السلام عليكم
اخبار اخوانى ايه معلش
انا لسه منزل بوست
وقبله بوست بس
الموضوع انى اتخنقت انا لو اشتغلت تعليقات عن اللى بقراه وبأشوفه
هتشل
قلت لآ
بقه لازم اخلى كل اللى معايا يتفرسوا
وخلوا الشلل عليا
حسبنا الله ونعم الوكيل
طنط اسرائيل اخت المسؤلين العزيزه
اللى احنا بنصدر ليها الغاز باقل من الاسعار العالميه
ولو حتى بالاسعار العالميه او اغلى كمان واحنا مالنا
الصعيد اولى بالغاز الطبيعى شويه اهتمام بالصعيد
محدش عارف ازمه الصعيد غير الصعايده
واللى رفعوا القضيه بتاعه
لآ لنكسه الغاز وكسبوها
الحكومه الموقره تقوم تنقض الحكم
متمسكه بالعقد مع من ليس لديهم دين او عهد اصلا
طيب انتم تصدروا ليهم ليه من الاول
حسبنا الله ونعم الوكيل
يقوم ايه ياجماعه ازمه الميه والنور اللى عندنا والوزير المحترم اللى مش عارف يحلها خصوصا موضوع الكهرباء واحنا فى رمضان يا اخوانا
والله الكهرباء بيتقطع فى السحور والفطار وكمان معاه الميه
والحر والمرضى وكبار السن والاطفال
واللى بيكون معلق اجهزه بالكهرباء او نايم على مرتبه هوائيه شغاله بالكهرباء كمان
دول كلهم ذنبهم فى رقبه مين
بيقولوا ان الكهرباء شغاله بالغاز الطبيعى
انا معرفش المكانيكيه ازاى
ومش عاوز افتى فيها
علشان الازمه
تقوم مصر تستور الغاز اللى صدرته لاسرائيل بسبع اضعاف الثمن يعنى الغز ب2دولار هتستورده ب14دولار
طيب ده
يرضى ربنا ياجماعه
بذمتكم
انا قرأت الخبر اتفرست
بلد ملهاش صاحب
ولا حد يسأل عنها
ولا حد يسأل عنها
واللى كبار مش حاسين بالغلابه اللى هما احنا احنا الغلابه اللى فى البلد
دى بنجرى وراء اكل عيشنا
وتربيه اولادنا
ومتعلمناش نقول للغلط لا
متعلمناش نشجب ونستنكر اتعلمنا الخضوع والخنوع وسياسه الانبطاح
انا معرفش ايه المفروض اعمله
علشان للاسف محدش علمنى
اعمل ايه
علمونا نبص تحت اقدمنا وبس
اهتم بامر نفسى وبس
ومليش دعوه بالسياسه العليا
حسبنا الله ونعم الوكيل
معلش
انا معرفش اعمل حاجه غير انى
اكتب وبس
وعارف ان محدش هيسمع
ولا حتى هيشعر
احنا كده جموع الشباب والشعب المصرى محدش
بيسمعه ولا حتى بيساله
رابط الموضوع
هناك 26 تعليقًا:
للاسف الشلل اصابك واصابنا
ربنا يرحمنا
ويكمل ايام غربتنا بسلام
والله يامحمود مش عارفه اقولك ايه
غير ربنا يرحمنا برحمته التى وسعت كل شىء
وربنا قادر على كل شىء
دا شىء مش يرضى ربنا
حسبى الله ونعمه الوكيل
أنا أهرب من الأخبار تجيلي لحد عندي ...
في الحقيقة إحنا منقدرش نعمل شيء
ولو عملنا ... لو قولنا ... لو اتكلمنا .... الحدائق في بلدنا تساعي الشعب كله ... طبعاً الحدائق دي معروفة هي إيه !!!
ابسط شيء فاكراه ايام اعتصام المحلة واللي حصل فيها ....انا لا انسى منظر الناس هناك والقنابل المسيلة للدموع اللي اترمت على أهل البلد
وكل دا عشان هم بيطالبوا بحقهم !!!!
منظر البلد في الصور كأني بتفرج على فلسطين ... بمنظر الجرحى والقتلى والتكسير والتخريب و و و و و
دي بلدنا العزيزة .... وانا مقتنعةبصراحة إننا عشان نغيرها
فهنكون عايزين نحرق فيها 99 % منها ونرجع نبنيه تاني....
المهم ... انا مبحبش افتح في المواجع ... لأن المواجع كتير أوي
بس كل اللي قدرت اعمله إني لا أشوف أخبار ولا أقرأ صحف ولا ادخل مواقع أخبار
عارفه إن دا كله دواعي جهل وتخلف ... لكن إما أكون جاهله أرحم من إني أكون زائرة دائمة لعيادات الطب النفسي !!!
وأهه كل واحد منه لله
وإلى الله المشتكى
يابنى يالا خليهم يخربوها
تفتكر الكهربا بتقطع من عند كل الشعب
طبيعى لاءه
احنا واللى زينا بس
انما الناس الواصله لاء طبعا
عليه أفضل الصلاة والسلام
حسبى الله ونعم الوكيل
ولسا ياما هنشوف
كلامنا ممنهوش فايده غير وجع قلبنا لان فعلا محدش يسمع لنا ولا هيهتموا
بس مينفعش برضوا نبقه سلبين لازم نتكلم ونعبر عن غضبنا
حسبى الله ونعم الوكيل
دمت بخير يارب
يا محمود يا اخويا
دى بلد اتنيلت وباظت كده من قليل
لو بصيت فى اى مجال هتلاقيه منيل بستين نيله
وهتلاقى الحاجات اللى تفرس وتجيب الشلل
لا تعد ولا تحصى
واحنا خلينا نصوت بينا وبين نفسنا لما صوتنا هيروح
وهنفضل محلك سر ولا حد هيعبرنا اصلا
معنديش كلام اقوله غير وافوض امرى الى الله
كل سنه وانت طيب
هاهائه يا قله قيمه
ازيك يا محمود كل سنه وانت طيب ويارب يفوكها علينا بحق الشهر الكريم دا
وانت بتقرا ليه مش كفايه الهم اللى بيقع كل يوةم فى حجرنا
ربنا على المفترى وابن التتتتتتتتتتتتتتتتت
كل سنه وانت طيب
لا حول و لا قوة إلا بالله
هعلق أقول ايه بس
منهم لله
ايه الكلام ده ؟!!
معقول ؟!!
ممكن فعلا للدرجه دى ؟!!!
انا مش مصدق
الكلام ده ممكن يكون حقيقى .
انت عارف يا محمود ، انا فعلا اللى قربت يحصلى حاجه بجد والله من اللى بيحصل فى مصر مع انى مش قاعد فيها دلوقتى.
استغفر الله العظيم يارب
الله يسمحك زى ما سديت نفسى يامحمود
ليه بس يابنى كده
ده الواحد فيه اللى مكفيه
بس معرفش الكلام ده الا منك والله
بقولك ايه
انا اقوم اعمل رز السمك عشان الفطار قرب
بلا اسرائيل بلا مسئولين
حسبى ربى
حسبى الله ونعم الوكيل فى الحكومة
ربنا على الظالم والمفترى
تحياتى
يارب ارحم
يعنى نبيع الحاجة ونشتريها وندفع فيها اكتر مااخدنا
هنقول ايه.....وهنعمل ايه؟
اكيد ولا حاجة طبعا
مرمر
هههههههههه
الشعب كله مشلول
ومرارته اتفقعت
والكبير ده
مش عارف شغال ازا ى
اكيد بالبطاريات
هههههههه
من مصنع 88 الحربى
توتا
حسبنا الله ونعم الوكيل
يارب اشوف فيهم يوم القيامه مش تلوقتى علشان الحساب
كده يتقل قوى عليهم
منوره يا توتا
خابت بك ظنونى
وانا مقتنعةبصراحة إننا عشان نغيرها
فهنكون عايزين نحرق فيها 99 % منها ونرجع نبنيه تاني
والله عندك حق
انا تعبت من الاخبار دى كلها واكتئاب وانا ساعات مش بستحمل انى اسمع حاجه تانى
عندك حق والله يا اختاه
ربنا يرحمنا
داليا
هههههههههه
احنا
مطحنه الشعب ولا اقولك
احنا \
ديل السمكه يا داليا
محدش حاسس بينا لاننا تحت البدروم بالف دور
كل سنه وانتى طيبه
ام لولو
صلى الله عليه وعلى اله وصحبه وسلم
محدش هيسمعنا ولا هيسأل فينا
بس من باب
تنكير المنكر
يارب يعزك
يارب
يا الحب الجميل
ليس فقيرا من يحب
والله بالحب هنكون اغنياء
بس احنا كده هنكون زى فقرا اليهود ولا نولنا الدنيا اتمتعنا فيها وفى الاخره الحب لو مفهوش اخلاص مش هينفعنا
بلدنا محتجالنا
بس احنا متعلمناش ازاى نقف جنبها
شكرا عزيزتى
رتشارليه
مش عارف كتبتها صح ولا غلط اقول احسن قلب القطه اسهل
الاخبار الوحشه كتير
وانا لو عاوز اكتب اخبار وحشه والله هتشل بجد
منهم لله
وحسبنا الله وةنعم الوكيل
كل سنه وانتى طيبه
رامى
اوجزت فابلغت
منهم لله
ويكا مجرد التفكير فيه مصيبه
فما بالك لو كان صح
ترجع بالسلامه يارب
موجه
ياريت
سمكايه حلوة انا باحب السمك المقلى عن المشوى
واى نوع سمك
بس يكون بيتى محبش الدليفرى
معلش
يدك هتتظفر
بالف هنا وشفا
بلا اسرائيل بلا وجع قلب
خلينا فى الفطار
كل سنه وانتى طيبه
تيمور
معلش
ليهم يوم
منورنى دايما
حبيبى
الحب الابدى
اللهم امين
نهى صالح
والله مش هنعمل حاجه غير نتشل بس
كل سنه وانتى طيبه
إرسال تعليق