رحله البحث عن الذات توقف.....!

زمان كنت مصاحبنى  وبقعد معايا  وبيحاسبنى انا عملت صح ولا غلط  

وكنت بحاسبنى  على كل  حرف  وكلمه ونظره ونفس  واشاره وخطوه

زمان  كنت بااسسنى على  اساس متين  وقوى علشان اطلع راجل  معتمد عليه  

ودخلت فى  جلد الذات وعدم الرضى عن النفس بالاضافهالى معامله الاخرين  انى لا  اقوى  على  تحمل مسؤليه  واحده  

فهمت ذالك الامر  تسبيط  وتكسير  مجاديف  اكثر  منه تحفيز 

تحملت مسؤليه  ونجحت فى حياتى  بعض  نجاح 

وفشلت  ووقف  شريطى فى  مكافحه الحياه 

ولا ادرى  هل  هناك تكمله فى شريط  حياتى  

عندما وصلت مرحله الفشل  

خاصمنى  انا وبطل  يكلمنى او  حتى يواسينى او  حتى يفرحنى 

تساوى  عندى 

الفرح والحزن 

الاكل ليس له طعم وكذالك  الاخبار  وكذالك الاصحاب  وكذالك الاحباب

واين  هم الاحباب  الان  اين من  كنا   نسهر  معهم حتى ساعات  الفجر  الاولى 

اين  من ضحكنا معهم  من قلبنا  اين  من 

لعبنا  معهم  وبكينا  معهم وفرحنا  معهم  

اين  من شعرنا  انهم  كل  حياتنا 

من الاصحاب  والاحباب  

بعضهم فضلناهم على  اهلنا  بل  فضلناهم على  انفسنا 

تاهوا فى  عتمه الزمن  المجهول  

حتى وان رايئناهم فى اى  وقت اخر  من  زمننا  هذا 

 بعضهم 

لن اتذكر  حتى  اسمه 

انما  تشبيه على الشكل  لا  اكثر

هل  الزمن غدار ام  الدنيا مذالك  لا تبقى  ولا تذر  

تحطم فينا  كل  شىء  جميل  عشناه 

وتظهر لنا  اانا  كاذبين او  كنا  كاذبين فى  مشاعرنا  

او معاملتنا  

مع الاخرين 

وانه كان  تحصيل حاصل؟

تحصيل  حاصل 

فسحقا للحياه  فلا فائده لها  بعد الان 

رحلهالبحث  عن  الذات توقفت

عندما بدجأ الفشل  يدب فى  ووجدانى  

ويقيد امالى  

ويحطم  احلامى  

فلا  شىء بقى  لا  حلم ولا  حتى امنيه

ولا  حتى امل  

يعيش المرا عليه

طالما  هناك من يحاسبك  

وهناك من يحاكمك 

وهناك  من يكسر  مجاديف  حياتك 

لقد حان الوقت للثور هعلى  الاخر  

حتى  ابحث  عنى  فى غياهيب  الزمن الاسود

وان  ابحث  عن  وجدان دمرت

واحلام  نسفت  

وامانى اصبحت بعيده

حان الاوان  ان اصلح نفسى  وان اصلحها لانها الاحق  

بالمصالحه 

والصدق  

لان الاخرين كاذبون فاسدون  

أفاقون 

سحقا للحياه وللدنيا 

لا قيمه لدنيا 

خاصمت فيها نفسى 

وهى احق  ان  اصلحها

الامل بالله موصول اخى عصام

اخى  عصام مريض  منذ 3 سنوات ونص

حادث سياره على  طريق  اامنيا  

شلل رباعى 

 كامل

مع 

13 قرحه

مع عمليه تثبيت  الفقرهالسادسه

العنقيه

مع 4 عمليات قرح فراش

مع اخذ 30 كيس  دم على مدى

السنوات الماضيه

تعب  شقى

 اموال  تم صرفها

مع نصاب باسم اللحيه بالعلاج بعسل  النحل

 للقرح

على  مدى عامان  

ولم يتم  شفاء  ولا قرحه

الا بالتدخل  الجراحى

تخلى  الاصحاب  

والاحباب  عن عصام

ولم يبقى له الا  زوجه وبنته وابنه عبد الوهاب 

ذو5 سنوات صاحب مرض السكرى

محل للمستلزمات تم صرفه وتصفيته وشقه تم

بيعها

للعلاج مع حفنه من الاصحاب   لم يبقى  من  المخلصين الا القليل

المرض  اتعبه وارهقه 

وطلع عينه مستشفيات حكومه  زباله 

والقضيه  تم  رفعها حتى الان لم ياخذ حقه مما

تسبب له  بالعاهه 

عصام ذو 38عاما مدرس لغه عربيه فى  الازهر  

مجتهد منذ الصغر

فى  التجاره والدراسه

تم قتل  احلامه 

بعد مااكرمه الله بالعلاج من القرح

نبحث عن حل  للضعف  الرباعى  

هو شغال  علاج طبيعى  على  طول 

واحد زملائه ممن اتفق معالدكتور  اخبرنى  

ان  شريحه الاتثبيت معدن

مش ينفع يدخل  رنين  علشان نعرف

النخاع وصل لفين

لغايه ما  اكرمنا  الله 

 بجهاز  وعملنا  الاشعه 

واظهرت كدمه كبيره فى النخاع  

مع تعافى جزء

وتم قتل  الحلم بعدم الامل فى  ان يسير مره  اخره على قدميه

بعد ما  اخبرنا  احد  الجراحين  بعدم امكانيه ذالك  ابدا 

تعب  عصام قيدينى  بجوار  طوال  كل  تلك السنوات 

دون ان  اخرج او ارى  احوال  حياتى

مثل  الاخرين 

ولعله خير

مع تاخر فى  دراستى  التى اتمنى ان انتهى  منها  

لان  الفقير ملازم  له فى  الفترهالماضيه  كامله  

لان لا يجودمجال  لاحد ان يعتنى به الا الفقير  

بمساعده امراته

ساعات بحس  ان الدنيا صعبه قوى  

وساعات بحس  انها جميله

 ساعات بلوم نفسى انى  جنبه

وساعات

بحمد ربنا انى بخدمه

 بس فىحالته هذه وانقطاع الرجاء والامل  الا فى  الله  باقى سبحانه وتعالى 

ومااذال  الامل بالله موصول 

يتبع

رساله الى من يسمى رئيس الجمهوريه

السلام عليكم

رساله  طويله 

الى  من يسمى  رئيس الجمهوريه

-------------------------\\

ومش  هحط صور 

علشان الصور  دى  منحوته بالدم

فى قلوبنا

_________________________

الى  كل  مصرى شاف  السحل  لحماده  

وهو  انكره 

هو  غلبان

بس  وزير  الداخليه 

عاوز يقول  

انا  العن  من العادلى  

كرمتنا فوق رؤسنا

ومش  هتخوفنا علشان لينا  عندك حق 

___________ودم___________

 ازيك  يا  من كنا نود ان  تكون حضن لكل  المصريين

 ازيك  

يا ريس  مبروك  خطوبه ابن  حضرتك  

معلش  عارف  ان التهنئه جاتت فى  وقت  مش  حلو بالنسبه لحضرتك والبلد 

اصل فى  مظاهرات وكام  واحد مات  

بس  عادى  اصل احنا  عدننا  كتير 

وخلى البلد  تخف  شويه  

يا ريس معلش  حبه  اسأله فى  ززورى  من فضلك

هو مين  اللى قتل  الناس  فى رفح؟

الجنود  العساكر  اللى فى  خدمه الوطن؟

اللى  ماتوا فى  نهار رمضان يا ريس؟

وليه يا ريس كرمت  المشير  وعنان؟

مش  دول  اللى فى  عهدهم 

 انتهكوا  مساجد الرحمن؟

مكرم  والنور كمان؟.

وكشوف  عذريه  البنات ؟

ومحمد محمود  وماسبيروا  كل  منهم  1و2 كمان؟

فين  التحقيقات  فى  جرائمهم يا ريس

ومسرح البالون ؟ 

يا ريس  فين  محاسبه  المخطىء  ؟ ولا  احنا  بنكافىء ومن غير حساب

وقلادات وتكريم  من غير  حساب؟

ايه اللى بيتم  خلف  الغرف  المغلقه؟

 صارحنا  ايه  كان  الاتفاق؟

وايه اللى  تم  ؟

ده دم  الشعب يا ريس؟

مين  اللى  هيجيب  حق  كل  اللى  ماتوا؟

ومش  هنتخلف  دول شهداء  ولا قتلى  

بس  بالذمه 

عاوزين  نعرف  ايه  اللى  جرا

يا ريس؟

صارحنا  

فى  حد بيغلس عليك  ومش  بيخليك  تقول  قرارات ؟

من  دماغك  وفى  حد بيملى  عليك ؟ اصلهم بيقولوا  ان المرشد

قاعد  معاك 

فى قصر الرياسه  وبيقابل  الناس

اطلع  وقول  الصح ايه 

؟

ولو كنت خايف  وصارحتنا  صدقنى  هتلاقى

اللى يقف  معاك 

قولنا  يا ريس  

ليه  كرمت  عبد المعز؟

وايه اللى  حصل  فى  تهريب  الامريكان

؟

وايه اللى  حصل  وليه  كرمت خازوق سلطان 

وانت  عارف فساده  يا ريس؟

ياريس  قولنا  باللهعليك  رسالتك لشيمون بيريز  

كانت  منك ومضيت عليك 

ولا  كانت  ورقه  هنا  او  من  هناك؟

وتتمنى  الرخاء  لدوله اسرائيل  كمان؟

الناس  دول  بيكذبوا  عليك  ولا  انت  غلطت  

 قول واعتذر  

 الاعتذار  مش هينقص  منك  حاجه 

بس  بلاش تضليل  وحياه  ابوك

هو صحيح  ابوك عايش  ولا  ميت؟

صحيح  يا ريس احساسك ايه لما  تعرف  ان فى حد

بيتكلم  بالنيابه  عنك مش  من  الرياسه  ؟

 البلتاجى  كان او  العريان؟

ليه  بتسكت  ومش  بترد يا ريس؟

ايه  رايك

فى  عوده اليهود؟ لمصر  كمان؟ 

واللى  دعاهم  من عشيرتك واهلك 

اللى  اسمه العريان؟

وليه مش رديت  عليه  كمان؟

يا ريس ايه  هى  ساعه الصفر  اللى  قال  عليها

ابن  الامريكان\

ومحاصره الدستوريه  انت  راضى  عنها؟

ومحاصره  مدينه الانتاج؟

وقسم  الدقى  

وتهديد الداخليه؟

يا  دكتور  

مش بتخرج وتصارحنا ليه  ؟

مين  اللى قتل اليعال  فى  الاتحاديه

تحت  شباك قصرك؟

اخوان  كانوا  

ولا  كفار.؟

المهم مش مصريين؟

ولا ايه كان  احساسك  وهما  بيتعذبوا  تحت 

شباك قصرك؟

يا  دكتور  ايه  نتائج التحقيقات؟

 ومين  اللى قتل  العيال

يا  دكتور لسه  مقتنع بالاقليه والاغلبيه؟.

يا  ريس 

معلش فين المؤامرات؟

اللى صدعنا بيها  المرشد 

واللى  اسمه  الشاطر؟

 فينها بجد 

وتطلع  علينا  حضرتك  تقول  نفس  الكلمه؟ فينها  ياريس

؟

وايه  موضوع الشوال؟

 يا ريس  ليه  تخلى  الشائعات  حواليك  

مش  تكون  واضح ليه ؟

وبتتاخر  علينا  ليه؟

 ده انت يا راجل  لما  عرفت انك فائز

عملت  مؤتمر الفجر 

وكمان عزيت سفير  الامريكان قرب  الفجر

وبتتاخر  عننا 

 يا اخى  اعتبرنا  امريكان

قولنا  يا ريس ليه 

اتاخرت علينا  فى  موضوع حادث البدرشين

وادينى  عديت عليك

فى  اطفال  اسيوط 

ومش  هقولك فى  حق  72 الترس  الاهلى  

واشمعنا  الحكم كان فى 26 يناير؟

ومش هقولك 

فين حق الشهداء اللى  وعدت بيه؟

ولا  ديوان  مظالمك  عمل  ايه؟

ولا  هسالك ايه  موضوع  التويتات  

واشمعنا  سينا  هدات فجأه

وولعت فى  مدن القنال؟

يا ريس

من اللى  كان بيفجر  انابيب  الغاز؟

قولنا  ؟

وليه  طول  الده  دى مش عملت  هناك  حظر  تجوال؟

واشمعنا  مدن القنال؟

مين اللى ضرب  نار على السجن؟

ومين اللى  ضرب  نار على  الجنازه ؟ 

ومين  الى ضرب نار  على   جنازه اللى ماتوا  

فى  الجنازه ؟

يا  دكتور  

مين  اللى فصلك  بدلتك ؟

وجيبت  منين  كرافتتك؟

من  حقنا  نسال  حتى  على جزمتك

ويا مؤخذا ............

من حقنا  

انت شغال  عندنا 

صارحنا ياريس؟

مين  اللى  دعمك  ودفع  فلوس الدعايا فى انتخاباتك؟

وفين   تحقيقات  النيابه فى فلوس

المرشحين ؟وجابوا  الفلوس  دى  كلها  منين ؟

خصوصا  ابن الامريكان؟

هو صحيح يا ريس 

انت عملت  تحالف  مع السلفيين.

ونادر  بكار  

رجل  الاقدار  اللى فى  كل  مجلس  نلاقيه؟

هو  مفيش غيره؟

 هو فين اسعانتك بكل  فصيل فى مصر؟

ومش  هتكلم عن الوعود ؟

اللى  مش اتحقق   منها  ولا  حاجه ؟

ولا  حتى  تعديل لجنه كتابه الكستور؟

ولا  طوارىء 

ولا  حتى  مظارات طالبت  بمغادره  السلطه

ما  هى  دى قنوات الفلول  

اللى بتتقول  عليك  على الفاضيه 

واللى  المليانه

اللى  طلعت  عليها  واقسمت  يسرى فودا

ومحمود سعد

حتى  خيرى  رمضان  يا راجل

وتلوقتى  اعلام  عار؟

يا ريس

سؤال  انت فعلا ريس  لينا  كلنا  ولا فئه معينه  من الشعب

 يعنى  تهيج  وزراه الخارجيه  

\على 11 واحد  فى الامارات  ومش

اتكلمت عن  ال22 اللى  اتهجروا  من  الكويت؟

ولا  فعلا   دم الاخوانى  اشرف من دم المصرى؟

يا ريس 

هو  انت بتعرف  تنام ؟

ولا بتعرف تصلى 

وتقوم الليل  زى  ما بتقول  الست  ام احمد؟

بجد

مش  بتشوف  الدم كله  ده فى رقبتك

؟

 ياريس  بذمتك  تكفيك 3  ارغفه فى اليوم؟

ولا 5 لتر بنزين  فى عربيتك؟

يا ريس

اقول  ايه  تانى  وتالت 

لو كنت فعلا ريس لينا  وفتحت  الجاكت  

لينا  

افتح قلبك  ونفض  من على  كتافك  غبار  الدم 

واعترف  بالدم والمسؤليه  

عن كل  روح مصرى  مش عرفت  تحميها 

وهتلاقى  اللى يحميك

لو انت اصلا

 حاسس 

بقهره 

ام او  زوجه اتقل  اخوها  او  جوزها 

فى  لحظه  غدر

وانت  نايم او  حتى بتصلى 

او  حتى بتحضر  حفل  خطوبه  ابنك

اتقى  الله فى  الشعب

خلص  الكلام

رحله سنين وقودها الامل

السلام عليكم

اخواتى  

كل  عام وانتوا  بخير  المولد النبوى  الشريف 

وكل عام  وانتوا  بخير  ذكرى  معركه  الجمل 

وكل عام  وانتوا  بخير  ذكرى  

الثورة  المغتصبه

وكل عام  وانتوا  بخير  

ذكرى  شهدا الالتراس

وكل عام  وانتوا  بخير 

ذكرى  كل  المتهمين بقتل 

المتظاهرين  طلعوا  براءه

والدم  لسه  بيسيل 

ولسه  البرود  بيتجسد فى  دماء  كل  

من يجلس على  كرسى  اللعنه 

كرسى السلطه 

مبروك  انضمام  النور  لجبهه  الانقاذ

مبروك  تم  تفتيت النور الى  احزاب سلفيه صغيره 

متهم  الاخوان بتفتيت  اللحمه السلفيه 

مبروك  الريس  طلع  عيينه فى  حفظ  الدم  الفلسطينى  وحقن

الدما  فى  غزه

وبيبحث فى  حلول  لمالى  

ولا  عزاء  لاطفال  اسيوط  ولا  مجندي البدرشين

ولا  عزاء  لحادث  مزلقان  ارض  اللوء

ولا  عزا لعماره  الاسكنداريه

ولا  اللى  اترحلوا  من  الكويت  

مادام  هما  مش  اخوان 

مادام  دول  مش  اخوان  زى  ال11 اللى اتقبض  عليهم فى الامارات 

مادام  دول  اخوان  احمد الحداد 

يلف  الكون ويفرج  عنهم 

واحترام  احكام  القضا  اللى  اتحاصر  واتكمم فاه 

واحترم  الدماء  اللى سالت فى دول  القنال 

اه  اقصد  محافظات  القناه  

واعمل  حظر  تجوال 

ولا  عزاء  للاحد  غير  

زياره  للامانيا  

وبدله  جديده  وكرافته سودا 

واخرتها يا مصر

اخرتها  ايه يا  مصر  

جبهه  انقاذ

وتحالفات وهابيه 

ومحدش قلبه على مصر

لكى  الله يارب 

25 يناير والمسكوت عنه ارجع ياريس

السلام عليكم 

اعتذرعن  انقطاعى  بعد ما  وعدتكم بالاستمرار  

وسامحونى  وشكرا لكل  من سال  عن  الفقير

_________________________

الله  يرحمهم  

ذكرى  اللى  ماتوا  علشان  المصريين  

ذكرى  الثوره  اللى  ملهاش  قائد  الا الشعب

لا  اخوانى  ولا سلفى  ولا ليبرالى  ليه  فضل

ولا  دقن  ولا شنب  ولا اشتراكيه  ولا اغنياء  ولا فقرا

دى ثورة  الشعب  المصرى  كله 

وملهاش  قائد  وربنا اكرمنا بالسلميه  

رحم  الله  امام  الدعاه  الشعرواى

 ومن يتاجر بكلامه  من الطرفين

باسم  الدين  واسم  الحريه  والديمقراطيه 

شوفنا  الفتره  اللى فاتت  

من  تاجروا بالدين  

ومن  تاجروا  بالحريه 

معا  ومن اتهم  من يخرج امامه بالاقليه  

ومش  هنتكلم عن  وعود كاذبه  

وعن  تضليل  واتهام بالكذب  والتخوين

ومن  كانوا  شركاء  الثورة  

ومن يريدون  تغير النظام  من على  الفضائيات  

ومش بيعارض  معارضه  من اجل 

الشعب  واختلاف  النوايا  وعدم التنظيم  والتخبط

وصناعه  قاده من  ورق  من  الطرفين

دى  معارضه بابسط الامنكانيات  

مش  عاوزين  صكوك باسم  الاسلام  

ولا حد يقولنا  البسوا قطن  واقعدوا فى اوضه واحده

ولا  3 ارغفه  يكفوا

ولا  اللى  نام 

وحوادث  القطارات 

اللى شغاله  دى  عمال  على بطال 

واللى  يموت يموت  

والاسم  اسعاف طائر

اتقوا  الله فعلا فى  الشعب  ولا  كانهم  من الشعب  اصلا

مش  هنتكلم  عن  اللى  هدد بثوره  اسلاميه  

ولا  كاننا  من  المسلمين 

ولا  هتكلم  عن اللى  عاوز يفرض  نفسه على  الشعب

وانه  هيحكم  غصب  عن  الشعب  كله  

ولا  اللى  عاوزها  دم فى  دم  باسم  الدين  والشريعه  

ولا اللى بيتكلم  باسم  الريس  وكل  من هب  ودب  

وكانهم  كلهم  حكموا  مصر  بالانابه  

ولا  اللى  طالقهم  علشان يحاصروا  اللى  يحاصروه من  غير 

حتى شجب  ولا  استنكار  

علشان ايه  كده  السكوت  ده  كله  مقابل  ايه

مش  هنثور  من على  تويتر  

ولا معارضه  مهتريئه 

ولا  تحالفات  مفيهاش صدق  ولا  اخلاص  والاهم 

اسقاط  الاخوان  من غير  خطه  مدروسه  

او  حتى

مشاركه فعاله فى  المعارضه  

حتى يعترف بها  النظام  

صحيح  الحوار  الوطنى  ده  بظرميط  علشان  

الصورة وبس 

بس  اللى شاركوا فيه  ناس  اذكياء  علشان 

فعلا يسلكوا  طريق  المعارضه  فعلا 

مش  رفض فى رفض فى  رفض

وبعد كده  نعرف  مين اللى  

فعلا  عاوز  الشعب  واصلاحه 

من اللى  عاوز  الفوضى  

وان كان التحالفات فعلا  

شىء  جميل فى  المعارضه 

بس  على  اساس  وعقل  مش  انا  معارض  اذن انا  موجود

معارض  من اجل  المعارضه 

الاتهامات  بالطعن  

فى  الناس  انهم  خرجوا  من  المظاهرات  

علشان  تم  الهتاف ضد  المرشد  

كلنا ضد  المرشد 

المرشد  نفسه  مرضيش  بالنزول  يوم 25 اصلا  

وكله  موثق  

احنا  عاووزين  رئيس  يحكم  مش  ورقه  ارشاد تجى له  

يطبقها  

عاوزين  قلب  يحكم  يحتوى  مش  مصالح

عاوزين كفائات  مش  محسوبيات 

مش  سالنا ليه  التحالف  بتاع الاخوان  مع  اللى كفرووووووووووورهم  على  اساس  ايه؟ 

السلفيين  والجماعه  الاسلاميه  والجهاد  كفروا  الاخوان

كتب ومقالات  وخطب  وشرائط

طعن فى  العقيده  نفسها  

وتلوقتى  متحدين  ونسيوا  التكفير  ده  على  حساب  الشعب  نفسه  

احنا  اخترنا  مرسى  

وقلنا  لشفيق  لا

بس  مش  يجى اللى يبيع  الشعب  ويشترى  اللى  كفرووووووه باسم الشريعه  

ولا  عزاء  للفقراء

حسبنا الله  ونعم  الوكيل

يا ريس  خليك رئري  لينا  كلنا  بيع اللى  كفرك  

وانزل  للشعب  والله  الشعب  هيحبك  لانه فعلا  مفتقر لحضن  

مش  عاوز  ولا باطالب  باسقاط  مرسى  انا باطالب

 باسقاط  الاخوان والسلفيين  والجماعه الاسلاميه  

والليبراليين  والعلمانيين  والمعارضه  المهترئه  

يا ريس  فى فقير  محتاجلك

فى بردان  محتاج  نظرتك

مش  تزور  المعادى  وتسيب  الحوامديه 

مش  تخطب  فى  اصحابك وعشيرتك  وتسكت عن اللى  نفسهم

تبص  عليهم  وولو  بكلمه  

ارجع يا ريس 

ارجع يا ريس 

وبلاش  تسكت عن اللى  بيكفر شعبك

ومعارضووووووووووووووووووووووك

كل  سنه وانتوا  طيبين 

اسف  لغبطت  كتير 

بس  دى  وجهه نظرى  

ويارب  الريس يرجع

خنقه

الخنقه صعبه  الدنيا وحشه

لما  الدموع  تتحبس 

وادور على صدر  اعيط فيه

ولا  حتى  مخ يفهمنى 

او  حتى قلب  يحتوينى 

والهم والغم  مالى  قلوب  الناس

 بحاول  اهرب  منى مش  عارف بحاول 

انى الاقينى  افهم  نفسى  مش  عارف

انا  عارف انى فيا حاجات  غلط كتير  قوى 

مش  تعد  ورايا 

انا عمرى  راح فى  حاجات  ملهاش  لازمه وكنت اظن  انى  ميه ميه 

اللى  حواليا ساعدونى  على  تدمير نفسى

الدنيا  متلغبطه انامش  زى الشباب  خالص 

الدنيا  متلغبطه خالص  نفسى  ارسم  الطريق  اللى  امشى  عليه

نفسى يكون صح 
عارف ان  الحاجات  اللى  اتمنعت  عنى  ممكن يكون
فى  المنع  خير\ بس الدنيا وحشه
محدش بيحب  حد ولا بيساعد حد
ولا  يمسح  دموع حد
سحقا للدنيا
وما فيها 

يارب  فرج  عنا  الخنقه 
يارب



الطف يارب بمصرنا

قهره وكسره نفس

ودم راح  وارواح ملهاش تمن

لما الاقى  دم  المصرى يهون علشان  حته  كرسى تبقى سفاله  ودى مش  الديانه اللى بيدافعوا  عنها
ولا  الدين  اللى  احنا  بنستدين بيه
الدين برىء  من اللى أأمر  بالدم
يسيل  والناس  تموت  من الطرفين
وكمان متاجره بالدم  والجثث
حاجه  عقيمه 
حاجه  سفاله
ملهاش  وصف
الدم المصرى  حرام
سلفى  كان او  اخوانى او  ليبرالى او  نصرانى  او يهودى او  حتى كافر
بدون حق

افهم يا ريس وخليك مصرى  مش  ريس ليهم وبس
احقن الدم بالحق  مش بالتدليس  والكدب

اصحاب  زعلوا  منى  علشان بدافع  عن الدم
انا مش علمانى انا مسلم
انا  مش ملحد
ولا  كافر
بلاش  نتاجر بالدين  احنا  خسرنا  كل  حاجه مش  باقى  معانا غيره
بلاش سفاله  اكثر  من كده
خدوا  الكرسى  وخدوا  الحكم بس بلاش  نتاجر بالدين
ونكفر بعضنا 
ونقتل  بعضنا
يا مصريين
يا مصريين
بلاش  نتفرق  حتى لو رئيسكم  خان
بلاش  نتاجر بالدم
والدين
يا مرشد  ويا شاطر وياريس ويا برهامى  ويا برادعى يا  حمضين  يااااااااااااااااا
يا  قوم
الدم ده كله فى رقابكم
ياقوم  ابنوا  البلد بايد  واحده
مش  كهنوت  باسم  الدين
اتقوا  الله فينا كفايه  دم
انا  عيطت  من  خطاب  مرسى
وعيطت  على  اللى  ماتوا  واللى  نسبوهم ليهم  واللى  قالوا  عنه انه شهيد واخوان  وهو مصاب  ولا  اخوان
والدبلوماسى  وعلا شهبه  واللى  ماتوا  من الاخوان باسم  الدين
ليه  كده ليه  ليه الدم ويقول  لو  عندكم ادله قدموها  الدليل  السكوت عن
الدم
وكلنا  شهود  على اللى بيحصل  وكلنا  هنتحاسب
يا اخوانا  مش  ابو  اسماعيل  اللى  هيحرر مصر  من الكفر 
ولا  مرسى اللى يحرر  فلسطين
حرروا  بلدكم  من الفقر  والمرض 
حرروا  بلدكم من الجوع  والفقر
اتقوا  الله فى  البلد
مصر  محتاجانا 
بلدنا  محتاجانا

مش  لاقى  كلام  غير  قلب  مقهور  على  البلد ودم
هيسيل  اكتر
باسم الدين
وريس  اطرش واخرس  واعمى 
ولا فارق  عنده الدم  وشباب
بلده بيتقتلوا تحت شباك  قصره
باسم الدين والشرع


كل  ما  اقول  انى  هعتزل  انى  اتابع  السياسه
الاقى  مصايب
واتهمونى انى باتصيد الاخطاء  وهى  عيانا بيانا
مش  عارف  لغبطونى  حتى فيا
مين  الصح ومين  الغلط
ومين  اللى فتن  الفتنه
ومين  صاحبها
ياربى
الطف بمصرنا







فى ناس الحزن راكبها

نزلت  من المترو وركبت  مواصله  بسيطه  

كده اجرتها حوالى 75قرش 

ولميت  الاجره  واديتها  للسواق  وانا  اصلا مش بحب  الم  الاجره  خصوصا

لو فيه باقى  ربع  جنيه 

واللى بيركبوا  مواصلات زى حالاتى عارفين  المعاناه

بتاعه الربع  جنيه

المهم لافيت  الاجره  للسواق  

وقالى  ناقص  واحد لاقيت 

واحد بيقول فى  واحده مش  دفعت

قالت مش  معايا فلوس 

مش  معايا  فلوس 

ووشها احمر  

وبتبص فى  الارض 

قلت ادفع انا  خفت  حد يفهمنتى  غلط قام  راجل  كبير  دفع

ليها السواق قال  لآ   محدش يدفع لها  

بصيت على البنيه 

لاقيتها  محترمه لبسها  محترم زى 

اى  بنت فى  مصر  على وشها  حزن والم  كبير  قوى 

وماسكه شنطه كتف  باين قوى  انها فاضيه 

نزلت  وهى  نزلت قلت  اديها فلوس  من اللى  معايا  

خفت  تفهمنى  غلط وحقها  تفهم  اى  حد  غلط 

صعبت  عليا قوى قوى 

معرفش قصتها ايه  ولا  راحت فين  ولا  عمرى  ما قبلتها  تانى

ولو قابلتها  مش هعرفها 

فى ناس الحزن راكبها

والفقر  واكلها ومحدش  حاسس بيها  دى مثلا  ايه قصتها  محدش الله اعلم بيها 

فى  حاجاتت  كتيره  بتمر علينا فى  حياتنا 

وكل واحد  مشغول فى  كوكبه  

وانشغالاته 

الاخوان  السلفيين 

عبدالله بدر  بيشتم  ولسانه طويل 

خالد عبدالله  لسانه  اطول  البرادعى  الهولوكوست  

بوذا الطياره الهيلوكوبتر 

وناس  مش لاقيته  تاكل 

وبرضوا بتاحفظ على  كرامتها 

وشرفها

محدش بيبص  لتحت 

يا  من  تتشدقون بالدستور 

والشريعه 

وتصرفون  الملالين فى  اتوبيسات  تلموا فيها  الناس  بالاجر  او غير  الاجر  وتأجرون 

طائره  للتصوير 

البشر للكثره فى ناس 

مش لاقيه  تمن العلم  اللى بتوززعه

وفى ن اس  مش لاقيه  الخيمه اللى  حضرتك قاعد معتصم فيها

فى  التحرير

وفى  ناس مش لاقيه  تمن  البدله اللى  حضرتك لابسها

فى  الحوار ولا  تمن  الساعه اللى فى ايديك

مش  علشان يلبسها 

لا  علشان ياكل  بيها 

فى 50 فى  الميه  تحت  خط الفقر

وثوره الجياع قادمه 

ثوره الجياع قادمه 

اتقوا  الله  فى  اللى  الناس  اللى تحت

حفاظ  البنت  دى اللى بحكى عليها  على شرفها 

هو حفاظ على الشريعه اللى 

بتنادوا  بيها

ومحاوله  دفع الراجل  للاجره  ده تطبيق للشريعه 

وعدم  اخذ  السائق

الاجره

\ده

تطبيق  للشريعه

شريعتنا  متربين عليها كعرف  مجتمعى  مش  كهنوت  لازم  نعمله  

ده بالفطره والاسلام فى مصر من زمان قوى  مش  لسه هيدخل

ونحن فى  رباط  الى يوم الدين 

بصوا  شويه للناس  اللى  تحت

وكفايه كفايه بقه

والله الناس  مش  لاقيه  تاكل 

الرومانسيه من وجهه نظرى

حمله التدوين  الاسبوعى  

ــــــــــــــــــــــ

الرومانسيه

فاجئاتنا  اختنا  شمس  النهار الرومانسيه شمس النهار بتدوينه عن  الرومانسيه

ونصحتنى ان  اكتب  عنها

وهحاول  انى  اعبر  عنها  من وجهه نظرى  

بالرغم انى  عامل  مدنه صغونه بحب فيها على  روحى  

بلغبط وبشخبط فيها  نبض روحى

يعنى ايه رومانسيه 

الحب 

والرومانسيه الاتنين بيكملوا بعض  

الحب  هو  ان  اتنين  يلاقوا بعض

يكملو بعض

 ده بيكمل  ده زى  كده  حله وغطاها 

شكل  تكاملى  عقلى  وروحى  وعاطفى  وفكرى

 يتلاقوا فى  امور  عديده

عديده  مش  ششرط يتلاقوا فى  كل  حاجه

ممكن يتلاقوا فى  حاجه  وحاجات  لآ 

بس  بيكملوا  الطريق  مع بعض

والاختلاف  فى حد  ذاته  رومانسيه 

انى  مختلف  معاها فى  ذوقها  مثلا 

بس  ممكن  اتنازل  علشان  خاطرها

وهى مش  تكون اووفر  علشانى  

هى  مختلفه  معايا  فى المكان الفلانى

اللى نفسى  اروحه  

هى  تجى على  نفسها  علشان خاطرى  وانا  كمان  

مش  ارخم عليها  واروح نفس المكان علشان  ارخم عليها اكتر  

الرومانسيه  مش شرط  يكون فى  رغد من  العيش  

ولا   بيت  كبير  وجميل  

ولا  دخل  كبير  ومرتاح 

ولا  عربيه  جديده كل  سنه

ولا  مصيف  شكل  كل  صيف

ولا  خروجه  اسبوعيه  ولا  حتى شهريه

ولا  كل  شهر  هديه 

ولا  دهب  ولا الماظ  

ولا  مظاهر  اجتماعيه فى بعض  الاحاين

بتكون كاذبه 

الرومانسيه  فى العسر قبل  اليسر  

فى الضيق قبل  السعه

فى  الفقر قبل  الغنى  

ما اجمل  الرضا بالقليل  بين  كفوف  من  تحب

ما اجمل  الرضا  

باقل  ما  تقدم لمن  تحب 

وده فعلا فى وقتها بيكون اكبر  ما تستطيع ان 

تقدمه لها

ان  تراعى  تعبها  وشقاها

ان  تقدر قلقها  

ان  تقدر  حبها لك  حتى  وهى  غايبه عنك

تقدرها  فى  غيابها فى  كلامك

عنها فى  غير  وجودها  

فى  انك  مش  تعمل حاجه  تزعلها  

وتغضبها

مش  خوف  منها

لا  خوف  عليها  انها  تزعل  منك 

او  تجرحها  حتى  ولو  انت

عارف  انها  هتسامحك

الرومانسيه  مش  تستغل  طيبتها 

او  سذاجتها   او  هبلها  او  عبطها  

ما دام  هى مقدره  تعبك 

ومش  بتحملك فوق  طاقتك

وبتعينك 

وبتصم  ودانها  عن كل  حاجه  تجرح فيك  

ومش تشوف  ضعفك

ولا  خضوعك فى بعض  الاوقات

او  تراخيك 

او ياسك

حتى لو شافت  ده

 فيك  تدفعك الى  الامام 

مش  تكسر فيك

او  انها  تعملك  كسره كمان

لا  بتخليك  راجلها  بالقول  والفعل

بتقف  وراك

ومش  بتحسسك 

انك  ضعيف

 بتدعمك

بتقويك  بالافكار  والكلام  وبقوتها  وطاقتها

المهم  انت  تكون  تستاهل  

لما  انت تعيط  تحتويك  بدراعتها  ومش  تشوف عنيك 

ولا  دموعك

العياط فى  حضنها يكون قوة  

مش  ضعف  

مش  اذلال زى ما  بيقول  البعض

كل ده  قشه فى  معنى  الرومانسيه  من  وجهه نظرى 

ميكس  جميل  

المهم يتوافر فيه  الصدق  والاخلاص

والنيه  الطيبه