السلام عليكم
موضوع فارسنى
وغايظنى
وتاعب قلبى
وناقطنى
وشللنى
جداجداجدا
سيبك
من الانتخابات
وان مجلس الشعب هيغير اسمه الى مجلس الحزب الوطنى الديموقراطى
______________________
وسيبك
من الاخوان والوفد والتجمع والناصرى
والاخوان صفر مونديال 2010
___________________
سيبك
ومن البرادعى ومن قطر اللى فازت بتنظيم كاس العالم الى 2022 ولا دعايه الطفل الاسرائيلى ليها
___________________
سيبك
من الفك المفترس اللى كان جعان واكل دراعين او تلاته بس اجانب دول بيحبوا عيال البلد دى
_________________
سيبك
من ضرب القضاه وتوليع فى صناديق الانتخاب بدميا ط
وبطلان انتخابات مجلس الشعب من الاداريه العليا
________________________
سيبك
من يوم الحلل والغضب
______________
سيبك
من احمد شعبان وخالد سعيد الله يرحمهم
__________________________
ومش هتكلم عن دول كلهم خالص مالص
ولا عن تموره حبيب الملالين اللى هيحى حفل فى عين شمس
والله كليات عاوزه تدلع طلابها
طيب احنا عاوزين هيفاء
فين فى جامعه الازهر \دول ياخدوها لحم وعضمها يحلو بيه
يابنى دى محميه الذكور
___________________
ومش هتكلم
عن موضوع محطه مصرولا الجيزه
ان دخول الرصيف فى المحطه من غير تذكره سفر لازم تدفع جنيه محترم
معرفش ليه
مش هتكلم عن دول كلهم
خالص
______________________
وبالرغم من ان 41واحد ولعوا فى اسرائيل
علشان حرائق الغابات
_________________________
وان خادم الحرمين هيعمل عمليه تانيه فى بريطانيا ومش عارفين مين هيمسك من بعده سلطان بن عبد العزيز ولا مين
وعمتنا امريكا مش عارفه مين هيمسك علشان ترعف تسيطر على خمس انتاج النفط فى العالم
___________________________
ولا عن هشام طلعت والقضيه بتاعه مدينتى ولا سوزان
___________________________________
ولا الراجل اللى قتل زملائه فى المقاولون العرب وطلع
غير مسؤل عن جريمته
__________________________
ولا عن ايهاب صلاح اللى اخد15سنه سجن فى قتل مراته
________________________________
ولا عن طالب الجامعه الامريكيهاللى موت 12 غير المصابين اخد 4سنين سجن وغرامه100جنيه علشان الرعونه
مش عارف
بلدنا حالها زفت قطران هباب
_______________________
من بوتاجاز
لطماطم
لسكر
لكهرباء
للارز
ومحدش هيشرب شاى ولا هياكل كشرى
مش عارف انا كتبت ده كله ليه
ده ملخص البلد فى اسبوع
ونسيت اكتب عن اللى عاوز اكتبه اصلا
بس سؤالين محيرينى
تلوقتى
الاولانى ابحث مع الشرطه اين ايمن نور؟
التانى يا اولادى عمنا البرادعى هيعمل ايه؟
من لنا غير الله
لا نور ولا برادعى
حلها من عندك يارب
او علمنا ازاى نحلها
____________________________
موضوع النهارده
نأجله ليوم تانى
وربنا يعدينا منها على خير
__________________
موضوع الحمام ده
ان البلد بجد
عاوزه تنضف
رحيه الفساد طلعت
وفاحت
ومفيش
سافون
ينضف
ولا مستر اسل
ولا ديتول
ولا حاجه
مأثره
سلام
بقه
____________
بعد ما كتبت الموضوع بلف فى المدونات لقيت اختنا حاجات جوايا كاتبه الموضوع ده
والله لسه شايفه حبيت اربط مابين الموضوعين
ده لينك المدونه
حاجات جوايا
____________
بعد ما كتبت الموضوع بلف فى المدونات لقيت اختنا حاجات جوايا كاتبه الموضوع ده
والله لسه شايفه حبيت اربط مابين الموضوعين
ده لينك المدونه
حاجات جوايا
هناك 17 تعليقًا:
السلام عليكم ورحمة الله
تعرف عايزة اقولك حاجة صغننه اوى
رووووووووح الله يسامحك
انا قلت اشوف الاخوة كاتبين ايه واصلى الفجر لقيت حاجات تعصب وتوتر اكتر ما احنا متوترين
رسالتك وصلتنا اخى الكريم وكل اللى فرسك ومضايقك كلنا مشتركين فيه
وابقى قولى لو عرفت فين ايمن نور راح
بس هو اعتقد اتعود خلاص على كده
انا هروح اصلى وادعيلك براحة البال
سلامى وتحياتى لك
فتش مع كرومبو عن ايمن نور ؟؟
قصدك فتش عن ايمن نور عند الحكومه
البرادعي هيعمل ايه ؟؟
ولا حاجه
زي ايمن نور بالظبط
ربنا يخرجنا منها على خير
والله الواحد عامل زى مايكون ماشى فى طريق بلااااااا ملاااامح
عارف انا بطلت اقرا اخبار عشان كده
مفيش حاجه تدل ان فيه اىىىى تحسن
وعارف لو رجعت اقرا اخبار تانى هلاقى نفسسسس الحاله اللى كنت سايبه عليها البلد وربما اسوووووا بكتيييييييير
بيتهيألى مش البرادعى او نور اللى هيحيوا مصر بعد موتها
مصر عايزه هزززه ..زلزاااااال .. بركان .. قلم.. يصحى البشر من الى هما فيه لان كل الناس بقى عندها لا مبالاه
لكى ولنا الله يامصررر
FFFFFFFFFFFFFFFFFFFFFFFFFF
اخس
ايه ده يامحمود ده
حمام ايه وبتاع ايه
بس روح الله يضحك سنك
بجد انا اول ما قريت العنوان فطست على نفسى م الضحك
وزمايلى فى الشغل كانو بيضحكو على ضحكى من غير ما يعرفو انا بضحك على ايه
بس نصيحة
ابعد عن الحمام وكل يمام
كيفك
شكرا على سؤالك يا زوووووق
محمود...مصر تاهت من زمااااااان
وكانوا بيدوروا عليها ...
بس دلوقت خلاص محدش عاد بيدور عليها ...ولا حد مهتم
الحمام مش هينضف الا لو صاحب الحمام عايز ينضفه
و بما ان صاحب الحمام عاجباه الريحة و كمان اللي بيستعملوا الحمام اللي هو احنا عاجباه الدنيا كدة
يبقى هيفضل كدة و يمكن اقذر كمان
تحياتي
سبها علي ربنا
لسا عندي امل فبكرا
:)
ههههههه
متقلبش المواجع
قول أنها خربت بأختصار شدييييييييييييييييييييييييد
وعلي فكرة وبجد عندي سؤال محيرني جدآ
الناس اللي بتهلل للبرادعي دي بيعملوا كده علي أي أساس واوعوا تقولوا لي انه مش لاقي فرصه
و الله حاجه تحزن بجد أنا خلاص مش عارفه ايه الحل على رأي فؤاد نجم يا ريس شريفك مش شريف و نظيفك مش نظيف و حبيبك مش حبيب
الله يرحمك يا بلدي
الله يعينك يا محمود شكلك هتحصلنا لائما فى المعتقل او فى العباسيه هههههههههه
يلا معلش حال البلد يرثى له بس خليك بعقلك يمكن تتحل
الله المستعان
خالص تحياتى لقلمك
كده علي اخر الليل
:))
معلش يامحمود هو ده حال الدنيا
مترفيهاااا عاسوا فيها فساد
ربنا يسترها ومايخدناش بذنوبهم
ولا تصدق هياخدنا علشان سكتنا
صحتك يا محمود بالدنيا يا بني
أنا مش قارة اسمع ولا اقرا أخبار من دي التوتر بيزيد وانا عايزة أربي البنين
نور مين والبرادعي مين انت بتصدق ؟ دي بتكون فرقعات دعائية بس ...الله المستعان
ياااااه
دا انت شايل هوايل جواك
متسيبك من ذا كله ولو انه مفيش حل غير فقدان الذاكرة
موضوع اكبر من حروفه
والله معاك حق ياحوده
حالنا بقى زفت
تفتكر اى حاجه ممكن تنظف الوساخ دى
هههههههههههههه
اصبت اخى
بس حبيت اقولك
كل عام وانت بخير
تحياتى
كل عام وانتم الي الله اقرب هذا عام جديد وعلى عملك شهيد فبادر بالسعى والتجديد .......اللهم اجعله عاااام يعز فيه الاسلام والمسلمييييييين ......ولا تنسوا احب الصيام الي الله بعد رمضان صيام شهر محرم ولا تنسونا من صالح دعائكم اللهم احسن خاتمنتنا
بعتذر عن تقصيرى معاكم
عارف يا محمود انا حاسة ان البلد دى من غير شعب هتبقي أحلى
احنا عاملين زى الى راكبين قطر والقطر ما شي فى غابة كلها ديابة كل أما تجوع تاخد واحد من سكان القطر واحنا من خوفنا مش بنتكلم عشان الدور مايجيش علينا
والسواق أعمي ومش عارف هو مودينا على فين عامل نفسه مسئول عننا وهو بيبيعنا للوحوش
تحية عطرة معطرة
Attention Please >>>>
المعذرة .. هذا تعليق خارج النص ..
دعوة للمشاركة في
مشروع مقروءاتي الثالث
للمشاركة ولمزيد من التفاصيل .. هنا
http://qweary555.blogspot.com/2010/12/1431.html
ــــــــــــــــــــــــ
وإن شاء الله تكون هذي بداية سلسلة من الزيارات :)
إرسال تعليق