الأحد، 12 سبتمبر 2010

لمحات فكر




السلام عليكم

الحب والزواج 
هل ان كان هناك حب 

سوف ينتهى بالزواج ؟

ام كما قرات فى بعض المدونات

ان الزواج.....مقبره الحب....!

ام ان الزواج  يبدأ من نقطه الحب؟؟؟؟

الزواج =الحب+العشره الطيبه

العشره الطيبه  بالتعامل الحسن يولد الحب

جواز الصالونات  والمعارف  يبدا الحب

بعد الخطوبه  او بعد كتب الكتاب

او ممكن 

بعد الزفاف

ان امكن 

واهل العروسه  لم يستعجلوا على بنتهم بالاطمئنان عليها وعلى 

مستقبلها  مع زوجها

واهل العريس 

لازم  مفعوص 

صغير يجى بعد 9شهور  بالضبط

اهل العروسه يبقى العريس معيوب

ومشكله كبيره اكيد  فى عمل اتعمله

او جن او عفريت 

وندخل المتاهات

وتكون حياه الشاب والفتاه  

جحيم  فى جحيم 

واعراضهم  لبانه  تلكأها 
افواه الجميع 

من باب الاطمئنان  

ان الحياه الحميميه  سوف تستمر

الشاب  بيكون فى دوامه كبيره  والبنت برضوا 
 والدومه بتكبر لو محدش

من العرسان  بيعرفوا بعض 

جواز صالونات  
وتكون الهيبه موجوده من الاتنين فى الاتنين

الاتنين خايفين من بعض

وطبعا مش سهل ان كل واحد  يكشف ورقه للتانى 

كأنها حرب 
 بين عائلتين  عباره عن بنت وولد  فى مكان  واحد

والاتنين لازم يظهروا   انهم اخلاق واولاد ناس 

والتعود على الطباع  والفكر  والكعامله  

ومعامله الاهل  وامتصاص غطبهم وكيفيه ارضائهم

العروسه مش خدامه  للعريس واهله

لو كانوا بقه بيحبوا بعض المسأله صعبه

اقصد كان فى حب قبل الزواج والزواج 

ده مش صالونات يعنى 

المووضع اصعب لان لو كان  واحد من العرسان 


لابس قناع  مش هيقدر يلبسه على طول

واظهار الحب والرومنسيه 

والمخلص هو اللى هيظهر 

وهيبان  فى المووضوع  ده


طبعا صدعتكم  بكلامى وعاوز تعرفوا نهايته ايه 

وانا قصدى ايه  


من الكلام ده كله 

بصراحه  كبيره 

نحن محتاجين ثقافه عامه فى التعامل مع الاخرين خصوصا 

اهل الزوج والزوجه  

وكيفيه احتوائهم وامتصاصهم 

الثقافه الدنيه  فى اغلزواج والتعامل مع الزوجه مهم جدا 

وكل شاب لازم يفهم ان البنت دى بنت ناس 

وليها اهل زى ما اخته  ليها ناس لازم يفهم دى

انه مسؤل عنها وراع ليها 

البنت لازم تعرف ان الزوج ده 
اخوها وابوها وابنها وزوجها حبيبها 

وامامها اللى بتصلى وراه وولى امرها 
الولد  لازم  ميفضلش الزوجه على امه  وان يحسن معامله

اهل زوجته 
ويقف جنب مراته 

لو حد من اهله  عاملها بمعامله مش لطيفه 

لان الاتنين واحد

على الاهل التروى فى مساأله الانجاب 

وعدم التسرع لان دى حياه كامله 

خصوصا زواج الصالونات 

انا مش ضد زواج الصالونات بابوماما ماكنوش يعرفوا بعض

معظم  بنات مصر منذ الازل مكانوش يعرفوا ازواجهم  


معظمهم معارف وهو الزواج اللى بيدوم 
بالمعامله الطيبه 

والحب قبل الزواج 
مش معناه انه ينتهى 

بالزواج 
الزواج معه حب  ويولد معه حب

عمر ما كان الزواج 

مقبره الحب

وزاللى عامل ان الزواج  علاقه حميميه  وبس 

يبقى غلطان  


الزواج مسؤليه  
احتواء امان  اقامه حياه  

مشوره  فكر طاعه  

انت بتأأسس امبراطويه  جديده  داخل اربعه جدان 

محدش يدخل فيها

حسن الاختيار 

هو اللاعب الاساسى فى الموضوع 
ويأتى بعده الاستخاره 

بمعنى 
حدديثان مهمان فى الموضوع ده

الاول  من اتاكم من ترضون دينه  فزوجوه

والثانى تكنح المرأه للاربع .............

ميفما معنى الحديث  
وبعد كده  الاهل  

بعد كده الاستخاره 

لابد من ان نستخير   فى الموضوع ده بالذات

لان الاستخاره سنه  فى كل الاعمال اللى احنا نعملها 

والتوكل على الله 

____________________________________

فى كتاب اسمه  تحفه العروس 
فيه  فقه الزواج كتاب قيم  جدا 
___________________________________________
اسف6 كلامى غير مرتب ولكنها لمحات 

مرت على فكرى قلت اعرضها  عليكم

واعرف أرأئكم
___________________________
ان شاء الله انا مسافر  الى الصعيد اليوم 

اسألكم الدعاء
وخلوا باكم من مدونتى_
________________________________________
موضوع جديد  فى مدونه قلبى حبيبى  ادعوكم للابداء رأيكم فى الخاطره واكون سعيد بيكم
كل سنه وانتم طيبين



هناك 36 تعليقًا:

Noha Saleh يقول...

دلوقتى تفكير الناس فى الزواج اصبح منحصر فى الشقة والشبكة مهنة العريس ومرتبه ده بالنسبة للبنت
انما بالنسبة للولد بتكون اسئلته ..ياترى بتعرف تطبخ انا هخليها تلبس على مزاجى وهتمشى حسب ماانا عاوز وتسمع كلامى يعنى تسمع كلامى
ونسيوا الاسس المهمة والمودة والرحمة ومعاملة الرسول عليه الصلاة والسلام لزوجاته ومعاملة زوجاته له

richardCatheart يقول...

هااااااااااااايل الموضوع يا محمود بجد

عندى وجه نظر بسيطه

سواء جواز صالونات او جواز عن معرفه وحب المبدء اللى المفروض التعامل به بين الاطراف اننا دخلين نزيد ببعض دخلين لاقمه اسره اكبر وجود المبدء دا يخلى الانسان يفكر اثناء وقع مشاكل انه يساعد فى حلها مايزودهاش بالعند

ولعلمك اغلب البيوت اللى بتتخرب بالطلاق للاسف بتبقى عن طريق العند من احدى الاطراف

فى طبعا مسؤليات على البنت لازم تعرف ان الروس مابتتساواش هى ماينفعش تساوى رسها براس مامتها بالتالى ماينفعش تساويها براس حامتها ولازم تعرف انها ام تعبت وربت وادت كتير
زى ولدتها بالظبط

والحموات عليه يقدرو فروق السنين والخبره ولو ماحصلش دا يبقى البنت الصغيره هى لازم تستحمل الام الكبيره


موضوع بقى الاعراض اللى بتبقى مشاع دى كارثه الواحد بيبقى قاعد فى بيته
ويسمع عن ادق تفاصيل لازواج مايعرفهمش او يعرفهم سماعى والنصيبه ان الكل بيسمع ويكرر وياسلام بقى لما تزود شويه تحبيش فى الكلام
مسخررررررررررررررررررره بصراحه

دى المفروض اول حاجه بنعلمها لولادنا وبناتنا اللى جوه اؤده النوم ماحد يعرفه غير اللى خلقنا لانه مطلع
لو فى مشكله يبقى الكلام بين الام والبنت بس ومافيش تالت غير الله عز وجل
شكل التفاصيل دا والسياح والاعمال والربط والمسخره دى بيخلى عرض الناس مشاع المشاع كمان


جواز الصلونات لعلمك 90% منه جواز ناجح لان التعارف بعد الجواز والاخدان على بعض بيكون تدريجى وحده وحده دا بيخلى الناس تحتفظ بالكثير من قيمتها

وخصوصا ان العطاء بيكون متكافىء لاى ضحت واتجوزتو غصب عن اهلها وحربه الكون ومع اول خناقه ماتبقاش مستنيه منه انه يقابل اخطائها برد فعل عنيف لانها مضحيه كتير طبعا
او العكس طبعا لو هو المضحى


الحب بقى بعد الجواز بص هو مابيموتش هو بيقلبظ ويتقل من كتر الاكل فا ميبقاش سخن سخنيه فى حاجات بتكون موجوده معه مش اهم منه لاء موجوده معه
ولعلمك من غير وجوده مش هانقدر نستحمل الحاجات التانيه الموجوده معه
اللى هى المسؤليات من غير وجود الحب دا حتى لو تقيل ومقلبظ مش هانستحملها

انا طولت عليك اوى معلش بس الموضوع جميل ومهم تحياتى

أحمد الصعيدي يقول...

السلام عليكم ورحمة الله


يا سيدنا

الزواج قائم علي أية في كتاب الله إن تم العمل بها الجدوي من ذكر الحب علي الاطلاق

بسم الله الرحمن الرحيم

وليخش الذين لو تركوا من خلفهم ذرية ضعافا خافوا عليهم فليتقوا الله وليقولوا قولا سديدا

صدق الله العظيم

سورة النساء


عدا ذلك يا استاذنا كل الاحتمالات واردة وليفشل في الزواج والحب من يفشل


اسعدك الله

داليـ ـ ـ ـ ـ ـ ــــا يقول...

أه منك ياهندسه
الموضوع ده جاى ف وقته بالظبط
بس مش هقدر اقول فيه اى حاجه
لانى مخنوقه اوى ومضايقه كمان
أصعب شيئ ف الدنيا جواز الصالونات
ممكن يكون نسبة نجاحه عليا
بس صدقنى صعب اوووووووووووووووى ع البنت

ممكن يجى اليوم الا ااقدر اتكلم فيه بس حاليا لسه الخنقه جوايا

غير معرف يقول...

علية أفضل الصلاة والسلام
طبعا الموضوع مهم جدا لكثير من الشباب واشبات المقبلين على الزواج
بس من الاخر كدا يا محمود
الزواج عشرة طيبة ومودة ورحمة
وكل من الزوج والزوجه ليه حقوق على التانى وعليه ....
الحياة الزوجيه من أسهل ما يكون إذا وجد الوفاق والحكمه فى التعامل والهدوء النفسى بين الزوجين
ليس كل الزيجات مقبرة للحب ...
فهناك زيجات تتحول لجنة حب وبعضها الأخر يتحول لمقبرة تدفن فيها كل شىء مضى
إنما حكاية طفل يولد بعد 9 شهور فهذا الجهل بعينه
لان كل دا فى علم الغيب ولا يعلمه الا الله سبحانه وتعالى

موضوع جميل فعلا ويستحق المناقشه
وممكن تجزء موضوعاته ....
وكل كلامك تمام وعجبنى فيه أرائك
ربنا يبارك فيك يارب
ويسعدك
وتقدر تحول حياتك الزوجية المستقبليه لجنه مع من يريدها قلبك
ترجع بالسلامه يارب
مستنينك
دمت فى حفظ الرحمن

ساسو يقول...

موضوع جميل جدا
ويستحق المتابعه

موضوع الزواج سواء معرفه او صالونات
المفروض انه يتبني علي اساس واحد وهو حسن الاختيار
وحسن الاختيار مش بيكون مرتبط بالعريس او العروسه بس
لأ دا لازم يكون اهله او اهلها معدنهم اصيل
وسمعتهم طيبه بين الناس
وتحس من اول تعامل معاهم انهم ناس تعرفهم وترتاح معاهم

اما القناع اللي بيبقوا لابسينوا
فدا موجود ويمكن عند غالبيه الناس
بس درجات
يعني ممكن حد كويس
بيحاول يظهر انه كويس اوي
دي متبقاش مشكله كبيره
لو قلع القناع

والمعامله الطيبه لازم تبقي متبادله
بين الزوجين والاهل
ويبقي زواجهم مبني علي التفاهم

كلامك جميل جدا

تروح وتيجي بألف سلامه

hana يقول...

الحب من وجهة نظري لا ينتهي بالزواج الحب يستمــر بالزواج وإلا فكيف تكون الحياة بدونه وكيف ولما إذن يتزوج المحبين إذا هم بطرقهم لنهاية الحب !
الحب يحتاج للزواج ليستمر وينمو في طريقه الصحيح بالشكل الديني والإجتماعي السليم
لكن ربما يموت عند البعض نتيجة إهمال أحد الطرفين لمشاعر الآخر ومعاملته بجفاف بقسوة وعدم إحترامــه تحت بند الملكيــة الخاصة وإنه أصبح من ممتلكاته بعقد الزواج وينسى أنه عقود القلوب لها من الأهمية الكثير
الذي لا يمكن إغفاله أو التهاون به بالعقد المكتوب
الحب وردة إذا لم تمنحها الدفء وترويها تذبل وتجف وتتساقط أوراقها فتنتهي وتموت
تلك وجهة نظري الخاصة
ودي وتقديري

موجة يقول...

مممممممممم
والله يابنى انا هقولك كلمتين وفيهم الخلاصة
الجواز ده عامل زى البطيخة
اما تطلع حمرا
لامؤاخذه
او تطلع ارعة
وده نصيب
ومن نصيبك هيصيبك
وماتقلقش
لو الواحدة اتجوزت وماارتاحتش للوضع العام مع اهله ولا مع الراجل
دلوقتى
فى قانون مصرى اسمة الخلع
تخلع
والراجل بقى عنده حلين
اما يطلق
او يتجوز عليها
ويذل نفس اللى جابوها
ترجع بالسلامة يامحمود
الا بالحق
انت اتخرجت بقى ولا لسه

جوجو يقول...

السلام عليكم
مش عارفة اقول ايه انت قولت كل حاجة
بجد كلامك صح وصح جدا كلام بتدل على شخصية انسان عاقل قوى
بحيك على البوست

همسات وبحــ الحياه ــر يقول...

الحب من وجهة نظرى بيبدأ من لحظة ارتباط الشخص بمن اختارها شريكه حياته
وعمر الحب مابينتهى بالجواز
ههههههههه والله ضحكتنى
هنا بيقولوا كدا بيستنوا ان الواحده تكون حامل من اول شهر وان مكنتش كدا تبقى معيوبه او معمولها عمل على فلاشه لاب توب قديم ههههههه
انا من وجهه نظرى ان الجواز عن حب جواز فاشل
ومن وجه نظرى ان جواز الصالونات ممكن يكون كويس وومكن لا
بس تعرف انا نفسى متجوزش صالونات
ولا احب واتحب
بس نفسى اللى يتقدملى دا يكون حاببنى شخصيا مش جاى عن طريق طانت حشريه ولا نحمدوا ولاعم حسين ههههه
لابس قناع ااااااه من الكلمة دى اصلى اتقرصت منها يلااا
براااااااااافو واحييك على البوست دا والله

عمر ما كان الزواج

مقبره الحب ولازم كل من الزوج والزوجة يعرفوا حقوق بعض وواجباتهم
توصل بالسلامة
تحياتى

ديالا يقول...

عارفه انا كمان مرعوبه ان بعد الجواز الحب يقل والملل يدخل العلاقه دي

لان خلاص الراجل بيقبي امتلك مراته فمن هنا تبدأالمشاكل بيهملها وينساها والحب بيموت ربنا يخيب ظني

طوبه فضه وطوبه دهب يقول...

ايا كان نوع الجواز بيكون الرك على الطرفين وحسن الاختيار لو قدر الطرفين يفهموا بحس يحسوا ببعض ويخرجوا الاهل من مشاكلهم البسيطه والحاجات بتاعتهم اللى تخصهم هم وبس صدقنى المركب بتمشى الاهل ليهم دور اكتر منه لا ينفع البنت تدخلهم ولا الولد كل ما كان الطرفيتن اكتر نضج كل ما كانت المسائل اكثر ليونه وكل ما كانوا قادرين يفهموا بعض كل ما قدروا يتحملوا بعض واهم شىء هو عدم التكلف وخلع اى اقنعه لان كل ما كثرت الاقنعه كلما غابت الحقائق وكل ما كانت الاسرار بين الطرفين ايا كانت مشاكل بسيطه فى نظرهم انما هيكون لها حل انما لو خرجت من بينهم لازم هتكبر وتوسع وصدقنى الدين والاخلاق هم اللى بيبنوا بيوت ويرفعوا ناس ومن غيرهم مهما كانت الفلوس والنفوذ حاجات كتير بتنهار

mrmr يقول...

موضوووووووع جميل وهام جدا جدا
ما عنديش شئ جديد اكثر مما سبقونى فى التعليق قلب قطه .. والحب الجميل جسدوا كل شئ بالنسبه لهذا الموضوع

الزواج السعيد ياتى اولا لما يكون الطرفين عايشين فى مخافه ربنا لان كل من الطرفين بيحاول يرضى الطرف الاخر فى الله

ولبس الاقنعه الزائفه مش فى مصلحه اى من الطرفين وخصوصا فى فتره الخطوبه

موضوعك وارائكم لها كل التقدير

ربنا يسعدك وتجد الزوجه الصالحه اللى تخلى حياتك جنه ارضيه تعيشوا فيها سوا
وتيجى بالسلامه سوهاج كلها ح تنور

لو شفت ورد على المحطه يبقى انا رشيته احتفالا بيك

just waiting يقول...

تصدق يامحمود الموضوع دا بجد شاغل حيز كبير من تفكيري
ولحد دلوقتي مش قادرة اوصل لرأي محدد فيه
بصراحة مش بحبذ فكرة الارتباط الغير رسمي من ورا الاهل
كمان مش قادرة استوعب ان حياة كاملة تتبني على اساس قاعدة واحدة بينا نتكلم فيها وبعد كدا اتخطبنا ونفضل نمثل على بعض لحد مانتجوز وشوية وكل واحد يبان على حقيقته
اصل احنا ممكن نعيش حياتنا كلها نخدوعين في حد ونكتشف دا متاخر قوي
مابالك بقى حد مانعرفوش
بس دا طبعا مايمنعش ان جواز الصالونات بيكون غالبا انجح من الزواج عن حب
اعتقد لان في الصالونات مش بيكون الحب موجود وكل طرف مش منتظر من التاني تضحية ومشاعر
اما عن حب كل طرف بيستنى من التاني تضحيات باسم الحب
بص بجد مش عارفة ولما بفكر في الموضوع دا بحس اني توهت
اهم حاجة توصل بالسلامة ومدونتك في عنينا ياهندسة

كلمات من نور يقول...

جزاك الله خيرا يا باحث عن الحب ( أسأل الله أن يحبك ويحبب خلقه فيك )

بس لي ملحوظة صغيرة؟ إيه رأيك تستبدل الصورة دي بصورة زي دي كده:
http://img810.imageshack.us/img810/9431/222136.gif

http://img829.imageshack.us/img829/7929/images1ih.jpg

http://img101.imageshack.us/img101/6618/images2jc.jpg

سامحني لتدخلي بس ربي يعلم كم أحب لنا جميعا الخير كله وعيد سعيد وترجع بالسلامه من الصعيد
=============================

رابط كتاب تحفة العروس لمن يريد تحميله

http://www.ahlalhdeeth.com/vb/showthread.php?t=186161

وعيد سعيد

Ramy يقول...

ياااه يا محمود

انا لسه جى من عند داليا و لسه كنت بأشرح جزء من الكلام اللى عاوز أقوله

الحب الحقيقى

يحتمل كل ما سيواجهوا فى الحياه من معارك

أنت رايح الصعيد

هو مفيش نت عنديهم و لا أيه

توصل بالسلامة و تستمتع و ترجع بالسلامة يا بطل

تحياتى يا صديقى

Kiara يقول...

بصراحة من اللي شفته لحد الان شايفه ان جواز الصالونات كل يوم بيكون اسواء من اليوم اللي قبله

اما بالنسبه للحب

اعتقد انه هيكون مقبرته الجواز لو مش فيه مقومات الاستمرار

أتنين حبيبين يقول...

ازيك يا محمود

وحشتنى كتير يارب تكون بخير
واتمنا تكون رجعت بالسلامه

بجد موضوعك جميل اوووى
بس تعرف يا محمود ساعات جواز الصالونات بيكون احسن من اللى جاى على حب صدقنى
لان معظم الزيجات المبنيه عن حب نسبه نجاحها ضعيفه وده من خلال تجارب شاهدتها بعينى

اسئل الله لى ولك الخير
ولشباب المسلمين اجمعين

واسفه لتأخيرى
تحياتى
توتا

باحث عن حب يقول...

جايدا العزيزى

لله الله يامحمود


تعرف انك عندك حق فى كل كلمه كتبتها

ومن خلال تجربتى ااقدر ااقولك


ان الحب الحقيقى يبدأ بعد الزواج


من خلال التفاهم والعشرة والمودة


تحياتى

باحث عن حب يقول...

اتنين حبيبين

كلام جميل كلام معقول مش هقدر اقول حاجه عنه


ان شاء الله ترجع تنور مكانك من تانى

وتحيه لاهل الصعيد اجدع ناس

باحث عن حب يقول...

اتنين حبيبين

كلام جميل كلام معقول مش هقدر اقول حاجه عنه


ان شاء الله ترجع تنور مكانك من تانى

وتحيه لاهل الصعيد اجدع ناس

باحث عن حب يقول...

اتنين حبيبين
لمحات فكر جميله اوى يا محمود

فعلا بعد الزواج بنكتشف حقائق غريبه

المهم ان ربنا يكون راضى عن الزيجات دى عشان الحياة تستقر لان معظم الزيجات بتفشل الايام دى لانها مبنيه على غش وخداع


تحياتى لقمك ولمحات فكرك الاروع

توتا

باحث عن حب يقول...

القمر الباكى

لسلام عليكم ورحمه الله وبركاته
كل سنه وانت طيب
عامل ايه واخبار العيد معاك
الحب قبل الزواج بيكون مبني ع المظهر والشخصيه مبتبانش اوي وقتها
انما بعد الجواز بيعرفوا بعض كويس بصفاتهم وطباعهم والحب بيكون حقيقي
ربنا يسعدك ويسعد الجميع
دومت بخير

باحث عن حب يقول...

نهى صالح
والله عندك حق
كل ده مظاهر
المهم الموده والرحمه
والحب والمعامله الحسنه
الموضوع اكبر
من انها تسمع كلامى
او نى امشى تحت طوعها
الموضوع اكبر من كده بمراحل
منورانى

باحث عن حب يقول...

رتشارايه
العند يورث الكفر
طبعا علشان بيهدم اى حاجه قدامه


بس انتى صح
لازم تعرف حدودها بس اقولك حتى لو تظهر كده وترضى دى ودى
واللى بينها وبين زوجها اكبر من كده

طبعا مسخره انها تطلع اسرار البيت مصيبه وهى مش عارفه ممكن توديها فين

اول حاجه بنعلمها لولادنا وبناتنا اللى جوه اؤده النوم ماحد يعرفه غير اللى خلقنا لانه مطلع
والله عندك حق

موضوع الاعمال والكلام الفاضى ده احنا العيب فين ياترى ثقافه ولا فكر ولا تعليم ولا ايه؟



جواز الصلونات لعلمك 90% منه جواز ناجح لان التعارف بعد الجواز والاخدان على بعض بيكون تدريجى وحده وحده دا بيخلى الناس تحتفظ بالكثير من قيمتها

لانهم بيكونو غامضين وكل واحد خايف من رد فعل التانى

حب بقى بعد الجواز بص هو مابيموتش هو بيقلبظ ويتقل من كتر الاكل فا ميبقاش سخن سخنيه فى حاجات بتكون موجوده معه مش اهم منه لاء موجوده معه

حضرتك
ردتى رد
ينفع موضوع
والله

رائعه
ايوة كده خبره الحياه تتيح لحضرتك انك تقولى الصح فين
بارك الله لكى يارب يبارك فى حياتك

باحث عن حب يقول...

استاذ احمد
اولا
تغيب مهما تغيب
انت موجود فى قلوبنا
ولما بتجى تعلق بيكون كلمتين وبس
يارب يرجعك لينا بالسلامه
يارب
كلامك
صح
والمفروض لا نحيد عن كلام الله
ومن يعى او يفهم

باحث عن حب يقول...

داليا
يارب يفرج كرب يارب
يارب يارب
جواز الصالونات
او اى نوع جواز المهم
اقامه اسره سعيده
نحاول
بقدر الامكان
يارب
يفرج عنك

باحث عن حب يقول...

الحب الجميل
ياة الزوجيه من أسهل ما يكون إذا وجد الوفاق والحكمه فى التعامل والهدوء النفسى بين الزوجين
ليس كل الزيجات مقبرة للحب ...
فهناك زيجات تتحول لجنة حب وبعضها الأخر يتحول لمقبرة تدفن فيها كل شىء مضى


يااااااااااااه
والله كلامك جميل يا اختنا
والله
بصى انا هعمل موضوع جديد اسمه احلى التعليقات الجزء التانى
والبوست ده واحد احلى التعليقات فعلا
الكل بيكتب بحماس
وقلب ياااااااااااه
يارب يبارك فيكم يارب

باحث عن حب يقول...

saso

لمفروض انه يتبني علي اساس واحد وهو حسن الاختيار
وحسن الاختيار مش بيكون مرتبط بالعريس او العروسه بس
لأ دا لازم يكون اهله او اهلها معدنهم اصيل
وسمعتهم طيبه بين الناس

حسن الاختيار
انتى جبتى الموضوع من الاخر
يا ساسو
والله
جميله من يومك تعليقاتك
رائعه
افكارك\
دمتى متألقه

باحث عن حب يقول...

هنا

الحب وردة إذا لم تمنحها الدفء وترويها تذبل وتجف وتتساقط أوراقها فتنتهي وتموت

الله جميله الجمله
دى
والله
انتى فين بقه
مختفيه

باحث عن حب يقول...

موجه
وجهه نظر
بس براحه اكتر
انتى قاسيه شويه فى كلامك ده
شويه رومانسيه
ولا ايه
هههههههه
كلامك صح بس مش بالسهوله الطلاق ولا الخلع
يا موجه
يارب ينولك اللى فى بالك

يارب
انا
لسه
فاضل لى سنه
دعواتك انى اخلص بقه اتخنقت
من الدراسه
نفسى
اتجوز بقه

باحث عن حب يقول...

جوجو
يارب يبارك فيكى ياب
فينك
غايبه

باحث عن حب يقول...

دموع


معمولها عمل على فلاشه لاب توب قديم

ههههههههه
طنط حشريه
وعم حسين

حلوة
فعلا
الجواز عمره ما كان مقبره الحب

والله
كلامك صح

باحث عن حب يقول...

دلايا
اللى يفتكر انه امتك
مراته
يبقى غبى
الزواج
سكن
ورحمه
يارب يخيب ظنك
يارب

باحث عن حب يقول...

دهب

الطرفيتن اكتر نضج كل ما كانت المسائل اكثر ليونه وكل ما كانوا قادرين يفهموا بعض كل ما قدروا يتحملوا بعض واهم شىء هو عدم التكلف وخلع اى اقنعه لان كل ما كثرت الاقنعه كلما غابت الحقائق وكل ما كانت الاسرار بين الطرفين ايا كانت مشاكل بسيطه فى نظرهم انما هيكون لها حل انما لو خرجت من بينهم لازم هتكبر وتوسع وصدقنى الدين والاخلاق هم اللى بيبنوا بيوت ويرفعوا ناس ومن غيرهم مهما كانت الفلوس والنفوذ حاجات كتير بتنهار

بصى حضرتك

قولتى كلام جميل قوى
فعلا
الاقنعه لازم
تسقط
وتنهار
احلى بوست فيه احلى تعليقات

باحث عن حب يقول...

احلى بوست فيه احلى تعليقات
هرجع تانى اكمل ان شاء الله
باقى

التعليقات الجميله دى

السلام عليكم

 السلام عليكم  يا اهل التدوين معرفش هتفتكروني ولا... بس لاقيت ذكريات وكلام يوجع القلب سنين كتير مدخلتش هنا  وراجعت ذكريات ١٠ سنين ورا لاقيت ...