

ريـــمـــاس يقول...

صباح الغاردينيا محمود
آممم بص أنا وحدة مش بحب أكتب حاجة مش فاهماها ههههههه انا جيت هنا أمبارح ويمكن اول وحدة قرأت البوست بتاعك يعني العسل وفهمته بس البلاص مافهمتوش بالنسبة لسؤالك الاخير ..أنت بلاص عسل ولا مش ؟ اممم مابحبش أتكلم عن نفسي أنا لازم اجيب لك صحابي يردو عليك :)"
؛؛
؛
لروحك عبق الغاردينيا
كانت هنا
reemaas

محمود(باحث عن حب) يقول...

ههههههههه
رحاب
كل المدونين
بلاليص
بس بلاليص عثل

محمود(باحث عن حب) يقول...

ريماس
البلاص هو كده زى برطمان بس بيكون فخار فى الصعيد والفلاحين بيسموه بلاص
وبيكون فيه العسل او الجبنه المملحه
منورانى
ههههههههههههههههههههه
بس فعلا فى ناس الواحد بيحتار فى تصنيفها
منورانى