الأربعاء، 9 يونيو 2010

سامحنى يابابا



سامحنى يابابا
سامحنى يابابا
لو ظلمتك فى يوم
سامحنى لو فى يوم زعلتك
لو فى يوم زعلت منى ومرضيتش تقولى وكتمت فى نفسك
بابا
اول مره احس انى مقصر فى حقك
مع انى كنت بانصح الناس بالاب والام
وانا اول المقصرين
سامحنى
لو عصيتك فى يوم
ومشيت  فى طريق
انت مش راضى عنه
بس برجع
وعمرى ما اعتذرت ليك
لانك عودتنى عل الحضن الكبير
منك
والابتسامه العريضه منك
بابا
يارب يخليك ليا

هناك 22 تعليقًا:

غير معرف يقول...

السلام عليكم

يارب يخليهولك ويطول فى عمره ويكون بينكم دايما الاب الحنون
ماشاء الله عليك كلماتك اثرت فيا
كلمات بسيطه بس معبره عن حب الابن لوالده
اكيد مسامحك

الاغنيه كتير حلوه

دمت بخير

زهرة(جنى)الاسلام يقول...

السلام عليكم
بص حضرتك انا اخر واحدة اتكلم عن الابهات لانى معرفش دور الاب اية لان بابايا متوفى من وانا صغيرة
لاكن اللى اعرفة انوا اكيد بيدور على مصلحتك وبيخاف على حضرتك
واكيد سمحك

♥♥ شذا ♥ الروح ♥♥ يقول...

السلام عليكم ورحمة الله وبركاته

اخى الفاضل الله عليك وعلى الكلمات الجميله دى رائعه

انا بدعى ليك يخلى ليك بابا يارب ويحفظه

انا بقا ادمعت لان بابا ميت ومش شفته خالص
ربنا يسعدك يارب

تقبل مودتى واحترامى لشخصك الجميل

شوية قهوة يقول...

ربنا يخليلك ولدك يا رب
ويكون ديما راضي عند
الاب ليه دور كبير اوي في الحياة بس احيانا مش بنحس بقيمة الدر ده غير لما نفدقدة
عشان كدة نصيحة من وحدة مجربة اوعى تخلي ابدا ولدك يكون مدايق منك ولا حتى الام طبعا

مي يقول...

الله ماشاء الله البوست جميل وى وكلامه وغرضه روعة بجد وحاجة جديدة
تسلم ايدك وربنا يخليك لبابا ويخليلك بابا

(ست* جنى* الحسن) يقول...

سلامو عليكو..
الله يخلهولك وميحرمك منه ويمد بعمره ان شاء الله.
برجاء زيارة مدونة جنة وتحميل فيديو(رحلة جنيه)
لك تحياتى

حياة يقول...

انا عارفة اني مقصرة فعلا
بس المتحانات كانت شغلاني شوية كنت بافتح اشوف المدونة وارجع اذاكر بس ان شاء الله هاتابع كويس بعد الامتحانات
وبالنسبة للموضوع متخافش الأب والأم كمان دايما بيسامحوا والدليل اننا طول عمرنا مقصرين في حقهم ومهما عملنا برده هنفضل مقصرين ومع ذلك بيحبونا أكتر من أي حد تاني في الدنيا
ربنا يخليهولك يا رب

ساسو يقول...

ربنا يخلي باباك ويديه طولت العمر
بجد حب الأب والام ورضاهم بالدنيا وما فيها
بجد يا محمود كلماتك البسيطه دي جميله واحساسك رقيق
وهو أكيد مسامحك لأن مهما الام والاب ادعوا انهم زعلانين من أولادهم دا بيكون ظاهري بس لكن من جواهم مسامحين جدا وراضيين عنا

هو اكيد مسامحك لأن بجد كفايه احساسك وحبك الجميل

دمت بكل حب

mrmr يقول...

محمووووووووود
ازيك يا سوهاجى
واضح انك فضيت وخلصت امتحانات
ربنا يكلل تعبك بالنجاح
عايزه اقولك يا محمود يا ابنى
ان رضى الاب من رضى الرب
خد رضاه واسمع كلامه اكيد هو عايز مصلحتك
وثق تمام انه مهما حصل منك ح يسامحك
لان الاب هو القلب الحنين مهما كان معاملته قاسيه وشديد فهو حنين
ربنا يبارك لك فيه ويخلهولك

داليـ ـ ـ ـ ـ ـ ــــا يقول...

اولا عمر الأب ما بيزعل من إبنه هو ممكن ياخد جنب منه لو عمل حاجه غلط انما زعل من قلبه لا قلبه مش هيطاوعه
وبعدين ياشقى انتا
انتا عملت ايه فى بابا خلاك زعلان وعايزه يسامحك كده
شكلك عملت حاجه جامده

وربنا يخليهولك وميحرمكش منه ولا هو كمان يتحرم منك

بالنسبه للكليب سامحنى انا معرفتش اشوفه عشان النت عندى بيحمل الصفحه بالقوه وكمان بوستك الا فات معرفتش اعلق عليه بسبب الكليب النت مش مساعدنى خالص بالرغم انى بدخل فى اوقات يكون النت فيها الى حد ما كويس لكن بردوا الكليب مش بيحمل

خالص تحياتى

موناليزا يقول...

ربنا يخليكم لبعض

باحث عن حب يقول...

الحب الجميل
عزيزتى
نورتى
المدونه
والله
انا باحب بابا قوى
هو انسان بسيط للغايه
وطيب قوى من الصعايده القدام
بليبس ملفحه فوق راسه
والجلباب البلدى
الجميل
اللى لازم يكون طبعا مكوى
وان شاء الله هنزل صوره ليه عن قريب لانى بجد
اكتشفت انى مقصر فى حقه
قوى مش عارف ليه انا
عمرى ما عملت حاجحه الا بأذنه حتى لو الجميع معترض عليها
بس هو الوحيد اللى اولانى الثقه
فى حياتى
فى حين
انتزعها منى
الاخرون
يارب يبارك لى فيه
شكرا لكى

باحث عن حب يقول...

زهره جنى الاسلام
ربنا يكون فى عونك وهذا قدرك نسأل الله لكى الرضى
وان شاء الله تتجوزى
ويكون الزوج لكى الاب والابن والحبيب
ان شاء الله
يبارك فى حضرتك
منورينى دايما
ومبروك على النجاح

باحث عن حب يقول...

شذا الروح
ربنا يرحمه
يارب
ويبارك فيكى
ان شاء الله
حفظكى الله
يا شذا

باحث عن حب يقول...

كلام من قلبى
الاب دايما مهضوم حقه
والام
اللى واخده
كل الحنان
مع الاصح ان الاتينين
ليهم نفس الحقوق يارب يخليهم لينا يارب
شكرا لكى

باحث عن حب يقول...

مى
شكرا لكى
انتى وزرياتك
للى
الاروع والاجمل
بارك الله لكى

باحث عن حب يقول...

ست جنى الحسن
يارب يبارك فيكى
انا نشرت
الفيديو
فى المووضوع السابق
شكرا لزيارتك

باحث عن حب يقول...

مجرد فتاه
شرفتى يا
اختى
العزيزه
اسف على انى عاتبتك
سامحينى
شرفتينى
يارب
ينجحك
ويكرمك باى الدرجات يااااااااااارب

باحث عن حب يقول...

مرمر
ايه النصايح دى كلها
الحمد لله
انا مش مزعله
بس حاسس بالتقصير فى حقه
يارب
يديم التواصل
ويبارك
فيكى يارب

باحث عن حب يقول...

داليا
نورتى مدونتك بالطبع
ويارب النت عندك
يتصلح يارب
المهم
عاوزين منك خاطره جديده
كده
علشان انا
مخى وقف خلاص
مفيش كلام

باحث عن حب يقول...

ساسو
الشاعره الكبيره
والله
نورتى
عندك
حقك
الوالد
عمره
ما يتعوض
ابدا
استمرى فى ابداعك

باحث عن حب يقول...

موناليزا
امه الله
شكرا لزيارتك
وكلماتك
بارك الله لكى

السلام عليكم

 السلام عليكم  يا اهل التدوين معرفش هتفتكروني ولا... بس لاقيت ذكريات وكلام يوجع القلب سنين كتير مدخلتش هنا  وراجعت ذكريات ١٠ سنين ورا لاقيت ...