- يلا نتفق ان كل واحد مننا ليه
ذكريات كتيره وجميله
مع ناس حبايبه
ذكريات مع حب كان
ذكريات مع قلب
مع صديق مع اهله وناسه مع احبابه مع اصدقائه مدرسته
بيته جرانه
الطريق اللى بيمشى فيه\
المسجد اللى متعود يصلى فيه لآ كمان
الحته اللى بيحس فيها بارتياح
ذكريات
الماضى
اللى فات ونتمى تكون الذكرى
واقع او حتى جزء من الواقع
فاكر وشوش الناس اللى عشنا معها
اللى تلوقتى عباره عن صور
وحبه اسماء محدش يفتكرها
بازعل قوى لما ابص فى صوره الاقى
ملامح حلوة فاكرها كويس بس هو اتوفى
باحزن لما اشوف الملامح دى ومفتكرهش اسمها
ذكريات جميله هنا كنا
بنلعب كوره
وهنا كنا بنتمشى مع اصحابنا
وهنا كنا بنلعب تنس طاوله
والنادى ده كنا بنلعب فيه كره يد ونأجر الملعب
نلعب كوره قدم
هنا بقه اتدربنا على الكاراتيه بس مكملناش فيه
علشان اهلنا مكنش معاهم تمن بدله اللعبه
هنا بقه كنا بنشترى لبس العيد
ومن هنا كنا بنشترى الجزمه
هنا بقه محل الالعاب
امل كل واحد مننا ان حد يهديه اللعبه الفلانيه
او انه يحوش وابوه وامه يسمحوا له يكسر حصالته
انه يشترى لعبه بدل ما ابوه يستلفه الفلوس منه وطبعا
مش بيرجعها
هنا بقه المعهد الدينى اللى كنا فيه
وبتاع الكشرى اللى كنا بنشترى منه
والبقال اللى كنا بنجيب منه حاجاتنا وكمان
بتاع الطعميه اللى كان بيجيب لينا الطعميه لغايه الفصل
علشان
ابن صاحب المحل معانا فى الفصل
وحبيب شيخ المعهد
هنا بيت مدرس الانجليزى وده بيت
مدرس الكيمياء
انما ده بتاع الرياضه
ده بقه بتاع النحو
استنى استنى ده مين ده
الشيخ فلان اللى كان بيدينا فقه فى المعهد
نظره حانيه وابتسامه وتربيت على الكتف
ونتوه فى دوامه الزمن اهو كبرنا ورحنا الجامعه
واتفرقنا وبقيت ذكريات
ذكريات تذورها الرياح حبه صور على حبه ارقام تليفونات
على على على
بس اللى بيفضل الامكان ليها
فى القلب مكان فعلا خصوصا المساجد
ياااااااااه كل مسجد بالنسبه لى حكايه
وروح ونسيم واحساس بشم فيه انفاس اللى كانوا بيصواو فى المسجد من عشرات السنين
ولما كنت بغيب عن جامع واروحله بحس انه
بيحضنى جامد
ياااااااااااااااااااااااااااااااه على الزمان
تلوقتى خلاص الاصحاب اتفرقوا
وكمان الاحباب
وكمان الاصدقاء اللى كنا واتمننا ااننا نعيش معاهم بدل اهلينا
واللى فضل معانا انا وبس
حتى اعز الاصحاب تاه فى دوامه الحياه
ورجعنا من جديد
وخرجنا من دنيانا بحبه ذكريات
هناك 8 تعليقات:
كلها ذكريات حلوة
منقدرش ننساها
حتى لو الاصحاب اتفرقوا و ناس ارتحلت لرحمه ربنا الذكرى باقيه و الاماكن بتحكي و بتبقى حاضنه و حافظة الذكريات الجميله و القاسية كمان
:
جعلنا و اياكم من اصحاب الذكرى الطيبة في قلوب من تركناهم خلفنا
انا بحس ان احاجة الحيدة البتخلينا نعرف نعيش هية الذكريات
كل جاجة في الاخر بتكن ذكرة بس الصح اننا نخليها ذكرى جميلة
تسلم ايدك على الموضوع الرائع دا
الذكريات بتعيد نفسها
يعني كل شوية
بنقابل ناس وبنعمل صداقات جديدة
وبرضوا بتبقا ذكريات
هى ايام نعيشها و غدا ستبقى ذكرى
الذكريات اهم شىء فى حياتنا وهناك ايام واشخاص ستبقى فى الذاكرة للابد
كل هذه الذكريات من اجمل ايام العمر
ربنا يسعد ايامك دائما
تحياتى
اجمل حاجه الذكريات بحلوها وبمرها
ربنا يسعد ايامك
و احيك على اسلوبك المتميز فى التدوين
و ان شاء الله المتابعة لك مستمرة .
محدش يقدر يتخلى عن ذكرياته ..هنفضل نعيش فيها مهما كان الحاضر والمستقبل
إرسال تعليق