الأحد، 26 ديسمبر 2010

العزه فى حرب غزه

السلام عليكم
انا معتصم  ولا ادون
واجاهد نفسى على عدم الدخول الى الشبكه العنكوتيه
للمذاكره
واسف علىسوء المتابعه
ولكن تلك  ذكرى  غزه
_____________
السلام عليكم

واجب تدوينى
دعت اليه الاخت رحاب روراز
فى مدونه فتافيت

عن التدين لذكرى حرب اسرائيل  ومجزرتها
لغزة

ونحن مكتووفوا الايدى  امام اعيننا وكأن  تربطنا بهم  لا دين ولا لغه ولا حدود

ولا  نملك الا ان نشجب او نندد او  نكتأب
او نصمد
فموضوع العصا والجزرة
الجزرة المعونه والعصا الاحتلال
ولا حول ولا قوة الا بالله

فى ذكرى غزه

مصر توقع  اتفاقيه غاز جديده مع  اسرائيل
علشان المجزه اللى جايه تكون شغاله وميه ميه  بمعنى 
سامح فهمى اللى صاحب الصفقه  واللى نجح فى دايره مدينه نصر 
ووزير وكده كأنه لا يسمع ولا يدرى ما حدث فى غزة
ولا المظاهره  اللى  حصلت وسب سيدنا محمد  صلى الله عليه وسلم
فى اسرائيل والدعوه  الى حرق العرب
يا جماعه 
دول  مش بيحبونا نتمسح فيهم ليه
سيبك  وموضوع التجسس والشبكه  والفخ الهندى
والكلام اللى احنا لسه بنقرأه  على اليوم السابع  موقع وجريده واللى فى الصحف الحكوميه
وغيرها
ليه احنا نطبع علاقات  معاها وهى بتحاربنا حتى فى شويه الميه اللى بنشربها
وهى اللى قطعت الكابلات  عننا
يا جماعه يا جماعه
نعمل ايه  حسبنا الله ونعم الوكيل
مش هتكلم عن الحزب بتاعنا ولا عن اللى الكلام اللى شايفه   عايش فىلا وادى واحنا فى وادى وكانه الحزب ده مكانش فى مصر  وبيتكلم عز باشا عن شعب تانى غير مصر
ولا الشريف ولا الكبير اللى بيقول مكانش فى تزوير ودى
انزه انتخابات  شاهدتها مصر
انا صعقت لماسمعتها والله اتشليت شلل نصفى رباعى
وكل الناس سقطت   والفيديوهات  والشواهد والرصد الميدانى  والتقفيل  اللجان
مش عارف حسبنا الله ونعم الوكيل
فى ذكرى غزه

مولد ابو  حصيره
مين ابو حصيره  مش عارف  والله  شيخ ولا  خاخام ولا ايه بالضبط طيب ياخدوه
مش عاوزينه  يدفنوه فى الغابات اللى اتحرقت هناك
يعنى لازم يكرهوا الناس فى بلدهم
ورغم الاحكام القضائيه اللى تلزم الحكومه  بعدم اقامه المولد
الحكومه  الحاجه  اللى الشعب
بيتفرس منها لآ تعملها  وخلى الشعب يخبط  راس امه فى الحيط
سيبك من الكلام ده كله  وان القريه هتكون
ثكنه عسكريه
سمعت عن موضوع  الشاب السورى اللى اتمسك واتهموه انه  كاان
هيفجر السفاره
الاسرائليه  فى حديقه الحيوان  فى الجيزه
سمعت من   رولا خرسا  على الحياه اتنين
ان قال ايه   اللى ساكنين حوالين  السفاره  محدش يقدر يزورهم من الاقارب ولا الاصدقاء
بشاره  ابن مالك  بالجيزه
طيب دول
خايفين من الناس كلها
وعاوزين مسمار جحا
فى كل مكان
معملوش قاعده عسكريه فى مصر
لآ السفاره 
قاعده صغيره 
طيب
ليه كده بس
مسمار جحا
يا جماعه
الحكومه مطبعه 
وغصب عنها طيب ليه
احنا نكتفى ذاتيا ومش عاوزين حاجه منهم 
عاوزين راجل ابن حلال  كده 
يعلم الشعب الصح
زراعه وصناعه
مش  كليبات  ودش وفيجا وحشيش
العيب فينا  مش فى الحكومه
ولا العيب فى مين بس
 فى ذكرى  غزه

اخشى ما اخشاه

واشد ما اخشاه
ان يلحق العار بنا اكثر ما هو يلاحقنا

من كون المسجد الاقصى  وهدمه 
فى جيلنا  وفى وقتنا
نحن نعيب عن السابقين صمتهم
فيما حدث ويحدث  اولادنا
سوف
يلعنوننا ان سكتنا واتهدم المسجد
فى زماننا
ولم نح رر المسجد من بين ايديهم
اين المفر
اين المفر
فى ذكرى غزه
عذرا 
غزه
عذرا  كل  بلد  مسلم
محتل  ومضطهد
اسف  وعذرا
لا املك فى يدى الا الدعاء
لم يعلموننا  الغيره على ديننا
لم يعلموننا ان نغار على بناتنا
بعدما اصبحنا   لا نفقه شىء
حسبنا الله ونعم الوكيل



هناك 13 تعليقًا:

richardCatheart يقول...

ربنا معاك يا محمود يارب ويجعل تعبك بفايده ان شاء الله ونسمع عنك كل خير

جميل بوستك فى ذكرى غزه ربنا يجعله فى ميزانك ويفرحنا بأعززها

شمس النهار يقول...

يارب تكون بخير والامتحانات عال العال

:)

ماالحمد لله انهم لغوا هذا المولد المزعوم

غزة مين هينساها مش هنقدر حتي لو حبينا

ツSmiLeY AnGeLツ يقول...

السلام عليكم
حسبنا الله ونعم الوكيل
اليوم هيكل سليمان بكره المسجد الاقصى
طيب ونحن في يدنا ايه غير الدعاء
ماربوا فينا حب الجهاد والغيرة على المسجد الاقصى
يمهل ولايهمل
ربنا مع شعب فلسطين وكل يوم ندعي لهم انهم يتحرروا من شعب مستبد خونا
لاحولا ولاقوة الا بالله
جزاك الله على الموضوع الجميل
تقبل مروري
سلامي ليك اخي محمود

باحث عن حب يقول...

شمس النهار اقراى اليوم السابع 171سائح اسرائيلى جاء للأحتفال والقريه اللى فيها ابو حصيره اصبحت ثكنه عسكريه شوفى اليوم السابع رغم ان الحكم بعدم الاحتفال بالمولد المزعوم حسبنا الله ونعم الوكيل

فاروق سحير ( فاروق بن النيل ) يقول...

أستاذ محمود (باحث عن جب
نحن مع حكومة كاذبة جبانى بتخاف من أمريكا وبتطبق أجندتها النخاذلية فلا تستغرب أن نمد إسرائل بالغاز إذا كنا قفلنا الحدود فى رفح مع غزة أثناء هجوم
إسرائل على غزة حتى نمكتهم من قتلهم..
ولاد الخونة اللى اللى كانت غزة أصلا قطاع تبع مصر قبل حرب 1967 وهزيمة مصر
وكان معى طالب من غزة يدرس بالمعهد العالى وكان يدرس معى كمصرى بالضبط
نحن الآن ياصديقى مع حكومة الذل والهوان والتخاذل وسوف اشاركك هذه الحملة بقصيدة جديدة سوف أقوم بتأليفها حالا وشكرا لك صديقى ربنا معانا ومع الشعب الفلسطينى كله وبالأخص قطاع غزة فهو تحت الحصار

ويكا يقول...

شد حيلك يا بطل

علشان تنجح فى الامتحانات (كليه ودنيا ان شاء الله)

موجة يقول...

اولا
ربنا يوفقك فى مذاكرتك وامتحاناتك
ثانيا
حسبنا الله ونعم الوكيل فعلا
تصور انى عرفت حاجات فى البوست ده مكنتش عارفاها
زى موضوع الشاب السورى اللى هيفجر معرفش ايه فين
اقول ايه
ولا نعمل ايه
حسبى ربى عليهم جميعا

فتــافيت (رحاب الخضري) يقول...

تسلم ايديك يا محمود
كفيت ووفيت

وبجد بشكرك جدا على تلبيتك الدعوة
والف شكر انك اول حد ينزل بوست
انت نزلت بوست قبل فتافيت اصلا :)

يارب يكون في ميزان حسناتك يا رب:)

رحاب صالح يقول...

ربنا معاك يا محمود في المذاكرة ومعنا احنا كمان
غزة مش هننساها بادا مهما حصل اكيد هترجع تاني لينا
ومهما عملوا اتفاقيات وطبعوا مع الاعداء برضه مش هنسكت واحنا دلوقت قله قليلة ...لكطن مع مرور الوقت هنكون كثرة وشجعان ايضا وسننتصر علي العدو

جايدا العزيزي يقول...

ربنا معاك اخى

وانشالله من الناجحين

بوست رائع

تحياتى

ليلى الصباحى.. lolocat يقول...

السلام عليكم ورحمة الله

اسال الله تعالى لك التوفيق والسداد والنجاح ان شاء الله

قرأت البوست من ايام ولان كل كلمة قلتها اوجعت قلبى قرأته واغلقت الكمبيوتر وقلت اعلق بعد ان تهدأ اعصابى لكن للاسف كما لو ان كلماتك اراد الله ان يقول لنا بها انتبهوا فبعد ايام قلائل حدثت الفتنة بالاسكنرية فزادت الطين بله

اسال الله النجاة والستر بالدنيا والاخرة
وان يعز الاسلام والمسلمين

اشكرك اخى واعتذر للتاخير فى التعليق

دمت بخير

Emtiaz Zourob يقول...

شكرا لك اخي على مشاعرك الطيبة تجاه غزة واهلها ،، وفقك الله في امتحاناتك يارب .
تقبل مروري لاول مرة على صفحة مدونتك ..

الشوكة الناعمة يقول...

ربنا معاك ويوفقك الله امين

وربنا ينصر الاسلام والمسلمين فى بقاع الارض وينصر اهل غزه امين امين
تحياتى

السلام عليكم

 السلام عليكم  يا اهل التدوين معرفش هتفتكروني ولا... بس لاقيت ذكريات وكلام يوجع القلب سنين كتير مدخلتش هنا  وراجعت ذكريات ١٠ سنين ورا لاقيت ...