الأربعاء، 25 أغسطس 2010

البامبرز على مين؟+اختك بتحب واحد تعمل ايه.!

السلام عليكم 
معلش موضوع الثقافه الاجتماعيه ضارب فى دماغى الايام دى 
وعلشان اجازه ولسه مدخلناش فى زحمه الدراسه 
نتكلم مع بعض كده هدوشكم ممكن كل يوم تدوينه او يومين
وفى كل مدوناتى المتواضعه 
ممكن يعنى اطلع عنيكم معايا 
واسف مره تانيه لو كلامى معجبكوش

مراتك حامل وهتولد 

هتعمل ايه ياترى هتدخامعاها غرفه الولاده ولا هتجيب ليها دايه؟
طبعا  دكتور وعياده وبلاش مستشفى هتكون غاليه 
هتجيب بامبرز ولا كوافيل
البنيه هتتعب طبعا وهطلع عين اهلك قبل الولاده باسبوع كده هتشوف اللى عمرك 
ما هتشوفه  فى حياتك 
ده لو انت مشفتش ولاده حد من قرايبك 
تبقى كده متاخد ومش عارف هتعمل ايه
او هيتعمل فيك ايه
تعالوا نناقش موضوع الكوافيل ده لانه ارهقنى 
الزوج عليه كل حاجه والله الست بس هتتعب تشع اشهر والراجل هيتعب
باقى عمره 
العيل اللى هيجى اكله وشربه ولبسه حتى البامبرز

واسألونى انا على  البامبرز كنت باجيبه طبعا لعيال اخواتى من اول ما كان سعره40جنيه او اكتر شويه لغايه توقت وصل لفوق70جنيه 
مش عارف ليه موضوع الكوافيل ده اتلغى من ثقافه بنات الايام دى 
ليه يعنى بامبرز 
احنا كلنا الكبار تلوقتى اتربينا على الكوافيل 

مش بامبرز
انا مالى لما اتجوز اشترط ان البامبرز  على الزوجه هى اللى تجيبه لغايه ما يتعلم يعمل بيبى  فى الحمام 
وتبقى قابلنى لو عمل  فى الحمام 

تبقى معجزه لو عمل كده وسنه عدى السنتين
البنات الايام دى بتستسهل 
لسه هتعلم وتربى 
هو يتعلم لوحده احسن والراجل هو اللى يشيل 
الليله 
مش عارف ايه اللى جابه كده على العيال انا كنت باتكلم  فى ايه 
اه نسيت قبل ما اتكلم فى اللى جاى اتكلم عليه 
صحيح هو المفروض مين اللى هيدفع ثمن البامبرز
مين ؟

طبعا الست وهى اللى تغير للواد او البنت احنا رجاله مالنا وما القرف 
ده...!

طيب لو فى ظرف طارىء والبنيه مش موجوده واتبست انت يا معلم فى الموضوع ده 
غصب عن عينك هتغير وتشطف والبودره وممكن 
مرهم تسلخات 
متنساش تلبس جوانتى بتاع الاسنان ده او تلبس جوانتى العمال 
ههههه
لازم تساعد مراتك برضوا
ولو ساعدتها مره هتستحلاها 
وهتساعدها كل مره 
وممكن هى تقسمها مره انت ومره هى وانت ونصيبك بقه 
....................
انا موافق بس 
اجيب ام العيال وانا 
اعمل كل حاجه...........!
_______________
لو اختك جاتت ليك وقالت انها بتحب واحد من زملائها فى الكليه؟
او زميلك؟ تعمل ايه..؟

لو اكتشفت بالصدفه ان اختك على علاقه بواحد تعرفه او متعرفهوش
والعلاقه دى نبتت قصه حب بينها وبين الشخص ده  هتتصرف ازاى؟
لو انتى بقه اكتشفتى ان  اخوكى بيحب واحده وعلى علاقه بواحد وبيحبها تعملى ايه؟
لو اخوكى صارحك وقالك انه بيحب   هتقولى ليه ايه؟
_______________________
موضوع شائك الحمد لله لم اعرض لهذا الموقف 
وطبعا الحب غريزه انسانيه 
ومحدش يقدر يقول حاجه
بس لو اختك عملت كده 
انا هجاوب بما ان لى تلات اخوات بنات والحمد لله
ولسه لم يحدث بعد
انا دائما بكون حريص انى اقرب من اخواتى البنات 
بحيث اكون صديقه ليهم بالفعل اعرف عنهم كل حاجه 
وماما كمان 
بحيث لما يجوا من اى مكان بيحكوا 
عن كل حاجه 
ونناقش الموضوع اللى بيحصل كده
واحده واحده
هتقولوا لى الصعياده بيعملوا كده ايوة والله بيحصل كده والحمد لله امى ست بسيطه للغايه ورغم بساطيتها ربت اولادها احسن تربيه والناس كلهم بيحسدونا على التربيه دى 
ونفسى اربى اولادى نفس تربيه  ماما وبابا
المهم
لو حصل طبعا  هشوف الموضوع وصل الى اى مدى طبعا  واشوف الولد ايه ظروفه وظروف اهله ومصير الحب ايه 

طبعا فى الصعيد كله بيعرف بعضه 
انا باتكلم على البيئه اللى انا فيها او اللى كنت فيها يارب يشفى عصام اخويا وارجع تانى اعيش بين احضان ماماوبابا 
وبس بالمنلقشه هجيب نتيجه ان الولد لسه قدامه كتير او هو ممكن يتقدم يبقى مهله وبعدين انفصال الثقه المبنيه قبل سابق هتكون ليها اثرها فى الاقتناع 
بالنصيحه 
ومش هتخالف ابدا كلام العقل 


والولد طبعا لازم اقابله واشوف ظروفه واسأل عليه 
واشوف هو بيلعب ولا ايه
واعرف هى عرفته منين واقطع السبيل للكلام معاه
الموضوع كله اقتناع ولازم العقل يقتنع الاول 
لان من غير اقتانع العقل مش هينفع 
ولان الطريق طويل للاى شاب ومش الارض مفروشه بالورود

الطريق لسه طويل قوى
لازم العقل  هو اللى يتكلم والقلب لازم يسكت
__________________
الولد  من حقه يحب ويمشى مع البنات لكن البنت لآ
مينفعش ؟

دى الافكار اللى تودى فى داهيه بصحيح 
سمعه الولد مش ممكن تستخبى ومن رأىء الولد سمعته اهم من البنت 
لان البنت على الاقل مستوره  فى بيت ابوها
لكن الولد على طول فى الشارع مع اصحابه  فى الشارع بيجيب طلبان على حد علمى مش عارف الاولاد بيعملوا ايه تلوقتى 
بس لازم الولد او البنت يحافظوا على سمعتهم وعلى اخلاقهم 
لانه بيكون ليه تأثير فيما بعد
على مستقبلهم 
وعل عقلهم وتصرافاتهم
واختيار الرفقه  مهم جدا
لنا عوده 
ونحلل من جديد  فى حياتنا 





هناك 29 تعليقًا:

Noha Saleh يقول...

بالنسبة لموضوع البامبرز ده اساسا ميزانية لوحده
حاجة مهلكة جدا لاننا بنجيبه علشان بنتنا الصغيرة
وفعلا مكلف جدا بس للاسف موضوع الكوافيل ده بقى صعب اوى
وطبعا الزوج لازم اللى يشتريه لان الزوجة كفاية عليها التعب ده غير انها اللى بتغير البامبرز للبيبى يعنى لازم الزوج يتبرع ويشترى البامبرز ماهو برضه البيبى ده ابنه او بنته:)

الموضوع التانى بقى انا رأيى ان كل حاجة لما بتتحل بالعقل بيكون حلها مظبوط لكن العنف والعند مش بيجيبوا نتيجة ولو جابوا نتيجة بتكون نتايج غير مرضية لاحد الاطراف

mrmr يقول...

صباحك قشطه
كلوووووووووو ده كلام انا افتكرت كلمتين وبس قلت اقراهم على الماشى ..
طيب اصبر بقى عليا اروح الشغل وارجع امزمز فى اللى كاتبه
دى ايامك ذى العسل اكتب اكتب ولا يهمك
انا بحب اقرا افكارك
الى حين العوده باذن الله
لو مرجعتش تانى
يبقى حد اغتالنى وابق افتكرنى بالخير
سلام يا جرجاوى

همسات وبحــ الحياه ــر يقول...

هههههههههه
شكلك لسه جايب بامبرز لحد من بنات اخواتك واتدبست فى ال70 :):)
كوافيل ايه
انت مببتفرجش على اعلانات بامبرز
بينى وبينك هى ميزة وعيب وهذا موضوع يطول شرحه سيبك انت
اتجوز انت بس وربنا يوفقك وتلاقى بنت الحلال وانت ماهتصدق هتدفع :):)
نروح لنقطة الحب
عاده لو اخ عرف ان اخته بتحب حد تبقى مصيبه وحلت على البيت ويمكن يقاطع الولدا لو صاحبه ويمكن كمان ميثقوش فيها بعد كدا وتطلع عليها سمعه زفت (دا عندنا فى بلدنا )
انما الولد دى حرية شخصيه
الولد سمعته زى الجنيه الدهب مهما حصل
ادام ماشربش حشيش او مامشيش غلط مع بنت

Ramy يقول...

محمود

موضوعك جميل جدا انا مش هتكلم عن الولد او عن نفسى انا قلت وجهة نظرى كتير جدا
و قلتها ليك برضه فى مواضيع سابقة

بالنسبة لو جت اختى و قالت لى انها بتحب حد

انا هعمل زى ما انت قلت كده بالظبط علشان الجواز ممكن يكون حب و لكن مش حب بس

و ربنا يوفق الجميع فى اختيارته


رمضااان كريييم

غير معرف يقول...

عليه افضل الصلاة والسلام
الموضوع كبيرررررر اوى يا حج حوده
هروح دلوقتى أعمل الفطار وأرجع لمجموعة البوستات الجميله دى وأعلق برحتى بعد الفطار
بس مقولتليش البامبرز على مين ؟؟؟
هههههههههههههه
انت مشكله والله
من دلوقتى بتفكر فى البامبرز على مين ؟؟؟
طيب مش تلاقى نصك الحلو الاول وبعدين تدور البامبرز على مين؟
هههههههههه
راجعه تانى
سلام

mrmr يقول...

يالهوووووى يالهوى يالهوووووى
محمود انا كتبت تعليق كبييرررررررررر
مش عارفه وصل ولا لا
لكن لما تنشر بقى اعرف

لان ورحمه امى ليا اكثر من نصف ساعه بكتب فيه

تيمور يقول...

البامبرز دة بقى الحل السهل والاقرب دلوقتى.

مش معقول يعنى الرجل يقول للمدام الكفولة ولا اللفة وكدة اكيد مش هتوافق لان البامبز حل سريع وعملى


بما انى مش ليا اخوات بنات بس اقدر اقول ان تصرف الرجل لما يعرف هيكون حسب تربيتة وشخصيتة

ومن راى الاستماع لااخت بدون خوف وضعها فى خانة غلطانة يكون افضل

تحياتى

طوبه فضه وطوبه دهب يقول...

اولا معلش خناقه بقى بامبرز ايه اللى على مين ؟ وقال كوافيل قال امال الرجاله ربنا خلقهم ليه امال احنا بنتعب وتطلع عنينا حمل وولاده وتربيه وغيار بامبرز مش كفايه بنغير لهم ونيمهم ونديهم شاور وناكلهم كمان هنجيب البامبرز انا مستعده اجيبه بس الراجل يعمل كل اللى بنعمله وشوف مين اللى كسبان كدا هااااا وايه يعنى سبعين ولا تسعين حتى مش المهم ننوس عين ماما يعمل براحته ولا ايه ههههههه اما بقى موضوع حب البنت انت قلت كلام قمه العقل بصراحه مش مع اختك بس كمان مع بناتك بعد كدا ربنا يكرمك وتكون اخ صالح واب صالح

غير معرف يقول...

بص بقا يا محمود
عن حكاية البامبرز صدقنى لما تبقة أب وتحس بلأحساس دا اللى من أجمل الأحاسيس اللى خلقها ربنا وأكرمنا بيها وتشوف بعنيك ابنك ان كانت بنوته او ولد هتحاول تجبلهم أى شىء وهتكون طاير من الفرح لأنك بتعمل كدا
صدقنى
أما البامبرز على مين دا فعليك طبعا يا حج وحتى ولو عليها هيكون من فلوسك برضوا
ولا أيه
هههههههههههه
عايز تهرب من دلوقتى
وبالنسه لموضوع الكوافيل دا فا دى عاده أختفت يا بنى من زماااااااااااان اوى
هههههههه
ابقه اكتب فى عقد الزواج شرط ان الزوجه هى الملزمه بالبامبرز

وجونتى ايه دا بس انت هتعمل عمليه
هههههه
انت مصعب الموقف أووووى وهو من أسهل ما يكون ومن أقرف ما يكون
اما الموضوع التانى فا انا الصراحه جربته بس بالعكس
اخوايا كان بيغير علينا اوى لدرجه انه كان بيغير من خطبنا
وانا شايفه ان سمعة الولد زى سمعة البنت
لا فرق
موضوعك كبير جدا ياريتك كنت قسمتهم موضوع موضوع
دمت بخير

جوجو يقول...

السلام عليكم
ههههه حلو موضوع البامبرز ده والله
انت بتناقش مواضيع فعلا معاصرة وبتمر علينا واحيانا مش بنكون قادرين على التصرف معاها
تحياتى

شوية قهوة يقول...

المفروض الراجل يشارك الست في كل حاجة
حتى وان كان تغير البامبرز
اما بقى موضوع البنت البتحب
فلو كل الاخوات عملوا البتقوله دا هيعيش العالم سعيد ومفيش فرق ين الولد والبنت في حكاية السمعة فعلا لازم كل واحد يحافظ على سمعته عشان المستقبل قبل الخاضر

شهووووده يقول...

لزيز موضوع البامبرز واسلوبك جميل

احترماااتي

mrmr يقول...

بص يا حوده
انا كنت كتبت تعليق سابق قبل كده طويل طويل
لكن مش عارفه راح فين
لكن انا احاول اوصلك الفكره موجزه
انت بتتكلم على البامبرز على مين ولازم يكون على الزوجه
انا بقولك ان ما فيش حاجه اسمها فرق بين الزوج والزوجه مادام الاثنين ارتضوا ان يرتبطوا ببعض يبقى الاثنان شخص واحد

هكذا يترك الرجل اباه وامه ويلتصق بامراته ويصيران جسدا واحدا

لانه باختصار الميزانيه واحده وبيت واحد ما فيش ابدا فرق بين الاثنين
بالحب والتعاون والتفاهم يبنى الرجل البيت

وبعيدين انت شاغل مخك ليه بالموضوع ده
يا اخى اتجوز الاول وبعدين فكر على مين البامبرز

هى فعلا ميزانيه كبيره ربنا يكون فى عون اللى عنده اطفال

اما بخصوص الاخت اللى بتحب تقول لاخواها ولا لا
فدى راجعه لنوع التربيه والصداقه بين الاخ واخته
لكن فى الغالب او السايد فى مجتمعنا الصعيدى مش كتير

لكن الولد ممكن بمنتهى البساطه يحكى كل علاقاته لاخته ولابوه وامهم واصدقائه ويعمل فيها كازنوفا
ويتباهى بكده ولا حرج عليه
لكن ذى ما البنت تخاف على سمعتها وسيرتها بين الناس المفروض الولد ايضا لانه عايش بين الناس وله سمعه ممكن تضر بيه

كفايه كده طولت عليك

رحاب صالح يقول...

ههههههههه
بالنسبة لموضوع البامبرز ده ..طبعا علي الاب ...مش كفاية ان الام حملت وولدت وكمان هترضع وتنضف وتغسل ....لالالا شوفوا بقي هو المفروض اصلا ان كل الحاجات دي علي الاب ,....وكان الله ف عون الام .....والخالات برضه علي فكرة عشان انا خالة وياما بجيب الحاجات دي لاولاد اخواتي ....
بالنسبة للموضوع التاني
فده سواء للبنت او الولد فالحلال والحرام مفيهوش اختلاف ...
بس بجد مرة سألت اخويا السؤال ده لو انت لقيتني مرة مع واحد في الشارع هتعمل معايا اية ...؟ قالي بكل بساطة مش هتخانق معاك ولا ههينك ادامه ولا ادام اي حد لاني لو عملت كدة هكون بهين نفسي مش بهينك انت ...وساعتها هتعرف علية وكأنك حكتيلي عنه كل حاجة وهكبرك ادامه ...لكن لما نروح البيت لازم افهم منك انت عملت ليه كدة ومش قلتيلي ....تفاهم يعني وخوف ...واخويا بيعرف كل زمايلي ف الجامعة وع النت ...ولو حتي بالاسم بدون معرفة شخصية وبيعرف كمان الباسورد علي الفيس بوك ...لكن عمره ما تعدي خصوصياتي ولا انا في نوع من التفاهم بينا والحمد لله ...علي فكرة احنا ما شاء الله ست بنات واخ واحد بس ....ادعولنا بقي نفضل كدة حلوين مع بعض ويارب كل الاخوات يبقوا متفهمين بعضهم خصوصا الشاباب مع البنات...
موضوع بجد جميييييييييل

داليـ ـ ـ ـ ـ ـ ــــا يقول...

بالنسبه للبامبرز على مين
عليكوا طبعا
داحنا مطحونين
بيت
ومسئوليه
واكل
وحمل
وولاده
واولاد
وتربيه
وزوج
واهتمامات
ومش بعيد تكون الست موظفه
وتقلى البامبرز على مين
لا فوق كده ياهندسه وصحصح انتا لسه شوفت حاجه
بس هى تيجى بس وانتا هتجيب بامبرز وهتجيب
وهتجيب
وهتجيب
ومش بمزاجك ده غصب عنك عشان المركب تمشى هههههههههه

بالنسبه لسؤالك عن لو اخويا بيحب وجه قلى
أه حصلت
كان لسه مدخلش الجيش وقلى واعترف وار
وانا بصراحه رحبت اخويا ياخواتى بيحب بس انا فكرت بعقلى قلتله انتا لسه وراك جيش ولسه مجهزتش للإرتباط
وانتا عارف اى بنت اليومين دول تبقا لسه مخطوبه وتقولك امتا الفرح وقرايبها يبقوا قلقنين

يعنى من الاخر انا فكرتله بعقلى انما هو يعنى كان بيفكر بقلبه
بس الحمد لله هو مش وعدها وخلف معاها

وكله فى الاخر يرجع لحتة النصييييييييب

باحث عن حب يقول...

نهى صالح
كل سنه وانتى طيبه
هههههههههههههههه
ياااااااااااااه انا باكتب الموضوع ده لانى بجد
بشوف المعاناه اللى بيشفوها الاهالى فى موضوع البامبرز وبقول ياريت نعمل صندوق رعايه البامبرز
عههههههههههههه
لازم العقل طبع ا هو اللى يتكلم فى المووضوع التانى
وغيابه اقصد العقل
هتكون النتايج غير مستحبه بالمره
شرفنى ردك
بارك الله لكى

باحث عن حب يقول...

دموع القمر
ههههههههههههههههههههههه
لآ
ابدا انا لما اجيب لازم الفلوس بتاعه الموصالات والحاجه الساعه قبل ده كله
هههههههههههههههه
يارب ياختى يارب انا افتح مصنع بامبرز
واغير واحمى وكمان ........!
كفايه كده علشان الرقابه
ههههههههههه
الثقافه الشرقيه طبعا للولد الحق اكثر من البنت وده غلط من وجهه نظرى لان ده ظلم للبنات
حشيش ههه وحاجه غلط يابنتى الغلط بيكون كتير بادعى ربنا انى ربنا يكرمنى بواحد كويسه بجد
ربنا يبارك فيكى يارب

باحث عن حب يقول...

رامى
العقل هو الحل الوحيد طبعا
مش ضرب وكده
ولا ايه
منورنى يارامى
وارجع بقه

باحث عن حب يقول...

ههههههههههههههههه
ام لول
طبعا بفكر فى البامبرز امال ايه مستقبل اى شاب انه لازم يشيل البامبرز على راشه
طبعا ويجبه للعيال
النص الحلو ياااااااااااااااااااارب
عجل
انا مستعجل قوى
والله للاحتواء والحنان

باحث عن حب يقول...

مرمر
بيحصل والله
هههههههههههههههههههههه
معلش حقك عليا

باحث عن حب يقول...

تيمور
ل ان تصرف الرجل لما يعرف هيكون حسب تربيتة وشخصيتة

ومن راى الاستماع لااخت بدون خوف وضعها فى خانة غلطانة يكون افضل
بس انت جبت اخر الكلام
حسب التربيه والشخصيه
وطبعا من غير ما اضع الصوره فى المكان الغلط
شكرا لك

باحث عن حب يقول...

دهب
هههههههههههه
وايه يعنى سبعين ولا تسعين حتى مش المهم ننوس عين ماما يعمل براحته ولا ايه
طبعا يعمل يابوى يعمل حتى فوق راسى
بس هو يجى
هههههههههههههههههههههههه
يارب يبارك فيكى يارب
موضوع العقل طبعا مفروغ منه
اللهم امين بس ليه كل بناتك هو انا هجيب كام بنت
هههههههههههههههه
لازم حتى ولد كده يجى غلطه
كل سنه وانتى طيبه

باحث عن حب يقول...

الحب الجميل
ههههه
كلامك فى منتى العقل والله فى موضوع البامبرز ده
طبعا من فلوسى بس ابن ال...التيت يجى الاول
وبعدين طبعا من اجمل ما يكون
لازم الخوف على الاخوات البنات علشان اللى بنشوفه فى الشارع والله ربنا يكون فى عونا والله بارك الله لكى
نمعلش
بقه هى جاتت كده معانا
رمضان كريم

باحث عن حب يقول...

جوجو
لازم نحاول نفكر فى اللى جاى
رمضان كريم اسعدنى مرورك بارك الله لكى

باحث عن حب يقول...

كلام من قلبى انا معاكى
فى الكلام ده كله
طبعا
اولا مشاركه فى كل شىء
والسمعه الاتنين لازم يحافظوا عليها البنت زى الولد
كل سنه وانتى طيبه

باحث عن حب يقول...

شهووووووووووده
اسعدنى مرورك كل سنه وانتى طيبه

باحث عن حب يقول...

مرمر
اسعدنى
كلامك بجد
فعلا الموضوع مش فلوس الموضوع اكبر من كده اللى الزم نفسه بيبت يبقى هو كده جند نفسه للاسره بتاعته مراته وعياله ومفيش فرق بينه
وبين مراته
بالنسبه لموضوع البنات والحب
معاكى
فعلا
هو نصيب فى الاول والاخر
بس العقل لازم يتكلم الاول يابنت الناس
ومنمشيش ورا
قلبنا
هيضيعنا
كل سنه وانتى طيبه

باحث عن حب يقول...

رحاب صالح
انا عم وخال وطالع عين اهلى والله فى المواضيع دى
يبس احساس حلو لما تشوفى كده حاجه صغننه بتقولك يا خلتوا او يا طنط
يااه بالدنيا وما فيها
امالب لو كان بانك اوب بنتك هتديلوا عنيكى
يارب يرزقك يارب

بسم الله ما شاء الله لاقوة الا بالله يارب يحافظ عليكوا
يارب يحميكوا
يارب
يحرسكوا
ويارب يبعد عنكم الاذى
والحسد يارب يعزكم يارب
يابخته اخوكم ده علشان اللى زيه مش هيحتاج يدور على عروسه
لان عنده 6عرايس هيجيبوا ليه 60عروسه ولا ايه
العقل العقل العقل
لازم العقل يارحاب
واحترام الخصوصيه
طبعا يارب يبارك ليكوا فيه وفيكم

باحث عن حب يقول...

داليا
هه
التعب ده احنا بنتعبه اكتر منكم والله تعب نفسيا طبعا انا حضرت ولاده مرات اخويا فى الولدين والبنتين واختى فى ولدها وبنتها يعنى 6ولادات
والله كرهت الجواز والخلفه
والله الاب بيكون تعبان زى اللى بتولد واكتر اخويا كان تعبان زى كده اللى بيولد والله بجد وشه محمر خالص وعنيه طالعه لبره وندهوه جوه مراته مسكت دراعه واشتغلت فيه عض

ههههههههههههههههههه
يارب يرزقنا واياكم
لازم العقل ويكون فى جسر تواصل بين الاخوات
طبعا
كل سنه وانتى طيبه

السلام عليكم

 السلام عليكم  يا اهل التدوين معرفش هتفتكروني ولا... بس لاقيت ذكريات وكلام يوجع القلب سنين كتير مدخلتش هنا  وراجعت ذكريات ١٠ سنين ورا لاقيت ...