السبت، 16 أبريل 2011

من فضلك ممكن تثق بى

صعب  ان الانسان 
يلاقى اللى  يؤمن بيه 


يؤمن بفكره 

يؤمن بقلبه

يؤمن بقدراته

اديله فرصه

ممكن ينجح


من غير  ما يكسر  مجاديفه 

من غير  ما  يكره  فى  حياته

هدف  اى انسان فينا  وامله  فى  حياته  

وانه يكمل فى الحياه  

انه يلاقى  اللى  

يعترف بيه 

انه عقل  وقلب  مستقل  

من غير  وصايه  من حد 



من غير  ما حد  يقوله  مش  هتوصل 


مش  هتنجح 

انت فاشل   فاشل 

كل  ما  تدخل  موضوع لازم يبوظ

انت نحس

وشك  نحس ليه  تكسير  المجاديف

لربما  كلمه  او ابتسامه 

تخلي الانسان ده بنى ادام تانى 


نظره او كلمه تشد من ازره 

حتى وان  كانت كذب

على  الاقل يؤمن بنفسه

دى  خاطره  زمان  كتبتها

فى  مرحله حرجه فى  حياتى 

اللى  عنده

وقت يقرأها

هناك 23 تعليقًا:

رحاب صالح يقول...

السلام عليكم
اخي محمود
عارفة الشعور ده وجربته قبل كدة كتييير
بس الحمد لله اني قدرت اثبت للي قالولي الكلام ده واحبطوني اني بمشيئة ربنا وصلت لما أحب وساصل بإذنه أيضا للأفضل
يبقي فقط أن تثق بنفسك وتثق ف الله
ولا تلتفت لأحد غير الله
اعرف انه شعور صعب ولكن صدقني ما دمت تسأل الله فلن ينفعك غيره

كلمات من نور يقول...

فترة زمنية صعبة قوي يا شهاب كلها مناشدة لمن حولك أن يدعموك بدلا من أن يحطموك ......يارب تكون تخطيتها و عرفت مين اللي بيأيدك ويدفعك للأمام ومين اللي بيرجعك للخلف ...تحياتي يا بني

Casper يقول...

جميلة الخاطرة يا محمود

للاسف نحن نعاني من وجود مثل هؤلاء الاشخاص في حياتنا وظيفتهم ما هي إلا تثبيط عزائم البشر لكن في ظل وجود إرادة قوية وإيمان فلن ينجحوا

_________

خالص تقديري
Casper

faroukfahmy يقول...

باحث عن حب
الاحباط اسوأ مافى الحياة
وقال حافظ ابراهيم
امشى واحمل بائسين فطارق
باب الحياة ومؤذن بزوال
ابكيهما وكأنما انا ثالث
لهما من الاشفاق والاعـــوال

موجة يقول...

والله ممكن برضو
جايز جدا
بس اهم حاجة ان الانسان يلاقى الحاجة اللى يؤمن بيها سواء عقلة او قلبة او اى قدرة ربنا منحهاله

بس كلمة فاشل اللى فى البوست دى ضحكتنى
اصلها فكرتنى برسالة كانت مبعوتالى بيتقال فيها
انا فاشل
وهفشلك معايا
هههههههههههههههه
منتهى الضعف والا مبالاه

تحياتى لبوست هايل

همسات وبحــ الحياه ــر يقول...

محموووود ازيك ^_^
جميله جدا الخاطره
الاحباط محطة فى قطر الحياه لازم نمر بيها كلنا
لكن اهم حاجة هل هنثبت ولا
ربنا يسعد اوقاتك
تحياااااااتى

ツSmiLeY AnGeLツ يقول...

مش نحس انت
بس اختيار يمك يكون مش في محلة
الحياة كلها تجارب
وانت اكيد جربت يعني مالقيت الي انت عايزة خلاص فاشل
لا
لازم تثبت وتتعلم من خطئك
من يوم ماتعرفت على مدونتك حسيت بكلامك شخصية طيبة ومحترمة
لااعتقد انك فاشل
فلا تياس من اي شي اخترته وطلع مش زي ماانت توقعت
فلا تيأس
اكيد في يوم بتلاقي الي انت عايزه
والي بيخليك قدوته
ربنا يوفقك يامحمود
ولا تخلي كلمة فاشل دي ولا يأس في قاموس حياتك
الحياة تجارب في منها ينجح وفي منها يفشل
وكثير تفشل بس نتعمل من فشلنا
صح ولا انا غلطانه
ربنا يثبتك ويبعد عنك كل حزن وكل هم وغم
ويسعدك على طول وتنال مانتك
تقبل مروري ^_^
واعذرني على كلامي الطويل منا بالعة ردايوا.

ليلى الصباحى.. lolocat يقول...

السلام عليكم

فى الغرب الذى بنى تقدمه على اصول ماضينا نجد تعامل الكبار مع الطفل فى أول نشأته تقوم على شىء من الثقة والاحترام ... والتعامل بأسلوب يبعث على التفاؤل والاعتماد على النفس

لكننا نسينا ان هذه الاصول من ديننا الحنيف ومن اداب الاسلام وتعاليم كل الانبياء

لازلنا نبحث عن الاحباط والاكتئاب... ونتمسك بأساليب شرسة فى التعامل والتربية لحد ما كبر اغلبنا وهو اكبر احساس بيسيطر عليه هو الخوف ... اما من العتاب او الاحباط او عدم الاهتمام او الخطأ المهم انه فى النهاية يحمل عنوان الخوف

من اجمل الاحاسيس اللى بيحملها الانسان داخلة الثقة بنفسه مش مهم رأى الاخرين مادمت ابحث عن حياتى بشكل مشروع ويرضى عنه الله ... فارضاء الناس صعب جدا

اشكرك اخى العزيز
دمت بكل خير

ليلى الصباحى.. lolocat يقول...

السلام عليكم

فى الغرب الذى بنى تقدمه على اصول ماضينا نجد تعامل الكبار مع الطفل فى أول نشأته تقوم على شىء من الثقة والاحترام ... والتعامل بأسلوب يبعث على التفاؤل والاعتماد على النفس

لكننا نسينا ان هذه الاصول من ديننا الحنيف ومن اداب الاسلام وتعاليم كل الانبياء

لازلنا نبحث عن الاحباط والاكتئاب... ونتمسك بأساليب شرسة فى التعامل والتربية لحد ما كبر اغلبنا وهو اكبر احساس بيسيطر عليه هو الخوف ... اما من العتاب او الاحباط او عدم الاهتمام او الخطأ المهم انه فى النهاية يحمل عنوان الخوف

من اجمل الاحاسيس اللى بيحملها الانسان داخلة الثقة بنفسه مش مهم رأى الاخرين مادمت ابحث عن حياتى بشكل مشروع ويرضى عنه الله ... فارضاء الناس صعب جدا

اشكرك اخى العزيز
دمت بكل خير

أخبار مصر لحظة بلحظة يقول...

أول مرة أزور مدونتك القيمة .. تهنئتي لك على المجهود المبذول والرائع..\

Unknown يقول...

لا تنسى ان الفراغون هم الاكثر ضجيجا ..
والمثبطون .. واعداء النجاح ..
حولنا في كل مكان ..
تقبل تحياتي ..

لــــ زهــــــراء ــــولا يقول...

جمييييييلة تلك الفكرة الرائعة ... فالانسان الذي ينشد التغيير لا تحتاج الى ان تعطية فرصة.. مجرد فرصة

لولا

شمس النهار يقول...

ماحدش بيدي فرصة لحد
الانسان لازم يعمل فرصته بنفسه

ويكون واثق في الله فاهيثق في نفسه

كلماتك قوية

Unknown يقول...

من يوم ما اتولدت تقريبا وانا حاسه اللى انت بتقولو ده انا تقريبا مكتوبلى الكلام ده

عبد الرؤوف بن عبدالسلام (أبوهارون) يقول...

وجود مثل هؤلاء الاشخاص في المجتمعات العربية هم برشا لكن المصيبة اننا نعرفهم السؤال كيف التصرف الصحيح معهم
رؤوف

sweet angel يقول...

السلام عليكم

كلامك جاي ع الجرح يا استاذ محمود

تقريبا دي صفه في ناس كتير

تكسير المجاديف بطريقه عجيبه

هضيف على كلام حضرتك حاجه بسيطه بعد اذنك

حضرتك بتتكلم على تكسير المجاديف قبل الفعل يعني مش هتنجح مش هتقدر وكده

فما بالك بقى بتكسيرها بعد الفعل

وعن تجربه هقول لحضرتك حاجه

أنا بعد تالته ثانوي والنتيجه جه عليا فتره بعدت جدا عن ربنا وبطلت اصلي واحفظ قران تقريبا وطبعا كنت باخد كلام كتير

لما الفتره دي عدت ورجعت لصوابي كان كل الي يشوفني ماسكه مصحف يقولي من امتى ؟؟
ماحدش كان يشوفك من شهر

وعلى كده

هو ده الي يوجع ويضايق اكتر

ربنا يرحمنا
تحياتي

sony2000 يقول...

ماتنساش بردو

ان كان في ثوار

فوقت
الدنيا كلهم بتتغط عليهم
اعلام واهل وناس كتير
علي مجموعه

بس الاهم

انهم أمنوا بالله وأمنوا بنفسهم

وربنا سبحانه وتعالي نصرهم

ثق فربنا وفنفسك
وهتنجح مهما قالوا

أحمد الصعيدي يقول...

أهازيج العزيمة تحتمل كل شئ وعلي الشخص ذاته أن يحمل ما يرضيه وأن يعرف أن العمل بأسباب النجاح أحد شروط التحقيق أما عن الاحباط فهو وليد تراكم السلبيات

أسعدك الله ممود

غير معرف يقول...

السلام عليكم ورحمه الله وبركاته
كلفنى الاستاذ بيرم المصرى بارسال هذه التحيه لجميع الاصدقاء وذلك لتعذر قيامه بها بشخصه
(اجمل التهانى واطيب الامانى للجميع بمناسبه عيد القيامه المجيد وشم النسيم)

ورد الغصون...

نيابه عن بيرم المصرى صاحب مدونه كرباج سودانى

♥نبع الغرام♥♪≈ يقول...

^_^

بجد كلماتك رائعه

وجميله
خليك بس واثق من نفسك
وربنا معاااااااااك

دمت بكل الخير

ندا منير يقول...

تحس ان فى ناس موجودة فى حياتنا عشان تحبطك وناس تانية عشان تدفعك لقدام ودايما تقف جمبك وتخليك على طول ناجح

بس المهم نعرف كويس نختارهم من البدابة
ومنسمحش لاى حد ياثر سلبى علينا

وبالنسبة للاطفال فدور الاب والام بيكون هو الاساسى وميسمحوش لاى حد يدخل فى حياتهم

Prince-Palestine يقول...

قمة الإحساااااااااااس


تحياتي لقلمك الراقي

شريف صابر يقول...

هاى شهاب
بوست رائع
يارب يجعل ايامك فرح وسعاده
تحياتى ليك

السلام عليكم

 السلام عليكم  يا اهل التدوين معرفش هتفتكروني ولا... بس لاقيت ذكريات وكلام يوجع القلب سنين كتير مدخلتش هنا  وراجعت ذكريات ١٠ سنين ورا لاقيت ...