الأحد، 5 سبتمبر 2010

سؤال وجواب



السلام عليكم
كل عام انتم بكل خير

شكرا لمن دعا لاخى عصام وابنه عبدالوهاب
جعله الله  فى ميزان حسناتكم يارب
معنا اليوم سؤال وجواب من اختنا العزيزه
وانا كان منى لابد ان البى دعوتها
رغم اننى كنت سوف اكتب 
بوست كامل عن الكتب دى 
ولكن فى ذكرياتى العالم من فوق دراجه
وان شاء الله هكتبها برضو
والدعوه فيها

فهى عباره عن بعض من الاسئله للتعرف عن قرب
على الاشخاص الذين نتعامل معهم عن بعد
 وبعض الكتب الذى يتناولونها
وافكارهم وشخصيتهم من  نوعيه هذه الكتب

بفضل من عند الله احب القرأه 
او انا كنت احب القرأه 
منذ صغرى 

ومش هبدأ فى الكلام اسهاب كتير 
الا من خلال الاسئله

زى كده طونى خليفه فى 
بلسان معارضيك

هههههههههههههههه

السؤال الاول

. من أرسل لك الدعوة ؟

طبعا اختنا اللى دايما بتدخل علينا الابتسامه والبهجه 
صاحبه مدونته ابتسامات وامنيات وشباب على طول
اللى انا عامل لى قاعده عندها  فى المدونه كل يوم شبه يوميا تلاقونى عندها طبعا اختنا مرمر
الا فى مدونه بصراحه مش بدخلها خالص وهى ركن المراه 
لانى مليش اصلا فى الطبيخ


السؤال الثانى
. ما هي كتب الطفولة التي بقيت عالقة في ذاكرتك؟

طبعا وبدون شك ميكى جيب 
وسمير اللى كنت باحوش انا واخواتى لما كنا صغننين مصروفنا ونروح نجيب مجله ميكى او ميكى جيب 

واللى عالقه بذاكرتى 
فى قصه كانت مقرره على الصف الخامس الابتدائى 
مش عارف حد فاكرها ولا لآ
عقله الاصبع كنت بغوص بخيالى مع الكاتب  وعلاء الدين والمصباح السحرى 
وخصوصا لما شوفت فليم جليفار 
اللى فيه البطل بيكون صغيير قوى وفجاه بيكفر والمغامرات دى 
كنت  فى الاجازه بروح  فى مكتبه خاصه بمدرسه اسمها اسامه بن زيد الابتدائيه كنت باعشق اروح  فى الاجازه هناك  قرأت فيها  كل القصص وكده يعنى

السؤال الثالث

3. مَنْ أهم الكتاب الذين قرأتَ لهم ؟

والله اهم الكتاب اللى قرأت ليهم 
اولا الاديب اللى انا عاشق لكل قصصه الدكتور نبيل فاروق
واخترته الاول لانى اول ما عرفت القراه عرفتها على ايده  فى الاعدادى

رجل المستحيل بفضل من عند الله قرأت معظم السلسله وكمان 
ملف المستقبل بس مليش تقل على السلسه التانيه دى وكام قصه من سلسله زهور وطبعا المغامرون الخمسه
اهم الكتاب  الامام العلامه شيخ الاسلام الامام ابى حامد الغزالى رحمه الله  هذا الرجل الذى اثر فيها بجد واولى الكتب اللى قرأتها له
احياء علوم الدين وخصوصا الجزء الثالث لانه بسم الله ما شاء الله 5اجزاء وطبعا مع تنقيح الاحاديث اللى فيه لان الكتاب ده ظهر عليه اعتراضات كتيره جدا بس احب المحاسبه والمراقبه اللى فيه بجد
والامام العلا مه  القرطبى  رحمه الله  فى كتابه المميز التذكره  فى امور الموتى واحوال الاخره  
هما الكتابين دول اللى اثروا فيها بجد من الاعدادى الى الثانوى
فاروق جويده 

السؤال الرابع
. من هم الكتاب الذين قررت ألا تقرأ لهم مجددا؟
والله  فى كاتب انا قرأت عنه وقلت انا مش هقرأ ليه تانى رغم انى لم اقرأ له اصلا 
بس عرفت ان الموضوع داخل فى فلسفه بس اكبر من دماغى هو ابن سينا
قرأت كتاب اسمه ابن سينا بين الدين  والفلسفه
مكن من اربعه فصول  الفصل الاول عن قصه حياته اللى جاهد فيها جهاد مرير وكان بيعالج الناس من مرض معين مش فاكر ايه هو بالضبط المشكله انه مات بنفس المرض اللى كان بيعالجه 
دخلت بعد كده على باقى فصول الكتاب مفهمتش حاجه خالص 
حلفت يمين انى لا اقرأ له لانه دماااااااااغ كبيره

السؤال الخامس
.في صحراء قاحلة ، أي الكتب تحمل معك؟

طبعا وبلا  شك  المصحف 
وبالتالى  اى كتاب للابى حامد الغزالى خصوصا كتاب 
مكاشفه القلوب


السؤال السادس

. ما هو الكاتب الذي لم تقرأ له أبدا ، وتتمنى قراءة كتبه ؟
خالد محمد خالد انا  قرأت له كتاب واحد بس 
وهو ابناء الرسول فى كربلاء
بصراحه الراجل ده اسلوب كتاباته فوق الرائعه 
بس صعبه شويه وعاوز وقت كبير علشان تفك شفرات  جمله وتعبراته 
وعاوز  وقت كبير جدا
بالعافيه   خلصت الكتاب ده 
بس اتمنى انى اقرأ ليه باقى مجموعته 


السؤال السابع
. ما هي قائمة كتبك المفضلة ؟

احياء علوم الدين 
مكاشفه القلوب(ابى حامد الغزالى)
الاخوان المسلمين متى وكيف ولماذا (مركز بحوث الطريقه العزميه)
الاسلام بين الاختلاف المشروع  والتفرق المذموم (القرضاوى)

مفاهيم يجب ان تصحح (المالكى)

سؤال وجواب (على جمعه)

الحكم العطائيه وشرحها(لسيدى ابن عطاء الله وشرحها للدكتور  عبدالحليم محمود)

وكثير من الكتب اللى باحب ارجع ليها وطبعا كتاب التذكره للقرطبى
و مجموعه روايات شكسبير  واهل الكهف  
فنجان قهوة بالم انسان(مريم نور)

السؤال الثامن

. ما هي الكتب التي تقرؤها الآن ؟

والله هو تلوقتى مفيش غير بحاول انى اقرأ واختم القرأن 
بس فى مجله  اسمها منبر الاسلام بأقرأ فيها حاليا ولسه شارى كتاب اسمه السيده نفيسه رضى الله عنها  لسه لم ابدا القرأه فيه

السؤال العاشر
أرسل الدعوة لأربعة مدونين من أجل مشاركتنا بذكرياتهم مع القراءة ؟

والله مش بحب افرض حاجه على حد لانى عارف  مشاغل الدنيا كتير قوى 

ارسل الدعوه 
1-اختنا ساسو صاحبه مدونه اشعار وتأليف
2-اخى الحبيب نفسى تفرح بيا يارب صاحب المدونه اللى على نفس اسمه
3-اختنا كيارا صاحبه مدونه عالم مولان
4-اختنا الحب الجميل صاحبه مدونه الحب الجميل
فى ناس كتيره قوى قوى  بس كده كفايه وده مش فرض اللى يقدر يعمل موضوع يعمله على نفس النسق
بارك الله فيكم ______________
انا دوشتكم وصدعتكم 
ومن اكون حتى تعرفون ماذا اقرأ

القرأت دى كانت زمان  
تلوقتى  انا نفسى اقرأ وارجع زى زمان

هناك 22 تعليقًا:

Ramy يقول...

اولا أزيك يا محمود

انا عارف انى مقصر معاك

ايوة عارف صدقنى و وشى منك فى الأرض صدقنى (:

بس انا فى طمع منك انك تسامحنى

و ربنا بأذن الله يتقبل من كل الناس اللى دعت لعصام و ابنه عبد الوهاب
و يقوموا بالسلامة بأذن الله

التعليق بقا

انت غشيت منى و لا ايه

انا لسه مكتبتش صحيح بس ذكرت ناس كتير انا ذكرتهم

بس بجد بوست جميل و بسيط

و لسه برضه هنستى بوست الكتب بكثير من الأستفاضة ها

(:

رمضااان كريييم يا قلبى كبييير

صافى يا لبن (:


ربنا معاك دايما و يوفقك (:

موجة يقول...

ياسلام ياسلام
ربنا يبارك فيك يامحمود ويقويك
انت انسان كويس وتستاهل كل خير
تحياتى لشخصك الكريم
اللهم انك عفو كريم حليم تحب العفو فاعفو عنا

جايدا العزيزي يقول...

هههههههههههه


نبيل فاروق

انا كنت بعشقه هو ورجل المستحيل

بس الكلام ده وانا فى سته ابتدائى


اوعه تكون لسه بتقرا ليه


عندى اكبر مجموعه من كتبه


كنت شيلاها لاولادى


بس هما على النت دايما والفيس بوك والبلستيشن


يعنى قرايه مفيش


وعندى نجيب محفوظ وانيس منصور


ونزار وكتير اسلفك


ههههههههههه


تحياتى

غير معرف يقول...

علية افضل الصلاة والسلام
نبتدى ....

ايه ده
؟؟؟؟؟؟؟؟
ادبس مرتين
ههههههههه
هحاول ان شاء الله اجاوب
بس بعد العيد
كل سنه وانتم طيبين

جميل اختيارك لكتب
ما شاء الله عليك
دمت بخير

mrmr يقول...

كلوووووووو فى الجوووووون يا معلم
ميه ميه
اختيارك للكتب موفق
وده دليل على شخصك الطيب الجميل
ربنا يباركلك يا حوده

كل سنه وانت بالف صحه

just waiting يقول...

كتاب احياء علوم الدين في مكتبة جدو الله يرحمه مسكته وكنت عايزة اقرأه وبالذات ان المجموعه كلها موجودة بس بصراحة كسلت
اما بجد كل مجموعات دكتور نبيل فاروق واحمد خالد توفيق عندي معظمها
وفي المطلق كدا فعلا بطلت اقرأ زي زمان مش عارفة ليه

Noha Saleh يقول...

انا فاكرة قصة علاء الدين كانت مقررة علينا فى خامسة ابتدائى كانت حلوة جدا
عقلة الاصبع دى مش فاكرة انى اخدتها
الكتب اللى ذكرتها فى البوست دى واضح انها كتب مش اى حد يقراها وانا اللى كنت فاكرة نفسى مثقفة بالكام كتاب اللى قرأتهم
ربنا يوفقك دايما ان شاء الله
اجابات جميلة وبوست حلو

Kiara يقول...

د.نبيل فاروق

دمااااااااااغ

اجاباتك جميله جدا جدا وذكرياتك احلي :)

طوبه فضه وطوبه دهب يقول...

ماشاء الله فعلا مجموعه قيمه اوى من الكتب ربنا ينفعك بكل اللى فيه ورغم إنى كنت دوده قرايه بس الاهتمامات كانت مختلفه جدا ما كنتش بحب رجل المستحيل ابدا انما كنت بموت وانا صغيره يمكن اوله وتانيه ابتدائى بعشق فلاش وعلاء الدين ويمكن من تالته ابتدائى بدءت اعرف الرائع نجيب محفوظ وبعدها بدءت اقرا روايات الادب العالمى خصوصا شكسبير الرائع وقريت للعظيم مصطفى محمود والعقاد والكاتب اللى بعشق اسلوبه احسان عبد القدوس يااااه بجد بفتقد الايام دى اوى دلوقتى مفيش حتى وقت اشترى كتب عشان اقراها ويادوب ببص فى كتب الدراسات العليا استنى استنى صحيح انا عماله احكى وانت اصلا ما بعتليش الاسئله يلا معلش عيد بقى داخل وكل سنه وانت بالف خير يارب وصحه وسعاده

ساسو يقول...

قصه عقله الاصبع انا فكره ان كان في قصه بالاسم دا
وفاكره انها كانت جميله
لكن احداثها متلاقيش
الزهايمر بقي وعمايله

انت انسان طيب جدا جدا جدا
وربنا هيوفقك

واختياراتك للكتب جميل جدا

ومن دلوقتي هقرا كتب
وخصوصا اختياراتك

باحث عن حب يقول...

رامى
انت اخويا واستحاله ازعل منك

يتارب يتقبل منك يارب
ويعفوا عن كل مريض

مفيش حاجه يا بنى انت اخويا
الله اكرم
صافى يالبن

حليب
يا جهينه
ههههههههههههه

باحث عن حب يقول...

موجه
انتى الاحسن والله
يارب يتقبل منك
صالح الاعمال

باحث عن حب يقول...

جايدا

زمن فروق ولى وذهب
ومحفوظ الله يرحمه ونزار
زمن القرأ بتاعنا مات
ومفضلش منه الا شويه اطلال
اللى هما
احنا
كل سنه وانتى طيبه

باحث عن حب يقول...

الحب الجميل
شكرا
لكى
ومستنين البوست بتاع
الكتب

باحث عن حب يقول...

مرمر
كل سنه وانتى طيبه

شكرا انتى الاجمل دائما

باحث عن حب يقول...

just waiting

ياريت تقرأى الجزء التالت لانه مفيد ومهم من الاحياء
كلنا كده
بطلنا نقرا وبنزهق بسرعه
كل سنه وانتى طيبه

باحث عن حب يقول...

نهى صالح
علاء الدين بتاعه الكيلانى
متتتنسيش

ههه
مفيش حد مثقف يا بنتى
كلنا بنحب نقرا
والثقافه
انك تعرف عن كل شىء شىء
وعن شىء
كل شىء
شكرا لكى

باحث عن حب يقول...

كيارا
طبعا دماغ عاليه قوى
منوره

باحث عن حب يقول...

دهب
ايه الثقافه دى
جميله الكتب دى كلها
طبعا روايات عالميه
رائعه
وخصوصا مجموعه شكسبير وتاجر البندقيه

ههه
معلش انا اسف والله على عدم ارسال دعوه
يارب يوفقك يارب
فى الدراسات العليا يارب

باحث عن حب يقول...

ساسو
يارب يوفقك يارب
ويعزك يارب
ويديكى كل خير

الزهايمر
احنا كلنا مصابين بيه
يارب يبعد عنك الاذى يارب

القرأه جميله جدا
بس الاجمل ان نعمل با نقرأ
منورانى دايما

فتــافيت (رحاب الخضري) يقول...

لا بجد .. ما شاء الله عليك

معلش انا مررت لك التاج وماكنتش اعرف انك جاوبته

اصلا لو كنت قريت اجاباتك من الاول
كنت رفضت اجاوب عليه.. حفاظا على ماء الوجه :))

ربنا يزيدك من علمه
ويوفقك يا رب

باحث عن حب يقول...

فتافيت
بارك الله لكى
والله سعيد بزيارتك
مدونتى
المتواضعه
وحضرتك
بسم الله ما شاء الله
مثقفه
ثقافه عاليه
يارب يبارك فيكى
واتمنى
دوام التواصل
وخيرها فى خيرها
شكرا لكى

السلام عليكم

 السلام عليكم  يا اهل التدوين معرفش هتفتكروني ولا... بس لاقيت ذكريات وكلام يوجع القلب سنين كتير مدخلتش هنا  وراجعت ذكريات ١٠ سنين ورا لاقيت ...