الجمعة، 12 نوفمبر 2010

اطلال مدون بعد الوفاه 2+تحديث عمو نبيل


السلام عليكم

اسف انى 
هكتب تانى 
عن الموضوع ده
انا كتبت 
الموضوع الاول هنا
وبصراحه 
كل ما تقع  فى ايدى
مدونات 
اصحابها انتقلوا الى رحمه الى رحمه الله تعالى 

هكتب 

واكمل السلسله 

لكى نتذكرهم 
وندعوا لهم
عسى ان
يتذكرنا
احد
عندما
نصير مثلهم 

انا كنت طبعا بدور فى المدونات 

كده 
وبدعبس فيها 
لاقيت 
المدونه دى


الاسم اعجبنى 
دخلت عليه ومن طبعى ممكن ادخل
مدونه
معلقش عندها
وابص على القائمه 
بلاقى 
مدونات كتيره مهجوره من اصحابها 
وبلا سبب
بس شدنى 

مدونتين 

الاولى 
الاخت  شيماء صفوت

وده لينك  
المدونه


فعلا 
تأثرت  لكلامها الله  يرحمها ويغفرلها
ويسكنها 
فسيح  جناته 

والمدونه التانيه\
\


الموضوع ده

ممكن يحصل للاى حد 

لا قدر الله 

ممكن كده 
اكتب  وفجأه اختفى 
محمود فين 
الله اعلم  راح  فين

وفجاه الخبر يجى

محمود مات 

انا لله وانا اليه  راجعون
وبس
المدونات دى اللى عامل اكتب فيها واشخبط  فيها 
كل حرف انا
هتحاسب عليه 
كل سطر
كل نقطه
هى صح ولا غلط
حتى تعليقاتى عند
الناس
نفاق جد هزل

فى رقيب  ومجود سبحانه 
وبعد  ما اموت الناس لما تقرأ تفاهاتى دى
هتقول عليا 
ايه؟
كان تافه مضيع وقته على مدونات 
ملهاش لازمه 

الموضوع ده يؤرقنى 
ويجعلنى افكر
ماذا تكون  صورتى بعد ان  اموت

هل يتذكروننى الناس بالخير
الموضوع ده لينا كلنا
مش محمود بس
لينا كلنا
 الناس لما تقرأ كلامنا لو حد اصلا كان عنده وقت يدخل المدونات المهجوره دى
هيقول علينا ايه 

فعلا

طيب فى حد هيدخل عندنا تانى

مش عارف
والله 
يارب يرحمهم
ويغفر لهم 
يارب
ويسكنهم فسيح  جناته
الموضوع  شائك 
اسف
جدا
انا والله مش قصدى انى اعكنن عليكوا
واحنا داهلين على عيد
مبارك
كل سنه وانتم  طيبين 
بس
كل همى 
ان الناس دول
فى يوم من الايام
هنكون زيهم
ومش هنلاقى اللى يترحم علينا
لان فعلا الدنيا مشاغل
معى 
زملاء كثر والدهم توفى ووالدتهم كذالك
اسألهم 
هل تزورنهم
يقولون  لى 
مشاغل الحياه
تكفى قرأه الفاتحه 
لهم 
وواحد تانى استظرفوقال لى 
هجيب قبر ابويا  بجوجل ايرث
فعلا 
دول الاب والام الاغلى فى حياه الانسان 
امال احنا 
فى حد
هيفتكرنا

ممكن اكون 
واخد الموضوع
بحساسيه عاليه 
او مشاعر 
اقوى 
بس يارب يرحمنا
فوق الارض
وتحت الارض
ويوم العرض
__________________
كنت زمان مشترك فى منتدى مجانين
المنتدى ده انا اشتركت  فيه عام 2006
وكانت حياتى فيه كلها 
وحبيت مجموعه معينه من الناس ميتخيروش عنكوا ابدا
المهم كان فى راجل كبير فى السن خالص اسمه عمو نبيل 
الله  يرحمه الراجل ده كان ابو المنتدى كان رجل بسم الله ما شاء الله عليه 
كان الحضن الدافى لينا كلنا
الراجل ده كل واحد من المنتدى
كان معاه رقم تليفونه رحمه الله
وعلى اتصالات معه دائما
وكان يحبنا
رحمه الله وكان  يحب الفقير الى الله 
وافته المنيه  بعد ما عمل
مدونه كان يحبها 
واهداها  الينا
الى اعضاء المنتدى

هذا الرجل لا احد  يستطيع ان يوصف
حبه لنا وحبنا له 
الله  يرحمه وسكنه  فسيح جناته 
اخواننا فى المنتدى 
جمعوا ما كتبه  فى المنتدى وحدثوا مدونته
من جديد
بس للاسف
المجموعه اتفرقت بعد  سقوط الموقع
ولم يبقى منهم الا الاطلال
لا اعرف منهم سوى ثلاثه
من الاعضاء
وجدتهم  بالصدفه 
على الفيس
رحم الله عمو نبيل 
وكل موتنا
وانا لله  وانا اليه  راجعون

هناك 23 تعليقًا:

vanilla scent يقول...

اهو انا جايه اعلق عندك لقيتك معلق عندي

الفارس الملثم مش هقدر اوصف انا كل اما افتكره احزن اد ايه

يمكن انت مش كنت موجود وقت اما كان هو بيدون

ربنا يرحمه ياااااااارب ويغفرله

كمان شيكوو

كل حد خبر وفاته كان بيجي صاعقه لينا

وبخاف اوي بعدها وانا بكتب لان كل حرف هيتقري وهيفضل بعد اما اموووت

ودا تنبيه من ربنا اننا نخلي بالنا

ربنا يسعدك يامحمود ويرزقكك صدق الكلام :)

كل سنة وانت طيب يارب

BNT ELISLAM يقول...

ليه بس كدا يامحمود
بس ارجع واقولك هى دى سنه الحياه
وان النسيان نعمه من ربنا
وليس عدم الاعتراف بالناس او تجاهلها
هناك فرق شاسع
جميل اننا نبحث عن اقدام
وننشط لجداد
وجميل انك انسان جمل مبتنساش حد
ربنا يحى زكراك فى حياتك ومماتك

ツSmiLeY AnGeLツ يقول...

السلام عليكم
ربنا يرحمهم
انا دخلت من قبل مدون شيماء صفوت
والله كلامك كل صحيح
هو نحن بنلاقي الي يترحم علينا الي يقراء لنا القاتحة على روحنا او يتذكرونا بالخير
يارب ارحمنا وغفر لنا وخفف عنا عذاب القبر وااسكنا فسيح جننانك
والله كل يوم بقول لنفسي لو مت بلاقي الي يذكرني بالخير ويترحم علي ويدعي لي
العلم عند الله
استغفر الله ولا حولا ولاقوة الا بالله
اشكرك على هذا الموضوع بجد خليتنا ننتبهى لهذه النقطة نصحي ضميرنا
بس لو انت عملت بصمة لك بصمة صادقة طيبة كلامك كل زين مافيهوش شي غلط كلام
كلام ربنا راضي عنه وانت عارف ان هذا الكلام اكيد ربنا بيكون راضي عنه ومايغضب ربنااكيد اي حد يدخل مدونتك هيترحم لك ويذكر بالخير ويقول محمود كان ولد طيب ودائما يكلمنا على الدين وعن الله ويعرفنا باشياء ماكان عرفينها كانا جاهلين فيها ويترحموا عليك ويقوا لك الفاتحة
زي شيماء كم التعليقات الي ترحموالها ويذكروها هذا يدل على انها طيبه وكانت تقول كلام طيب
الله يرحمها ويغفر لها ولوالدينا وجميع المسلمين .الصلاة وطاعة الوالدين وقول الحق والدفاع عن دينك وحب الله ورسولة انشاءالله يشفعوا لك يوم القيامة
اسفة على تطويلي بالكلام
كل سنه وانت طيب
سلامي ليك اخي.

همسات وبحــ الحياه ــر يقول...

ايه دا اتحط امتى دا
ولا انا اول تعليق :)

همسات وبحــ الحياه ــر يقول...

ربنا يرحمهم ويسكنهم فسيح جناته

*****************
طول ماالكاتب كتاباته عايشة هو عايش فى قلوب قراؤه
**********************
كلامك فكرنى بأنشودة فرش التراب

انا كدا مش هشرب شاى هشب قهوة ساده :(

شمس النهار يقول...

ليه بتعتذر
البوست كله مشاعر جميل
وحقائق واضحه
ربنا يرحمنا فوق والارض وتحت الارض ويوم العرض عليه

فعلا انت الباحث عن الحب
:)

افروديت يقول...

محمود .. مبدئيآمش هقول زي ماناس كتيربيعملوا "بعدالشرعليك"

بس هقولك ربنايديك طول العمروأنت في رضاه وطاعته ودا الأهم طبعآ

أمابالنسبة كتابتك للموضوع فلاداعي للأسف عسي أن يذكرناأحد ويترحم علينابظهرالغيب أوحتي يفتكرنابكلمة حلوة
أنابجدبحيك جدآعلي البوست ده وكان نفسي أدخل علي اي لينك من اللي ذكرتهم لكن للأسف أنابتحطم نفسيآلماأقراكلام ناس ماتواحتي لومش أعرفهم بحس أنهم مني

تحياتي لقلبك الكبير

ツSmiLeY AnGeLツ يقول...

السلام عليكم
الله يرحمة عمو نبيل ويسكنه الفردوس
ويرحم كل موتانا
تقبل مروري اخي
سلامي ليك.

mrmr يقول...

ربنا يرحمهم ويرحم موتانا جميعا
هما السابقون ونحن الاحقون
نحن ذاهبين اليهم ولكن هم لم يعدوا الينا
هون على نفسك يا محمود
كلنا سوف نشرب من هذا الكاس
المهم الاخره الصالحه
ونكون مستعدين ليوم كهذا

Ramy يقول...

محمود

أنت تعبتلى قلبى و خلاص

دة كفاية

مش هقدر أعلق

أنا زورت المدونات بس معلقتش الصراحة

ربنا يرحمنا جميعاً

رحاب صالح يقول...

حاجة صعبه اوووي
بس ياريت الواحد ياخد باله في حياتة الاول لان الحياة هي طريقنا للموت ....سكة بنعديها لأخرتنا ولهذا لابد ان نترك فيها ما يبقينا ذكري طيبه للأخرين...
بجد كلامك وجعني اووي يا محمود خصوصا اننا داخلين ع العيد
يلا
عيد سعيد عليكم كلكم

فاروق سحير ( فاروق بن النيل ) يقول...

محمود .............. ياباحث عن الحب
قلت لك بردى لاتبحث عن الحب وسيأتى إليك مرغما راكعا .هذا الموضوع الذى تتكلم عنه الموت للأسف كلنا نهرب منه أنا مثلا عمرى فى 11 فبراير القادم 2011
سيكون عمرى 64عاماالمفروض "عموفاروق" يحب أن تتكلم فى هذا الموضوع ولكننا جميعا كعادتنا نهرب من الموت وهو تحت أقدامنا قريب مننا جدا شكرا لك صديقى
لاتنسى أن تترحم على عندما أموت

sweet angel يقول...

انا اول ماعملت المدونه كان ايامها لسه الفارس الملثم متوفي
انا مش كنت اعرفه ولا دخلت مدونته قبل كده
بس انا وقتها كان جالي حاجه اشبه بالاكتئاب
لولا ان دي سنة الحياه كنت هدعي ربنا ليل نهار ان محدش يموت
الموت ده استغفر الله العظيم على اد ما هو رحمه على اد ما هو صعب اووووووي
انا اكتر حاجه بكرهها في حياتي الفراق

ربنا يرحمهم جميعا

جوجو يقول...

السلام عليكم
اولا كل سنة وانتى طيب
ثانيا انت عندك حق فعلا فى كلامك المفروض اننا نتعامل بدون نفاق وندرك اننا هنتحاسب يوم القيامة على كلامنا ده وكمان ربنا يرحمهم جميعا
تحياتى

جايدا العزيزي يقول...

اخى

بارك الله فيك وجزاك عنا كل خير

وجعله فى ميزان حسناتك

كل يوم اكتشف الجديد من شخصيتك الرائعه

انا ايضا راودنى نفس السؤال

ماذا لو مت غدا

رحم الله عم نبيل واسكنه فسيح جناته


ان لله وان اليه راجعون


كل عام وانت بخير

كل عام وانت الى الله اقرب وعلى طاعته ادوم

عيد اضحى مبارك

اعاده الله عليك بالخير واليمن والبركات

ويارب العام القادم تكون عند الحبيب المصطفى

عيد سعيد

تحياتى

ساسو يقول...

ربنا يرحم الجميع
ويدخلهم فسيح جناته
بجد انا قلبي يبوجعني جدا لما اسمع ان حد مات حتي لو مش عارفاه
هو الموت علينا حق
ودا كاس لازم كلنا نشرب منه
بس الفراق صعب صعب
وخصوصا لو انسان عزيز علي قلبك
يارب ما تكتبه علي حد
وربنا يبارك فيك
يا اطيب الناس

غير معرف يقول...

عليه افضل الصلاة والسلام

انا لله وانا اليه لا راجعون
الله يرحمهم جميعا ويجعل مثواهم الجنه
عارف
بفكر فى الموضوع دا كتير
وكنت لسا بفكر فيه من يومين
هى دى الحياة
ربنا يرضى عنا يارب



كل سنه وانت طيب يا محمود
عيد سعيد علينا وعليكم

richardCatheart يقول...

والله ماعرفه اقولك ايه يا محمود اكتر من ربنا يكرمك والله

ويرحم كا اللى تركنا يارب

انا عن نفسى هافتكرك بالخير ياعم طوله العمر ليك يارب

والله يا محمود دا سبب من اسباب فتحى للمدونه غير التواصل انى احاول اترك بصمه
وذكرى طيبه

شكرا يا حوده على البوست والذكرى والتذكر كتر الف خيرك

كل سنه وانت طيب عيد سعيد عليك وعلى كل الاسره يارب اكرمك ربنا بالخير فيه

من كل بستان زهرة يقول...

ربنا يبارك في عمرك
يااااااااااااارب

كل سنة وانت طيب
عيد سعيد عليك

فاروق سحير ( فاروق بن النيل ) يقول...

محمـــــــــــــــــــــــــــــــود
كـــــــــــــــــــــــــــــــــل
عــــــــــــــــــــــــــــــــام
وأنـــــــــــــــــــــــــــــــت
بخيــــــــــــــــــــــــــــــــر

همسات وبحــ الحياه ــر يقول...

كل سنة وانت طيب يامحمود

عباس ابن فرناس يقول...

فيه حد يعتزر على المشاعر النبيله دى يامحمود !
سبحان الله الموضوع ده كان فى باللى من أول ما بديت تدوين برغم من انى بدون من فترة صغيره كان فيه ناس بتشجعنى بحماس وفجاه انقطعت تماما من التدوين وسبتنى فى حيره كبيره
الله يرحم الجميع ويجعل كل كلمة فى ميزان حسناتهم
تحياتى وتقديرى

عاشقة الجنة يقول...

ربنا يرحمنا جميعاً ويرحم أموات المسلمين
والمسلمات .

هى الدنيا كدا إحنا زوّار فيها
والله هو الباقى فيها

تعيش ديماً وتفتكر ويسكنك يارب الفردوس الأعلى انا وانت وكل المسلمين

تحياتى

السلام عليكم

 السلام عليكم  يا اهل التدوين معرفش هتفتكروني ولا... بس لاقيت ذكريات وكلام يوجع القلب سنين كتير مدخلتش هنا  وراجعت ذكريات ١٠ سنين ورا لاقيت ...