الأربعاء، 1 سبتمبر 2010

العالم من فوق دراجه(2)ذكريات+تحديث+ايتها الانفاس الطاهره

السلام عليكم
 وقبل ما اتكلم احب اقول
يارب اشفى  اختنا الحب الجميل وندعوا لها بالشفاء
وكمان يارب يشفى والد ندى الياسمين علشان تعبان
وكمان نقول للغايبين ارجعوا ولاخونا رامى اوعى تمشى
وكل سنه وكلكم طيبين
-------------------------------------------------------------
العالم من فوق دراجه (2)
رمضان
رمضان  فى بلدنا ليه طعم تانى وكل رمضان فى اى بلد واحد فينا بيكون ليه طعم تانى خالص  خصوصا فتره الطفوله  طبعا ليها مذاق انا باتذكر كل حاجه ايام وانا صغنن كده ابعد بذاكرتى واقول
كنت المكلف انى اجيب العرقسوس والتمر الهندى وعصير القصب  من الشارع بس قبل الافطار
بحوالى نص ساعه مش عارف ليه كانوا بيعملوا كده معايا
كان  فى واحد مخصوص بجيب منه مش فاكر اسمه وكان العرقسوس بتاعه ليه طعم جميل ورونق خاص
ماما كانت بتعمله بس بصراحه الرااجل ده كان تمام
ميه  فى الميه 
جرجا فى رمضان محدش يعرف يمشى فى الشارع فيها ابدا خصوصا  فى رمضان وقبل الفطار
وطبع الموضوع ده فى كل المدن المصريه 
الكل مستعجل عاوز يلحق
يفطر فى البيت 
وموائد الرحمن زمان كانوا الناس يفرشوا على الارض
ويحطوا الاكل ويمسكوا فى الناس
علشان  يفطروا
وكنت يادوب اروح افطر واصلى المغرب وعلى طول لصلاه التراويح
صلاه التراويح مرت بمراحل كتيره
الاولى المسجد اللى جنب البيت كنت بلازمه  على طول فى الابتدائى
بس لما كبرت حبه عرفت ان  فى مسجد بيخلص بسرعه
اقوم اروحله وشويه كمان 
كنت بقصر فى صلاه التراويح  بصراحه
لما كبرت شويه كمان
فهمت
كان فى مسجد  بيصلى فيه راجل محترم جدا وحتى الان موجود اسمه الشيخ ضاحى
الراجل كده  كفيف
بس هو  فى الاصل لم يكون كفيفا  انما اصابه  العمى
فى حادثه الريان
والفلوس بتاعته كلهم معرفش يجيبها تانى المهم
الراجل ده  مسجده محدش يعرف يدخله  فى رمضان وعامل صوان  للستات
والتنى للرجاله  وبيختم القرأن  فى رمضان  بس بيصلى20ركعه صلاه متحسش بالطول ولا الزهق
يارب يبارك فيه يارب
هو اللى انتهى اليه الامر فى صلاه التراويح
وصبعا التهجد ليه طعم تانى
نطفى النور
والراجل يصلى 10 ركعات بس ايه عجب
راجل متميز وقرأته للقران  متميزه
تصلى وراه تسمع ددروس منه خلال الصلاه
رائعه جدا جدا
صلاه الجمعه بقه كانت جنب البيت برضو وتطور الامر معايا
لغايه ما كنت كل جمعه فى جامع شكل
لغايه ما كنت فى الاعدادى
وكان فى شيخ اسمه الشيخ عمرو الزيات هو شاب بس مثقف جدا
جدا
كل الشباب كانوا بيصلوا الجمعه عنده
والتجمع بتاعه كان بيسد اربع شوارع
واكتر من مره
يتسحب على امن الدوله
ربنا يحافظ عليه
لغايه ما حاوولوا انه ينقوله لمسجد فى بلد قريبه من بلدنا اليلد كانت  بتزحم من الناس احنا كنا بنروح واره اى مكان لغايه
ما رجعوه تانى
لما كان بيعغوقنى امر فى الدين فى كتب الفقه وكده كنت اروح له البيت
واتناقش معاه
خصوصا فى موضوع كده انا مش عاوز اصدعم فيه
موضوع العقيده الاشعريه والسلفيه 
والامام الغزالى
وشويه كلامك كنت تايه  فيه بجد فى ايام الثانوى
رحيت دماغى فى المواضيع دى وموتاضيع القضاء والقدر
وكده
لما رحت الكليه عرفت ان البلبله دى موجوده وريحت دماغى والراجل ده ربنا يعزه يارب
نرجع لرمضان
الاعتكاف
الحمد لله من اول ما عرفت يعنى ايه اعتكاف ومش بفوت يوم الاعتكاف ابدا
الا فى المسجد
لازم اعتكف بس فى مسجد تانى خالص
غير بتاع الشيخ ضاحى
والشيخ عمرو الزيات
مسجد كنت  فيه احضر الاكل والشرب لغايه السنه اللى فاتت كمان 
انظم السمجد
كنت خادم فى المسجد  فى يوم الاعتكاف تنظيم ترتيب تنظيف وكده
مع مجموعه طيبه والحمد لله
رونق جميل  نصلى التعشاء
ونقرا الرقات  ثم التهجد وصلاه التسابيح  ثم الدعاء
والسحور
ثم صلاه الفجر
ولنا رجوع  الى ذاك المسجد مره اخرى ان شاء الله 

وصلاه العيد  
برضوا لم اتخلف عن المسجد اللى باعتكف فيه عيه عن صلاه
العيد ابدا وبفضل الله 
يخطب فينا الشيخ 
حسين الاسيوطى الخطبه خطبه العيد سواء الفطر او الاضحى 
وامشى بقه 
زياره القبور 
كانت متعه عندى وما زالت طبعا
 فى رمضان كنت لازم كل يوم اروح ازور القبور مع باب قبل الفطاء
وفى الايام العاديه كنت اروح كل جمعه 
عسى ان يتذكرنى الناس بالزياره

الذكريات عن رمضان لا تنتهى ابدا
اتمنى ان اعيد ايامى واعيش رمضان مره اخرى 
كما عشته  فى الماضى 
-----------------
رمضان فى قنا
لما رحت  الجامعه فى قنا
كانرمضان مختلف جدا جدا
 طبعا الدنيا اتلغبطت خالص
اصبحت  افطر شبه يوميا فى السنه الاولى فى جرجا
خصوصا انها تبعد عن جرجا ساعه ونصف بالقطار
كنت اروح على الافطار ولم تتاثر العباده بذالك
فى السنه التانيه  اصح الامر مختلف افطار فى الشقه والسفر يوم او اتنين فى الاسبوع 
بس كنت بريح دماغى
والعباده قلت خالص
طبعا محدش عاجبنى
رحيت دماغى
للاسف كانت اقل السنوات عباده
لما سافرت الى القاهره
الموضوع اختلف تماما
كل الانواع والقرأات  فى القران مختلف وكنت بافطر سوميا مع عصام
والحمد لله كنت باحاول وحتى الان المواظبه
القرأن بصراحه مفيش مره اختم القرأن  فيها فى رمضان خالص
مش عارف ليه الحمد لله باختمه لوحدى فى غير رمضان
اتلموضوع بالنسبه  ليا  مشكله 
ريبنا يعنا
-----------------
الفول  فى رمضان
شىء مقدس فى رمضان وغير رمضان
فى رمضان الفول شىء مقدس فى السحور
لازم الفول واروح اجيبه كده الساعه 1 من احد الاصدقاء
اصحاب المطاعم المتواضعه
من انا وصغير
الفول جزء لا يتجزء منى
وغير رمضان كمان
فى الصبح كده
كنت اجيب بعد صلاه الفجر كميه  فول كبيره افطر انا الاول
ولما البيت يصحى اكمل فطار معاهم
_____________
الرز باللبن
كان هناك رجل اسمه عم جابر
كنا  نصلى الفجر انا وعصام ومؤمن اخوايا الكبار واروح معاهم
عن عربيه عم جابر
كان بيبع رز باللبن
وكان جيرانا الله يرحمه
الرز بتاعه ليه طعم خاص جدا اجد
حلاوته  فى فمى حتى الان
وحتى فتره قريبه قبل وفاته كنت اكل عنده
والله ذكريات جميله
يااااه
الله يرحمه
كنا نصلى معه  فى المسجد
ونخرج معه الى حيث يقف
وناخد وش الحله
وكان بيتوصى بينا
____________
والى لقاءاخر ان شاء الله
--------------------------------------------
ادعوكم للمدونه 
قلبى حبيبى 
ورأيكم فى باقى خاطره 
الرجاء التعليق عن موضوع الخاطره 
فى مدونه 
قلبى حبيبى
بارك الله لكم




هناك 19 تعليقًا:

همسات وبحــ الحياه ــر يقول...

هعلقك يعى هعلقك هههههه

كل مااجى اكتب تعليق
يحصل حاجة

اوعى كدا محدش يحوشنى :)

طوبه فضه وطوبه دهب يقول...

كل فتره عمريه فى حياتنا وكل مرحله بيكون ليها ذكريات وتغيرات خصوصا شهر رمضان ليه روحانيات وذكريات محفوره فى القلوب مهما اختلف السن والمكان رمضان برضو رمضان كل رمضان وانت بخير وربنا يتقبل منا الصيام والقيام

همسات وبحــ الحياه ــر يقول...

اخيرا قريت
انا شبه فقدت الامل ههههههه

لو جينا نعد الذكريات وخاصه ذكريات اللى قبل الفطار وساعه التراويح
والتهجد فى العشرة الاواخر
بس تعرف احلى ذكريات هى ايام الطفوله مفيش بعد كدا

تحياتى
بس اسم البوست غريب هههههههه
العالم من فوق الدراجه

ساسو يقول...

بجد يا محمود ذكريات الطفوله بيبقي لها معني خاص جدا
رمضان جميل في اي مكان
وفي اي سنه
بس انا بالنسبالي
كان اجمل رمضان بيمر عليا
وجدي الله يرحمه معانا
بجد كان بيدي لرمضان طعم جميل جدا
كنت بحس بحنان وأمان مش موجودين دلوقتي
كان لما العيد يقرب
كنت بحس بفرحه كتيره اوي بتملا قلبي
كان وجوده بيقرق معايا كتييييييير
يالا الحمد لله

انا زيك في حكايه الفول المقدس
لازم لازم فول
بجد بحس بطعم جميل جدا

والعرقسوس أساسي عندي
بجد ممكن استغني عن اي مشروب الا العرقسوس
بتمزمز أوي منه ههههه

الرز بالبن بحبه موووووت
بس انا بعمله في البيت
بجد بيبقي طعمه جامد طحن
بس انا عارفه السبب
علشان انا اللي بعمله طبعا ههههه


يارب يا محمود تبقي حياتك مفروشه بالفرحه
وقلبك تملي سعيد
ورمضان وكل الشهور تمر عليك وانت في اسعد الاحوال

غير معرف يقول...

علية افضل الصلاة والسلام
جميل البوست
ما أجمل تذكر ذكرياتنا الجميلة
وخصوصا لما كنا أطفال وفى شهر رمضان فى وسط اهالينا الحبيبة
رمضان معانا مع تغير العمر فى عمر الانسان
ربنا يسعد ايامك يارب
بعد أذنك يا حودا
سااااااااسو
عايزة طبق رز باللبن اللى انتى بتعملية دا
ههههههه
وخليلك الفول والعرقسوس
دمتم بخير

mrmr يقول...

يا جماعه انا شايفه عرقسوس ورز باللبن
اما الفوووول لالالالا ناجله شويه حرام مش كده الرحمه حلوووووه
بالزمه طبق هنا من فضلك يا ساسو ههههه

حوده
رمضان ذى ما بتمثل ليك ذكريات بتمثل ليا ايضا اجمل ذكريات
افتكر زمان وانا صغيره كانوا الاولاد بيعلقوا الزينه وانا واخواتى كنا بنساعدهم فى تعليقها من البلكونات
ده غير زكريات حلووووه كتير وكتير
ديما بنحب نشارك حتى بعد ما كبرنا بحب اشارك اصدقائى وزملائى فى العمل
عندى زميلى محمد طول شهر رمضان مش بخليه يشتغل بقوله كفايه انت تعبان وسهران وخلى عليا شغلك انا اقوم بيه
لانه فعلا شخص جميل وطيب قوى
وكل سنه وانت طيبه
ربنا يتقبل منك صيامك

يمين فى يمين يقول...

كنت هنا اليوم

جايدا العزيزي يقول...

جيت ارد على قلبى حبيبى

لقيت نفسى هنا


حلوة اووووووووى مدوناتك


والاجمل همساتك


ادام الله نبض همسك


تحياتى

باحث عن حب يقول...

دموع القمر
ههههههههههه
معلش
المهم انتى وصلتى

باحث عن حب يقول...

دهب
يارب يتقبل منا ومنكى صالح الاعمال
عندك حق
الذكريات الجميله محفوره فى قلوبنا قبل عقولنا

باحث عن حب يقول...

دهب
يارب يتقبل منا ومنكى صالح الاعمال
عندك حق
الذكريات الجميله محفوره فى قلوبنا قبل عقولنا

باحث عن حب يقول...

دموع القمر
كل سنه وانتى طيبه
بصى ده
ذكرياتى العالم من فوق دراجه
سلسله متسلسله واحتمال تتعمل ملسلسل زى كده عايزه اتجوز
خههههههههههههه
نورتى

باحث عن حب يقول...

ساسو
نوره مدونتى المتواضعه فى محتوها وكينونتها
حلوة كينونتها دى
والله مش عارف انا جبتها منين
المهم
طبعا العرقسوس والفول المقدس والرز باللبن خصوصا لو من ناس بنحبهم بيكون احلى حاجه
الجمال بتاعه زمان يا ساسو فى البساطه اللى احنا كنا شيفين فيها الدنيا
لان جمالالدنيا فى بساطتها اللى كنا شيفينهها قبل الماديه البحته اللى انغمسنا فيها علشان كده اروحنا كانت حلوة وصافيه وقليل اللى بيحافظ على روحه
كده
من غير ما تتعكر
ولا تتلوث

كل سنه وانتى بخير وسعاده وسلام
وكل سنه وانتى بخير

باحث عن حب يقول...

الحب الجميل
طيب انا متنازل ليكى عن الفول والعرقسوس
\
اقصد عن الرز باللبن
كل سنه وانتى طيبه وبخير وكل العائله

باحث عن حب يقول...

مرمر
يا بختك يا محمد
هههههههههههه
والله حلوة الروح دى
انا كان معايا واحد زميلى فى الابتدائى فى الدرس كان مسيحيى وكان بيحترم صيامنا فى رمضان
يقعد من الظهر لغايه المغرب ولا ياكل ولا يشرب ولا اى حاجه اقوله يا عم كل يقولى لآ انا صايم مينفعش اكل وانتوا صايمين
احنا كلنا اخوات وحبيايب ومفيش فرق ما بنا ابدا
كل سنه وانتى طيبه وبخير
وسعاده

باحث عن حب يقول...

رومنسى منحرف
ونحن سعدا بكم اليوم
نرجوا ان
تكون هنا كل يوم
كل سنه وانت طيب

باحث عن حب يقول...

جايدا
الشاعره
منورانى دايما
والله
وجودك الذى اطاف الى المكان بريقه
بارك الله لكى كل سنه وانتى طيبه

راء يقول...

سلام عليكم

ربنا يشفي يارب مرضانا ومرضى المسلمين

جميلة اوي زكريات رمضان

بحسه شهر مبروك بشكل غريب ومختلف

زمان كمان كان طعمه اجمل من دلوقتي في حتة الانوار واللعب والتجمع والاهل

بس هفضل بحبه برضه

كل سنة وانت طيب

باحث عن حب يقول...

طالبه مقهوره
شكرا ليكى يارب يبارك فيكى
على زيارتك دى
ويارب زيارتك تدوم
وشكرا على
التواصل
كل سنه وانتى طيبه

السلام عليكم

 السلام عليكم  يا اهل التدوين معرفش هتفتكروني ولا... بس لاقيت ذكريات وكلام يوجع القلب سنين كتير مدخلتش هنا  وراجعت ذكريات ١٠ سنين ورا لاقيت ...