سؤال وجواب

السلام عليكم

كل عام انتم بكل خير

شكرا لمن دعا لاخى عصام وابنه عبدالوهاب

جعله الله  فى ميزان حسناتكم يارب

معنا اليوم سؤال وجواب من اختنا العزيزه

مرمر

وانا كان منى لابد ان البى دعوتها

رغم اننى كنت سوف اكتب 

بوست كامل عن الكتب دى 

ولكن فى ذكرياتى العالم من فوق دراجه

وان شاء الله هكتبها برضو

والدعوه فيها

فهى عباره عن بعض من الاسئله للتعرف عن قرب

على الاشخاص الذين نتعامل معهم عن بعد

 وبعض الكتب الذى يتناولونها

وافكارهم وشخصيتهم من  نوعيه هذه الكتب

بفضل من عند الله احب القرأه 

او انا كنت احب القرأه 

منذ صغرى 

ومش هبدأ فى الكلام اسهاب كتير 

الا من خلال الاسئله

زى كده طونى خليفه فى 

بلسان معارضيك

هههههههههههههههه

السؤال الاول

. من أرسل لك الدعوة ؟

طبعا اختنا اللى دايما بتدخل علينا الابتسامه والبهجه 

صاحبه مدونته ابتسامات وامنيات وشباب على طول

اللى انا عامل لى قاعده عندها  فى المدونه كل يوم شبه يوميا تلاقونى عندها طبعا اختنا مرمر

الا فى مدونه بصراحه مش بدخلها خالص وهى ركن المراه 

لانى مليش اصلا فى الطبيخ

السؤال الثانى

. ما هي كتب الطفولة التي بقيت عالقة في ذاكرتك؟

طبعا وبدون شك ميكى جيب 

وسمير اللى كنت باحوش انا واخواتى لما كنا صغننين مصروفنا ونروح نجيب مجله ميكى او ميكى جيب 

واللى عالقه بذاكرتى 

فى قصه كانت مقرره على الصف الخامس الابتدائى 

مش عارف حد فاكرها ولا لآ

عقله الاصبع كنت بغوص بخيالى مع الكاتب  وعلاء الدين والمصباح السحرى 

وخصوصا لما شوفت فليم جليفار 

اللى فيه البطل بيكون صغيير قوى وفجاه بيكفر والمغامرات دى 

كنت  فى الاجازه بروح  فى مكتبه خاصه بمدرسه اسمها اسامه بن زيد الابتدائيه كنت باعشق اروح  فى الاجازه هناك  قرأت فيها  كل القصص وكده يعنى

السؤال الثالث

3. مَنْ أهم الكتاب الذين قرأتَ لهم ؟

والله اهم الكتاب اللى قرأت ليهم 

اولا الاديب اللى انا عاشق لكل قصصه الدكتور نبيل فاروق

واخترته الاول لانى اول ما عرفت القراه عرفتها على ايده  فى الاعدادى

رجل المستحيل بفضل من عند الله قرأت معظم السلسله وكمان 

ملف المستقبل بس مليش تقل على السلسه التانيه دى وكام قصه من سلسله زهور وطبعا المغامرون الخمسه

اهم الكتاب  الامام العلامه شيخ الاسلام الامام ابى حامد الغزالى رحمه الله  هذا الرجل الذى اثر فيها بجد واولى الكتب اللى قرأتها له

احياء علوم الدين وخصوصا الجزء الثالث لانه بسم الله ما شاء الله 5اجزاء وطبعا مع تنقيح الاحاديث اللى فيه لان الكتاب ده ظهر عليه اعتراضات كتيره جدا بس احب المحاسبه والمراقبه اللى فيه بجد

والامام العلا مه  القرطبى  رحمه الله  فى كتابه المميز التذكره  فى امور الموتى واحوال الاخره  

هما الكتابين دول اللى اثروا فيها بجد من الاعدادى الى الثانوى
فاروق جويده 

السؤال الرابع

. من هم الكتاب الذين قررت ألا تقرأ لهم مجددا؟

والله  فى كاتب انا قرأت عنه وقلت انا مش هقرأ ليه تانى رغم انى لم اقرأ له اصلا 

بس عرفت ان الموضوع داخل فى فلسفه بس اكبر من دماغى هو ابن سينا

قرأت كتاب اسمه ابن سينا بين الدين  والفلسفه

مكن من اربعه فصول  الفصل الاول عن قصه حياته اللى جاهد فيها جهاد مرير وكان بيعالج الناس من مرض معين مش فاكر ايه هو بالضبط المشكله انه مات بنفس المرض اللى كان بيعالجه 

دخلت بعد كده على باقى فصول الكتاب مفهمتش حاجه خالص 

حلفت يمين انى لا اقرأ له لانه دماااااااااغ كبيره

السؤال الخامس

.في صحراء قاحلة ، أي الكتب تحمل معك؟

طبعا وبلا  شك  المصحف 

وبالتالى  اى كتاب للابى حامد الغزالى خصوصا كتاب 

مكاشفه القلوب

السؤال السادس

. ما هو الكاتب الذي لم تقرأ له أبدا ، وتتمنى قراءة كتبه ؟

خالد محمد خالد انا  قرأت له كتاب واحد بس 

وهو ابناء الرسول فى كربلاء

بصراحه الراجل ده اسلوب كتاباته فوق الرائعه 

بس صعبه شويه وعاوز وقت كبير علشان تفك شفرات  جمله وتعبراته 

وعاوز  وقت كبير جدا

بالعافيه   خلصت الكتاب ده 

بس اتمنى انى اقرأ ليه باقى مجموعته 

السؤال السابع

. ما هي قائمة كتبك المفضلة ؟

احياء علوم الدين 

مكاشفه القلوب(ابى حامد الغزالى)

الاخوان المسلمين متى وكيف ولماذا (مركز بحوث الطريقه العزميه)

الاسلام بين الاختلاف المشروع  والتفرق المذموم (القرضاوى)

مفاهيم يجب ان تصحح (المالكى)

سؤال وجواب (على جمعه)

الحكم العطائيه وشرحها(لسيدى ابن عطاء الله وشرحها للدكتور  عبدالحليم محمود)

وكثير من الكتب اللى باحب ارجع ليها وطبعا كتاب التذكره للقرطبى

و مجموعه روايات شكسبير  واهل الكهف  
فنجان قهوة بالم انسان(مريم نور)

السؤال الثامن

. ما هي الكتب التي تقرؤها الآن ؟

والله هو تلوقتى مفيش غير بحاول انى اقرأ واختم القرأن 

بس فى مجله  اسمها منبر الاسلام بأقرأ فيها حاليا ولسه شارى كتاب اسمه السيده نفيسه رضى الله عنها  لسه لم ابدا القرأه فيه

السؤال العاشر

أرسل الدعوة لأربعة مدونين من أجل مشاركتنا بذكرياتهم مع القراءة ؟

والله مش بحب افرض حاجه على حد لانى عارف  مشاغل الدنيا كتير قوى 

ارسل الدعوه 

1-اختنا ساسو صاحبه مدونه اشعار وتأليف

2-اخى الحبيب نفسى تفرح بيا يارب صاحب المدونه اللى على نفس اسمه

3-اختنا كيارا صاحبه مدونه عالم مولان

4-اختنا الحب الجميل صاحبه مدونه الحب الجميل

فى ناس كتيره قوى قوى  بس كده كفايه وده مش فرض اللى يقدر يعمل موضوع يعمله على نفس النسق

بارك الله فيكم ______________

انا دوشتكم وصدعتكم 

ومن اكون حتى تعرفون ماذا اقرأ

القرأت دى كانت زمان  

تلوقتى  انا نفسى اقرأ وارجع زى زمان

عبد الوهاب عصام اسألكم الدعاء له؟؟+تخاريفى الخاصه

السلام عليكم

كل سنه وانتم طيبين 

فاكرين اخويا الكبير عصام 

انا دايما باقولكم يا جماعه ادعوله 

علشان الظروف اللى هو فيها 

تلوقتى 

حاجه ظهرت  

اخى عصام عنده ولد وبنت 

البنت نور الهدى 

عندها5سنين

وفى كىجى2

الولد الصغيور ده 

اللى صوره فوق دى

هو ده عبدالوهاب 

عصام او دلعه 

بودى بودى كده حته من قلبى 

شقى وعمرم ما بيسمع الكلام خالص بينفذ اللى فى دماغه  

وبس ورغم انه عنده3سنين بس 

بس عنده حنان الام بجد 

مش هو اللى يقعد  فى حضنك ده

كان زمان على ايامنا ده بقه 

انت تقعد  فى حضنه ويلعب فى شعرك 

ويبوسك فى راسك 

يااااه ويقولك دى بوسه بطعم المانجه

ودى بوسه بالفراوله 

ودى بوسه باللبن 

الوس كمان اخترع ليه نكهات 

ولما يتغاظ منك  

ومتجيبش اللى هو عاوزه يضربك ويقرصك ويعضك 

ويبوسك برضو

ويقولك دى بوسه 

بالبيبى والاوف والقرف كله والحمام 

تقوله ليه يقولك انت وحس (وحش)

وانت مس بتحبنى

ولد زى العثل 

لما يغلط متقدرش تضربه علشان على طول يجى ليك ويقولك انا اسفه

مش انا اسف لآ

 صعيدى ويقول انا اسفه علشان طبعا البيئه كلها اللى كان قاعد فيها والدته وخالته وجدته واخته كلهم بيتكلموا بصيغه المؤنث بالضماير  عنده

واخده لخمه شويه لآ شويتن تلاته

حافظ الابجديه الانجليزيه كلها 

ومن 1 لغايه عشره 

ويلعب هو واخته 

ولما حد يعمل غلط 

فيهم رغم كل الحب

يفتنوا على بعض

ولما حد يضرب فيهم التانى يعيط

عليه 

وسضرب اللى يضرب اخوه 

رغم انه هو اللى فاتن عليه

والله يارب يخليهم لمامتهم ويقوم بابا هم على خير

المهم 

الولد الحلو ده بيمشى مشيه مش مظبوطه خالص مالص

فى زكه صغننه  فى رجله 

الدكتور بتاع العلاج الطبيعى اللى بيجى لعصام 

شافه فقال 

لازم تعرضوه على دكتور عظام 

رحنا لدكتور عظام  الحمد لله على كل حال قال لينا عنده 

كساح

ربنا يعفوا عنه

واعطانا تحويل على دكتوره غدد

اسمها الدكتوره ايزيس غالى 

اعطتنا اشعه وتحاليل لازم نعملها 

عملناها قالت لينا الولد عنده 

هشاشه عظام 

ولازم ياخد ادويه طول حياته

ويتصرف الدواء من عند مستشفى ابو الريش 

علشان مش بيتباع بره  المستشفى 

يا أخوانا اسألكم الدعاء للولد ده لانه غالى علينا كلنا 

وعلى كل اللى شافه 

ماماوبابا زعلانين عليه خالص والله 

ولا نملك له الا الدعاء 

بالشفاء

بنفكر نروح لدكتور تانى 

بس خاليفين ندخل فى متاهه الدكتاتره

وكل واحد فيهم يكتب علاج شكل

وتشخيص شكل

اسألكم الدعاء

بارك الله لكم

--------------------------------------------

لا تنسوا ان تزورونى فى مدونتى التانيه 

قلبى حبيبى
_________________________________________
تخاريف الشهاب

العالم من فوق دراجه(2)ذكريات+تحديث+ايتها الانفاس الطاهره

السلام عليكم

 وقبل ما اتكلم احب اقول

يارب اشفى  اختنا الحب الجميل وندعوا لها بالشفاء

وكمان يارب يشفى والد ندى الياسمين علشان تعبان

وكمان نقول للغايبين ارجعوا ولاخونا رامى اوعى تمشى

وكل سنه وكلكم طيبين

-------------------------------------------------------------

العالم من فوق دراجه (2)

رمضان

رمضان  فى بلدنا ليه طعم تانى وكل رمضان فى اى بلد واحد فينا بيكون ليه طعم تانى خالص  خصوصا فتره الطفوله  طبعا ليها مذاق انا باتذكر كل حاجه ايام وانا صغنن كده ابعد بذاكرتى واقول

كنت المكلف انى اجيب العرقسوس والتمر الهندى وعصير القصب  من الشارع بس قبل الافطار

بحوالى نص ساعه مش عارف ليه كانوا بيعملوا كده معايا

كان  فى واحد مخصوص بجيب منه مش فاكر اسمه وكان العرقسوس بتاعه ليه طعم جميل ورونق خاص

ماما كانت بتعمله بس بصراحه الرااجل ده كان تمام

ميه  فى الميه 

جرجا فى رمضان محدش يعرف يمشى فى الشارع فيها ابدا خصوصا  فى رمضان وقبل الفطار

وطبع الموضوع ده فى كل المدن المصريه 

الكل مستعجل عاوز يلحق

يفطر فى البيت 

وموائد الرحمن زمان كانوا الناس يفرشوا على الارض

ويحطوا الاكل ويمسكوا فى الناس

علشان  يفطروا

وكنت يادوب اروح افطر واصلى المغرب وعلى طول لصلاه التراويح

صلاه التراويح مرت بمراحل كتيره

الاولى المسجد اللى جنب البيت كنت بلازمه  على طول فى الابتدائى

بس لما كبرت حبه عرفت ان  فى مسجد بيخلص بسرعه

اقوم اروحله وشويه كمان 

كنت بقصر فى صلاه التراويح  بصراحه

لما كبرت شويه كمان

فهمت

كان فى مسجد  بيصلى فيه راجل محترم جدا وحتى الان موجود اسمه الشيخ ضاحى

الراجل كده  كفيف

بس هو  فى الاصل لم يكون كفيفا  انما اصابه  العمى

فى حادثه الريان

والفلوس بتاعته كلهم معرفش يجيبها تانى المهم

الراجل ده  مسجده محدش يعرف يدخله  فى رمضان وعامل صوان  للستات

والتنى للرجاله  وبيختم القرأن  فى رمضان  بس بيصلى20ركعه صلاه متحسش بالطول ولا الزهق

يارب يبارك فيه يارب

هو اللى انتهى اليه الامر فى صلاه التراويح

وصبعا التهجد ليه طعم تانى

نطفى النور

والراجل يصلى 10 ركعات بس ايه عجب

راجل متميز وقرأته للقران  متميزه

تصلى وراه تسمع ددروس منه خلال الصلاه

رائعه جدا جدا

صلاه الجمعه بقه كانت جنب البيت برضو وتطور الامر معايا

لغايه ما كنت كل جمعه فى جامع شكل

لغايه ما كنت فى الاعدادى

وكان فى شيخ اسمه الشيخ عمرو الزيات هو شاب بس مثقف جدا

جدا

كل الشباب كانوا بيصلوا الجمعه عنده

والتجمع بتاعه كان بيسد اربع شوارع

واكتر من مره

يتسحب على امن الدوله

ربنا يحافظ عليه

لغايه ما حاوولوا انه ينقوله لمسجد فى بلد قريبه من بلدنا اليلد كانت  بتزحم من الناس احنا كنا بنروح واره اى مكان لغايه

ما رجعوه تانى

لما كان بيعغوقنى امر فى الدين فى كتب الفقه وكده كنت اروح له البيت

واتناقش معاه

خصوصا فى موضوع كده انا مش عاوز اصدعم فيه

موضوع العقيده الاشعريه والسلفيه 

والامام الغزالى

وشويه كلامك كنت تايه  فيه بجد فى ايام الثانوى

رحيت دماغى فى المواضيع دى وموتاضيع القضاء والقدر

وكده

لما رحت الكليه عرفت ان البلبله دى موجوده وريحت دماغى والراجل ده ربنا يعزه يارب

نرجع لرمضان

الاعتكاف

الحمد لله من اول ما عرفت يعنى ايه اعتكاف ومش بفوت يوم الاعتكاف ابدا

الا فى المسجد

لازم اعتكف بس فى مسجد تانى خالص

غير بتاع الشيخ ضاحى

والشيخ عمرو الزيات

مسجد كنت  فيه احضر الاكل والشرب لغايه السنه اللى فاتت كمان 

انظم السمجد

كنت خادم فى المسجد  فى يوم الاعتكاف تنظيم ترتيب تنظيف وكده

مع مجموعه طيبه والحمد لله

رونق جميل  نصلى التعشاء

ونقرا الرقات  ثم التهجد وصلاه التسابيح  ثم الدعاء

والسحور

ثم صلاه الفجر

ولنا رجوع  الى ذاك المسجد مره اخرى ان شاء الله 

وصلاه العيد  

برضوا لم اتخلف عن المسجد اللى باعتكف فيه عيه عن صلاه

العيد ابدا وبفضل الله 

يخطب فينا الشيخ 

حسين الاسيوطى الخطبه خطبه العيد سواء الفطر او الاضحى 

وامشى بقه 

زياره القبور 

كانت متعه عندى وما زالت طبعا

 فى رمضان كنت لازم كل يوم اروح ازور القبور مع باب قبل الفطاء

وفى الايام العاديه كنت اروح كل جمعه 

عسى ان يتذكرنى الناس بالزياره

الذكريات عن رمضان لا تنتهى ابدا

اتمنى ان اعيد ايامى واعيش رمضان مره اخرى 

كما عشته  فى الماضى 

-----------------

رمضان فى قنا

لما رحت  الجامعه فى قنا

كانرمضان مختلف جدا جدا

 طبعا الدنيا اتلغبطت خالص

اصبحت  افطر شبه يوميا فى السنه الاولى فى جرجا

خصوصا انها تبعد عن جرجا ساعه ونصف بالقطار

كنت اروح على الافطار ولم تتاثر العباده بذالك

فى السنه التانيه  اصح الامر مختلف افطار فى الشقه والسفر يوم او اتنين فى الاسبوع 

بس كنت بريح دماغى

والعباده قلت خالص

طبعا محدش عاجبنى

رحيت دماغى

للاسف كانت اقل السنوات عباده

لما سافرت الى القاهره

الموضوع اختلف تماما

كل الانواع والقرأات  فى القران مختلف وكنت بافطر سوميا مع عصام

والحمد لله كنت باحاول وحتى الان المواظبه

القرأن بصراحه مفيش مره اختم القرأن  فيها فى رمضان خالص

مش عارف ليه الحمد لله باختمه لوحدى فى غير رمضان

اتلموضوع بالنسبه  ليا  مشكله 

ريبنا يعنا

-----------------

الفول  فى رمضان

شىء مقدس فى رمضان وغير رمضان

فى رمضان الفول شىء مقدس فى السحور

لازم الفول واروح اجيبه كده الساعه 1 من احد الاصدقاء

اصحاب المطاعم المتواضعه

من انا وصغير

الفول جزء لا يتجزء منى

وغير رمضان كمان

فى الصبح كده

كنت اجيب بعد صلاه الفجر كميه  فول كبيره افطر انا الاول

ولما البيت يصحى اكمل فطار معاهم

_____________

الرز باللبن

كان هناك رجل اسمه عم جابر

كنا  نصلى الفجر انا وعصام ومؤمن اخوايا الكبار واروح معاهم

عن عربيه عم جابر

كان بيبع رز باللبن

وكان جيرانا الله يرحمه

الرز بتاعه ليه طعم خاص جدا اجد

حلاوته  فى فمى حتى الان

وحتى فتره قريبه قبل وفاته كنت اكل عنده

والله ذكريات جميله

يااااه

الله يرحمه

كنا نصلى معه  فى المسجد

ونخرج معه الى حيث يقف

وناخد وش الحله

وكان بيتوصى بينا

____________

والى لقاءاخر ان شاء الله

--------------------------------------------

ادعوكم للمدونه 

قلبى حبيبى 

ورأيكم فى باقى خاطره 

ايتها الانفاس الطاهره

الرجاء التعليق عن موضوع الخاطره 

فى مدونه 

قلبى حبيبى

بارك الله لكم

ايتها الانفاس الطاهره!

طفلتى حبيبتى 

امى وحبيبتى 

اهدى اليكى كلماتى

السلام عليكم 

اولا انا اشكر كل من شجعنى وكتب رأيه  فى خوطرى وكلماتى  

المتواضعه التى لاتتعدى 

بعض الهمسات 

ولا ترتقى الى 

درجه الخواطر

اشكركم جميعا 

ولقد خرجت من تلك الكلمات التى 

ساهمتم فيها معى 

بان الحب بعد الزواج هو الذى يدوم ويدوم 

ولكنى 

للاشتياقى الى 

ذاك الاحساس 

كتبت بعض الكلمات 

التى يشعر بها قلبى 

وتلك حاله امر بها 

عذرا 

لسوء حال كتابتى 

والاسهاب فى توضويح ما أكتب

بارك الله لكم

اليكم خاطرتى 

فى مدونتى 

قلبى حبيى(ايتها الانفاس الطاهره)

وهى الجزء الاول من تلك الانفاس 

اعرضها عليكم

البامبرز على مين(تحديث)+ الشهاب

السلام عليكم 

انا شوفت ان البوست ده لم يأخذ حقه 

فى المدونه 

قلت انزله تانى 

وافتح التعليقات

كل سنه وانتم طيبين

البامبرز على مين+lختك بتحب واحد تعمل ايه؟
تدوينه جديده  ارجو ان تنال رضاكم
الاطمئنان والهدوء مع اعز الاصدقاء

الحب والواقع تضاد.!

السلام عليكم

فرحت بتعليقاتكم على كلماتى  الغير منظومه تلك

وتشجيعكم للفقير الحقير

وذالك فضل من الله

واعجبنى من قال اترك الحب والحب سوف ياتى اليك

فكرت كثيرا فى ذاك القول واعجبنى وتركت

التفكير فيه ولكن لا اعلم ما هو سبب انشغال بالى بذاك الامر

فانسابت العبرات من عينايا

وكتبت بعض الكلمات

عن الحب ايضا

ادركت ان كلمه بحبك

بعيده المنال

وانها ليست مجرد كلمه وليست سهله كما نراها فى افواه صغار العقول

وان القلب يهتف ويشتاق

والعقل نعمه والحمد لله

ادركت اننى عليا بالصبر والعمل الجاد

حتى اصل الى مبتغاى

يارب الهمنى الاخلاص

وارزقنى من حلال

واجعلنى من عبيد احسانك فانت اهل للاحسان

ولا تجعلنى من عبيد اختبارك فانا عاصى ولا ادرى هل استطيع التحمل فى الاختبارات

ولا تفتنى فى دينى

ادعوكم  الى مدونتى المتواضعه

الحب والواقع تضاد..ّ!

اعتذر على اسلوب كلامى والاخطاء  واعتذر لكم ان لم  تعجبكم كلماتى

المهداه الى مالكه قلبى

التى لا اعرفها

البامبرز على مين؟+اختك بتحب واحد تعمل ايه.!

السلام عليكم 

معلش موضوع الثقافه الاجتماعيه ضارب فى دماغى الايام دى 

وعلشان اجازه ولسه مدخلناش فى زحمه الدراسه 

نتكلم مع بعض كده هدوشكم ممكن كل يوم تدوينه او يومين

وفى كل مدوناتى المتواضعه 

ممكن يعنى اطلع عنيكم معايا 

واسف مره تانيه لو كلامى معجبكوش

مراتك حامل وهتولد 

هتعمل ايه ياترى هتدخامعاها غرفه الولاده ولا هتجيب ليها دايه؟

طبعا  دكتور وعياده وبلاش مستشفى هتكون غاليه 

هتجيب بامبرز ولا كوافيل

البنيه هتتعب طبعا وهطلع عين اهلك قبل الولاده باسبوع كده هتشوف اللى عمرك 

ما هتشوفه  فى حياتك 

ده لو انت مشفتش ولاده حد من قرايبك 

تبقى كده متاخد ومش عارف هتعمل ايه

او هيتعمل فيك ايه

تعالوا نناقش موضوع الكوافيل ده لانه ارهقنى 

الزوج عليه كل حاجه والله الست بس هتتعب تشع اشهر والراجل هيتعب

باقى عمره 

العيل اللى هيجى اكله وشربه ولبسه حتى البامبرز

واسألونى انا على  البامبرز كنت باجيبه طبعا لعيال اخواتى من اول ما كان سعره40جنيه او اكتر شويه لغايه توقت وصل لفوق70جنيه 

مش عارف ليه موضوع الكوافيل ده اتلغى من ثقافه بنات الايام دى 

ليه يعنى بامبرز 

احنا كلنا الكبار تلوقتى اتربينا على الكوافيل 

مش بامبرز

انا مالى لما اتجوز اشترط ان البامبرز  على الزوجه هى اللى تجيبه لغايه ما يتعلم يعمل بيبى  فى الحمام 

وتبقى قابلنى لو عمل  فى الحمام 

تبقى معجزه لو عمل كده وسنه عدى السنتين

البنات الايام دى بتستسهل 

لسه هتعلم وتربى 

هو يتعلم لوحده احسن والراجل هو اللى يشيل 

الليله 

مش عارف ايه اللى جابه كده على العيال انا كنت باتكلم  فى ايه 

اه نسيت قبل ما اتكلم فى اللى جاى اتكلم عليه 

صحيح هو المفروض مين اللى هيدفع ثمن البامبرز

مين ؟

طبعا الست وهى اللى تغير للواد او البنت احنا رجاله مالنا وما القرف 

ده...!

طيب لو فى ظرف طارىء والبنيه مش موجوده واتبست انت يا معلم فى الموضوع ده 

غصب عن عينك هتغير وتشطف والبودره وممكن 

مرهم تسلخات 

متنساش تلبس جوانتى بتاع الاسنان ده او تلبس جوانتى العمال 

ههههه

لازم تساعد مراتك برضوا

ولو ساعدتها مره هتستحلاها 

وهتساعدها كل مره 

وممكن هى تقسمها مره انت ومره هى وانت ونصيبك بقه 

....................

انا موافق بس 

اجيب ام العيال وانا 

اعمل كل حاجه...........!

_______________

لو اختك جاتت ليك وقالت انها بتحب واحد من زملائها فى الكليه؟

او زميلك؟ تعمل ايه..؟

لو اكتشفت بالصدفه ان اختك على علاقه بواحد تعرفه او متعرفهوش

والعلاقه دى نبتت قصه حب بينها وبين الشخص ده  هتتصرف ازاى؟

لو انتى بقه اكتشفتى ان  اخوكى بيحب واحده وعلى علاقه بواحد وبيحبها تعملى ايه؟

لو اخوكى صارحك وقالك انه بيحب   هتقولى ليه ايه؟

_______________________

موضوع شائك الحمد لله لم اعرض لهذا الموقف 

وطبعا الحب غريزه انسانيه 

ومحدش يقدر يقول حاجه

بس لو اختك عملت كده 

انا هجاوب بما ان لى تلات اخوات بنات والحمد لله

ولسه لم يحدث بعد

انا دائما بكون حريص انى اقرب من اخواتى البنات 

بحيث اكون صديقه ليهم بالفعل اعرف عنهم كل حاجه 

وماما كمان 

بحيث لما يجوا من اى مكان بيحكوا 

عن كل حاجه 

ونناقش الموضوع اللى بيحصل كده

واحده واحده

هتقولوا لى الصعياده بيعملوا كده ايوة والله بيحصل كده والحمد لله امى ست بسيطه للغايه ورغم بساطيتها ربت اولادها احسن تربيه والناس كلهم بيحسدونا على التربيه دى 

ونفسى اربى اولادى نفس تربيه  ماما وبابا

المهم

لو حصل طبعا  هشوف الموضوع وصل الى اى مدى طبعا  واشوف الولد ايه ظروفه وظروف اهله ومصير الحب ايه 

طبعا فى الصعيد كله بيعرف بعضه 

انا باتكلم على البيئه اللى انا فيها او اللى كنت فيها يارب يشفى عصام اخويا وارجع تانى اعيش بين احضان ماماوبابا 

وبس بالمنلقشه هجيب نتيجه ان الولد لسه قدامه كتير او هو ممكن يتقدم يبقى مهله وبعدين انفصال الثقه المبنيه قبل سابق هتكون ليها اثرها فى الاقتناع 

بالنصيحه 

ومش هتخالف ابدا كلام العقل 

والولد طبعا لازم اقابله واشوف ظروفه واسأل عليه 

واشوف هو بيلعب ولا ايه

واعرف هى عرفته منين واقطع السبيل للكلام معاه

الموضوع كله اقتناع ولازم العقل يقتنع الاول 

لان من غير اقتانع العقل مش هينفع 

ولان الطريق طويل للاى شاب ومش الارض مفروشه بالورود

الطريق لسه طويل قوى

لازم العقل  هو اللى يتكلم والقلب لازم يسكت

__________________

الولد  من حقه يحب ويمشى مع البنات لكن البنت لآ

مينفعش ؟

دى الافكار اللى تودى فى داهيه بصحيح 

سمعه الولد مش ممكن تستخبى ومن رأىء الولد سمعته اهم من البنت 

لان البنت على الاقل مستوره  فى بيت ابوها

لكن الولد على طول فى الشارع مع اصحابه  فى الشارع بيجيب طلبان على حد علمى مش عارف الاولاد بيعملوا ايه تلوقتى 

بس لازم الولد او البنت يحافظوا على سمعتهم وعلى اخلاقهم 

لانه بيكون ليه تأثير فيما بعد

على مستقبلهم 

وعل عقلهم وتصرافاتهم

واختيار الرفقه  مهم جدا

لنا عوده 

ونحلل من جديد  فى حياتنا