بناتنا فى المواصلات

السلام عليكم

اخواتى 

يارب تكونوا استمتعم  فى اسكندريه

يااارب 

______________________________

اولا

انا  بجد مش عارف اقول ايه 

لازم انتقد واقول اللى شايفه 

وانه مش عاجبنى بالمره 

موضوع  

البهدله للبنات 

فى المواصلات 

وهقول اللى شوفته 

فى كل انواع المواصلات

وطبعا انتم 

شايفينه بس انا  بأتسأئل بكثره

ايه اللى حصل 

_________________________

القطار

لما كنت فى هندسه  قنا تبعد عن  بلدنا ساعه ونصف او ساعتين طبعا عامل اشتراك  قطار 

رايح جاى 

وطبعا  كان  قطار مميز مش مكيف

بس كان  بيأدى الغرض

لقرب المسافه  وعادى ساعه ونص لقيت مكان  عادى مش لقيت اتسلى فى الدستور

او فى اى كتاب 

مش هتفرق  ارغى مع  زميلى 

ابص للخضره الممتده على شريطى السكه الحديد 

وهكذا 

طبعا زحمه 

ورخامه من الشباب الصغير 

على البنات خصوصا البنت تكون راكبه القطار 

وماقولكش اللى بيحصل 

مهازل 

من الاتنين بصراحه 

تخلف كامل

بصوا محطه القطار فى وسط المدينه  قدام مسجد سيدى عبد الرحيم القناوى 

الموقف بتاع المواصلات  بعيد خالص 

واللى من قنا يعرف كلامى 

كويس

غير طبعا ثمن  المواصلات علشان  هتركب لغايه نجا حمادى اللى فيها  مصنع الالومنيوم المشهور وتركب تروح اى مكان تانى يعنى على ايامها هتصرف

لغايه  بلدنا بس

حوالى 10جنيه  فى الراحه او الجايه 

الاشتراك كان موفر  بالنسبه ليا 

 وكده الامور ماشيه المشكله  فى البنات  بجد 

الولد  يتحشر يقعد فى اى مكان  حتى فى الحمام 

عادى خالص اسمه ولد 

والضرورات تبيح المحظورات 

المشكله  تكمن 

فى البنات والزحمه الكبيره خالص دى 

ايه الحل للبنات 

يعملوا ايه  

بجد  تحرش بين  

وساعات الواحدج بجد بيكون  زحمه والواحد مش بيعرف يعمل ايه  

غير بالنسبه  ليا  باحاول اتقى الله 

فى البنات  دى 

خوصا لما كنت  باسافر بالقطار 

علشان  بلاش استغلال مواقف وحشه كده

ودول بناتنا 

ولا ايه؟

_____________________________

متروا الانفاق

طبعا  كلنا عارفين موضوع العربييتن اللى فى النص مخصصين  للستات 

معاكوا  

انا  بقه  باتشل لما الاقى بنت  او ست  راكبه معانا بجد 

باتنقط  تمر عربيه الستات فاضيه كده قدامى والست او البنت تتحشر  فى عربيه الرجاله 

وطبعا  مع الحر والطقس الوحش

والنزول والطلوع 

بجد سخيفه خالص
وطبعا لو كنت قاعد 

ولاقيت  واحده ست  واقفه  عيب 

وحرام  تسيبها  كده من غيرؤ ما 

تقف وتقعدها

زى الوالده او  اختك  او بنتك  او لاقدر الله مراتك 

لانها لو كانت 

مراتك

مش هتقعدها اصلا

ولا ايه

والمواقف نفس المواقف 

سخافه 

والزحمه

ولازم  نتقى الله 

______________________

الاتوبيس والمينى باص

طبعا 

555

912

777

كل دول ارقام اتوبيسات  

اللى بيركبوا الاتوبيسات  

من الجيزه  لمدينه نصر 

او السيده عائشه

هيعرفها 

مش هتعرف تغمض عنيك 

ولا حتى تحط رجلك

فى الاتوبيس

وحوووووووووووووووش
ولما يجى الاتوبيس 

هجووووووووووووووووووووووم

متعرفش 

طبعا 

رخيص نسبيا للميكروباص وطبعا موفر على التاكس اللى انا مش بركبه الا اذا كان تاكسى ابيض وبعداد 

مش الاسود الله  يخرب بيته 

تتفق وبرضوا بيتضحك عليك

المهم

الاتوبيس يكون مكبوس 

مفهوش نفس يقف فى المحطات 

والناس تركب

وانا اصلا مش بركبه الا للضروره الايام دى

بس زمان 

لما كنتش ارعف المواصلات  مفيش غير الاتوبيس

اركبه من الموقف

واشوف المهازل

الاتوبيس مكبوس برضوا  الستات تركب 

وتقول وسع  وسع  عاوزه اركب

وكذالك المنيى باص

 الاغلى شويه  طبعا 

انا معاكم

الحاله الاقتصاديه زفت الزفت  

بس برضوا فى ناس 

قلوبهم وسخه  

بيستغلوا المواقف دى للاسف

والله انا  باشفق على حال البنات  اللى تركب الاتوبيس 

والله العظيم  انا مش بعرف امشى 

فيه  ولا حتى اركبه  تلوقتى خالص

لازم  تصدم  او تلامس او تشوف مهازل

منقطه  فتنه 

وكمان 

تعب نفسيا  بالنسبه ليا 

باحزن على البنات والستات

ليه ميعملوش اتوبيس خاص للستات 

اكرم ليهم 

واشرف

والله  لما تشوف البنات  واقفه فى الشمس نميتنين الاتوبيس ولا الستات  خصوصا لما تكون كبيره  فى السن 

ارحمونا  يرحمكم  ربنا

___________________________

الميكروباصات

تعالو هنا بقه 

اقولكم موقف صعب جدا عليا ولا انساه 

كنت فى قنا برضوا وجاى من قريه  اسمها قفط

اسمها كده 

وركبت  بيجوا

المهم ركبت  انا وزميلى 

وكان فى مكان واحد  لقيت  بنتين عاوزين

يركبوا علشان  يروحوا مفيش غير مكان واحدج مشيوا زميلى قالى تعالى ننزل ونركبهم قلت ليه\

لسه هنزل وهستنى لآ

 مش هنزل

وكان  الوقت متأخر

قال لى كلمه  صعبه جدا

من  لبنات محمد بعد  محمد

فعلا 

حسيت  بمراره الكلمه  

بعدها

علشان كده بالفعل لما اكون  واقف ومستنى مكيروباص اشوف هجوم البنات والستات عليه 

باسيب المكان  بسرعه علشان الالتحام اللى بيحصل 

بجد 

خصوصا مكيروباصات  الشمس اللى بعد الظهر 

من عند  المدينه الجامعيه للجامعه الازهر

لرمسيس فعلا 

موضوع  مؤلم بجد

___________________________

انا باتكلم  فى البنات ةالستات مش 

انا  باتابعهم 

ومش بشوف غيرهم 

بصوا انا  عندى3اخوات بنات 

وام وخاله وعمه وبناتهم 

بجد بحاول اراعى 

علشان ربنا يكرمهم  باللى يراعيهم 

باحزن

جدا

على موضوع  البنات 

فى المواصلات 

والبهدله 

ومش عاوز  اقول كلام تانى 

كلنا عارفينه 

ولانى 

خايف على بناتى 

واخواتى 

بالفعل 

ياريت 

نخلى بالنا 

من بناتنا

حتى لو مفيش صله  قرابه 

نحاول نحافظ عليهم 

من نظرتنا 

مستسغلش المواقف

لان  ممكن الموقف ده  للاى بنت من بنات عيلتك

بلاش كده  كفايه كلام 

عاوز  اعرف رأيكم

فى موضوع  المواصلات 

________________

على فكره الموضوع ده 

انا عملته  فى منتدى

مجانين من زمان 

وكان  اسمى فى المنتدى

رئيس جمهوريه نفسى

ده الرابط

منتدى مجانين

دعوه الى الدعاء لصاحب مدونه نفسى تفرح بيا يارب

السلام عليكم

كنت لسه داخل

اعرف احوالكم

لاقيت 

مدونه

نفسى تفرح بيا يارب

واخونا محمود 

كاتب كلام 

بعد طول

غياب

ياريت ند\عى له

ان ربنا  يسهل ليه

الامر

ويبعد عنه

الوحش

ويهدى نفسه 

ويهديه الى الحق

يارب

ده رابط الموضوع 

نفسى تفرح بيا يارب

عبد الوهاب عصام والحيره الكبيره+تحديث مهم

السلام عليكم 
حبيت ابلغكم احبابى بغلق مدونه الشهاب 
الى  وقت اخر علشان بقه الدراسه وانا مزنوق خالص 
وعلشان كده  انا قفلت الشهاب واحتمال اقفل باحث او قلبى حبيبى واستقر على مدونه واحده  بس
ومعلش متاعتى ليكم الايام اللى جايه هتكون ضعيفه كمان علشان الدراسه ياريت تسامحونى 
وكمان على الفيس بوك هيكون تواجدى ضعيف شويه 
وانا موجود بينكم وهعلق مش هختفى يعنى 
بس باحب امهد  الاول 
ويارب يبارك  فيكم يا اصحابى واخواتى 
____________________________________
شكرا
شكرا  لكل من  زار مدونتى 
وكتب فيها 
شكرا 
انكم استحملتم ان تقراوكلامى ده
وانا  باكبر يكم وفيك  لانكم تستحقون  كده
ونحن لنا الظاهر وربنا  يتولى السرائر 
شكرا 
لكل من دعاء لعصام
 وعبد الوهاب
يار يجعله  فى ميزان حسناتكم
__________________________
مقدرش استغنى عنكم ابدا
ومش هغيب
ان شاء الله

_______________________


السلام عليكم
بما ان الموضوع كبير
حبيت اعرضه على حضراتكم
لان انا بجد مش عارف اعمل ايه
وبجد اكتر
عاوز منكم الدعوات لانى لوحدى وممعيش حد
غير ربنا سبحانه وتعالى
ولقد تردت كثيرا حينما فكرت ان اكتب ما حدث ولكن شىء ما دفعنى الى الكتاه سألا الله عز وجل ان يتقبل منكم الدعاء
اولا
اخبرتكم بحاله عبد الوهاب عصام
وقلت لكم ان الدكتوره ايزيس محمد غالى كتبت علاج وانه موجود فى ابو الريش
واخبرتكم اننا اتينا بالدواء
وهذا ما تم ولكن ليس الدواء كاملا بل جزء منه والجزء الاخر وهو الاهم غير موجود فى المستشفى
ذهبنا الى الدكتوره من تانى بعد فتره علشان المواعيد طبعا
فاخبرتنا ان الدواء غير موجود فى ابو الريش
وان نبعث الى البلاد العربيه
لان الدواء غير موجود اصلا فى مصر
بعثنا الى السعوديه والكويت حيث المعارف هناك ولك اكتشفنا بالسؤال ان الدواء غير موجود فى الدول العربيه وانه موجود فى امريكا فقط المشكله مش فى تمنه
المشكله فى ايه
وتلك ملاحظاتى وهو ما دفعنى فى التشكيك فى الدكتوره ايزيس من الاصل وفى تشخيصها
من البدايه
1-
2-الدكتوره قالت لنا ان الدواء موجود فى ابو الريش وان مشكله عبد الوهاب ان العظام تتكون من الكالسيوم بنسبه70%والفسفور30% الكلى تخرج الفسفور مع البول وان الجسم لايمتصه من الكلى
وان الدواء المطلوب (اورجنك فسفات)وهو غير موجود غير فى ابو الريش
3- لما عادت فقالتا نه غير موجود فى ابو الريش وهى بعتتنا على هناك
وفى الزوياره الثالثه قالت لنا ان هناك من ياتى بالدواء من امريكا ليه مقالتش كده من الاول
4-الدكتور محمد السبكى هو من ارسلنا الى الدكتوره ايزيس ولما رحنا له وحيكنا اللى حصل قال لزوجه اخى هى اتعاملت معاكى ازاى هى اصلا مش بتحب المحجبات
طيب ما دام انت عارف كده بتبعتنا ليها ليه من الاول وقال تشخيصها هو الصح ليه
**زوجه اخى ذهبت الى دكتوره اخرى اسمها صافيناز مش فاكر باقى الاسم وقالت لها ان اللمشكله عاديه شويه ادويه وخلاص قالت لها زوجه اخى طيب المشكله مشكله غدد قالت لها لآ
قالت لها زوجه اخى بعد ان كتبت الروشته الدكتوره ما حدث عند ايزيس
قالت الدكتوره الدكتوره ايزيس هى الصح وامشى على دواء ايزيس
علشان كده الدكتور السبكى شتم فى الدكتوره صافيناز وقال دى مش بتفهم ومش تخصصها
____________________________________________
المشكله اننا ذهبنا الى مستشفى تبارك او العياده دى بتاعه الاطفال الدكتور شكك فى ايزيس
وقال ان الدواء يصنع فى صيدليه الجمهوريه بوسط البلد مع الاتيان بالماده الخام من ابو الريش
__________________________
انا تعبت انا مش بلف مع زوجه اخى لانى معتنى باخى ومش معانا حد غير ربنا
بس
اللى فارسنى ان الطب فى مصر متأخر كده قوى
كله بيشكك فى كله
وايه اللى دخل الموضوع بين محجبه وغير محجبه
هو الطب مش ملائكه الرحمه
ليه ده كله
(((((((((((((((((((((((((((((((((((((
بكره الاربعاء هتروح عند مستشفى اسمها مستشفى الزهراء
بالعباسيه
دكتوره اخرى تفصل فى الموضوع
انا خايف
ان الواد يكون التشخيص غلط
والواد يروح
_____________________________
اسف على الاطاله
ولكنه واقع
لا اسألكم
غير الدعاء
ثم الدعاء
ثم الدعاء
بارك الله لكم

___________________

النهارده بقه هو راح مستشفى الزهراء بالعباسيه 

وكان  هناك مجموعه من الدكاتره

حوالى10 دكاتره 

اختلفوا برضوا

فى التشخيص

وبرضوا بالنسبه 

للدكتوره ايزيس

وانها كويسه او وحشه والاختلاف قالوا اعملوا تحاليل

ومستعملش دواء ايزيس واستعملى دواء صافيناز

ودواء جديد كمان

ولسه فى انتظار

النتيجه

الطب فى مصر متاخرللدرجه دىمحدش ميتفق على تشخيص

\

واحد 

 

صوره وتعليق وسؤال

السلام عليكم

اولا فى صوره 

عاوز منكم

تعلقوا عليها

اوك

معلش الصورة  صغيره  شويه

السؤال 

وعاوز الرد

بصراحه

من غير 

كسوف

مستنى 

الردود 

وبسرعه

صور ومعنى+تحديث الاسلحه النوويه وشماته اسرائيل فى مصر

متسيبينيش

اغلى دموع على فراقك

ياريت ابدا طريقى معاكى

ياريت اكون طفل معاكى

يارب اكون  فى قلبك

ايديكى الامان  باحس بالدفا فيها

موضوع   العالم من  فوق دراجه

متنسوهوش

التصوف فى حياتى


_______________________________________

الشلل فى  فى معارضه العرب فى انضمام اسرائيل لحظر الاسلحه النوويه 
اقرأ وتمتع بس متنساش حبايه الضغط


الشهاب

العالم من فوق دراجه (4)(التصوف)تحديث

السلام عليكم 

كل سنه وانتم طيبين 

وبجد كويسين 

ومنورين

النهارده 

هتكلم  عن 

التجربه الصوفيه الخاصه  بيا 

والبوست  طويل شويه  

(الان انا  ليس صوفيا ولا اخوانيا ولا وهابيا

انا مسلم عقيدتى  عقيده اهل السنه والجماعه)

__________________________________

مكاتب تحفيظ القرأن

ومساجد جرجا

تنتشر مكاتب تحفيظ القرأن فى اغلب مساجد البلد 

عندنا  

سواء مسجد  فيه  ضريح  او مسجد  بدون  ضريح 

وبفضل من الله  ومنه  

دخلت اغلب تلك المكاتب

والحمد لله 

اولهما 

مسجد على بك الكبير 

ده مسجد بناه على بك مش عارف هو اللى فى مسلس همام ولا لآ  بس هو مسجد كان اثرى واتهد واعيد بناؤه  بجد مش فاكر اسم الشيخ اللى كنت باحفظ القرأن على يد ه

المسجد  ده  الاول  كان  فى مكتب الشيخ  فى المسجد  ومره كانت فى البدروم 

بتاع المسجد 

وكان فى شيخ اللى فاكر اسمه  كان اسمه الشيخ محمود 

محمود مين معرفش

وبعدين  فى مسجد جنبه 

برضوا  الشيخ محمود كان بيحفظنى فيه 

اسمه مسجد الشيخ جلال

مين هو لالشيخ جلال 

اقولكم انا 

تعرفوا او سمعتم عن تفسير الجليلين 

 اللى نصه مفسره جلال الدين السيوطى والتانى باسم الشيخ  جلال الدين المحلى

هو ده الشيخ جلال الدين المحلى 

مسجد اثرى خالص 

وتلوقتى 

فى ترميم  فى المسجد 

المسجدين كانوا جنب بعض

وما زالوا طبعا 

وفى نفس الشارع على بعد

خطوات 

مسجد  عثمان بك 

برضوا مش عارف 

هو  عثمان بك اللى فى المسلسل ولا لآ

اللى تبقى خاتون هانم مراته

معرفش بس هو اكبر مسجد

فى البلد 

هو مسجد عثمان  بك 

بالجوار من القيساريه 

اللى تتميز بيها جرجا 

ببيع 

ادوات العطاره 

ولاوازم الخرداوات 

والمحلات كذالك 

على بعد خطوات كذالك من  الثلاث مساجد

مسجد 

اخر اسمه مسجد المتولى 

الاثرى برضوا 

اتهد  المسجد كله 

واندثر واعيد بناؤه 

ولم يتبقى منه  الا المأذنه 

الاثريه الباقيه

  وفى نفس البقعه 

المجاوره لمسجد المتولى 

يوجد مسجد الصينى 

وتعتبر تلك المنطقه  منطقه مميزه  لوجود كل تلك المساجد عن قرب 

وبالقرب من تلك المساجد مسجد اخر اثرى فى محيط تلك المنطق كذالك مسجد اسمه مسجد (الزبده) المعروف بمسجد الفقراء

بفضل من الله ومنه منه سبحانه  

حفظت فى معظم مساجد جرجا حيث كنت اذهب صباحا وعصرا 

فى الاجازه  

خصوصا فى الابتدائى 

اما الاعدادى فالامر اختلف بعض الشىء

لتعرف اكثر 

عن جرجا

اتبع الرابط الاتى

جرجا

______________________________________

مسجد الاسيوطى

مسجد الاسيوطى او السيوطى 

وكان المعهد الدينى

ثم انتقل المعهد

الى  مكان اخر 

وبقى المسجد

عرفت مسجد الاسيوطى من اخى 

الاكبر 

حيث كان  يحفظ القرأن على يد شيخ اسمه 

الشيخ سيد الجداوى 

وكان المسجد  بدون ضريح

تابع له  مستشفى كانت اكبر مستشفى البلد اسمها 

مستشفى النهضه الاسلاميه الخلوتيه 

وتبع لها 

مدرسه الخلوتيه 

والحضانه

وكذالك 

ملعب كوره القدم

ثم  ربنا اكرم البلد 

مستشفى  اسمها مستشفى زمزم 

فى نفس الحجم 

المهم  فى الموضوع كل ما احكى حاجه  اتفرع 

ذهبت معه 

الى مكتب تحفيظ القرأن  فى الاستراحه بجوار المستشفى اسمها 

روضه الساده الخلوتيه الدوميه 

كنت فى الصف السادس الابتدائى 

فى وقتها 

وكنت  اذهب الى الروضه 

كما نسميها 

قيل الظهر لتمسيع القرأن 

وكنت أأوذن لصلاه الظهر فى الزاويه التابعه للمستشفى 

واقيم الصلاه  ونصلى 

وبعدها نروح الى البيت  وقبل العشاء كنا نذهب الى 

الروضه  لكى نحضر لصلاه العشاء 

والاذان كذالك 

كان معى رفيق دربى منذ الصغر

محمد الاسيوطى صديق عمرى 

وكنا فى تنافس عظيم 

بينى وبينه 

فتره  بعد العشاء كانت مقسمه على حسب ايام الاسبوع

السبت والثلاثاء 

مجلس قرأن 

ااتلاوه  وتعليم 

احكام التجويد 

الاربعاء

مجلس صلوات على النبى صلى الله عليه وسلم نجلس معا ونصلى على النبى صلى الله عليه وسلم

الخميس والاحد

مجلس ذكر لذكر الله عز وجل 

الاحد  بالروضه 

والخميس بالمسجد 

مسجد الاسيوطى 

وكان  ومازال 

الروضه بها الكثير من الموريدين 

ومجلس الخميس المسجد مساحه ضخمه 

مكتظه  بالذاكرين 

ونفتح ابواب المسجد 

لمن  يرغب

والجمعه  درس 

دينى 

فى المسجد 

اما الاثنين 

فكان مجلس فقه 

مالكى 

لشرح  

الفقه المالكى

_____________________

ادراك 

ادركت موضوع انى دخلت الصوفيه 

واصبحت  صوفى بالصدفه 

لانى اصلا 

لم اكن اعى معنى التصوف 

ولا ماذا يقصدون به الناس

ادركت الموضوع ده متأخر شويتين تلاته 

فى الصف الاول الثانوى

لانى كانوا باخوانا هناك  بيدونا دروس تقويه  

فى المواد كلها

وطبعا 

احنا بنحبهم  

قرأن وفقه مالكى 

مع انى كنت  حنفى المذهب 

فى المعهد الدينى 

وبفضل  من الله ومنه 

ربنا اكرمنى انا ومحمد صديقى ان نكون الاوائل فى كل عام من اولى اعدادى وحتى الثانى الثانوى 

الصف الثالث الفقير كنت الرابع على المعهد

ومحمد لم يكن له ترتيب للاسف

المهم 

موضوع انى صوفى  واخذت الطريق من الشيخ عبد الوهاب السيوطى رحمه الله 

لم يكن هذا تصوف بالنسبه  لى 

حيث ان موضوع الصوفيه  فى بلدنا التى تعج بالمتصوفه 

مولد واكل وعربده 

وتمسح  فى الاضرحه والاولياء 

لم نكن معهم 

الاولياء   لهم حق المسلم الميت  بالدعاء لهم 

والفاتحه مع اختلاف الاقوال 

واقتفاء اثارهم بالعمل الصالح 

اما موالد 

وموسيقى 

فلا 

 تربيت على ان الموسيقى حرام  فى الخلوتيه 

وسماع الانشاد بالموسيقى لا يجوز 

ان كنت تريد ان تنشد  بدون  موسيقى وبدون دف 

او طبله بدون اى مؤثرات 

وكنت منشد  وسط اخوانى 

واحفظ الكثير من القصائد \

فى مدح حضره النبى صلى الله عليه وسلم

ذكرت  في ذكرياتى السابقه موضوع الاحتفال بمولد النبى صلى الله عليه وسلم

وكنت الفقير من المنظمين  

له 

بخدمه العلماء الذين كانوا يتأتون  لكى يعطونا دروس العلم 

وكان الاتفال يوم واحد  فى البلد  فى سرادق كبير جدا 

ولكن داخل الخلوتيه  يمتد اسبوعين  وفى جرجا اسبوع 

الاسبوع  خاص بالاخوان  فقط وليس للعامه الحضور 

لدراسه المشاكل الخاصه  بنا ان كان  فى مشاكل 

تعارف على الاخوان 

اقامه الندوات  والمسابقات فى الانشاد  

كذالك وزياره  الاخوان فى البلاد التى بها روضات للخلوتيه 

والاحتفال بالمولد النبوى الشريف فى تلك البلدان 

_____________________________

ادركت الصوفيه عندما عارضنى بعض الزملاء  فى الحضور معى الى 

المجلس العلم هناك 

واخبرنى عن المخالفات التى 

تعترى التصوف باكمله 

متهمنى انا بكل سوء يعرفه 

اتى اليا بكتاب اسمه 

حوار مع  صوفى 

يحاورنى 

وكانه  مفيد  فوزى 

ويقول وارد عليه دائما بالنفى 

صديقى هذا 

يارب يكرمه  ويبارك  فيه 

اكرمه الله وهو مدرس رياضيا ت

الان 

بحفظ القرأن والبخارى ومسلم 

وهو الان يشرف على مجمع خاص بالجمعيه الشرعيه 

بالبلد يارب يبارك  فيه 

لم يعى اننى لا افعل تلك المخالفات 

التى يتحدث عنها

ولكنه  ترك اثرا عندى

بالشك فيما انا فيه

اننى اقرأ القرأن 

وادرس الفقه والحديث 

وحب النبى صلى الله عليه وسلم

ومنهم تعلمت رقه القلب والعين 

وتعامل الناس بالرفق 

واللين

وهكذا 

توالت  المعارضات لى بهذا الطريق

الطريقه منتشره فى جميع انحاء الجمهوريه

باسم 

الخلوتيه الدوميه 

من الخلوه خلوة القلب بالرب 

الدوميه نسبه الى الشيخ عبد الجواد الدومى من مشايخ الطريق

رحمه الله 

ولكن هناك اكثر من خلوتيه  

هناك الخلوتيه الحسانيه 

الخلوتيه الاحمديه 

والخلوتيه الرمليه

الخلوتيه الدوميه  منتشره   فى الاسكندريه 

ووالقاهره ومرسى مطروح 

وشبين وهورين واسيوط والاقصر وسوهاج 

وجرجا والمنيا  فى معظم البلاد

تقوم على الادب والاخلاق

_____________________

طهطا

من اكتر البلاد  كثره  من الاتباع 

حيث هناك اكثر من3تجمعات خيريه 

للخلوتيه هناك

واكثر من5مكاتب تحفيظ قران 

فالاعداد مهوله جدا

 اعجبنا بالنشاط 

اللى هناك  فقال فضيله الشيخ سيد دياب دويدار 

المسؤال عن الطريقه وشيخها وهو استاذ دكتور فى جامعه الازهر 

نحن لاندعوا الناس الى الدخول الى الطريق نحن ندعوا  الى الله 

بالخلق الطيب الحسن وللابتغاء مرضاه وجه الله 

وهذا خلق الاسلام  

عشت فى الروضه احلى ايام حياتى 

واذكر بعض الاسماء لانى تعلمت منهم الكثير من الخير 

اذكر اسماء المنتقلين الى رحمه الله 

فضيله الشيخ سيد الجداوى 

فضيله الشيخ  عبدالوهاب الشريف

الحاج محمد الهلاوى 

الحاج القط الشمندى

الحاج نعمان المكحل 

الحاج مصطفى 

هؤلاء فى ذاكرتى 

الان وهناك الكثيرين 

رحمهم الله  

لهم معى مواقف فى الفرح والحزن

وتعلم الدين والقرأن رحمهم الله تعالى 

_____________________________

تعلمت 

تعلمت ان اسامح الناس ان اكون لين الخلق معهم 

لا تكن لين  فتعصر ولا صلب فتكسر

تعلمت  

ان  لااتعصب للصوفيه او لغيرها 

بل اتعصب لله وحده

تعلمت  

ان ابحث واسأل واتعلم  فى مسائل الدين من هو موثوق فيه 

ولا اثق الا فى الازهر وعلمائه

وان ابحث واتعلم من جديد 

تعلمت 

ان  اكون لين الجانب مع اهلى 

وان التمس الاعذار

وان اكون على خلق

تعلمت الايثار والحب

تعلمت نشر الحب وتعليمه

تعلمت الكثير اننى فى الطريق منذ الصف السادس الابتدائى 

وتربيت  بين اهله 

وليس لى اصدقاء من خارج الطريقه طوال الفتره الاعداديه والثانويه الا زملاء الدراسه

حتى دخلت الجامعه

وبدا الصراع

____________________

تكفير وعقيده مشوهه

كنت ارى الدنيا جميله وانا  احمل  كتاب الاحياء 

للغزالى 

 وكتاب مكاشفه القلوب 

لانى كما ذكرت احبه احبه 

قابلت احد هم

فقال لى  

ما قاله انه سمع انى صوفى 

وانى فى حكم المشرك  فى الله 

كما قال لى صديقى الذى حاورنى 

وجادلنى 

ولكن صديقى كان احن عليا من ذاك الولد

قال لى والله العظيم  اسلم تسلم يؤتك الله  اجرك مرتين

قلت له  انا كافر قال لى انت تفعل افعال الكفر

كررها  لى كثيرا 

واخر   قال لى 

انى على دين ابو بكر وعمر 

وانى للادعوك الى دين ابو بكر وعمر

قلت له  وانا ما ادين 

قال لى انت تفعل افعال الشرك

واخر قال لى 

تحمل كتاب قال عنه العلماء انه كتاب الاحاديث الموضوعه 

وغيرها من الاتهامات

قالوا لى انت تعبد القبور

قلت لهم  

ما اعبدها ولا التجىء بها الى الله 

اننى لا افعل كل هذا

اتهامات اتهامات 

ليس لها اول من اخر

عرفت حينها 

 ان هؤلاء 

لم يتعلموا الرفق فى الكلام 

ويصدرون الاحكام على الناس

دون 

تروى لمعرفه الحق

عاشرتهم وقرأت كتبهم 

ولن  اتكلم عما قرات 

بل عاصرت الاخوان المسلمين 

وقرات كتبهم

ولكنى لن اتكلم عنهم كذالك 

ولكن رايت منهم كذالك

انهم يبنون انفسهم  فوق انقاض الاخرين 

اقصد الاخوان 

ما جالستهم الا  وقالوا ما قالوا عن الوهابيه 

وضررها على الاسلام 

تهت  بين الاخوان والسلفيه والصوفيه 

او الوهابيه مكان السلفيه 

وقالوا لى ان عقيده الازهر غير صحيحه 

لانها عقيده الاشاعره وهى ليست عقيده اهل السنه والجماعه

ولابد ان اصحح عقيدتى

قرات كتب العقيده  ولن اذكر اسماء 

حتى لا اجرح  فى احد

(لحوم العلماء مسمومه وايه الله  فى منتقصهم معلومه)

الى ان وقع  فى يدى كتاب العقيده  لياسر برهامى 

عجبنى 

وهو  الوحيد اللى عجبنى من المجموعه كلها 

والشيخ محمد حسان  حفظه الله 

_________________________

كنت اسمع عمرو خالد ويوسف القرضاوى ومحمد حسان

ويعقوب

ولم اسمع قط للاى اى اخر

بل سمعت لوجدى غنيم

وراغب السرجانى

ومن تعرفى على الاخوان 

احببت الانشاد اسمع الانشاد

زى 

ياسر فاروق ابو عمار

وطارق ووليد ابو زياد 

وابو عبد الملك

ومواقع الانشاد 

وموقع بسمله الانشادى 

واناشيد دوت نت

انغمست  وسط كل هؤلاء

وقرأت ليوسف القرضاوى زاعجبنى 

وعمروخالد 

وابوشادى

كان معى اخ لى اسمه المملوك وتكلمت عنه  فى البوست الماضى للذكريات 

كان فى متاهتى ولكنه  لم يعش كما عشت  فى الصوفيه 

فاتصل بالشيخ محمد حسان 

فسأله على الثلاثه فقال له على حسب روايه زميلى 

الثرثه  فيهم خير 

خذ ما يوافق الدين والسنه  ولا تقتصر على احد

حيرتى زادت عندما كان  صديقى محمد  فى اسيوط  

فى كليه العلوم وكان  يسمع دروس فى الجمعيه الشرعيه 

وخطب الجمعه هناك وكان هناك شيخ  

كبير هل دكتور فى كليه شريعه ولكن لا اذكر اسمه 

كان يتكلم على السنه والمسجد مكتظ دائما واجاباته 

جميله جدا

قلا يعلم  قدر كلام الشيوخ  اكثر من الازهرى 

لانه يعرف من الكلام الغس من الثمين 

فسأله 

قال له 

بالحرف الواحد 

على لسان صديقى 

اثبت على ما انت عليه

يقصد التصوف الحق وقال له ما وافق انت

معه وما خالف فاتركه

_______________________________

متاهه

تلك المتاهه لا يدركها الا 

دارسى الدين مع احترامى للجميع 

حيث عندما ترى الاختلاف بين ثلاث فرق  

فى البلد والثلاثه  لهم عمل 

اجتماعى 

كبير فى بلدنا 

السلفيه  متمثله فى انصار السنه المحمديه والجمعيه الشرعيه  

يعلمون الناس صحيح الدين 

ويجمعون الصدقات ويساعدون

المحتاجين

الاخوان 

فصول تقويه وذبح اضاحى 

وتحفيظ قرأن 

الصوفيه

مستوصفات ومستشفى فى بلدنا 

ولكل واحد مساجده معروفه 

وفكرهم كذالك

تلك المتاهه خرجت منها 

انا وصديقى محمد 

ان الثلاثه  فيهم خير واقصد بالصوفيه ما عشناه  فى الخلوتيه طوال تلك السنون

ولكن المغالاه ممن لا يفقهون 

ولا يعلمون الحقيقه 

من لم يفهمون  فقه اللين 

والخلق من الثلاثه 

وعدم فتح قنوات للتكلم والحوار معا 

بل تكفير 

وغيره 

اتفقت انا ومحمد 

اننا مسلمون

واننا نخرج نفسنا من تلك المتاهه 

التى 

تشغلنا عن الواقع من يعيش فى متاهتنا من شباب مصر 

القليل 

من يهتم  بقضيتنا 

من على صواب

منهم 

انشغلنا ولم نعرف ان نوفق بين الدين والمفروض علينا 

فعزمنا 

ان نعمل الفروض المفروضه علينا اولا 

من  صلاه 

وصيام 

ثم السنن المكتوبه \

ثم ما عداه  فهو فضل 

نحب الصوفيه الحقه ونتبع السلفيه  سلف الامه 

وفكر الاخوان  فى التغيير 

والبعد عن المغلاه  بكل اشكالها 

نتوق الى ذكر الله 

فنذكره 

نتوق لقرأه القرأن نذهب الى الحلقه  لو كنا فى البلد ونقابل اخواننا

اشتقنا الى  حكم دينى نسأل ونسمع 

لا نعيب على احد  فى الدين ان وافق الصحيح  فيه

ونقف على الخطأ 

ونرد عليه  بلين ولطف 

___________________________

تلك تجربتى فى الصوفيه 

فالرجاء 

من يحادثنى 

لا يحادثنى اننى صوفى 

ويعتقد  ذالك  فيا 

 كنت اتمنى ان اكون  صوفيا حقا 

او سلفيا حقا

او اخوانيا اعيد امجاد صلاح الدين 

ولكنى الان 

اتمنى ان اكون 

مسلما لله سليم العقيده 

على  نهج سلف الامه

لى تكمله ان شاء الله