السبت، 26 يونيو 2010

عبق الحب فى الله اين انتى ياشذا الروح؟ والغائبون عنا نسأل عنكم فلا تتركونا؟








السلام  عليكم

كتبت خاطره جديده ولكن
شىء ما اوقفنى
عندما قرأت  موضوع
شذا الروح
ملاك الحب

انا كنت  فرحان  جدا
بيها وبالاستاذ عصام الدين
ومدونتهما الرائعه
فوجئت  بما كتبت  وما حدث
ليه فى ناس كده
عاوزين نعمل حاجه 
علشان اختنا شذا الروح
نقف جنبها
طيب تعمل مدونه تانيه ويكون التعليق فيها بالمشتركين فقط
ولا نعمل ايه
مش عاوز الاستاذه شذا تتركنا كده
احنا عيله واحده

انا فاكر كويس لما
موجه  فى مدونه  بين السماء والارض (غريبه الناس)
لما كانت زعلانه شويه  تشوفوا الرقه كلها فى اكثر من تعليق
عليها
وايميلات
وكده 
مش عاوزين نسيبها كده لازم حل
ولازم تتفاعل معا نا ونشوف حل مناسب
ثانيا
 انا هسأل عن مدونات اثرت فيا جدا ولا اراها هذه الايام  مش عارف ليه
الاخت  خابت بك ظنونى
اخفوق فى حنايا القلب
كمكان ليها زمان ما دخلت ولا شوفنا منها جديد
هبه والحياه
وكمان
القمر الباكى
امرأه من ثلج

وغيرها من المدونات
طوبه فضه وطوبه ذهب
وكمان عصفور فى الاسر

وغيرها من المدونات
اقول لكم
ننظركم بكل شوق
فلا تتركونا
معلش انا لسه صغير فى التدوين
بس الناس دول اثروا فيا بالايجاب
طبعا
يارب يرجعوا بالسلامه

هناك 12 تعليقًا:

أتنين حبيبين يقول...

السلام عليكم ورحمة الله وبركاته

ازيك يا فندم لعلك بخير متشكره ليك شعورك الجميل والنبيل اتجاه الناس الجميله دى اللى افتقدناه فى هذا الزمن انا دخلت مدونتها وعرفت انها زعلانه مش شخص يسىء ليها بكلام مش كويس الله يكون بعونها بجد هى هتتحمل ايه ولا ايه ربنا منتقم جبار ينتقم منه اشد الانتقام اللى اتسبب فى بعدها

ربنا يسعدك يارب ويكرمك خير انت شخص جميل اووى

تحياتى
توتا

mrmr يقول...

مرحبا محمود
حمد الله بالسلامه
غيبتك طولت مكنتش اعرف اخبارك
مش تغيب تانى علشان نبقى نطمن عليك
هو شعور منك طيب سؤالك على كل المدونين اللى غايبين
لكن شذا سابت المدونه لاسبابها الشخصيه واكيد هى متابعه جيده لبعض المدونات حتى لو مشتركتش باى تعليق اوكتابات
وانا هنا باناشدها بانها ترجع ولها طرق عديده ترجعها لموهبتها اللى بتنفس عن نفسها بيها واحب اوصلها رساله الرساله دى موجوده فى مدونه شباب على طول قصه انت والحصان ياريت يا شذا تقريها وتفهمى معانيها واتعلمى الدرس اللى انا اتعلمته واتمنى الكل يتعلمه ذيى .

انا يمكن معرفش بعض المدونات التانيه لكن كل شخص من دول اكيد ليه اسبابه ومبرراته اللى مسافر واللى مشغول
لكن انا اعرف حاجه واحده بس اللى بيحب حاجه بيحب يبقى جنبها ويتابعها قوى وما فيش اى شئ يمنعهم عنهم
ربنامعاك ويحافظ عليك يا اخى

افروديت يقول...

الحقيقة مش عارفه مين اللي أتكلمت عنهم وبتمني طبعآأنهم يرجعوابس بعدفترة من الهدووووء .تحياتي ليك

داليـ ـ ـ ـ ـ ـ ــــا يقول...

لأول مره لسانى يقف ومعرفش اتكلم
تعرف ليه لأنى كنت فاكره عالم التدوين كل الناس اللى فيه طيبين وحنينين وحزانا وعندهم مشاكل وعمر ما فى حد يحاول يإذى حد

واتصدمت جااااااااااااامد اوى
بجد زهدت العالم ده وخوفت منه اووووى

ربنا يستر ياهندسه الدور علينا
ربنا معاهم بجد ومع شذا والكل

بس بجد مصدومه

الحب الجميل يقول...

السلام عليكم

ربنا يرجعهم بالسلامه يارب

وترجعى ياشذا تانى وتنورى مدونتك الجميله
يارب العالمين

والقمر الباكى وكل الغايب يرجع تانى يارب

جميل منك شعورك الطيب

تحياتى

مجرد فتاة يقول...

كلنا ساعات بنضطر ناخد اجازات تدوينية
بس ان شاء الله ربنا يرجعهم بالسلامة ومتكونش النهاية
وكمان مش دايما الناس بيبقوا زي ما احنا عايزينهم طيبين وقلبهم صافي والا متبقاش الحياة

محمود(باحث عن حب) يقول...

توتا
ربنا يبارك
فيكى يارب
بس الارتباط
بالمدونين دول
لامى اتعودت عليهم
وتعليقاتهم
كمان
ربنا ما يحرمنا منكم
ابدا
اسف على التأخير


فى التعليق

محمود(باحث عن حب) يقول...

مرمر
ربنا يبارك
فيكى
وما يغيبناش
عن
بعض
ابدا
يارب
يبارك فيكى

محمود(باحث عن حب) يقول...

افروديت
ازيك
اخبارك
اسف على التأخير فى الرد
بس فتره الهدوء دى
كلنا محتاجينها بجد

محمود(باحث عن حب) يقول...

داليا
اهلا بيكى

منورانى
الواحد
ميعرفش ايه اللى حصل
بالضبط
بس احب اقولك على حاجه
انتى عارفاها
الخير
والشر
موجودين
فى كل
مكان
منورانى يا داليا

محمود(باحث عن حب) يقول...

الحب الجميل
يارب يبارك
فيكى يارب
يارب كل
غايب
يرجع
بالسلامه

محمود(باحث عن حب) يقول...

مجرد فتاه

اولا انتى فين

قولى انتى غايبه ليه
بجد
؟
ثانيا
الواحد يتعامل
بقدر ما يحب
ولا ينتظر
من الناس اى حاجه
لازم الواحد(من وجهه نظرى)
ميستناش من الناس حاجه
ياريت
متغبيش لو قرأتى
اللتعليق ده
وطمنينا