الاثنين، 20 يونيو، 2011

ايه اخره الداخليه معاناا يا ولاد ال........................


انتهاكات وزارة الداخلية بعد الثورة ضد مصابين الثورة
من وليد السيد في 19 يونيو، 2011، الساعة 08:19 مساءً

الاسم / محمد مجدى

طالب بكلية الأداب الفرقة الثالثة

التهمة / أنى من مصابى الثورة حيث فقدت عينى فى أحداث ثورة 25 يناير


كنت أسير فى منطقة فيصل شارع العشرين يوم الثلاثاء الموافق 15/6/2011 حيث كنت راكبا توكتوك وفجأة استوقف التوكتوك رجال المباحث وانزلونى من التوكتوك وشدونى من الحزام فأعتقدت أن الموضوع به لبس فقولت للظابط بالراحة هوا فيه ايه فقام ضاربنى فى صدرى وقالى انت ايه الى معورك فى عينك ياروح امك فقولتله انا من مصابين الثورة فقالى ( أنت مصاب ثورة ياحيلة أمك تعالى على جنب) فبقوله حضرتك عيب كدا ممكن تعاملنى بأسلوب محترم أو تاخدنى القسم بس من غير ما تقل أدبك عليا فقالى ما انا كدا كدا هاخدك ياروح أمك انتى متصاب فين فقولتله فى التحرير فقالى تحرير جاتكو 60نيلة مش التحرير دا الى( كنتو بتنطو على بعض فيه ياولاد الوسخة ) واخدنى القسم وهوا بيركبنى العربية قالى على فكرة أنا اسمى( ملازم أول محمد نجيب) علشان لو عاوز تشتكينى واخدنى على القسم وهناك الظابط بيسألنى انت عملت ايه فقولتله ما عملتش حاجة فقام الملازم وقفنى على جنب واتكلم مع الظابط وقام عاملى محضر ( سب وقذف وتعدى على السلطات) ودخلنى الحجز وقالى( ادخل بقى ياروح امك اتظبط جوا دا انتو عيال سيس لو طلع عليكو بلطجى هيقلبكو انا عارف العيال الى جاتلكو التحرير دى ما عرفتش تقلبكو ليه ياولاد الوسخة يالى كنتو بتنطو على بعض فى التحرير) ووانا اول مرة فى حياتى أدخل قسم شرطة ودخلنى الحجز وكنت خايف من الى جوا بصراحة وكنت منهار فالناس جوا شافونى بصراحة صعبت عليهم واتعاملو معايا كويس فى الحجز وبعد كدا عرضونى على النيابة فوكيل النيابة من قبل ما اتكلم ( قالى انا عارف انك ما عملتش حاجة لانك شكلك محترم جدا وابن ناس بس هما راجعين مكسورين وانا مش هقدر اعملك اى حاجة غير انى اخلى سبيلك على ذمة القضية) فخرجت من النيابة روحت على مديرية أمن الجيزة لللواء/ محمد كمال الدالى مدير الادارة العامة لمباحث الجيزة وحكتله الى حصل فقالى تلاقيك رديتعليه يامحمد فقولتله انا لو رديت عليه مش هاجى لحضرتك فقالى عموما انا هشوف الموضوع وابقى ارد عليك ومن يومها ولا عمل حاجة فدا إلى خلانى اروح اقدم بلاغ للنائب العام .

اقسم بالله انا ما بدور على حقى انا بس انا بدور على حق كل مصرى حصله وهيجصله كدا زىي احنا عاوزين معاملة أدمية محترمة مش أكتر من كدا



الظابط اسمه : ملازم أول / محمد نجيب

قسم شرطة بولاق الدكرور


وأعتذر عن الكلام المسئ الموجود ولكن هذه هيا الحقيقة ولابد من نقلها كاملة

وأعلنت حركة شباب من أجل العدالة والحرية تضامنها مع الطالب محمد مجدى

للإستعلام عن أى تفاصيل بالقضية

waled.azeem1@gmail.com


هناك تعليقان (2):

أم هريرة.. lolocat يقول...

السلام عليكم

ده اسمه قلة ادب الداخلية

لسه فاكرين نفسهم الايد القذرة للنظام المخلوع الفاسد

حسبنا الله ونعم الوكيل

لكن مافى حق يضيع طول ماصاحبه يطالب به

واللى يفرط فى كرامته هو اللى يتهان مش لازم ابدا نفرط فى كرامتنا اكتر من كده ربنا ينتقم منهم

شكرا لك اخى على النقل الطيب والاهتمام بالموضوع
تحياتى لك

mrmr يقول...

ازيك يا حوده
يارب تكون الامتحانات بتمر بخير ويسر

فى بشر كتير ذى حلاتى غلابه لا يملكون غير الدعاء ان ربنا يمر ببلادنا هذه الفتره على خير وسلام ويكتب لمصر الهدوء والاستقرار