الأربعاء، 29 سبتمبر 2010

عبد الوهاب عصام والحيره الكبيره+تحديث مهم

السلام عليكم 
حبيت ابلغكم احبابى بغلق مدونه الشهاب 
الى  وقت اخر علشان بقه الدراسه وانا مزنوق خالص 
وعلشان كده  انا قفلت الشهاب واحتمال اقفل باحث او قلبى حبيبى واستقر على مدونه واحده  بس
ومعلش متاعتى ليكم الايام اللى جايه هتكون ضعيفه كمان علشان الدراسه ياريت تسامحونى 
وكمان على الفيس بوك هيكون تواجدى ضعيف شويه 
وانا موجود بينكم وهعلق مش هختفى يعنى 
بس باحب امهد  الاول 
ويارب يبارك  فيكم يا اصحابى واخواتى 
____________________________________
شكرا
شكرا  لكل من  زار مدونتى 
وكتب فيها 
شكرا 
انكم استحملتم ان تقراوكلامى ده
وانا  باكبر يكم وفيك  لانكم تستحقون  كده
ونحن لنا الظاهر وربنا  يتولى السرائر 
شكرا 
لكل من دعاء لعصام
 وعبد الوهاب
يار يجعله  فى ميزان حسناتكم
__________________________
مقدرش استغنى عنكم ابدا
ومش هغيب
ان شاء الله

_______________________


السلام عليكم
بما ان الموضوع كبير
حبيت اعرضه على حضراتكم
لان انا بجد مش عارف اعمل ايه
وبجد اكتر
عاوز منكم الدعوات لانى لوحدى وممعيش حد
غير ربنا سبحانه وتعالى
ولقد تردت كثيرا حينما فكرت ان اكتب ما حدث ولكن شىء ما دفعنى الى الكتاه سألا الله عز وجل ان يتقبل منكم الدعاء
اولا
اخبرتكم بحاله عبد الوهاب عصام
وقلت لكم ان الدكتوره ايزيس محمد غالى كتبت علاج وانه موجود فى ابو الريش
واخبرتكم اننا اتينا بالدواء
وهذا ما تم ولكن ليس الدواء كاملا بل جزء منه والجزء الاخر وهو الاهم غير موجود فى المستشفى
ذهبنا الى الدكتوره من تانى بعد فتره علشان المواعيد طبعا
فاخبرتنا ان الدواء غير موجود فى ابو الريش
وان نبعث الى البلاد العربيه
لان الدواء غير موجود اصلا فى مصر
بعثنا الى السعوديه والكويت حيث المعارف هناك ولك اكتشفنا بالسؤال ان الدواء غير موجود فى الدول العربيه وانه موجود فى امريكا فقط المشكله مش فى تمنه
المشكله فى ايه
وتلك ملاحظاتى وهو ما دفعنى فى التشكيك فى الدكتوره ايزيس من الاصل وفى تشخيصها
من البدايه
1-
2-الدكتوره قالت لنا ان الدواء موجود فى ابو الريش وان مشكله عبد الوهاب ان العظام تتكون من الكالسيوم بنسبه70%والفسفور30% الكلى تخرج الفسفور مع البول وان الجسم لايمتصه من الكلى
وان الدواء المطلوب (اورجنك فسفات)وهو غير موجود غير فى ابو الريش
3- لما عادت فقالتا نه غير موجود فى ابو الريش وهى بعتتنا على هناك
وفى الزوياره الثالثه قالت لنا ان هناك من ياتى بالدواء من امريكا ليه مقالتش كده من الاول
4-الدكتور محمد السبكى هو من ارسلنا الى الدكتوره ايزيس ولما رحنا له وحيكنا اللى حصل قال لزوجه اخى هى اتعاملت معاكى ازاى هى اصلا مش بتحب المحجبات
طيب ما دام انت عارف كده بتبعتنا ليها ليه من الاول وقال تشخيصها هو الصح ليه
**زوجه اخى ذهبت الى دكتوره اخرى اسمها صافيناز مش فاكر باقى الاسم وقالت لها ان اللمشكله عاديه شويه ادويه وخلاص قالت لها زوجه اخى طيب المشكله مشكله غدد قالت لها لآ
قالت لها زوجه اخى بعد ان كتبت الروشته الدكتوره ما حدث عند ايزيس
قالت الدكتوره الدكتوره ايزيس هى الصح وامشى على دواء ايزيس
علشان كده الدكتور السبكى شتم فى الدكتوره صافيناز وقال دى مش بتفهم ومش تخصصها
____________________________________________
المشكله اننا ذهبنا الى مستشفى تبارك او العياده دى بتاعه الاطفال الدكتور شكك فى ايزيس
وقال ان الدواء يصنع فى صيدليه الجمهوريه بوسط البلد مع الاتيان بالماده الخام من ابو الريش
__________________________
انا تعبت انا مش بلف مع زوجه اخى لانى معتنى باخى ومش معانا حد غير ربنا
بس
اللى فارسنى ان الطب فى مصر متأخر كده قوى
كله بيشكك فى كله
وايه اللى دخل الموضوع بين محجبه وغير محجبه
هو الطب مش ملائكه الرحمه
ليه ده كله
(((((((((((((((((((((((((((((((((((((
بكره الاربعاء هتروح عند مستشفى اسمها مستشفى الزهراء
بالعباسيه
دكتوره اخرى تفصل فى الموضوع
انا خايف
ان الواد يكون التشخيص غلط
والواد يروح
_____________________________
اسف على الاطاله
ولكنه واقع
لا اسألكم
غير الدعاء
ثم الدعاء
ثم الدعاء
بارك الله لكم
___________________
النهارده بقه هو راح مستشفى الزهراء بالعباسيه 
وكان  هناك مجموعه من الدكاتره
حوالى10 دكاتره 
اختلفوا برضوا
فى التشخيص
وبرضوا بالنسبه 
للدكتوره ايزيس
وانها كويسه او وحشه والاختلاف قالوا اعملوا تحاليل
ومستعملش دواء ايزيس واستعملى دواء صافيناز
ودواء جديد كمان
ولسه فى انتظار
النتيجه
الطب فى مصر متاخرللدرجه دىمحدش ميتفق على تشخيص
\
واحد 
 

هناك 14 تعليقًا:

رشا يقول...

السلام عليكم
ربنا يشفيه وان شاءالله هتعرفوا ايه هو علاجة وايه هو مرضه.
وعلى الطب بدول العربية كلها نفس الكلام كله سرقة وكذب على الناس
ولما يحصل حاجة يقولوا والله مش بيدنا انتوا الي ماتتبعوا العلاج.
ربنا يشفية وقيمه باسلامة ودعواتي معاه.
سلامي

richardCatheart يقول...

كارثه يا محمود انت بتتكلم فى كارثه
كارثه الدكتور اللى بعتكم لازيس وهو عارف انها مابتحبش المحجبات !!!!!!!!!!!!!!!!

وكارثه ازيس نفسها اللى المفروض مهنتها سمو عنى اى عنصريه اتعلمت لعلاج البش بصرف النظر عن اتجاهتهم

وكارثه صافيناز اللى شخصت واكدت التشخيص ولما عرفت كلام ازيس رجعت فى كلامها كاننا بنهزر
وكارثه كنسولتو الاطباء اللى محتار بسبب قله وضعف التعليم فى بلدنا
وكارثه الزحمه فى كليات الطب اللى ازاى هايفهمو ويطلعو يعلجونا ويعلجو عيالنا

هاقول ايه بس سيبك ربنا احسن من الكل هو الشافى وبيجعلهم سبب مش اكتر امره بين الكاف والنون كون فايكون
ربنا يارب مايوركمش فيه وحش عبد الوهاب قادر العزيز الوهاب الشفا عن عبده الطفل البرىء اللى للاسف فى بلد
خربت من زمان

معلش يا محمود واضح انك عامل اللى عليك
بس هاقولك سيبك من المستشفيات وداكاتره المستشفيات اسأل او اعمل اعلان هنا فى البلوج عن دكتور عظام اطفال كويس وروحله فى عيادته استشارى طب عظام الاطفال انا لو من القاهره كنت دورتلكم والله
وماصريف بمصاريف يبقى روح لدكتور كبير
وانا ممكن اساعدك ولو حبيت اعمل معاك اعلان فى كل المدونات اللى اعرفها
وياريت ماتدوش الولد العلاج لان مافيش يقين من التشخيص الاول او التانى
وبدل مايبقى مشكله بسيطه نزودها بعلاج غلط الصبر بس حبه لغايه ماتستشير طبيب كبير متخصص
ربنا بشفى عنه وعن والده يارب بحق جاهه وعرشه العظيم

جوجو يقول...

السلام عليكم
ربنا يشفيه ان شاء الله خير
تحياتى

غير معرف يقول...

علية افضل الصلاة والسلام
خير يا محمود ان شاء الله
ربنا يشفيه يارب ويشفى عصام
فعلا عندك حق الطب تاخر جدا فى مصر وبقيت العمليه شبة عمليه تجاريه بحته
ومفيش حد بيقدر
وانا مجربه والحمد لله
ان شاء الله خير
ربنا يحفظه ويبعد عنه المرض
ويبارك فيك
يارب
دمتم بخير

خابت بك ظنوني يقول...

لا حول ولا قوة إلا بالله

إيه اللي بيحصل دا ؟؟؟

الموضوع مش موضوع تأخر طب

الموضوع إن الطب بئى بالدراع ... دكتورة إيزيس فكرتني بدكتورة تانية مشهورة جدااااااااااااااااااا جدااااااا جدااااااااااا وبتيجي على التليفزيون وواحد هصاحبتي راحت تتعالج عندها وللأسف العلاج جاب نتيجة سلبية لدرجة إنها بيغمى عليها فجأة وبدون أي مقدمات !!!


عامة إذا كان الأمر أمر عظام ... ف أسم دكتور سمير البدوي يكفي في الموضوع وزي ما قولت ابن خالتي بيتعالج عنده من وهو طفل
والميزة انه بتيابع حالة الجسم كله ... يعني مش بيدي دوا عظام والمعدة تروح بلاش والأنزيمات ترتفع مش مشكلة والكلام دا ...

مش عارفه هو بيعرج يبئى إزاي ملهوش علاقة بالعظام ؟؟
وإيه دخل الغدد ؟؟

معلش كدا لو في تحاليل اتعملت أو اشعة
ممكن تتسحب اسكانر ؟؟

mrmr يقول...

ربنا يشفيه ويمد ايده سريعا بالشفاء

عايزه اقولك ان الدكاتره كلهم فى تنافس مع بعض
صدقنى العمليه مش فى ايزيس ولا فاطمه ولا غيرهم
العمليه تنافس ليس اللا والكل بيشكك فى الكل علشان يطلع هو الافضل والاحسن
وده معروووف مش بس فى مهنه الطب لا فى اغلب المهن

ربنا يكمل شفاءه على خير

Noha Saleh يقول...

الدكاترة دلوقتى بيهرجوا
والله انا اعرف ان مستشفى كليوباترا فى اطباء كويسين اوى تخصص اطفال
ممكن تروحوا مجرد كشف عادى وتعرفوا التشخيص ايه لكن نصيحة منى بلاش كلام الدكتورة ايزيس دى ولا اى حد بعتكم ليها او حد من طرفها
احتمال يكونوا بياخدوا عمولة من شركات ادوية او بينهم اتفاق انهم يبعتوا المرضى لبعض
عاوزين نطمن على عبد الوهاب بإستمرار
وفى انتظار عودتك مجددا

همسات وبحــ الحياه ــر يقول...

لاحول ولا قوة الا بالله

هقول ايه بس
ربنا يشفيه ويخفف عنه ويتعالج بإذن الله
تحياااتى

ساسو يقول...

ربنا يشفيه ويعافيه ويقومه بالسلامه
ويبعد المرض عنه
والله يا محمود هو الطب متأخر من زمان يعني مفيش جديد
يالا ربنا موجود هو لوحده الشافي
قادر يخلصه من داءه
ويشفيه

طوبه فضه وطوبه دهب يقول...

عايزه اقولك ان المشكله دى بتقابلنى كل يوم وانا بتعامل مع مرضى فى الصيدليه ومن دكتور لدكتور وتشخيص لتشخيص فعلا الطب عندنا اصعب مما تتخيل بص عايز رئى ابو الريش احسن مستشفى اطفال واستقروا مع رئيس القسم المتخصص وان شاء الله خير واستقروا على دكتور معين بلاش التعدد لانه ديما بيشتت ومعلومه لازم تعرفها الحجاب بيفرق فى كل حاجه دلوقتى فى بلدك بحالها مش بس طب ولا صيدله فى كل حاجه دلوقتى احنا اللى عملنا فى نفسنا كدا ربنا يرحمنا ويشفيه يارب ويعفو عنه ادعيله كتير الدعاء وحده هو مايرد القضاء

رشا يقول...

السلام عليكم
محمود لو سمحت لاتقفل المدونة دي
اصل انا مش عارفة غير المدونة دي من بتاعتك.
وربنا يشفيعبد الوهاب ويشفى كل مريض
امين
سلامي.

sweet angel يقول...

السلام عليكم

اللهم اشفي انت الشافي لا شفاء الا شفاؤك شفاء لا يغادر سقما

ان شاء الله ربنا يشفيهم ااااااامين

الطب خلاص دلوقت بقى وسيله للتربح اكتر منه مهنه انسانيه

ربنا يرحمنا برحمته

باحث عن حب يقول...

رشا
شكرا لكى
ربنا يجعله فى ميزان حسناتك يارب
ويبارك فيكى

باحث عن حب يقول...

رتشاريه
الحمد لله
احنا استرينا
فى مستشفى
الزهراء بالعباسيه
وهو تمام تلوقتى
الحمد لله على كل حال
وقالوا ان ايزيس دى تشخيصها مش صح
الحمد لله
والله عندك حق
مشكله كبيره
موضوع الطب فى مصر
موضوع المحجبات
صابح معروف فى كل مكان الحجاب مضهد
فعلا
شكرا لكى

السلام عليكم

 السلام عليكم  يا اهل التدوين معرفش هتفتكروني ولا... بس لاقيت ذكريات وكلام يوجع القلب سنين كتير مدخلتش هنا  وراجعت ذكريات ١٠ سنين ورا لاقيت ...