كتير بدخل على مدونات الاقيها مهجوره من اصحابها
وكتير بدخل صفحات او جروبات على الفيس بوك والاقيها مهجوره برضو
هنا ايو هنا مدونتى انا هجرتها كتير جدا
وللاسباب كتيره
انشغال او الفيس بوك
وكلنا عارفين ان الفيس سحب الكل
اليه
بس ياريت بلاش نهجر مدونتنا
عملت موضوعين عن المدونات المهجوره
بس اصحابها انتقلوا الى رحمه الله
واسم الموضوع اسم الموضوع اطلال مدون بعد الوفاه
ليه نموت نفسنا بايدينا
ليه نموت نفسنا واحنا عايشين وفينا النفس
نرتبط بناس ونهجرهم حتى بالدعاء
ومش نعرف عايشين ولا انتقلوا
ليه نكتب ونفتح باب
الفضفضه وبعد كده نقفله
ليه نهجر مدونتنا
اختى شمس النهار
واختى لولا
نصحونى اكتر من مره بعدم هجره المدونه
وفعلا كل مره بحس بحنين
بحس انى عاوز ابعبع اكتب
انتقد الوضع الحالى
اللى انا فيه
او اللى البلد فيه
اعيط افرح
مش شرط
حد يفهمنى المهم
اكتب وبس
مش شرط ان حد يفهم
او حتى يعلق
فى مدونين كثر بيكتبوا
ومش حد بيعلق عندهم
وفى ناس مش بتعلق على تعليق اللى بيدخلوا عندهم
ومش بيدخلوا عند حد
ده
مش تجاهل او استعلاء
لا ده دليل انهم عاوزين يكتبوا لنفسهم وبس
ياريت مش نهجر مكانا
وياريت ندعوا لمن مات منا من المدونين
ان يجعل مثواهم الجنه
وان يلحقنا بهم على خير
هناك 12 تعليقًا:
آمين
للأسف كتير من المدونين هجروا مدونتهم
وعملنا اكتر من حمله علشان نرجعهم وواضح اننا فشلنا
قلت طيب اعملوا لها يوم في الاسبوع
مافيش فايده
وفعلا في ناس تروح تعلق عندهم لابيردوا علي تعليقك ولا بيزوروا مدونتك
الحقيقه كنت الاول مش بيهمني المهم اني بطلع علي فكر اخر وبعلق عليه
لكن دلوقتي الحقيقه مش بزور واعلق غير عند اللي بيزروني وبيتفاعل معايا
ماهو مش هفضل اكلم نفسي يعني
اللي بعلق عنده ويرد عليا وبيجي يزورني ويتفاعل معايا بتواصل معاه
بلوجر ده الركن البعيد الهادي
او علي راي عم فؤاد نجم المكنه بتاعتنا
زعلانه بروح مدونتي افضفض لها فرحانه بروح مدونتي افرح معاها
يارب كل الطيور المهاجره ترجع
زى دلوقتى كده يا حوده لسه بدخل على بلوجر لقيت اسر بيعيط فقمت بس عند فى رجعت تانى ههههههههههههه
والله يا حوده عندك حق
وانا من فترة كتبت بوست شبه ده بالظبط ولكن مش نشرته
والفيس بوك فعلا اخد وقت الناس والكل استسهله وقرب كتير من بعض وده عمل مشاكل بينهم وده السخيف فيه بجد بقيت احس ان الفيس ده عامل زى الشارع اى حد بيعدى على اى حد من غير استأذان وده مضايقنى جدا منه
بلوجر اجمل واوقر كتير من الفيس بوك
ويارب ارجع زى الاول على بلوجر وياريت كل الناس تهتم بمدوناتها تانى
اتمنى بجد يرجعو بيتهم
موضوع جميل جدا يا حوده
وربنا يرحم امواتنا جميعا ويغفر لهم
مساء الغاردينيا أستاذ محمود
للأسف أعترف أن الفيسبوك وتويتر أبعدني عن مدونتي ولكن لازلت أسارع بعد مضي أسبوع أو أكثر بـ العودة رغم أنني أزور المدونات وأصدقائي قدر الإمكان وإن لم أقم بـ النشر في مدونتي ولكن صدقاً لم أحب أي من الفيس وتويتر كـ بلوجر هنا مكانك الخاص وحرفك وأصدقائك وحرية في التعبير والإحساس أكثر وللآمانة هنا أجد المثقفين والواعين أكثر من الفيس وتويتر أتمنى حقاً أن لانهجر مدوناتنا وأن يعود كل من هجر منزل حروفه في بلوجر "
؛؛
؛
جزاك الله خيراً
لروحك عبق الغاردينيا
كانت هنا
reemaas
بحب بلوجر اكتر
بحس فيه خصوصية اكتر
وبحس فيه اني سعيدة ومحدش بيخترق خصوصياتي وبكتب اللي بحسه مش زي الفيس بوك
بالعكس عمر يما هفك اقفل مدونتي ابدا
دي بنتي
ههههه انا لما قرأت اسمي اتخضيت
قولت انا اسمي هنا
عارف مسرحية محمد صبحي لما كان عامل ديكتاتور وبيقول للي بيصوره انا موجود
اهو انا عملت كدا عمالة ابحلق انا ده (: واقرأ السطرين اللي فاتو وارجع لاسمي انا اسمي ده ههههه
ربي يعزك يا محمود ... عندك حق المدونة وعالم التدوين مكانا الاصلي فيه
لولا
ربنا يرحم اموت امسلمين جميعا
انا مش بحب اهجر مدونتي بس كتير بيكون غصب عني انشغال ايام ورا بعض ومش ملاحقة اقرا ولا اكتب ولا انشر بس برضه برجع لها في الاخر حتي لو بكتب اي كلام
وبزعل لما مش بزور الناس الي بحب اقرالهم بس بيبقي غصب عني وببرجع برضه اقرا اللي فاتني
يارب يا شمس كل الطيور تعود من تانى
فعلا كلامك واقعى وانا مريت بالمرحله دى هجر المدونه صعب زى كده هجر القلوب والبيوت
جوجو
يارب يخلى اسرليكى يارب ويبارك لكم فيهم يارب....
فعلا كلنا بنعانى من مشكله الفيس الفيس ده سرقنا من بيوتنا ان شاء الله نرجع نفضفض وونعيط كمان
ريماس
الله اكبر لا قوة الا بالله انتى حوروفك لوحدها يا ريماس بتحسس اى حد انكلو حتى غيبتى مش غايبه حروفك والله بتجدد نفسها بنفسها الله اكبر
وعندك حق لازم نقعد فى بيتنا ونكتب ونفضفض ولو مره فى الشهر حتى منورانى
يارب يخليك بنتك يا رحاب يار ب
فعلا خصوصيه اكتر بكتييييييييييير
لولا
عندك حق مكانا الاصلى فعلا
ههههه
يارب يسعدايامك يارب ويدخل الفرحه فى قلبك دايما
نهر الحب
فعلا دوامه الحياه كبير ه
جدا
انا للاسف اخدت فتره طويله مش حتتى اعلق على الناس اللى بتدخل عندى وبطلت انشر وكده
بس حنيت تانى للمدونه ملناش بيت غيره
إرسال تعليق