الثلاثاء، 24 أغسطس 2010

زقزوق والحجاب.!

السلام عليكم 
عاوز اقول حاجه خنقانى 
الحرب اللى شفناها على النقاب 
فى التلفزيون 
ومنعهم من حضور الامتحانات 
ودخولهم المدينه الجامعيه 
وممكن كمان عدم دخول اماكن معينه من 
المطاعم
او دور الثقافه 
وكده 
مش هنتكلم عن حكم النقاب 
والامر ظاهر للجميع 
ما بين فرض وفضل وعاده وعباده
ولكن ليس تلك هى القضيه 
ذالك لان
دى حريه شخصيه 
وحقوق انسان 
من حق اى حد يلبس اللى هو عاوزه ما دام مش بيضر حد وفى الاطار الشرعى 
لما بقى يجى حد يقول مينفعش لبس الحجاب قبل بلغ سن المحيض 
لا اله الا الله 
طيب بلاش نعلم الصبى الصغير الصلاه على سبع ونضربه على عشر 
لغايه ما يبلغ هو كمان 
ما دام الموضوع بلوغ 
ليه يعنى 
احنا حلينا كل المشاكل اللى عندينا وجاتت على الحجاب 

عاوزين نرجع للعالمانيه ولا نلبس 
ثوب تركيا وتركيا تاخد الثوب بتاعنا
على الاقل 
مرات رئيس الدوله محجبه

حسبنا الله ونعم الوكيل 
والاستشهاد كمان بالحديث بتاع السيده اسماء 
ليه كده ليه نحكم 
فى الدين من غير علم 
انا اتشليت لما شوفت الخبر ده 
ليه الحرب على الاسلام من  ابناء الاسلام 
ليه عاوزينا نربى اولادنا على التبرج
من صغرهم 
ومنربهومش على التقوى والحياء من مصغرهم 
ليه كده
حسبنا الله ونعم الوكيل 
يبقى البنات اللى اصلا مش بيلبسوا حاجه وبيمشوا من غير هدوم احسن ليهم يخلعوا اللى بيسموه حجاب 
كمان 
طبعا هما اصلا بيسيؤا للحجاب
بس احنا 
مستنين قانون كمان بمنع لبس الحجاب 
قبل سن المحيض
يوقفوا  طبيبات على باب كل مدرسه  والمطاعم ويسالوا المحجاب 
هل وصلوا لذالك السن ولا لآ
علشان كمان نمشيهم من غير حجاب 
ونزعزع  شويه الدين اللى عندهم 
حسبنا الله ونعم الوكيل 
الخبر بالكامل فى الرابط ده

هناك 12 تعليقًا:

دعاء العطار يقول...

احنا فى زمن القابض على دينه كالقابض على الجمر

انا مش لابسه نقاب بس انا راى ان دى حريه شخصيه

لان لا يعقل بأى حال ان البنات الغير محجبات واللى لبسهم مستفززز نصقفلهم ونرفعلهم القبعه ونقولهم براااافو

احنا فى بلد بتحترم الديمقراطيه والحريه الشخصيه

ونيجى على المنقبات ونقول يااااااااى

اقلعوا البتاع ده

المبدأ لا يجزأ

وعشان كده لو فى حريه فخلوها بقى ع الكل

ولا ضرر ولا ضراااار

بس تقول لمييييييين ؟

جوجو يقول...

السلام عليكم
حسبى الله ونعمى الوكيل
ربنا يخدهم مش عارفة والله هما ليه بيعملو كده
تحياتى

أتنين حبيبين يقول...

حسبى الله ونعمه الوكيل

مش عارفه لحد امته هنفضل على هذا الحال

هى دى حال البلد ومش هتتغير


ربنا منتقم جبار

mrmr يقول...

بص يا محمود
فى ناس كتير بتفكر بطريقه غير طريقتك
فى ناس بتحب ان اطفالهم يعيشوا طفولتهم كامله
سعات كتير قوى الاطفال مش بيبقوا مقتنعين بالحجاب لكن علشان دى رغبه والديهم
الحجاب لازم ياتى باقتناع فى المرتبه الاولى
والحجاب دى حريه شخصيه مش من حق حد يتدخل فيها

جزاك الله خير

رحاب صالح يقول...

المشكلة اللي مش هتتحل ابدا
انا طبعا من انصار الحجاب والحمد لله محجبة ..لكني اذا كنت ارفض النقاب لما احدثه من مشكلات غريبة وعجيبة ومؤلمة فعلا الا انني اقول بكل ما في من قوة انه حرية شخصية ما دمت لا اضر احد وهل لي ان اقرن فتاة منتقبة بأخري عارية ...ولا اقصد هنا العاريات من الملابس ولكنه اللبس الذي يشبه العري ومنه الكثير للأسف والقاه كل يوم ف الجامعة او ف الشارع ...اني اسفة علي ما وصل الية حال الاسلام والمسلمين ..علينا ان نقوي انفسنا علي الايمان والتزام الطاعات وربنا يعافينا مما ابتلي به الاخرون

خابت بك ظنوني يقول...

بصراحة أنا مش عارفة المفروض إني أعلق وأقول إيه ؟؟؟؟؟!!!!!!

يعني هو مضايقه أوي الحجاب قبل المحيض ... واللي هي خلاص نضجت جسمانياً نسيبها بدون حجاب وتستر عشان فساق الأخلاق يتمتعوا ولا مانع من حدوث ما يحدث !!!


يعني بصراحة الناس علقت وقالت كل اللي ممكن يتقال ... والتعليقات تبشر بخير رغم وجود شراذمغير قليلة عقولها متخلفة ومتحجرة والتطور عندها دايماً الدين هو اللي مانعه

اللي بجد محزن في الموضوع إنه وزير أوقاف ... هل هو متخيل كبر المسئولية اللي هو شايلها !!!!!!
والأدهى الحديث اللي هو مستدل بيه
يعني هو بيتكلم في فرضية الحجاب بعد المحيض وجايب حديث يتكلم عن كيفية الحجاب بعد المحيض !!!وشروط الحجاب !!

والله عجباً لأمره

إلى الله المشتكى وربنا يهدي ولاة أمورنا إلى الحق ولا يأخذنا بما فعل السفهاء

باحث عن حب يقول...

دعاء العطار اكرمكى الله
محدش هيسمعنا احنا فى بلدنا
تراب
محدش شايفنا ولا حاسس بينا
مفيش حاجه
اسمها حريه شخصيه المنتهكه فى الاقسام
ولا حقوق انسان منتهكه فى كل مكان فيكى يامصر
حسبنا الله ونعم الوكيل
شكرا دعاء يارب يعزك ويبارك فيكى

باحث عن حب يقول...

جوجو

لان معندهم حاجه اسمها دين
ولا عرف ولا تقاليد
ولا شرقيين
عاوزينا نقلد امريكا واولاد الشوارع يزيدوا اكتر
منهم لله
نورتى جوجو

باحث عن حب يقول...

توتا
ربنا منتقم جبار
عندك حق
ان شاء الله حال البلد \
هيتغيير الى الافضل
لو فكرنا صح
وحاولنا نغيير انفسنا واللى حولينا
شكرا
توتا

باحث عن حب يقول...

مرمر
عندك حق لازم قناعه فى الاول
طبعا وتتربى البنت من رأيى على القناعه دى من صغرها لما تشوف والدتها واللى البنات اللى حوليا والوسط اللى عايشه فيه انه موجود
ولما تدرس انه فرض طبعا
لما يتفرض عليها لانه شرع من عند الله بالنسبه ليا لازم هتقتنع بيه

والحجاب مش شرط الاخلاق الكامله فيه ومش شرط اللى مش لابسه حجاب بتكون اخلاقها مش كويسه
والله فى كتير مش محجابات واخلاقهم احسن من المحجبات وانا عارف كده
علشان كده نربى اولادنا اننا علينا نربيهم من الداخل الاول وبعدين المظهر
شكرا مرمر

باحث عن حب يقول...

رحاب
عندك حق اللى وصل اليه المسلمين من انحدار اخلاقى فى بعضهم وبيسؤا الى الاسلام طبعا يحزن بس برضوا لسه فى امل سيدنا النبى قال فى حديث ما معناه
(الخير فى وفى امتى الى يوم القيامه)
وعلشان كده منفقدش الامل
نورتى يا رحاب وسعدت برأيك

باحث عن حب يقول...

خابت بك ظنونى
اخيتى عندك حق
انه يلبس الحق ثوب الباطل ويلبس الباطل ثوب الحق
الوزيره المحترمه فى اجتماع ملتقى الفكر الاسلامى ومش معترفه بالحجاب اصلا
وقاعده بشعرها
حسبنا الله ونعم الوكيل فى اللى قاعدها جانبه ولم ينكر عليها
منهم لله
بارك الله لكى

السلام عليكم

 السلام عليكم  يا اهل التدوين معرفش هتفتكروني ولا... بس لاقيت ذكريات وكلام يوجع القلب سنين كتير مدخلتش هنا  وراجعت ذكريات ١٠ سنين ورا لاقيت ...