الاباحيه فىمصر
فرحنا وهللنا فى موضوع غلق المواقع الاباحيه فى مصر
طبعا ما هو كل الشباب متجوز وطبعا الشغل للركب وطبعا كل ساكن فى شقق فخيمه طبعا وكمان ايه
حق الشهدا جه واعدمنا مباريك
وفلوسنا رجعت
وسينا اتحررت للمره العاشره
وبالطبع طائر النهضه اتجوز العمليه نسر
وتمخض الجبل فولد
قرار باغلاق المحلات فى العاشره
مساءا علشان الناس
تلحق تصلى الفجر
واصحاب ورديات الفجر من الشباب يعملوا ايه؟
واصحاب ورديات الفجر من الشباب يعملوا ايه؟
وقرار بغلق المواقع الاباحيه
كل القرارت غلق غلق مفيش فتح ابدا
متفق وحيوان مين يعترض على غلق المواقع الاباحيه بعد ما الناس فى العشوائيات شغالين على المواقع الاباحيه ليل نهار
يا عم والشباب مش بيروحوا الشغل علشان سهرانين على المواقع دى
الله يخليك يا مرسى فين مشروعك ؟
فين مشروعك يا مرسى واللى قولت انك هتوفع مش عارف كام مليار جنيه خلال 4 سنين رحت اقترضت من الصندوق الدولى وكان الربا حرام عندكم
لما مسكتوها حللتوها ايوه غلى السولار وغلى البنزين وغلى رغيف العيش اللى اصلا مش لاقينهم
بس المهم تقفل المواقع الاباحيه
يعنى تكاليف مبدئيه 100 ميلون جنيه علشان تغلق مواقع سكس مش كل الشعب اصلا بيدخل على النت
ومش كل الشعب عنده نت ولا حتى جهاز ولا حتى وصله
نت تلاقيه مشترك فيها
ياعم الحاج يا ايها القائمين على هذه البلد هناك اولويات
شوف متطلبات حياتنا
السولار مش موجود والاجره بتاعه المكروباصات
بقت الضعف والعيش ان اخر مره اكلت العيش ابو خمسه صاغ من 6 سنين
وكل الاسعار فى الطالع
طيب سيبك من ده
شغلونا يا حكومه
اعملوا مشروعات با100ميلون جنيه يا حكومه
بدل الاستثمارات فى البروتاهات
فى الساحل الشمالى والشل كل دقيقه فى الاعلانات
والناس مش لاقيين اوضه يعيشوا فيها
واكتر من 3 عائلات فى اوضه بص فى العشوائيات
دى مش اباحيه
اباحيه الناس فعلا مش لاقيه تاكل
يا مرسى عيب عليك وعيب على
مكتب الارشاد بتاعك بجد
بس المهم تقفل المواقع الاباحيه
فى السعوديه مش قفلوها
اتحد\ى اى حد هناك
مش عارف يدخل عليها بسهوله
مش موضوع اباحيه موضوع
اتقاء شر موجه ثوره ثانيه منن النت
وده مش هيحصل
اللى جاى ثوره عشوائيات
مد\مره
بس المهم المواقع الاباحيه تتقفل
اعمل مشروعات اعمل
مساكل حق انتفاع 5سنين للشباب وشغلهم بال100ميلون جنيه اللى هتصرفهم على الحجب
نضف العقول الاول
قبل ما تجبرهم على النضافه
حسبنا الله ونعم الوكيل\
_________________________
هناك 8 تعليقات:
زهقت يا محمود بجد من اللي بيحصل ف مصر
واحدة واحدة يا محمود
لولا
صدقت فى كلمتك:
نضف العقول الاول قبل ما تجبرهم على النضافه حسبنا الله ونعم الوكيل
هذه هى خلاصة الامر بالفعل
مهما عملوا الشعب لاييأس ابدا من ان يفعل مايريد
اى موقع واى شر واى خطيئة سيرتكبها الانسان لو كان عقله وقلبه لم يتطهر منها اولا ...نسأل الله العافية
تحياتى لك اخى العزيز بحجم السماء
والله يا رحاب انا زهقان اكتر منكم واتخنقت من اللى بشوفه انا مش بحب اكتب اصلا وفى حاجات اهم المفروض اكتب فيها بس الواحد بيحاول يتنفس
حاضر يا لولا وحده وحده بس اتخنقت من الواقع اللى محدش شايفه من الناس اللى فوق
حاضر يا لولا وحده وحده بس اتخنقت من الواقع اللى محدش شايفه من الناس اللى فوق
اختنا ليلى
مصر محتاجه نضافه عقول
مش اجبار على الفضيله
والله اسعدنى مرورك وكلامك صح مكيه فى الميه
مساء الغاردينيا محمود
طبيعي جداً ألا تتقبل مصر كل التغيرات الجديدة التي تحدث وإن كنت أرى أن الكبت سيولد الإنفجار ولكن ندعو الله أن تكون أحوال مصر بخير بإذن الله وأن يصب كل تغيير لما هو خير لها "
؛؛
؛
لروحك عبق الغاردينيا
كانت هنا
reemaas
إرسال تعليق