السلام عليكم
معلش البوست ده فيه شويه لغبطه او لخبطه اللى يعرف التهجأه المناسبه يقولى
شويه افكار متلغبطه ايوه كده صح بالغين مش بالخاء
اولا
حصلت معايا
معايا اخت صغننه لسه متخرجه من تربيه واداب فرنسى
طبعا على وش زواج كل شويه عرسنا اشكال والوان
ولما كنت موجود اتقدم واحد شاب بصراحه مستريح وعنده شقه وشغال وكمان عنده مشروع فاتح محل صغنن بجوار شغله الاساسى فى الحكومه وكمان دروس خصوصيه يعنى هيعرف يعيشها ويأكلها عيش المهم فرحنا بيه قوى لان اختى دى اموره العيله كلها وباحبها قوى طبعا وكل اخواتى ولاد وبنات علشان مضربش فى الاخر
الشاب ده فى سنى او اكبر حبه يعنى ممكن اسأل عليه انا بما انى يطلق عليا اسم شاب ومع انى مش حاسس بالشباب ده خالص لازم ادعبس عليه وسط الشباب بيعمل ايه
حقيقته ايه ومحدش يعرف سر الشاب غير الشاب اللى زيه
المهم
سألت ودعبست ربنا اكرمنى بواحد جاره زميل ليا من الابتدائى وميخبيش عنى حاجه ابدا
وواحد كمان فى الشغل بتاعه صديق ليه ويبقى زميلى فى نفس الوقت بس العريس ميعرفش كده
علشان اصلا ميعرفش اخوات العروسه ايه المهم
عرفت انه بيشرف سجاير وشيشه وكمان ايه مفيش مانع من بانجو حشيش
كده ميه ميه
ليه فى البنات وخطب اكتر من مره وكان يخرج ويدخل وبعدين بومبه كبيره
المهم
كان رأى البيت الرفض التام ليه؟
طيب الاخلاق زفت
دى شهاده الزميل والصديق ليه
وتم الرفض طبعا
المناقشه؟
-----------------------------------------------------
1-تم رفضه علشان السجاير والشيشه والحشيش
طيب معظم شباب مصر بيشرب سجاير وشيشه وبانجو
ومعلش بقه والبنات برضو
بلاش نحكم كده بالرفض ممكن الزواج يخليه يبعد عن ده كله بضوابط
معاه ومع اهله
طيب لو كان اهله مش محترمين والاصلف مش طيب
المشكله فى الخطوبه والفسخ
كل البنات كده محصلت توفيق
ممكن بعد الزواج ينصلح حاله
طيب ممكن بعد الزواج البنت تتبهدل وتطلع عين ابوها وتحصل على لقب
مطلقه بكل فخر وتنضم الى الارامل والعوانس ومحدش هيبص عليها
خليها فى بيت ابوها احسن
يعنى ايه مش بيصلى ممكن ربنا يكرمه وينصلح حاله
يابنى حال الولد من صلاحه ودخوله المسجد
واللى ميخافش من ربنا مش هيراعى حق العبد
يعنى ايه اخلاقه وحشه ممكن ربنا يكرمه والعائل على البنت
طيب انا هرمى اختى ليه خليه فى بيت ابوها معززه مكرمه
---------------------------------------------------------
طبعا ده كان النقاش اللى بينى وبين نفسى وبين الاهل وكده وتم الرفض ايه رأيكم
؟
-----------------------------------------------------------------
يا اخوانى الاولاد حالهم ميسرش اللى شيفينه قدامنا زى الزفت
مش زى ما اتربينا فى بيوتنا خالص من الاخلاق والالفاظ اللى زى الزفت انا باتكسف لما اكون مع ماما او اختى وراكب مكروباص يقوم السواق يشتم شتيمه زى الزفت وبعدين يقول معلش ياحريم ياللى معانا مخدش بالى
ده غير الالفاظ اللى فى الشارع فى كل مكان بحس انى غريب فى الشارع وفى كل مكان
_________________________________________________
انت يا عريس لو عرفت ان عروستك بتشرب شيشه مثلا او كانت بتحب حد قبلك
او ليها علاقه قبل كده وعرفت من من قبلك واحد هتعمل ايه؟
____________________________________________
الخطوبه انا شايفها فيها تجاوز هنا فى القاهره بصراحه الواحد يدخل بيها ويخرج وممكن تجاوز شويه اللى انا شوفته
مش زى عندنا مثلا
\العريس هنا اللى انا شايفه انه مش بيراعى العروسه فى الخطوبه مش بيحافظ عليها من ناحيه الشكل العام
بيمسك ايديها او بيكون لوحدهم من غير محرم
ممكن اكون معقد شويتن بس مينفعش
لازم يحافظ عليها زى اخته لغايه عقد رسمى
ياه رأيكم فى الوضع العام للخطوبه فى مصر؟؟؟؟؟
______________________________________________
يارب ارزقنا العفاف
يارب
ويسر امور الزواج للجميع
يارب ياركريم
وكل سنه وانتم طيبين
هناك 52 تعليقًا:
السلام عليكم ورحمة الله وبركاته
الموضوع دا بجد خطير جداااااا
أولاً بالنسبة للعريس لازم يكون في صفات معينه موجودة مينفعش التنازل عنها
ومينفعش اقول فيها ما يمكن حاله يتصلح ... العريس اللي متقدم دا من وجهة نظري مكنش ينفع يدخل البيت أصلاً ... بس مش كل حاجه بنعرفها من قبل ما يدخل
طبعاً ... مينفعش نرضى بزوج مدخن لأن ببساطة سجاير يعني هتجر شيشة وشيشة يعني قهوة وقهوة يعني صحبة سوء ... وفي آخر المطاف صحبة سوء يعني حشيش وخلافه وكان الله بالسر عليم ..!!
مينفعش اقول هي هتخليه يبطل ... لأنه هو لو مش عايز يبطل من نفسه وبقتناع تام منه عمره ما هيبطل وهي اللي هتضر ... زي ما حصل مع كتييييييير ادامي وعمره ما بطل لأنه ببساطة ادمنها
الأمر التاني : مينفعش نرضى بواحد يعرف بنات ... لأنه مهما هي عملت مش هتعرف تخليه يبطل بص على البنات ولا انه يتعرف على البنات ومؤكد إنه بعد الزواج هيفضل يكلم بنات ... ودي شوفتها في ناس كتير
برده مينفعش نرضى بواحد مش بيصلى ... لأنه شرعاً معروف أن تارك الصلاة كافر كفر مخرج من الملة .. والله أعلم
"
في صحيح مسلم من حديث جابر رضي الله عنه أن النبي صلى الله عليه وسلم قال (بين الرجل وبين الكفر والشرك ترك الصلاة) وقال صلى الله عليه وسلم في حديث بريدة الذي في السنن وهو إما صحيح أو حسن قال فيه (العهد الذي يننا وبينهم الصلاة فمن تركها فقد كفر)
"
من فتوى للشيخ ابن عثيمين
فبالتالي لا تحل له أن يتزوجها
برده في حديث بيقول فيما معناه أن المرأة رقيقة بالنكاح ( من الرق )
فيجب الحرص عند اختيار سيدها
ويمينفعش نقول في دي ماهي تحاول معاه وربنا يهديه
للأسباب السابقة ول برده إن هم هيبنوا بيت
البيت دا قوائمة نظامها ايه ؟؟
والمثل يقول " إذا كان رب البيت بالدف ضارب فشيمة أهل البيت الرقص والغناء " وه والقائد في البيت مش هي
والأب قدوة دايماً .. يبئء أولاده شكلهم ايه ؟؟
وأخيراً الأخلاق برده مينفعش التخلي عنها لأنه شخص بدون أخلاق = يصفر
والرسول عليه الصلاة والسلام بيقول إذا جاءكم من ترضون دينه وخلقه فزوجوه ... وهنا لا الدين ولا الخلق
.... طبعاً هذا لا يعني إنه مفقود فيه الأمل تماماً ... لربما في لحظة يعود إلى الله ويتوب عن كل دا ويكون أفضل من ناس كتيرة ملتزمة .. ولا نذمه ولكن نذم الفعل
الأمر التاني بئى
هو إذا كان العريس عارف ان العروسة دي حبت حد قبل كدا او كانت على علاقة
والعكس
بالنسبة للشباب في منهم كتير مش هيحب انه يرتبط بواحده كانت على علاقة
ودا من حقه لأسباب كتيرة
هو ممكن يكون حافظ على نفسه جدا فمن حقه انه يرتبط بواحده حافظت على نفسها جدا وحافظت على نقاءها وحياءها وكل شيء
ثانياً إذا كان هو عرف قبل كدا بنات برده وكان على علاقة .. فهو ممكن ميثقش فيها قياساً على البنات اللي عرفهم .. بالرغم من إنها ممكن تكون الموضوع عدى من زمان وانتهى ولربما هي نسيت الموضوع اساسا... وبالطبع هيؤدي لمشاكل لربما توصل للطلاق !!!
وفي شباب هيقولوا عفا الله عما سلف وميهتمش ...
دي زيها زي ان في شباب مبيرضوش بواحده كانت مخطوبة قبل كدا أو مكتوب كتابها مهما كانت على خلق ودين ...!!!
بالرغم من أن الأمر هنا كان في اطار شرعي
في نهاية النقطة دي ... كل واحد من حقه يختارا للي تناسبه ف كل شيء
لأن دي مش حياة يوم أو اتنين دي عشرة عمر واسرة هتتبنى وهي هتكون ام أولاده وهيأتمنها على بيته واسمه وسمعته ... ولازم ومن محقه انه يكون واثق فيها تماماً وهو بره ..
وفي النهاية كل واحد ربنا بيكتبله الزوجة المناسبة ليه
فكما قال الله في سورة النور
"الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ
وَالطَّيِّبُونَ لِلطَّيِّبَاتِ أُوْلَئِكَ مُبَرَّؤُونَ مِمَّا يَقُولُونَ لَهُم مَّغْفِرَةٌ وَرِزْقٌ كَرِيمٌ "
وربنا مبيضيعش حد
موضوع السرد فيه يطول .. لكن نكتفي بهذا القول
جزاكم الله خيراً
باحث عن حب
طبعا الطيبون للطيبات والخبيثون للخبيثات ، وبالتالى الراجل بالذات ما ينفعش يكون سئ الخلق ويتم الموافقه عليه على امل انصلاح حاله
البوست جميل بس ارجوا رفع صور البنات الموجوده حتى لا تكون فتنه لاحد
وجزاك الله خير
موضوع جميل جدا يا اخي شكرا لك وهي دي فعلا حقيقه الشباب الان
صباحك قشطه
كده على الصبح افتح عنيا القى ضربتنى بالشيشه
طيب استنى عليا بقى لما اصطبح واروح الشغل وارجع امزمز فى الشيشه والبانجو ههههههههههههههه
السلام عليكم
اكيد طبعا الحل الامثل هو الرفض لاننا مش ضامنين هو ممكن يتغير ولا لاء
تحياتى
الله ينور يا جميل ، ويتقبل الله منك
بس لسه ناقصلك العروستين يا معلم ، وبالذات انهم صحيح محجبين بس حلوين برده يعنى .
هههههههههههه
واحنا فى رمضان يا باشا
عندك حق يامحمود
لازم ترفضوا العريس دا
هي بكره يجيلها نصيبها ويبقي تمام
لكن واحد بالمستوي دا مينفعش بالمره
اللي بيعمل كل دا
تتوقع انه ممكن يعمل اي حاجه
فالبعد عنه احسن قرار
الشباب مش عارفه حصلهم ايه
ودا يرجع للحكومه
لانها بتدي فرصه لاي بنت انها تشتغل
لكن الولد لأ عيب أوي انه يطلب شغل او يفكر فيه
ربنا يصلح حال الشباب
احم احم احم
ادخل برجلى اليمين واسمى
بص يامحمود انت جيت على الوجيعه ياخويا اه وربنا
استنى بقى اخد نفس وارغى
ولا اقولك خير الكلام ماقل ودل
هو دا اللى حصل معايا
بس المشكلة اننا سالنا وناس شكروا والواد فله فله يعنى
حتى هناك فى الامارات مية ميه ومستقيم
قشطه
وبعد كدا ياخويا وبعد كتب الكتاب اكتشفنا اللى عمرنا ماعرفناه
وان الناس اللى سالناهم دول ولاد ....... اللهم انى صايمة
يقولك ايه ياعم اهه بنوفق راسن فى الحلال
الهى يجى تور هايج يخبط راسكم فى الحيطة هههههههه
وربنا وحسبى الله ةنعم الةكيل فى اى حد يشكر فى حد وهى مش كدا
وسمعنى احلى سلام
الست لما تحب تعيش بتعيش :):)
ال ايه ولد وال ايه بنت
الولد ليه حق يعمل كل حاجة لانه ولد
والبت لو كلمت حد بس تبقى بت لاتصلح للزواج
أزيك يا محمود
عامل ايه مع الصيام والحر ده (:
ربنا معاك
مبروك يا باشا ع الشكل الجديد للمدونة
موضوعك هايل جدا يا محمود
و قراركم صحيح مية لمية
الخطوبة
شوف يا سيدى انا معاك ى اللى بتقوله
انه فى فترة الخطوبة
لازم يحافظ عليها زى أخته حتى لو محصلش وفاق
انا هقولك عن تجربتى الشخصية
انا عمرى ما حاولت احب الفترة اللى فاتت
لأن الحب عندى مرتبط بنهايته الطبيعية
لو محصلش يبقى دة نصيب
و نحافظ على بعض بدون جروح و لا اهانة
و لما حسيت انى اقدر اشيل مسئولية الحب و الجواز اتكلمت
فعلشان كدة معلقتش نفسى بحد ابدا
و لظروف تانية
موضوعك عن الشارع و اللى بيحصل فيه خلاص احنا بقينا مجرد انك تحترم حد يفتكر ان انت ضعيف او خايف
حاجة تضحك و تغيز
لازم يعنى ابقى قليل الأدب (:
خلاص منطق الأحترام مبقاش موجود و ده من البيت و التربيه
ربنا يهدى خلقه
(:
رمضان كرييييم
عليك و العائلة الكريمة
هاااااااى
انا رجعت تانى اهوووووو
بص بقى يا حوده احنا الصعايده لينا افكار وعادات وتقاليد مش نقدر نتخلى عنها ابدا وافكارنا يمكن لو فى اى بلد تانيه يبقى عادى علشان كده فى نظرنا اللى بيشرب سجاير وشيشه وبانجو وحشيش ده انسان مش امين على نفسه يبقى اذاى ح يبقى امين على زوجه وبيت
هو بكده بيهلك نفسه ويضر بيها
فما بالك انه يبقى مسئول على شخص اخر
لكن ما فيش حاجه بعيده عن ربنا
ممكن فى لحظه ربنا يلمس قلبه ويتوب ويتغير المهم انه الكل المحطين بيه يحسوا بالتغير ده ويكون فعلا اتغير مش مجرد تمثيليه بيعملها علشان يبان قدام الناس انه كويس ومؤدب وذو اخلاق
الشخص اللى بعيد عن ربنا ممكن يعمل اى حاجه تغضب ربنا
علشان كده اول شئ البنت لازم تختارها فى شريك حياتها انه يكون على خلق وعلى علاقه وطيده بينه وبين ربنا علشان يقدر يراعى ربنا فيها
ربنا يفرح قلوب البنات كلها
ويفرح قلبك
ازيك يا محمود
الموضوع جميل أووى
فعلآ أحنا لاذم نسئل قبل كل شىء
لأن ربنا مانرميش نفسنا فى التهلكه
وعصفور باليد خيرآ من عشره على الشجر
ربنا يهدى شباب المسلمين جمعيآ
ويستر بنات المسلمين اجمعين
على فكره
نسيت أبارك ليك على اللوك الجديد للمدونه
يارب يكون فاتحة خير عليك
مليون مبروك
السلام عليكم
ازيك يا محمود وازى اخبارك
يارب تكون بخير
طبعا عندك حق فى كل كلامك وفى اسباب
رفضك كمان بس فى ناس كتير الجواز عندها مجرد اتنين وفستان ابيض ومش مهم اخلاق ولا بيصلى ولا لا ولا بيدخن ولا معارفه واصحابه شكلهم ايه
كل دى بالنسبالهم حاجات مش مهمه المهم البت تتاوى فى قفا راجل وخلاص حتى لو حياتها هتبقى مرار
الا من رحم ربى طبعا
ربنا يرزقنا ازواجا صالحين يكونو قرة عين لينا ان شاء الله
ع فكره انت مش معقد ولا حاجه
بالعكس تمااااما
اللى بيحصل فى الخطوبه ده مهاااازل
ماينفعش خالص _ شرررعاً _ التصرفات د من غير عقد زواج
وحتى كمان المتجوزين مش بحبهم يزودوا الموضوع فى الشارع لان الشارع له أدابه
انا معاكم جداااا انها ترفض وماينفعش نوافق على امل انه يتغير لان التغير احتمال ضئيل
" انك لا تهدى من احببت ولكن الله يهدى من يشاء "
" ومايغير الله بقوم حتى يغيروا ما بأنفسهم "
عشان كده الله اعلم هيتهدى لا لاء
وعشان كده صح جدااااا اللى انتم عملتوه واعرف دايما ان الاساس فى الجواز مش انه مستريح او شقه او الكلام ده
الاساااااس قالنا عليه افضل خلق الله عليه الصلاه والسلام
" اذا جاءكم من ترضون دينه وخلقه فزوجوه "
فين بقى الدين والخلق هنا ؟
:::::::::::::::::
اخر حاجه بقى عشان رغيت كتييييير
حلو اووووووى شكل البلوج الجديد
مبروووووووووك
وكلللللل سنه وانت طيب
عريس بالمواصفات دى يترفض طبعا
هبقه اقرى تانى عشان قريته بسرعه ومش مركزه
ومرسيى يا محمود على اهتمامك بجد
خلاص وصلت للى عيزاه
جزاك الله كل الخير
يا اجمل مجموعة صحبه عرفتها والله فى التدوين
دمت بخير
الجواز مسؤلية ولازم الطرفين يكونو قدها ودة شىء لازم واكيد
كلامك عنة واحد بتاع حشيش وبانجو دة هيفتح بيت ازى
اهم حاجة تكون موجودة الاخلاق والتدين وطبعا القبول من الطرفين
ودول مانعين لااى شىء سىء
ربنا يوفقك ويوفق الجميع بالخير يارب
تحياتى
هما كلمتين وبس
الاختيار الامثل للزوج او الزوجه لازم يشترط ان يكون له علاقه حميمه بربنا علشان يتقى ربه فيها ويحافظ عليها
بعد كده كل شئ يهون
كل سنه وانت طيب
الرسول الكريم لخص كل حاجه في كلمتين
اذا جأكم من ترضون دينه وخلقه
خلصت
يامحمود
تقول لي بكره هينصلح مش هينصلح
لما ينصلح ويعرف ربنا يبقا يشرفنا
وبالنسبه للخطوبه
كله متوقف علي البنت وتربيتها
لازم تكون متمسكة بكرامتها وشخصيتها
ماتسمحش لحد يتجاوز معاها حتي لو خطيبها
علشان ممكن الخطوبه دي تتفك يبقا ايه وضعها
ولازم اولي الامر يمسكوا الزمام ويقننوا الخروج ده في صالح بنتهم
اما الفرنجه اللي بقا فيها المصريين عموما دي علي جنب
بوست جميل
ومعجبه جدا باللي علقوا عليه
سلامي
اولا انت حيرتنا انت محمود ولا على كدا مش عارفين نقولك ايه هههههه ثانيا انت اثرت موضوع مهم جدا ممكن يكون الشباب كتير لكن لما تدور على الدين والاخلاق صفر ودى اكتر حاجه تصدم من جاءكم دينه وخلقه فزوجه الخلق والدين بقى اخر حاجه واللى يحافظ على البنت ويعتبرها اخته لحد العقد قلوا اوى دلوقتى الولد بيخطب البنت عشان اهداف معينه ممكن اوى بعدها يسبها او يرميها من غير اى اعتبار بجد بقت حاجات توجع وتضايق اوى من اللى بنشوفه من حال الشباب المسلم ربنا يهدى يارب
اكيد كان الفض هوة الحل الامثل
وبعدين حكاية ينصلح حاله بعد الجواز دي انا مش مقطنعا بيها خالص لانه لو كا انصلحش يبقى البنت كدة راحت
وشيفة كمان ان احسن حاجة للبنت انها تفضل في بيت اهلها احسن
خابت بك ظنونى
اخيتى بارك الله لكى كلامك هذا كان يلزم له بوست لوحده مش تعليق وبس يا اخيتى
بالتفصيل والسرد الدقيق الحكيم وعدم ترك نقطه الا وتم الرد عليها تفصيليا
اسف ان المووضوع انا كاتبه بصوره عشوائيه مفرض فيها وغير منظم بس حضرتك التعليق عليه كان منظم ومرتب للغايه بصوره جميله جدا فبارك الله لكى وجزاكى الله خيرا
موضوع السجاير والشيشه انا لا اقبل على نفسى ان اتزوج واحده كده او ازوج اى بنتى انا مسؤال عنها كده لانه مش امين على نفسه مش هيكون امين عليها
وكمان موضوع البنات برضو هو مش امين على بنات الناس فى الشارع هيعمل ايه معاها وهما هيتقفل عليهم باب واحد
مفيش حاجه اسمها حاله ينصلح ابدا
ومفيش حد بيرمى بنته كده الا اذا كان عاوز يخلص منها او هى اصلا مش بنته
او هى راضيه على كده وهو هلى شاكلتها بس ابوها هيتحاسب
وهى كمان
موضوع صعب والاجتماعايات واللى بنشوفه فى الواقع يخلى بدل ما الواحد يشتاق الى الارتباط يخاف انه يقرب منه اصلا
لذا وجب علينا ان نتعلم الصحيح من الدين بما يخص تلك الامور حتى نتشرع ومن تشرع لا يضام ابدا فمن كان الله معه فمن عليه ومن كان الله عليه فمن معه
واللى يحافظ على بنات الناس ربنا يحافظ على بناته
وخصوصا بنات محمد صلى الله عليه وسلم
احنا للاسف نسينا الدين وتشريعاته
نسيناه بكل حاجه فيه حلوة ومشينا وراء اهوائنا
الواحد فعلا ممكن يتخدع فى المظهر والسمعه كمان ودى مصيبه اكبر وفتنه فى دين الطرف الاخر
وسبه فى الدين ومظهره
ربنا لا يفتنا فى ديننا
بارك الله لكى وجزاكى الله خيرا عنا
ويكا
اخى الحبيب لقد\ لبيت طلبك اخى رغم ان الصور كانت وصف واقعى للواقع المخزى الذى نمر به ولكن ليس معنى ذالك ان نسبح مع التيار ونحن نريد ان نغير التيار الى الافضل بارك الله لك
مسأله الاخلاق لا بد منها فى العريس او العروسه علشان الجيل اللى جاى
والله اعلم بالغيب
شكرا على زياتك الاولى لى
ونرجو من حضرتك تكرارها سعدت بك اخى فى الله
مجنون كتابه
زياره اولى واتمنى
الا تكون الاخيره
ربنا يصلح حال الشباب كلهم ويارب يبارك فيك اخى وكل عام انت بكل خير
مرمر
ربنا يديكى الصحه يارب
صباحك سكر بلبن من غير شاى
ههههههههههههههه
مستنى الرد
جوجو
طبعا محدش يرضى بكده ابدا
وبنات الناس مش لعبه
شرفتى
جوجو
ويكا
انا بقه مش شايف فى الصورتن دول حاجه
انا باحلم بالتوب الابيض والطرحه طبعا
مش ليا
للعروسه اللى مش عارفها لغاي تلوقتى
وده حجاب ولا اجيب لك فستان فرح بنقاب
ههههههههه بهزر معا اخى بارك الله فيكوزادك الله حرصا
اخى فى الله
ساسو
اللهم امين
ويكرمك بما تتمنينه من خير
والله حال الشباب وسوءه هو مشترك من الحكومه والاسره
والمجتمع والشاب نفسه
لازم ده كله يتم تقويمه بمعنى
ان تكون منظومه متكامله الى الاصلاح والتنميه دول
ابأء الغد وشركاء فى التنميه للاسف
يارب استرها على بلدنا
شكرا لكى ساسو
يارب يعزك
ويكرمك بالخير
معلش اروح اصلى الفجر
واكمل بكره
يارب يبارك فى كل اخواتى يارب
اللى هما انتم يارب
كل سنه وانتم طيبين
ده رابط الموضوع ده فى منتدى مجانين
انا عملت الموضوع ده من سنه كده فى المنتدى ولم اصرح
الرجاء زياره الرابط
وقرأه التعليقات لمن يرغب
http://maganin.com/vb/showthread.php?t=4337
محمووووووووود
ايه ده يا محمووود
بص يا سيدى حظك معايا مش ولا بد
يعنى البوست ده يمكن انا اول وحده اقراه
وجيت اكتب التعليق الاول الاقى النت عندى فيه مشكلة مش راضى يكتبه
اروح قافلة الكمبيوتر وقايمة
تانى مرة برضو كذلك
لكن تيجى بقى عن مدنة قلبى حبيبى والمشكلة تتبلور فى اسس غريبة اخرى
اهو ده اللى مش منكن ابدا
افتح يا خويا صفحة التقليقات
الاقيها فاتحة عادى
اجى احط القلم ع البوكس عشان اكتب التعليق
الاقى مفيش قلم
ياعم اكتب
مش كااااااااااتب
اكتب ياعم الحج
مش كااااااااتب
حاجة بجد تخلى الواحد يروح يشرب ميه
هه
شوف حل بقى
حلو اوى
بس كويس انه اترفض ليه عشان مش مناسب لاختك هقلك ليه اختك على خلق وكمان متعلمه لازم يبقا زيها
فى مثل بيقول الطيور على اشكالها تقع
والزير بيدور على غطاه
وطبعا بالنسبه لان هو ممكن يتصلح حاله او لاءه
ممكن أه ليه لاء فى واحد تلاقيه كده ولما بيخطب ويستقر بيهدا وبيتصلح حاله
وممكن لاءه لان فى واحد مهما تعمله هو فى دمه الحاجات الربش دى
فإحنا بقه مش هنديله البنت ونقول ونسيبها للظروف
انا كنت فى شبه مشكله من دى من ايام وطبعا كان بردوا الرد الرفض التام
ربنا يديها كل الا بتتمناه يارب
اولا لما بنوافق علي حد مش بنقول ممكن ومش ممكن غير في نقطة واحده بس
هي الماده يعني الحاجه اللي بنقول فيها لا خليكي معاه وربنا هيفرجها عليه و ووووو هي لو امكانياته الماديه في البدايه
لكن مستوي ديني وعلمي واجتماعي مش ينفع نقول فيهم يمكن ومش يمكن لان دي حياه مش عاوزنها تفشل لازم يكون فيها مقومات النجاح
بلس القبول يعني ممكن يكون كله حلو لكن القبول مش متوفر يبقي ولا اكنه جه اساسا
اما بالنسبه لوضع الخطوبة
انا اعترض علي كلمه مصر ومش مصر
في بيت ملتزم وفي بيت فاتحها بحري
يعني هتكلم عن اسرتي وكل الاسر اللي حواليا من اهل وجيران واصحاب
مش في خروج ولمس ومش لمس لان الخطوبة ما هي الا وعد بالزواج وهيفضلوا اجانب لحد اما يتجوزو بس ودا انا كنت نزلته في بوست واتكلمت فيه عن موضوع الخطوبة
دموع القمر
اصحاب الاقنعه كتيره قوى
وممكن اسامح فى اى حاجه ممكن الا فى الخداعه فى قضيه العمر
الزواج
قضيه عمر اى واحد فينا لازم الصدق فى اى حاجه لان اللى يكذب فى الالاول يكذب فى الاخر ومفيش امانه ولا حتى امان
علشان كده
لازم التدقيق فى السؤال
البنات مش لعبه
ولا ايه
الحمد لله ربنا انقك باقل خسائر
حفظكى الله
رامى
ربنا يخليك قليل اللى يفكر كده للاسف
علشان معظم الشباب بيفكر فى الرغبه وبس
واللى بيشوفه فى الشوارع كانه ينتقم من اللى بيشوفه فى شخص البنيه دى
اللى يحافظ على بنات الناس ربنا يساعد الناس فى الحفاظ
على
بناته
ولا ايه
كما تدين
تدان
شكرا رامى
مرمر
انتى بتفكرى صح
بس انا بأحسبها من ناحيه تانيه يعنى
الولد ده خلاص سمعته اصبحت فى الطين ومش هيتجوز غير اللى من عينته طيب
لازم له حل طبعا مش اننا نرمى ليه بناتنا
بس والله بيصعب عليا خالص لان ممكن لحظه والواحد يكون مكانه او فى مكان العن منه
وممكن زى ما قولتى ربنا يمس قلبه يكون احسن من احسن واحد
الحمد لله ربنا يهدينا جميعا
شكرا ليكى يا سوهاجيه
توتا
بارك الله لكى
صح
لازم نسأل بناتنا
امانه فى ايدنا
مش اى حد نستأمينوا عليها
ولا ايه
ربنا يبارك فيكى
اللوك انا بدور على حاجه فى دماغى ولسه مش ليقيها شكرا لكى
ليس فقيرا من يحب
فعلا
كلامك
بس ميخليناش ازمه العرسان
وتعثر الزواج
اننا نستغنى عن بناتنا كده ولا ايه
لازم
نشوف هى راحه عن بيت مين
الاصل والفصل
مش شرط المال
المهم الاخلاق والدين
والاتنين للاسف
اصبحوا نادرين
وعمله كاسده للاسف
بارك الله لكى يارب ينولك ماتتمنينه من خير
دعاء العطار
اولا شكرا على كلامك وانتى مرغتيش ولا حاجه المووضوع ده عاوز كلام كتير قوى وعاوز مش بوست واحد لآ
عاوز كتير قوى فعلا عاوزين الثقافه الاجتماعيه دى بالفعل
الموضوع محتاج كلام كتير قوى
تلوقتى اى والد فتاه عاوز يسترها باى شكل وممكن يتنازلوا عن حاجات كتيره بس المهم ان البنت لا تحمل لقب عانس
ودى خيبه كبيره قوى
لانها هتتعقد زياده
والجيل اللى هيجى
مش هيكون طايق نفسه
الزواج وتكوين الاسره
هى نواه المجتمع القادم علشان ده المصنع اللى هيجيب عيال لو كانت الخامه مش كويسه المنتج هيكون هباب فى هباب
فعلا وصيه النبى فى البحث عن الانساب (تخيروا لنطفكم فان العرق دساس)
بارك الله لكى اختى يارب يبارك فيكى وشكرا لكى
الحب الجميل معلش المهم انتى توصلى ومعلش مقدرش اوصل
يارب
يبارك فيكى
يارب
يوميات رجل مش عايز يتجوز
كلامك صح
لانه مسؤليه
مش لعب عيال
شكرا لك
اخى الحبيب
لازم الفحص والتدقيق
الحب الابدى
بس
لازم يكون فى علاقه كويسه بين الطرفين وربنا
شكرا لزيارتك
الحب الابدى
بس
لازم يكون فى علاقه كويسه بين الطرفين وربنا
شكرا لزيارتك
شمس النهار
سعيد بزيارتك جدا
ويارب الشمس دى ما تغيب ابدا عن مدونتى
ولا عن اى مكان تناى تحب تزوره
اذا جأكم من ترضون دينه وخلقه
صدق سيدنا رسول الله صلى الله عليه وسلم
بس خلص الكلام صح
اولى الامر لازم ميفتحوش المووضوع على البحرى بادعء الخطوبه
اللى اعرفه ان الخطوبه فى بعض الاماكن نص زواج
ربنا يرحمنا جميعا
بارك الله لكى
دهب
معلش اختصرت الاسم
هههههه
ربنا يعزك ويكرمك يارب
بصى بقه
واللى يحافظ على البنت ويعتبرها اخته لحد العقد قلوا اوى دلوقتى الولد بيخطب البنت عشان اهداف معينه
بس جيبتى المفيد
ثقافه ان البنات اللى حوليك زى اخواتك دى
ثقافه معدمه ومش موجوده فما بالك لو خطيبته بيستبيح كل حاجه باسم الحب والبنت للاسف بتجاريه كمان ماهى معذوره
ونبدىء حرب الاقنعه كمان علشان تثبته وتربطه
افكار غريبه وصعبه
غياب وعى ودين واخلاق
ربنا يرحمنا
بارك الله لكى
كلام من قلبى
انتى صح
وبيت الاهل هو الحل الامثل لكده
علشان مفيش حاجه مضمونه خالص
بارك الله لكى
موجه
ههههههههههخهخهخهخهخ
معلش والله بتحصل معايا
ممكن اكون اول واحد اقرأ البوست والقلم ابن التيت ده ميكتبش خالص
ه
وتمر الايام وفين وفين يكتب
بمزاجه
المهم كويس انتى وصلتى المواصلات صعبه
معلش والله انا كنت عامل التعليقات فى نفس الصفحه بس الشكوى اشتغلت وكمان صفحه منبثقه برضوا
اعمل ايه
ههه
المهم انتى وصلتى
حمدا لله على سلامتك
ورمضان كريم
داليا
كلامك صحيح
بس مبدا الاحتمالات ده
صعب للغايه
واحنا مش هنمشى على سلك ممكن نكمل وممكن نقع
الزواج مش هزار
وعندك
حق
طبعا فى الرفض
ربنا يديكى كل خير
اظهرى بقه
وارجعى
كما كنتى
رمضان كريم
كيارا
الماده يعني الحاجه اللي بنقول فيها لا خليكي معاه وربنا هيفرجها عليه و ووووو هي لو امكانياته الماديه في البدايه
بس
كده جبتى الاخر بتاع الموضوع
اى حاجه تانيه مينفعش التهاون معاها
انا باتكلم الوضع العام بتاع الناس اللى حولينا بنشوف
حاجات غريبه
وزى ماانتى بتقولى
فى ناس كده وكده
الخير لسه موجود
يارب يعزك
ويكرمك
كل سنه وانتى طيبه
فينك انا قولت انك هتكون اول تعليق فى قلوب بلامرسى
اكيد هستنى رايك
تحياتى
اكيد طبعا ليك حق تسأل وتتلخبط الحال بقى ميسرش حد
بس ببساطه فكر فيها لو قولنا لكل الشباب المنحرفين واعذرنى لذكر منحرفين مهو الانحراف مش بس المتعارف عليه اى سلوك شاذ عن الطبيعى فهو انحراف
وان الشباب معظمهم يبقو بيدخنو وبالتحديد مخدرات دى كارثه
اعتقد لو كل بيت رفض شاب بالشكل دا كل شاب هيفكر مليون مره يغير نفسه قبل ما يتقدم لبنات الناس
ولو كل بنت احترمت نفسها وراعت ربنا والتزمت بالاخلاق اكيد ربنا هيكرمها بأنسان مناسب ليها
من وجد الله فماذا فقد ومن فقد الله فماذا وجد
لو كل انسان بجد عمل اللي عليه ربنا هيكرمه ويرضيه
نور شاهين
عندك حق اخيتى
الزواج واموره مش سهله ولا يمكن التساهل فيها ابدا
منورانى ويارب لا تكون الزياره الاخيره
بارك الله فيكى
من وجد الله فماذا فقد ومن فقد الله فماذا وجد
نعم ولكننا فقدنا الايمان والحس بنعمه الاسلام
والمنحرفين
لا يفقهون ولا يعقلون
يارب يهدينا جميعا
دمتى بود
السلام عليكم
انا مش هقول اني همسك العصاية م النص ...بس انا معاك اوووي
برغم انهم احيانا كتير بيتهموني بالتحرر لكن الحمد لله افكاري سليمة جدا ...معاك حق جدا وانا بقي مش عايزة اقولك تان ف تجاوزات ف فترة الخطوبة لبلاوي عافانا الله منها ....الاختيار صعب من الناحيتين وليس البيت لاختيار الشاب او الشاب لاختير البنت ...لكن لابد ان نضع ف عقولنا ان لاانسان كامل ..ولكن يكفي ان نختار بالاهم ثم المهم ..يعني اختار شريك حياتي مسلم مثلي او مسيحي مثلي فلا مجال لتغير ديني وعقيدتي لاجل زواج قد لا يدوم ..انا يعرف االله جيدا ويراعيني فيه واراعي الله فيه ..يعني يعرف اصول دينه كويس ...يعني الموضوع كبير بس حبيت اقول راي مختصرا لاني جاية كمان متأخر شوية معلش بقي ...عيني كانت بتوجعني شوية
رحاب صالح الف سلامه عليكى
وكل عام انتى بكل خير
لازم امسك العصايه من النص وشويه تنازلات
بس مش نتنازل
عن مبادىء
ولا حتى عقيده
نقصد
واحد مش بيهمه اى حاجه
ولا صلاه ولا ناس
سايبه كده
مينفعش
ده ياخد على دماغه مينفعش معاه تنازلات
ممكن موضوعا ====الغنى والفقر
ممكن نبدأ من الصفر بس الاساس الدين سواء مسلم او مسيحى
والاخلاق
ربنا يعزك يارب
ومفيش حاجه
وجودك
نور المدونه بارك الله لكى
إرسال تعليق