السلام عليكم
(كلام كتير وممكن تصدع ومش هتفهم حاجه )
مجموعه اسئله اراها بين سطور لتعليقات
احاوب عنها
ليا كتير
مفضفضتش هنا
انا فضفضتى الكلام الوحش كله اللى عندى
بصراحه مش بكتبه هنا
بكتبه فى مدونه الشهاب
بكتب فيها
كل انكساراتى وانهزماتى
والنهارده
جاى
علشان
احكى وافضفض معاكم هنا لان هنا اعم شويه
ملحوظه*
ما اكتبه هنا عدده افكار فى عقلى وقلبى معا
تخاريف بمعنى اصح
(1)
لماذا باحث عن حب؟
اقول انا بقه علشان وبصراحه اتحرمت من معنى الحب من الناس
ومش لاقى حب وحنيه فى التعامل خصوصا من الناس
للناس انا عارف ان المشاعر لا تباع ولا تشترى بس انا بقه حبيت انى ابث ذاك الشعور وسط من اكون معهم
مش معنى ان باحث عن الرومنسيه ومين مننا مش بيدور عليها
بدور عليها بس فى حد حبيبى قالى مدورش على الحب الحب هيجى لغايه عندك
يارب يرزقنا الحب الصادق يارب
باحث عن حب الناس بدور فى قلوبهم عن حتى انمله من حب ولو مفيش برمى فى قلبه ابتسامه كلمه طيبه وده المفروض علينا
فى الاونه الاخيره
حبيت اغير الاسم نهائيا
واخليه
تائهه فى رمال الدنيا
وكذا اسم تانى كده
بس مقتدرش اغيره
______________________________
(2)
هل ما تكتبه فى تدويناتك يدل على ما يحدث فى حياتك الشخصيه
خصوصا الخواطر؟
اكتب فاقول
كتير قوى كنت بشوف جمله مشابهه بتقول ليس من المفروض ان كل كلمه مكتوبه تدل على الحياه الشخصيه للمدون
خصوصا عند اخواتنا البنات
بس انا احب اقول
الاول مكنتش فاهم الجمله دى
بس فهممتها بعد كده بمعنى
كنت باكتب خواطر فى منتديات وكده عن مشاعر الفقد والوجد والحب ومواقف بسيطه ملهاش علاقه بيا حسيت بيها قوى كتبت عنها
لما لاقيت قلبى بيدق قوى على حب انا مشفتهوش ولا حسيت بيه
عملت قلبى حبيبى وكتبت عن الحب ده وكما كتبت وجدت الحب ده فى قلبى حبيبى
وحب وزعل ونكد وفراق ومحكمه
بس مش بالضرروره يكون كل كلمه صدق
انا مش بشكك فى فى الناس بشكك فيا
فرحت وقوى بالمشاركه معايا فى افراحى واحزانى فى قلبى حبيبى
ومناقشات اعتز بيها
واراء رائعه وجميله
وكلما وددت ان اهدء من نفسى
اقرا قلبى حبيبى
كل كلمه فيها بدمى لاننى صادق فى كلماتها
وعشت احساسها الله اعلم الى اين يذهب بى ذاك الاحساس
والشعور ولكنى عشته
لانى فعلا كنت .بحب ومن الممكن ان اكون مازلت احب
_____________________________
(3)
هل هناك صداقه بين المدونين؟
طبعا فى صداقه اكيد فى صداقه
علشان اللى بيكت ده عقل
وقلب مش لعب عيال
واللى بلبس قناع مصير القناع ده يقع
بس فى خداع ممكن فى كذب ممكن
بس الحذر الحذر بس برضوا التوكل على الله
طبعا تبادل اميلات وتليفونات وكده
بس برضوا لازم العقل يشتغل
المدونون عقول وقلبو
منهم المرضى كمثلى انا
ومنهم العاقلون يريدون ان ينقلون تجاربهم الى الاخرين
ومنهم من يشعر بالوحده ويريد ان يتصادق مع الاخرين عبر الشاشات
وعندما يكون هناك لقاء تكسر تلك الحواجز
يارب يكفينا شر الاقنعه
______________________________
(4)
هل حققت ما كنت تبغيه من التدوين؟
لم ابغى من التدوين اى حاجه
غير انى اكتب واكتب واكتب
وافضفض
وباعتذر للناس لو حد زعل منى فى كلمه او تعليق
_________________________
(5)
ها تعيش شعور الحنين الى الماضى ؟
اعلم ما تقصد
تقصد ذكريات العالم من فوق دراجه
موضوع مهم حب اكتب عنه
نا بحب الماضى برغم كل ما فيه
بس انا انغمست فى الماضى بشكل وحش خالص
باعيش فيه واتعمق ووممكن اتذكر يوم كام من الماضى بحذافيره
اعترف انه هروب من الواقع المرير واعترف انى مش قادر اواجهه مشاكلى
بكاتبه فى المدونات وكمان الحنين الى الماضى
لانى باهرب
من مواجهه الواقع
انا لسه متخلصتش من الشعور ده
انا عندى ذكريات كتيره قوى
ونفسى اكتبها بس خايف انسى واقعى
عاوز اكتب واكتب واكتب
بس بعد كام سنه مش هلاقى ذكريات اكتبها
جديده عن الفتره السابقه
مفيش حاجه اعتز بيها
لاننى مش عاوز اقول لم اوفق افضل من فاشل
للاسف مش هكتب ذكريات تانى
لغايه ما احقق حاجه فى حياتى
وبلاش دور روتانا زمان اللى انا عايش فيه ده
--------------------
اشكر اختى جايدا لانها عرضت عليا مساعدتى فى اعاده كتابه ذكرياتى من البدايه
واسف على التاأخر فى الرد على حضرتك
ولكنى اعانى فلا استطيع
ساكتبها من جديد ان شاء الله
وبمساعدتك باذن الله
ولكن عندما احقق ما اريده
اريد ذكريات
جديده
-----------------------------
اسف جدا مودى مش متظبط
سامحونى
______________________
نكمل التدوينات عن انا والتدوين
فى اللقاء السابق
على موعد
سابق لاحق
قريب
_______________________________
اسف على تأخرى فى التعليقات
فى البوستات اللى فاتت كلها
انا باعتذر ليكم على تقصير ى فى التعليق هنا وفى الشهاب
اسف جدا ولسوف ابدا بالتعليق فى وقت سابق لاحق
__________________________________________________
اوعى تندم على حب عشته بصدق
حتى ولو كنت اداه فى يد من تحب
المهم انك حبيت بصدق
ومش مهم
الطرف التانى كان صادق ولا ...لآ
----------
الجمله دى سمعتها من واحد صديق ليا بيواسى صديق تانى زعلان انه ساب حبيبته
فعلا لازم ننجرح
علشان نقدر نواصل
عافانا الله واياكم
-------------------------------------------------------------------------------
المدونات بشكل عام
حاجه جميله ورائعه
الناس بطلع اللى جواها
وكفايه كده
لغبطه
هناك 24 تعليقًا:
التدوين بالنسبه للبعض فضفضه
وبالنسبه للاخرون
مساحه للرغي فقط
وبالنسبه لناس ...فهو الحياه نفسها
ربنا معاك يارب
اللهم امين
بالعكس يا حودا
دى مش لغبطه
دى فضفضه عن النفس وكلنا بنحتاج ليها بأى اسلوب او شكل او تعبير
المهم تطلع مننا
متغيرش اسم باحث عن الحب
احنا عرفناك كدا
ومين يزعل منك
معتقدتش ش فى حد زعلان منك
لاننا مش شفنا منك الا كل خير
ربنا يسعد قلبك
ومتندمش على على حب صادق فعلا
لانك حبيبت بصدق
ربنا يريح بالك يارب
وتقابل الحب اللى يستاهل قلبك الطيب
ربنا الموفق
السلام عليكم
أخى الحب منة عند الله سبحانة وتعالى ولكن لازم نستخدمة صححححححح
يعنى انا صراحة مش مقتنعة ان يكون فى علاقة حب بين ولد وبنت
مقتنعة يكون بين زوجين أختين أخين
بين الام وأولادها
لكن غير كدة لا
أما بالنسبة للبنات
وعدم كتابتهم كثيرا عن حياتهم الشخصية
ودى بسبب ان الشاب ليه مطلق الحرية
لكن كبنت بيبقى صعب جدا انها تتكلم عن حياتها الشخصية
لان مش فى كل الحجات ينفع انها تتكلم عن حياتها
وبوست رائع اخى واحتمال اعمل جزء منه عن قريببببب
كنت بفكر من زمان انى اعملة وحضرتك شجعتنى على ذلك
وعذرا للأطاله
ربنا يفك كربك محمود
بس انا هعلق على جمله لاتندم على حب عشته
بجمله صغيرة"لاتندم على حب عشته.. حتى لو اصبح ذكرى مؤلمه.. فاذا كانت الزهور قد جفت.. وضاع عبيرها.. ولم يبقى منهاغير الاشواك.. فلا تنسى انها منحتك عطرا جميلا اسعدك.."
تقبلى مرورى
تحياتى لك
سلام عليكم
محمود:
فكرة حلوة قوى انك تكتب ما بداخلك
ومسيرك تلاقى ان شاء الله الحب اللى بتبحث عنه واكيد ربنا هيبعتهولك لانك بتفتكره ديماً .
وعايزه احييك على اسلوبك بجد كان رائع
ومحتاجة تجاوبنى على حاجة:
من السهولة اننا مانندمشى على حب كان
حتى لو الحب ده اتسبب فيه جرح وعذاب ؟؟
شكراً جدا محمود ديماً
فى تألق ونجاح
عجبني كلامك عن الاقنعه
كلام البوست مش بس فضفضه
لا
ده كلام موزووون جدااااااا
باحث عن الحب
الحب الحمدلله موجود في قلوب كتير من الناس وكلامهم كتير بيطبطب على قلوبنا والحمدلله ربي يرزقك حب خلقه على رأي ستي الله يرحمها ........متضيقش على نفسك يا محمود وتضغط عليها خد فترة راحه و إعادة تقييم و ووو ولما ترجع وتعلق وتزورنا حتلاقينا مرحبين ومهللين كمان
دى مش لغبطة طبعا
التدوين فعلا بالنسبة لناس كتير حياة
على فكرة انا بعتبره مهنتى الحالية
السلام عليكم
فضفتك جميلة
كلنا عملنا مدوناتنا عشان نفضفض فيها نجعلها تحمل ولو جزء من احزانا والالامنا
محمود انا حبيت مدوناتك لان فيها مذكراتك واحاسيسك ومشاعرك وعمري ماشفت فيهاموضوع ملوش لازمة او طراطيش كلام زي مدونتي طبعا
فلاتندم على اجمل حب عشته وماتقدر تنساه وكل مشكله وليها حل
فجعل مدوناتك هي حاملة همومك وافراحك واحزانك
ومفيش حد زعلان منك
اصل ليه نزعل منك وانت ماقلت شي يزعل
ربنا يفك ضيقك ويعيشك بافراح وسعاده
تقبل مروري
سلامي ليك اخي.
كلامك جميل زيك يا حوده
بيدل اد ايه انت انسان جميل من جواك
ياسيدى ادينا بنفضفض ولا يهمك
المه مودك يتظبط وتفرفش ربنا يهديلك الحال يارب
بص يامحمود
انا بتفق معاك فى كتير من الامور دى
اولا انا وانت والجميع يعلم ان من يكتب خواطر تكون من القلب
ومن وقعه الملموس
والخاطرة التى انزلتها اليوم
كنت قد طرحتها فى بدايه التدوين
وقام مدون بالهجوم والتجريح
لمجرد اننى رفضت التواصل معه
وعلل تصرفه بالخوف عليا
لقد تفهمت موقفه فى البدايه
لاننا فى مجتمع شرقى
ولكنى صممت ان اعيد النشر لانى لا احب
لبس القناع
تحت بند انها من الممكن ان لا تخصنى
موضوع هام
ولى عوده
تحياتى
فضفض فضفض يا حوده
المدونه بالنسبه لنا فضفضه والهواء الل بتنفس من خلاله
بلاش الحاله الله انت فيها دى يا حوده
كلنا بنمر باوقات عصيبه وخيبه امل واكتئاب وحزن قلب وباذن الله تلاقى نصفك الاخر اللى يملا قلبك بالسعاده
وبالمناسبه احنا بحب اسم مدونتك احنا عرفناك كده ونحب انك تفضل باحث عن حب
ربنا يفرح قلبك
وسامحنى لو بتاخر عليك فى التعليق
انت عارف مشغوليات ايام الدراسه
ربنا يوفق الكل
SONY2000
اللهم امين
شكرا لزياتكسونى
عندك
حق
الحب الجميل
ربنا يبارك
فى حضرتك
يارب
معلش شويه لغبطه
الحمد لله على كل حال
بارك الله فيكى
زهره جنى الاسلام
موضوع الذكريات للبنات
موضوع صعب عندك
حق
منورانى
والله وعندك حق
بارك الله فيكى
انت حياتى
لاتندم على حب عشته.. حتى لو اصبح ذكرى مؤلمه.. فاذا كانت الزهور قد جفت.. وضاع عبيرها.. ولم يبقى منهاغير الاشواك.. فلا تنسى انها منحتك عطرا جميلا اسعدك.."
لا تعليق بعد كلامك
لانه
جمع كل االكلام
بارك الله لكى
عاشقه الجنه
سعيد بكلام حضرتك
بارك الله فيكى
من السهولة اننا مانندمشى على حب كان
حتى لو الحب ده اتسبب فيه جرح وعذاب ؟؟
من رأيى المتواضع
حتى ولو اتسبب فى جرح وعذاب
علشان هو مش ليا
مندمش عليه
شمس النهار
بارك الله لكى
شكرا لزيارتك
موزون
ده
من ذوقك والله
ماما نور
بارك الله
فيكى
شكرا
على
كلامك الجميل
الذى
طيب قلبى
بارك الله فيكى
نهى صالح
حلوة
فعلا
مهنتى الحاليه
جميله الجمله دى
رشا اختى
بارك الله فيكى
كلامك
جميل جدا
بارك الله لكى
مارو
يارب يعزك
الحمد لله
انا تمام النهارده
جايدا
يهمنى
رأيك
يارب
يبارك
فيكى
لا سيطره لاحد على ما يكتب غيره
لانهاحريه
طبعا
منورانى
والله
مرمر
يارب يعزك
ويديكى الصحه
فى الدراسه
وايامها
الحمد لله
انا تمام
بارك الله فيكى
إرسال تعليق