الجمعة، 2 ديسمبر 2011

تخاريف حصان مكسور

السلام  عليكم 

مصرنا  فيها  حبه  امل 

حبه  امل نقدر  نعيش  عليها  

جاى  النهارده اخرف  فى  مكانى  المفضل  

اللى مش  حد يضايقنى فيه ولا  يزاحمنى فيه 

تعالوا  معايا  

الى  حبه امل  وتفائل  

ونبص على باقى  حبه  الميه  الباقيين فى  الكوبايه  صحيح
ان  الكوبايه  اتكسرت 

المهم  باقى  قطرات  الحب  اللى  باقيين  جواه  الكوبايه
_____________________

الايام  دول  حبه فوق  وحبه  تحت  
ومعلش  لو  وقعت  على بوزك النهارده  اكيد  هتقف  بكره فقط  تمسك  بالامل 
ياريت بس  مش  تكون  حصان  مكسور  تخيل  ان ليك
جناحات  تطوف  بيها  الكون
تشوف  عظمه  الخالق 
وتشم ريحه الجنون
 المهم انك تحاول  
انك  تكون  مجنون
مجنون بفكرتك 
وانك  ليك  وجود
العبره  فى  الامل  
______________________________________
ليه  مش  نرجع  حماسه  زمان 
غيره 
زمان 
المفقوده اللى ضايعه
تحت  الباب  المقفوله 
ورا  الدوليب  اللى  
عشعش  فوقيها  العناكب 
والتراب

ليه مش  ننفض  التراب 

ونرجع  زمان 

بس  نعمل  كوكتيل  

حماسه  وامل  
وحلم
 نحاول  نحققه
فاكرين لما كنا  بنحاول  نحوش  علشان
نشترى  لعبه  او  قصه 
او  مجله  ميكى  

اوة حتى  نشترى  هديه  بالرغم من مصروفنا  الصغير
وعمرنا 
ما  كنا  نكمل  تمن اللى  عاوزينه بس  كان عندنا
 امل  علشان  نوصل  نوصل  للى  احنا  عاوزينه 
______________________
يا  زمن  ضاع من بين ادينا 
امتى  
وفين
نشترى  زيك
________________
تخايف  محمود

هناك 7 تعليقات:

ليلى الصباحى.. lolocat يقول...

السلام عليكم

ليه مش ننفض التراب
ونرجع زمان
بس نعمل كوكتيل
حماسه وامل وحلم نحاول نحققه

لو عملنا كده فعلا نبقى عدينا لبر المستقبل اللى بنحلم به

ممكن نعمل كوكتيل اصالة زمان واشراقة المستقبل وان شاء الله نعدى بر الحرية الكاملة

تحياتى لك اخى الكريم وتقديرى

غير معرف يقول...

حالة حلوه
اكتئاب ............. امل
احلام متاخره.......... طموح
الحصان مش مكسور لحظات و يرجع تانى بعافيته محتاج حافز "قطعة سكر"
تسلم :)

مقتطفات فتاة يقول...

مدونه رائعه بانتظار جديدك بوركت يمناك :)

المؤمنة بالله يقول...

لو وقعت على بوزك انهارده اكيد هتقف بكره بعد كل سقوط نجاح والحلم هيجيله يوم ويبقى حقيقه وكلامك جميل جدا بس لليسمع ويتمسك بامله وميدفنوش فى التراب ويقول كان حلم بس يا خسارة وده العادة

المؤمنه بالله يقول...

لو وقعت على بوزك انهارده اكيد هتقف بكره كلام جميل جدا بس لليسمع ويتمسك بحلمه وميدفنوش فىالتراب ويقول كان حلم وراح الامل موجود لليتمسك بيه ويحارب الدنياعشانه

لــــ زهــــــراء ــــولا يقول...

والتراب

ليه مش ننفض التراب

ونرجع زمان

بس نعمل كوكتيل

حماسه وامل
وحلم
نحاول نحققه
فاكرين لما كنا بنحاول نحوش علشان
نشترى لعبه او قصه
او مجله ميكى

اوة حتى نشترى هديه بالرغم من مصروفنا الصغير
وعمرنا
>>>>>>>>>>>>>>>>>>>>>>>>>>>>>>>
ساعات بعملها وبشتري مجلة ماجد واكل بسكوت وشكولاتات واللعبكوتشينة

صورة مسلسل هند والدكتور نعمان جميلة بحب المسلسل ده

اين جديدكم يا محمود
لولا

باحث عن حب يقول...

وحشتونى
اول تعليق ليا
فى المدونه
من فتره
طويله
جدا
مش
عارف
والله نفسى اتسدت عن كل حاجه
المدونه كانت بيتى
وهجرتها
مش
عارف
ليه
كنت
بكون فى انتظار تعليق او حتى اشتراك حد جديد فى المدونه
تلوقتى مش عارف
ممكن يكون خمول
مش عارف
انا مش راضى عن نفسى عن اهمالى لبيتى الصغير
اللى كل صوره وكل حرف وكل خط
حاطه فى المدونه دى حتى القالب وتعبى ان الاقى قالب حلو واجتهادى فى ان انظم وارتب
معنديش حماسه زمان زعلان منى انى مقصر فى حق مدونتى بجد
مش عارف ليه
يمكن الزمن اتغير
ولا العيب فيا
مش عارف
شكرا لكل من دخل وعلق واشترك وشارك
شكرا ليكوا كلكوا
واسف لو فى يوم اتأخرت عنكوا فى دخلولى عندكوا او اشتركى معاكوا او رد عليكوا مش انشغال
بصراحه
بس كسره نفس
وتعب والم
نسال الله العفوا والعافيه

السلام عليكم

 السلام عليكم  يا اهل التدوين معرفش هتفتكروني ولا... بس لاقيت ذكريات وكلام يوجع القلب سنين كتير مدخلتش هنا  وراجعت ذكريات ١٠ سنين ورا لاقيت ...