الأربعاء، 13 أكتوبر 2010

تفاااااااااؤال شعار المرحله القادمه=الشهاب تحديث+الاعتداء على طالبه بجامعه الازهر بالزقازيق

تفاؤال

لازم 
البس النظاره الورديه

لازم 
الون حياتى 
بلون الورد

لازم 
اتفائل 
انا تعبت 
من الاحباط
والنكد

فين الرضى 
بقضاء الله 
وقدره
فين الصبر  على اذاء الناس
فين
تعليم الناس المعامله الحسنه
ولو بابتسانه
او بسكوت
حتى ولو مفهمهاش
ليه انكد نفسى 
واشيل حقيبه الذكريات المؤلمه
ليه بس 
انا  بقه 
قررت انى اشيل فلتر تربص الكلام اللى يستفزنى 
اللى عاتوز  يقول يقول 
قاصد او غير 
قاصد
انا ههتم باللى المفروض عليا  اعمله
ومليش دعوه  بحد
الدنيا حلو 
نسيم وميه 
واهل 
واصحاب
بلاشنكد
ونفكر فى ناس ملهاش عازه
معلش انا 
تعبت خالص الفتره اللى فاتت خالص بسبب ناس
وحشه بجد
شككونى فى نفسى 
وفى تفكيرى 
لازم اغير تفكيرى 
ونمط حياتى كلها 
اعيش 
صح
وتفكير صح
وبلاش احبس نفسى 
فى سجن كلام الاخرين
تفاؤل 
ان شاء الله 
وفرح
ومرح
ولعب 
وجد
وحب
بجد
______________
الشهاب
موضوع جديد

_______________________
الفيديو ده مستفذ بجد
عارف ان كلامى هنا مناقض اللى فوق 
بس ده واقع  مرير
ده ضابط
بيتعدى على طالبه  فى جامعه الازهر بالزقازيق
فيديو يا جماعه
ومن غير افتراء
يا عادلى
منك لله


">

هناك 12 تعليقًا:

mrmr يقول...

ايووووووووووووه كده

املا الدنيا تفاءل وحب الحياه
كن انت نفسك كما تحلو لك

ولا تكن كما الناس تريدك

ارمى كل كلامهم عرض الحائط

اللى يمشى وراء كلام الناس بيتعب قوى

ربنا يفرح قلبك

وتعيش حياه الرضى الكامل

وربنا موجود

ツSmiLeY AnGeLツ يقول...

السلام عليكم
صباح الخير
اذا كل واحد مننا اخذ بكلام الناس يتعب يمرض
لاتاخذ بكلام الناس الا اذا كان فيه نصيحةاو كلام لصالحك
لكن في ناس يحبطوك بكلامهم يعقدوك لما واحد يكلمك انت اسمع هو ايه بيقول
دخل من اذن وخرج من الاذن التانية
ربنا يوفقك ويبعد عنك النكد والكآبة
ويخليك سعيد وفرحان ومرتاح طول عمرك
تقبل مروري
سلامي.

ツSmiLeY AnGeLツ يقول...

ورجعت مرة تانية
استغفر الله ليه بيعملوا مع البنات كده
عشان هي محجبة ولا ايه
لاحوله ولاقوة الا بالله العلي العظيم
كل ظالم امره لله
سلامي.

غير معرف يقول...

علية افضل الصلاة والسلام
صباح الخير يا حودا
تفائل ودعك من اى شىء يضيقك ويورق حياتك
بص للأشياء الجميله فى حياتك ودعك من الذى يؤلمك
ربنا يسعدك ويريح بالك

بخصوص الفيديو الاعتداءانا شفته على الفيس والصراحه مقدرتش اتفرج علية تانى
حسبى الله ونعم الوكيل
وصلت لضرب البنات كمان سبحانه الله
ناس مباش عندها اخلاق ولا نوع من الرحمه

وضابط عايز الحرق الصراحة هو وشوية الغجر اللى وقفين حوليه
ربنا يستر على بناتنا واولادنا
تحياتى لشخصك الطيب

mrmr يقول...

حسبى الله ونعم الوكيل فيكى يا حكومه
نفسى بجد بلدنا نعيش فيها نحس بالامان

BNT ELISLAM يقول...

السلام عليكم ورحمه الله وبركاته
حلو اوى التفاؤل ولازم نثق فى الله ونرضى بقضاءه
ومن ثقه الله هنثق فى انفسنا


ربنا يكرم ويفرح قلبك

وبنسبه للفيديوا ده حكايه وموال

كبير ردى عليه قريب باذن الله كل ماستطع ان اقوله
حسبى الله فى كل ظالم استخدم سلطه وقوه فى ايده غلط
حسبى الله فى كل انسان مرعاش ضميره فى مهنته
حسبى الله فى كل انسان تعدى حدودى وتعدى حدود الله

Ramy يقول...

محمود ازيك

معلش بقى صدقنى انا مش عارف اتابع بجد

بس بقالى فترة بأدخل كدة تخطيف

شوف يا سيدى بالنسبة للنص الأول للتدوينة

برافو برافو برافو

ربنا معاك بجد و يارب كلنا نبقى كدة

و يبعد عنك الناس اللى مش قد كدة

الفيديو

طبعا انسان همجى بغض النظر عن ما يحدث

انا بأعترض التعامل الأمنى الهمجى بكل المقايييس

شوية قهوة يقول...

عشان نعرف نعيش في الحياة لازم ميهمناش من كلام الناس
بس اليقدر انو ميهمهوش

ساسو يقول...

صباح العسل
ايوه كده ياريت يبقي في تفاؤل ورضا وفرح
متسمعش كلام الناس
( كلام الناس لا بيقدم ولا يأخر )
عيش حياتك وانت حاببها
اتمتع بحلوها
حاول تتغلب علي مرها
والحلو فيها كتير
بس لما يجي اتمسك بيه
خليك دايما متفائل أوي
صدقني هتلقا حياتك بقت اجمل واجمل
اطرد التشاؤم من حياتك هترتاح بجد

ربي يفرح قلبك الرقيق
ويبارك فيك

داليـ ـ ـ ـ ـ ـ ــــا يقول...

فعلا حسبنا الله ونعم الوكيل
ايه ده يابنى فين الكلام ده
دول ليهم حق جامد اوى
حرس الجامعه عشان يحافظ عليهم
هو حاميها حراميه
فى ايه
دول حراس شمحطيه ومنتهى قلة الادب
دا بيضرب بنت بالرجل
الله
دانا لو مكانها اطلع ميتين امه

just dream يقول...

والله انا شايفه اننا معدناش نستغرب من اى حاجه بتحصل فى مصر خصوصااااا لو كان فيها شىء بيحط من كرامة الانسان
لان خلاص كلمة كرامه اتلغت من زمان من قاموس الارض المصريه

همســـــــــــــ عتاب ـــــــــــــــة يقول...

جميل انا ان نتفائل والاجمل ان نستمد الامل ممن حولنا
لاندع اراء الاخرين تشكل شخصيتنا فندع الفرصه لانفسنا كي تبرح وتعبر عن مكنونها وذاتها
لاتدع للحزن طريق الي قلبك انتصر عليه بكل مااتيت من قوه ولاللشك سبيل لعقلك انه يدمره
امتعتنا برؤياك وجميل كلماتك

اما الفيديو ليس لدي مااقوله
سوي حسبي الله ونعم الوكيل

السلام عليكم

 السلام عليكم  يا اهل التدوين معرفش هتفتكروني ولا... بس لاقيت ذكريات وكلام يوجع القلب سنين كتير مدخلتش هنا  وراجعت ذكريات ١٠ سنين ورا لاقيت ...