الجمعة، 4 مارس 2011

امن الدوله الرعب المسيطر على قلوب الشباب وفتنه حرق الكنيسه فى اطفيح

السلام عليكم  
احب  اسجل  النهارده  

فرحتى  بالثوره   النهارده بس  انا فرحان  

صحيح انا فرحت  من  اول  ما  مشى  مبارك 
وفرحت بابنائنا  واخواننا   بالثوره  
وتكلمت عن ذالك  والفيس  وكله  
بس  النهارده اسجل  انى  النهارده انا
مش  خايف   
مش  هخاف  

تانى  انا  مش  هخاف  تانى  انا  مصرى  ارفع رأسى  واقول  انا  مصرى  

انا فخور  انى  مصرى  

انا  فرحان النهارده انى  مصرى 


ذالك المبنى  المكون  من سبعه ابواب  

غريب  الشكل  
يوقع فى القلب  الرهبه  من بشاعه ما  نسمعه 
خصوصا  نحن الازهرييون  

علشان  مبنى  الجامعه والمدينه الجامعيه 

امام  المبنى  ده محدش  كان يقدر  يمشى  تحته  ولو  مشينا  قدامه نمشى بادب  خوف  ورعب  من اللى بنسمعه  

نسأل  عن فلان   نعرف  انه  اتاخد على  امن الدوله  ومنسمعش  عنه  حاجه تانى  خالص  
خصوصا  اللى بيدخل  فى  المبنى  ده  

خوف  ورعب  وترقب  انا  ساكن فى الحى  السادس  قرب  المبنى  ده  من بعيد شويه  كان فى  
خطيب  مسجد  مجتهد  كان فى  الفرقه السادسه  طب  بشرى  كان
سلفى  
وكنا نلتف  حوله  كان يتكلم فى الدين  مسجد المدينه كان بيتملى  على  الاخر
 وكنا  نصلى  فى  الشارع  علشان  نسمع خطبه  وفجاه  نسمع انه
اتاخد من  قدام 
بوابه المدينه الجامعيه 

ليه  كده  ليه  الواحد كان بيخاف  انه ينزل  بالليل  

من الرعب  اللى بنسمعه  حسبنا  الله  ونعم الوكيل  
اللى شوفته من  االلى بيحصل فى  امن الدوله  

فى السكندريه على  الفيس
 انا فرحت تلوقتى  فرحان  خالص  خالص
خالص
تحيا
مصر  حره  تعيش  مصر  حره 

من  تلوقتى  مفيش  امن دوله  احنا  امن الدوله

شوفوا  الرابط ده  لو  عنده  وقت

_________________________________

دى بقه الحركات القرعه   انهم يحرقوا  كنيسه ويولعوا  فى بيوت الاقباط 
علشان  فتنه طائفيه  هو  كده 

علشان  محدش  يعمل  حاجه  ويولعوا  

فى  المسندات 

الاقباط  عارفين  وفاهمين  واحنا  كمان  واقفين  يد  واحده ضدهم  
مصر  هتكون  ايد واحده

هناك 11 تعليقًا:

شمس النهار يقول...

كل ليل وله نهار

ومصر الحمد لله نهارها طلع وربنا بعظمته مش هيسيبوا يغيب

ربنا يحميكي يامصر

من كل بستان زهرة يقول...

أرفع رأسك أنت مصري

خلاااااااااص
مفيش مهانه تاني
مفيش خوف تاني
مفيش ظلم وقهر تاني
مفيش حد هيتاخد من بيته تاني
علشان بيقول ربي الله
او بس حاول انه يتكلم عن رئيس مصر
البلد رجعت لأهلها
مبروووووووووووووك لينا كلنا

cry angel يقول...

امممممممممممم ما عرف كيف ارد عليك
انا مع وضو ما صار في مصر
اعتقد انه ما صار في مصر شي جيد ولكنه سوف يقلب على الشعب بشكل معاكس

كما ان من سوف ياتي من جديد جائع ويريد ان يشبع

كما ان المشكله الوحيده في الحكومه السابقه عدم الشفافيه والقدره على انهاء الفساد اوظيفي

اخي لو احببت ان نعمل تبادل اعلاني في ما بيننا ارجى التعليق في هذا الموضوع وشكرا لك
http://sunforsun.blogspot.com/2009/11/blog-post_11.html

فاروق سحير ( فاروق بن النيل ) يقول...

محمود( باحث عن حب ..........)...
كنا جميعا عندما نمر على مبنى أم الدولة الرئيس فى حائق القبة أمام سور القصر الجمهورى كأننا أمام قصر ملك من الملوك أو سلاطين زمان وكنت أتذكر فقط لحظتها رأفت الهجان لاأدرى السبب فى ذلك ربما لأنى كنت متفائلا زيادة عن اللزوم وكنت أتمنى رجوع الحياة الوطنية الأصيلة لمصر كما كانت دون ظلم أو قهر أو فساد أو تعذيب هكذا كان حلمى كمصرى لمصر العظيمة والحمد لله أننى عشت حتى تحقق ماتمنيته لأولادى وسوف تعود مصر أقوى مما كانت بل ستكون إن شاء الله من الدول العظمى خلال عشر سنوات إن شاء الله
شكرا صديقى ( على فكره شوفت المبنى اللى قولت عليه مرة واحدة بالسيارة وأنا أقودها ذاهبا للمقابر للعزاء وقالوا لى إنه لأمن الدولة وأعتقد أنه كان مهجورا لم يكن به عمل هكذا كان تصورى )

فاروق سحير ( فاروق بن النيل ) يقول...

محمود( باحث عن حب ..........)...
كنا جميعا عندما نمر على مبنى أم الدولة الرئيس فى حائق القبة أمام سور القصر الجمهورى كأننا أمام قصر ملك من الملوك أو سلاطين زمان وكنت أتذكر فقط لحظتها رأفت الهجان لاأدرى السبب فى ذلك ربما لأنى كنت متفائلا زيادة عن اللزوم وكنت أتمنى رجوع الحياة الوطنية الأصيلة لمصر كما كانت دون ظلم أو قهر أو فساد أو تعذيب هكذا كان حلمى كمصرى لمصر العظيمة والحمد لله أننى عشت حتى تحقق ماتمنيته لأولادى وسوف تعود مصر أقوى مما كانت بل ستكون إن شاء الله من الدول العظمى خلال عشر سنوات إن شاء الله
شكرا صديقى ( على فكره شوفت المبنى اللى قولت عليه مرة واحدة بالسيارة وأنا أقودها ذاهبا للمقابر للعزاء وقالوا لى إنه لأمن الدولة وأعتقد أنه كان مهجورا لم يكن به عمل هكذا كان تصورى )

شمس النهار يقول...

محود احنا نازلين م نصر

علشان امن الدولة تعالي معانا

فرصتك تشترك وترجم فرحتك لفعل

مستنيينك هناك

:)

sony2000 يقول...

ويفضل الهتاف
ارفع راسك فوووق
انتا مصري:)

mrmr يقول...

ربنا يهدى الحال
ونقوووووووووق بقى علشان يعم الامان

Khld Y07 يقول...

ربنا يتمها على خير

لسه الجاي أصعب

♥نبع الغرام♥♪≈ يقول...

ربنا يحمى مصر


مصر فوق الجميع


كلماتك

رائعة اخى

كلمات من نور يقول...

مش دايما مهما طال الليل بييجي علينا فجر؟؟؟؟؟؟؟؟؟؟؟؟؟ تنسم يا محمود نسائم فجر الحرية وقل يارب

السلام عليكم

 السلام عليكم  يا اهل التدوين معرفش هتفتكروني ولا... بس لاقيت ذكريات وكلام يوجع القلب سنين كتير مدخلتش هنا  وراجعت ذكريات ١٠ سنين ورا لاقيت ...