الثلاثاء، 18 مايو 2010

السلطنيه(تاج الجزيره)





السلام عليكم

اولا انا مش قديم فى التدوين ولا حاجه انا غلبان قوى وصغير قوى قوى

اعطتنى

داليا التاج

وطبعا مش التاج اللى كله ماس

طبعا ده بنانيتى

التاج الاولادى

اللى

هو السلطنيه

بتاع الجزيره اللى

كنا بنسمعها فى الراديوا واتعمل كرتون على ايامنا

المهم

الاسرار الاسرار

حياتى مفهيهاش اسرار

اسمى محمود من الصعيد

هادى والحمد لله بحل المشاكل لمعظم الاصدقاء والزملاء

الا مشكلتى مش عارف احلها لانى مش عارفها فين اصلا

بس انا متأكد انه فيا مشكله مش عارفها

طيب قوى وممكن يضحك عليا بسهوله

بس لئيم شويه

وممكن اكدب علشان المواضيع تمشى وبعدين

استسمح اللى كدبت عليه

ومكدبش الا على اللى عارفه انه هيسامحنى لما يعرف السبب

معرفش اكشر او ازعل من حد او امثل الزعل من حد

انا مش ملاك

انا لما بتعصب معرفش حد قدامى الا ناس معدوده بحط

رجلى على لسانى علشان متعصبش علشان مينفعش ابويا

وامى واخواتى الكبار

ليهم احترامهم طبعا

لازم مزعلهمش مليش غيرهم

عرفت التدوين من مدونه (هبه رالمنشاوى)

الحنين للذكريات

بس عملتها متأخر

كنت بدخل على منتديات مجانين

وتأثرت بيهم قوى واصبحنا عيله واحده

بس للاسف المنتدى اتغير والارشيف بتاعنا ضاع

علشان الاداره ضيعته ومعرفتش تحافظ عليه

فى الفتره دى_(2006--2008)

كنت بكتب خواطر وكنت متأثر اكتر بصديق لى اخ عزيز عليا قوى

بس هو مش عاوز يفهمنى لغايه تلوقتى

علشان كده كنت فى نزاع دائم معاه

على معنى الحب فى الله

وكنا طبعا ازهريه طبعا المهم بعد المنتدى ما باظ مكتبتش حاجه لغايه تلوقتى

كاننى مرتبط بالناس اللى كانوا بيقروا لى

ومعرفتش اتأقلم مع منتدى تانى

مع انى مشترك

فى منتديات تانيه

ازهر واى

ازهر تو داى

كريزى كريزى

بسمله الانشاديه

الدره الانشاديه

عقول وقلوب

وغيرهم واللى حافظ على خواطرى اللى كنت باكتبها على المنتدى اللى باظ

ان كنت باكتبها

على المنتديات التانيه

انا عارف

انى مستوى كتابتى دون المستوى

قوى عارف

بس انا معتز بكل حرف كتبته

مع انى مشفق على اللى بيقرأ

بس اسف على انى كتبتها ومنشرتهاش



هناك 18 تعليقًا:

داليـ ـ ـ ـ ـ ـ ــــا يقول...

اولا ده التاج الا انا هديتك بيه
وكمان تلبسه لقط
ههههههههههههه
يالا انا مسامحه
هو انا هذلك بالهديه ولا ايه

اولا بقه ياأستاذ محمود ياصعيدى
عايزه اقلك خلى عندك ثقه فى نفسك اوى انك كبير بحبك للناس
وربنا ما يغلبك متقلش غلبان دى تانى
صفاتك جميله واحترامك للكبار شيئ جميل وكمان احترامك لوالديك اجمل واجمل

بس بطل لئم شويه
واهم حاجه بجد الكدب
بص هقلك حاجه مش قادره افتكرها اوى بس فيما معناه

ربنا سبحانه وتعالى بيسأل ويقول
ايسرق المسلم .... نعم
ايزنى المسلم .... نعم
ايكذب المسلم .... لالالالالالالا

حتى لو روحت استسمحت متعودش لسانك على كده

ميرسى ياسنيور محمود على قبولك الهديه
وبحيك على صراحتك

أحمد الصعيدي يقول...

السلام عليكم ورحمة الله

استاذي العزيز


ردود حضرتك بتوضح طيبة القلب والنية الصافية


طبع أغلب الصعايدة



ربنا يكرمك ويقويك

السلام عليكم ورحمة الله

mrmr يقول...

صديقى محموووووود
واضح جدا من اسلوبك فى الكلام عن مدى طيبه قلبك واحترامك لذاتك وتواضعك وفوق كل ده احترامك للكبير وده شئ جميل

لكن بخصوص الكذب ده امره هين تقدر تعود نفسك على عدم الكدب
حط فى دماغك مثل جميل قوى كانت امى الله يرحمها تقوله
" ان كان الكدب ينجى فالصدق انجى " وان كنت بتكدب علشان متزعلش الشخص اللى قدامك احب اقولك ان الصدق هو اللى ح يخليه مش يزعل

على فكره طيبه القلب دى متوفره جدا فى السوهاجيه وليا الشرف اننا بلديات

تحياتى ليك ولصراحتك

ساسو يقول...

اولا انت فنان يا باشا
وعلي فكره كلامك كله يبين انك انسان طيب أوي يعني غاني عن التعريف يا استاذي
وكمان الطيبه اجمل شيئ
الطيب هو اللي بيعيش في الدنيا دي
علي الأقل تحس انك محبوب من الكل
ربنا يهنيك يا صديقي

شوية قهوة يقول...

ردودك بتدل على انك شخصية طيبة وعلى نيتهتا والله
على فكرة مواضيعك جميلة وطلامة دخلت عالم التدوين يبقى اكيد مش هتقدر تخرج

موجة يقول...

السلام عليكم ورحمة الله وبركاتة
اتشرفت بيك يا محمود فى مدونتى
وحبيت طبعا ازرو مدونتك وكانت الصدفة انى ازورك وانت بتكتب تاج
عشان اتعرف على شخصيتك اكتر
بس فى حاجة انا متعرضة معاك فيها
الكدب
لان الصدق منجى
والكدب مالوش رجلين
وانت عارف بقى
عموا تانى مرة اتشرفت بيك

حياة يقول...

اجاباتك حلوة اوي وصريحة جدا
وعلى فكرة انا كمان كدة طيبة ومش باقدر ازعل من حد
بس فعلا لو اتعصبت مش باشوف قدامي
ومدونتك حلوة جدا
وانا شاء الله هتابعها
و تحياتي :)

نفسى تفرح بيا يارب(الشهاب) يقول...

الكداب بيروح النار
وانت بتكدب ليل ونهار
ياعمنا
حرام تفضح
نفسك
كده
انا بقه
هفتن عليك
ومتزعلش بقه
الناس كلها عرفت انك
كدااااااااااااااااااااااااااااب
الصراحه راحه يا محمود
وانت مش......................
بتعرف
تخبى
الحقيقه
ياعم

حـــــ الــجــنــة ـــــور يقول...

سلام عليكم

نسيت تقول انك طيب حبتين وصريح حد يقول على نفسو بيكذب هههههههههه بجد إتشرفنا بمعرفة جانب من شخصيتك

معرفة خير ان شاء الله وربنا يوفقكم كمان وكمان


تقبل تحياتي وخالص احترامي

باحث عن حب يقول...

داليا
انتى من الاسباب
اللى خلتنى استمر فى التدوين خصوصا انتى اول من اشترك فى المتابعين فى مدونتى المتواضعه جدا ومعرفش لسه الا المدونات اللى انتى ضايفاها عندك ولسه
وحده وحده
المهم
كلامك صحيح مش لازم اكذب بس فى مواضع معينه منها الشرعى ومنها اللى مش شرعى يعنى اشوف اصحاب متخاصمين اصالهم اكذب على ده اقوله فلان بقول فيك شعر وهو اصلا بيشتم عليه والتانى زيه أألف بين القلوب وبعدين اصارهم بس وحده وحده بعد ما يتصالحوا
وده شرعى بس
اللى مش شرعى كتيرررررررررررررر
انا مش هكذب عليكى كمان
لازم اتخلص منه طبعا انتى عندك حق
الصراحه لازم طبعا
الئم
يعنى والله بيحمينى كتير من اذى الناس
بس مش مع الل
ههههههههههههههه
ولكن اذا لم تتذأب
اكلتك الكلاب
وانا والله ساذج قوى قوى
وممكن يضحك
عليا
بابتسامه
من اى حد
ربنا يبارك
فيكى يارب

باحث عن حب يقول...

احمد الصعيدى
انت اللى استاذى
ياعمنا
وانت اللى طيب القلب
والروح كمان
انا اروح فيك فين
نورتنى
يا حبيبى والله

باحث عن حب يقول...

مرمر
يا سوهاجيه
طبيه القلب طبعا معرفه
فى السوهاجيه طبعا
وكل الصعايده
وبصى بقه
فى المصريين كلهم
علشان
محدش يزعل8_8
ولا ايه
حاضر يااخوانا مش
هكذب تانى
حاااااااااااااااااااااااااااااااضر

باحث عن حب يقول...

ساسو
الشاعره الجميله
القلب والمشاعر
نورتى
ويارب
يوفقك
فى كل شىء
كويس ليكى

باحث عن حب يقول...

كلام من قلبى
صحيح كلامك
انا كل ما احاول اتوقف
مش عارف
كل ما ادخل نت
لازم
ادخل
عل المدونات لازم مش عارف انا ادمنتها
مش عارف اعمل
ايه
ف الامتحانات
نورتى
اخيتى

باحث عن حب يقول...

موجه
اختى يارب يسعدك
حظك بقه
اعمل ايه
بس كفايه تشريفك
فى مدونتى
المتواضعه جدا جدا
حاضر كلامك
على راسى فى الكذب
يارب يسعد ايامك

باحث عن حب يقول...

مجرد فتاه
ياطيبه
الطيب لازم يكون عنده
ضروس
يقطع بيها اللى يظلمه
بس
متعلمناش التقطيع
ربنا موجود
شرف ليا متابعه
مدونتى البسيطه
يارب يبعد عنك الشر والاذى

باحث عن حب يقول...

الشهاب
يا عسل
اوك ياباشا
اعمل ايه عبيط
ومش عارف كتبتها ازاى

باحث عن حب يقول...

حور الجنه
اختى
اول زياره
وان شاء الله
متكونش الاخيره
اعمل ايه
مش عارف كتبتها ازاى
شوفى الطبيه عملت ايه
خلتنى فى مرحله
الهبل
نورتينى اخيتى بارك
الله فيكى

السلام عليكم

 السلام عليكم  يا اهل التدوين معرفش هتفتكروني ولا... بس لاقيت ذكريات وكلام يوجع القلب سنين كتير مدخلتش هنا  وراجعت ذكريات ١٠ سنين ورا لاقيت ...